投鮮食

我哋呢一日嘅午餐買外賣食。去咗旺角新世紀廣場附近呢間食店。食店嘅位置其實喺往太子方向花園街天橋下電梯口再行返入去橋底方向，平時雖然都常常在依一區附近，但係我地忽略咗依度有間小店。店仔細細，但係裏便嘅嘢都幾吸引。餐牌嘅選擇都好多，都係我哋鍾意食嘅嘢。猶豫左好耐，我哋決定今日我哋叫兩個餐都主要食牛。佢哋嘅餐盒好得意。我哋叫咗兩個主食，一杯飲品。牛肉味道香濃，充滿油香。溫泉蛋加埋入個飯一齊食好好味！漢堡包份量十足，牛肉味道香濃，配菜及蕃茄片都好新鮮！薯條外脆內軟，沙律菜清新，醬汁酸酸甜甜。呢杯朱古力非常濃郁，甜度啱啱好，忍唔住一啖接一啖咁樣飲。其實依間店總括來講都幾有驚喜，有點意想不到佢地食物嘅質素都好好！下次我哋想再試吓佢嘅下午茶餐😊 …Read More

餐廳用上各國盛產既食材，例如日本和牛，韓國泡菜等，製作多款餸菜。各個時段都有唔同set可以選擇。叫左晚航特投set($90)，有1個主食，3款小食、1個飲品。再叫鰻魚炒飯(特上空投)($50)，主食加配特調飲品(+$18)。主食雙重和牛飯有大量和牛厚粒、和牛牛肉片，可以雙重享受和牛既油香及濃郁既牛肉味。燒完之後，和牛冇變韌，仲keep住d肉汁。而且有大量西蘭花、椰菜花，添加色彩之餘，仲好健康。d飯吸哂牛肉汁同肉味，配飯一流，飯量亦唔少。3款小食分別有蟹肉忌廉薯餅、吉列炸蟹鉗、北海道原隻吉列炸蝦。吉列炸蝦炸粉皮薄薄一層，蝦肉結實。蟹肉忌廉薯餅有驚喜，蟹肉鮮甜，混合忌廉打成團狀再炸，口感幼滑，一咬就好似流心咁d餡湧哂出黎，重點係一d都唔膩，仲好脆身。而炸蟹鉗既蟹肉部份大大粒，肉結實，就算過左一陣先食，依然脆，外皮冇變軟。除左dinner set豐富之外，鰻魚炒飯好值得叫黎食。加入大量鰻魚厚粒、紫菜絲一齊炒，每粒飯都沾上燒汁，而且炒到粒粒分明。面頭仲灑上好多蟹籽，啖啖都食到。而且份量好大盒，好飽肚，好難得食到咁足料既鰻魚炒飯。牛奶抹茶幼沙將冰粒打到變幼沙，第一啖飲落口，竟然出奇地有好濃烈既抹茶味，好驚喜，而且牛奶味重，甜度適中，一流。手調氣泡既荔枝味重，唔會假甜，而且一大杯。整體，好有誠意製作食物既店鋪，由主食到小食都做得好出色，重點係用料十足。…Read More

主打外賣嘅小食店，以「空投」作為主題，俾咗唔同菜式一個等級，而外賣盒都係四四方方，做到好似補給物咁。晚市提供咗dinner set，包1款主食、3款炸物小食、1客湯品/飲品。套餐 雙重和牛飯，有滿滿嘅和牛粒同和牛片，肉味非常濃郁，和牛粒勝在口感，和牛片香口十足。飯都唔係普通嘅白飯，而係有少少牛肉汁。旁邊仲有唔少蔬菜，唔怕食外賣會唔健康。3款小食係蟹肉忌廉薯餅、吉列炸蝦、炸蟹鉗。炸物都炸得脆卜卜，最值得一試嘅係蟹肉忌廉薯餅，香脆嘅外皮包住流心嘅忌廉，反而蟹肉同薯味比較淡。另外再點咗意式峰蜜薯條，粗切薯條，焗完後非常焦香，甜甜脆脆~雖然係小店，但係飲品方面都落足心機，有沙冰、果茶、氣泡、特調熱飲等等。暗黑朱古力幼沙，朱古力味非常重，冰感十足，消暑一流。荔枝氣泡，飲得出清甜嘅飲荔枝肉味，一啲都唔係加咗調味劑，飲完成個人都好清爽~…Read More

這間是主打外賣，有不同的日式飯可以選擇，我就選擇了IG推薦的雙重和牛飯，因為本人太喜歡吃牛肉了。這間店的雙重和牛飯有兩款牛肉：肉片和肉粒。肉粒好吃過肉片，因為肉粒軟腍，充滿肉汁，有強烈的牛香味，但肉片就偏乾，不夠汁，不過肥瘦均勻，不會覺得太油膩，有少少的椰菜和適量的飯，是上班一族和學生的福音。值得一提是肉片數量超多，覆蓋晒所有飯，以53元的價錢來說，真是物超所值，好過一些大集團的牛肉飯，以後可以多些來光顧。…Read More