阿里郎熱狗棒

旺角一向是掃街天堂，今次經過韓國人氣過江龍 Arirang Hotdog阿里郎熱狗棒首嚐韓式街頭小食。熱狗棒有多款口味，還可搭配其他小食、飲品轉成套餐，更加抵食。下單後即叫即製，等大約十分鐘就可pick up。食客還可以隨意添加不同的沾醬，如茄汁、蜂蜜芥末醬、車打芝士醬和甜辣醬，自行混出個性化的熱狗棒。外賣紙盒包裝夠穩固，即使長途跋涉返回家中，內裡的熱狗棒都沒被壓得扁塌變型，也可防止配料散開。今次就點了S2和S4兩個套餐和一份小食，份量十足。S2 任意熱狗四個組合 $120熱狗大致分為基本款和芝士拉絲兩個系列，套餐就可一次試齊四個款式，選了薯條鴛鴦芝腸、雙重芝士拉絲、芝薯拉絲及鴛鴦芝腸熱狗棒。熱狗棒外層用上麵包糠混合麵糰和大米，炸至金黃鬆脆，裹上白糖也是韓式熱狗的特色。我自己就最愛薯粒熱狗款式，表面附上一粒粒脆薯，格外脆口有層次。芝士拉絲熱狗棒中間注滿軟滑的流心芝士，拉絲效果突出，視覺感十足，賣相絕對夠「IGable」。內裡是被蓬鬆柔軟麵糰包裹著的熱狗腸，咬一口腸衣炸開，肉汁在口中四濺。S4 芝士球5粒+炸薯條組合 $40芝士球外觀看起來有點像麻糬波波，同樣都是即點即製，熱得盪口。芝士波波以Q彈外皮包裹著香濃芝士內餡，大口咬下立即爆漿牽絲。懷舊風的曲薯條炸得酥脆，肉心軟綿細密。阿里郎玫瑰炒年糕 $35比起一般韓式傳統香辣的炒年糕，最新推出的玫瑰炒年糕將忌廉以及韓式辣椒醬混在一起，營造出淡淡的粉紅色，減低辣度。年糕口感軟綿黏糯，煙韌QQ富彈性，不過對於本身不嗜辣的我，就不太合我口味。…查看更多

這店的韓式拉絲芝士熱狗一直想試很久，終於來吃了。熱狗分2大系列，熱狗腸跟芝士系列，最後點了薯條駌鴦芝腸熱狗棒及雙重芝士拉絲熱狗棒各一。等待熱狗的途中，又點了2個甜品—水蜜桃Peach cream rice cake及Omegi cream rice cake等了約十分鐘便取得外賣。即使攤凍了數十分鐘的熱狗棒仍保持脆度，外賣會附上番茄醬及蜂蜜黃芥末醬；醬汁很夾！為麵包增添多份滋味。薯條駌鴦芝腸熱狗棒這個組合真的「無得輸」，車打芝士、拉絲的水牛芝士加上熱狗腸，咸香味十足亦口感十足，再配上外邊的薯條粒，很邪惡但很美味。雙重芝士拉絲熱狗這裡的拉絲芝士比例更高，每一口都咬到芝士，最正宗的食法原來是要沾上砂糖及醬料吃的，咸甜咸甜的味道不消一會已KO兩條熱狗棒。至於甜品cream rice cake，跟日式的雪米糍大同小異，不過烏梅不太經常吃到，味道酸酸的，且烏梅味亦挺出的，不錯喔。…查看更多

今日經過旺角見到韓國的芝士熱狗棒，真令人懷念，疫情之下無得旅遊，係香港嘆下韓國美食，感覺滿足。連濟洲島的美食都有，就係柑橘同糯米滋。熱狗棒有8款，分別有熱狗腸的4個口味，和4個芝士口味，價錢 $28-38，仲有多士、雪糕、糯米滋……熱狗棒配不同調味粉及醬料，口味多變又夾，先由店員加砂糖，再自行加調味粉，最後加醬料就食得。當日有芝士粉、蜂蜜牛油粉，醬料有茄醬、蜜糖芥末、芝士芥末、泰式辣醬。我就加左蜂蜜牛油粉，好香呀。還有茄醬及芝士芥末醬。加左砂糖甜甜地，又帶牛油香，芝士的咸香，仲有蜜糖的香甜……味道豐富，而且各款味都平衡同夾。雙重芝士拉絲熱狗棒 $34最吸引緊係雙重芝士，超多芝士爆出黎，有芝士咸香同奶味，又做到拉絲效果，非常邪惡但又極誘人，真係食唔停口，呢款無腸的，食完岩岩好，唔會好膩。蝦多士 $42睇店員製作過程已經好正，加牛油煎烘多士，煎蛋口感鬆軟嫩滑，配埋炸脆蝦餅，肉質爽彈有蝦肉口感，仲有椰菜絲增加爽脆感，加埋配搭好的醬料，非常好味，又大份又飽肚。最後食埋冰凍糯米滋做甜品，左邊裸裝柑橘糯米滋 $20，右邊芝士味糯米滋 $20原粒柑橘做餡料，冰涼甘甜又多汁，配紅豆餡更香甜，紅豆蓉細滑唔膩，糯米滋皮薄爆餡好正。芝士味糯米滋 $20芝士味突出，帶點奶香又唔膩，估唔到咸味配紅豆蓉甜味，又幾夾幾特別，微彈糯米皮好咬口，呢款更好味。…查看更多

熱狗食得多，條狀嘅熱狗真係未試過，今日就去呢度食嘢熱狗就係用一個包包住條腸，而熱狗棒就可以包住芝士，加上成支熱狗即叫即炸，為「熱狗」帶嚟新定義雙重芝士拉絲熱狗棒（$34）初頭我以為支熱狗棒係細細支，不過實際上都有大約 15cm 長，同一般嘅熱狗差唔多大細外層係炸麵粉漿，內層嘅芝士同一條腸仔差唔多粗，咬落外層係幾脆口，至於芝士就比較杰，試過拉到一次絲嘅，不過冇想象中咁惹味個人覺得其實可以食一次嘅，始終都比較特別，不過$34就食唔飽我，呢樣就差小小…查看更多

韓國嘅味道竟然喺香港旺角嘅鬧市入面食得到！而且仲要份量足夠，價錢亦一啲都唔貴！我同佢黎到，一人嗌左一條，話明人氣熱狗，而且係即叫即炸，所以要等的。不過都唔係要等好耐，等候時間合理，大概10至15份鐘，話晒都係星期六，有翻咁上下嘅人流。嗌完之後有個醬汁好充足嘅醬料區俾你調味，有傳統茄汁，芝士醬，芥末醬，泰式醬，白色嗰一兜就係甜甜地嘅椰子粉，店員特別介紹係可以中和炸粉嘅油，食落唔會膩！我嗌左嘅薯條炸熱狗，面頭鋪滿炸脆左嘅薯條，加埋入面大大條嘅腸，充滿驚喜嘅口感另外黑色嗰條係雙重芝士拉絲熱狗，咬落十分之軟熟，仲要夾住好有份量嘅芝士！正！…查看更多

人流密集嘅旺角街頭最近多咗間由韓國來嘅街頭小食，是能夠拉絲的熱狗棒！！雖然門口已有滿滿嘅顧客等候，但〈小肥兔〉還是很想試！！雖然只有八款口味的熱狗棒供選擇，但款款都好吸引，要諗食邊種都要花點時間去考慮下。🤔🤔🤔最後我們選擇了三款芝士的熱狗棒作嘗試。現場還有六款醬汁和三款調味粉可以讓食客隨自己心意添加在熱狗棒上，盡情發揮創意~~〈芝薯拉絲熱狗棒〉熱狗棒上沾滿切成小粒狀的薯仔，光看外表已經非常特別一口咬落去果然滿滿的拉絲！！🧀🧀🧀除了滿滿的芝士外還有濃郁的薯仔香，就好像在吃芝士薯蓉，正！！〈雙重芝士拉絲熱狗棒〉作為芝士控當然要選擇〈雙重芝士〉來試試。😅😅😅內裏的芝士雖然不及剛才的多，但芝士的味道更為濃郁而且更富層次感，芝味取勝。💪💪💪那當然還是能輕易拉絲才是重點。〈墨汁芝士熱狗棒〉最後還選了一款另類一點的熱狗棒，想不到墨汁也能混醬熱狗棒中， 既有海鮮香而且還有腸仔作餡料，嘻嘻嘻…查看更多

同朋友喺旺角行街, 行行下肚餓大熱天時又無咩胃口食太多野決定簡單醫下肚就算數就發現左呢間<阿里郎熱狗棒>店面不大企滿左排隊同埋等候嘅客人~我同朋友分別叫左雙重芝士拉絲熱狗棒同芝薯拉絲熱狗棒各一等左無耐, 就食得了~$34一條熱狗棒,裡面裝滿香濃的芝士仲可以邊食邊拉絲, 好玩又好味~芝薯拉絲啱曬中意薯仔嘅朋友, 入口除左芝士外仲有口感十足的薯仔粒~非常美味~我地各自食左一條熱狗棒之後, 都仲係覺得意猶未盡所以再嗌多左個招牌阿里郎熱狗棒黎share香脆嘅外層加上美味嘅熱狗腸真係睇到都令人食指大動~店舖入面仲有自助調味站比大家選擇啱心水嘅醬料我同朋友食完都覺得好滿足~下次再有機會, 我都一定會再幫襯的!…查看更多