Loop Kulture

營業中

休息中

深水埗真係有好多Cafe,呢間「Loop Kulture」環境唔錯,有啲綠色植物擺設,主要用左木系色調,感覺幾休閑幾舒服🌲《西班牙薯蛋配巴馬火腿 $78》呢個西班牙薯蛋啲薯仔係切成一片片,有啲薯片焗到好脆,好有口感,兩隻蛋黃都係流心架🤤配埋啲巴馬火腿提升返少少咸味,仲有啲菠菜balance返,成個組合都幾夾👍🏻《粉紅石榴冰茶 $50》用左紅石榴同番石榴原汁新鮮壓榨而成,賣相好靚,有兩層顏色,上層係粉紅色,下層就白色,杯飲品味道好清新,唔會好似平時啲果汁咁甜,推薦😚《開心果牛油果奶昔 $52》呢杯必點!!超好飲,好香開心果味,加埋牛油果口感好smooth,好好飲👍🏻Loop Kulture深水埗鴨寮街90號地舖[⭐️5分為滿分]味道⭐️⭐️⭐️⭐️⭐️環境⭐️⭐️⭐️⭐️⭐️服務⭐️⭐️⭐️⭐️⭐️價錢⭐️⭐️⭐️推薦⭐️⭐️⭐️⭐️⭐️

大南街固然多cafe 小店, 但係過多一條街,都有幾間特色又舒服既cafe。呢間有2層, 上面個層就行露營射格, 有帳篷, 營燈, 露營櫈等既佈置, 好岩打卡影相。·下面個層就用左好多木箱做檯櫈, 都好得意, counter 側邊仲有個corner 係放有機零食, nuts ，行環保無包裝, 要幾多量幾多, 冇帶容器, 呢度都有紙袋可以裝。·呢間仲係pet friendly, 會有少量寄賣既寵物零食同用品。·食物選擇都幾多, 套餐, 輕食, 甜品都有, 我平日晏就去, 所以就叫左佢地既combo deals:90咖哩虎蝦配彼得包 $138(香煎虎蝦, 薯仔, 紅蘿蔔, 蕃茄, 西芹, 洋蔥, 炸蒜, 彼得包)上面既虎蝦真係好大, 仲要煎香左, 食落啖啖肉。·咖哩濃稠, 味道微甜微辣, 易入口, 將咖哩同材料夾係包到, 好好食, 最後忍唔住要用包刮曬黎食。·開心果牛油果奶昔 $52 (套餐可以減$10)職員話每日都會用新鮮既牛油果去打, 飲得出係落足料, 濃郁既口感。·整體環境舒服, 音樂聲都唔會過大

近年越來越多特色小店同咖啡店進駐深水埗，深水埗唔再係龍蛇混集嘅地方，並逐漸變成一個文青小區，今日約咗朋友係深水埗嘅咖啡店打躉一下，最後揀咗Loop Kulture。餐廳一共有兩層，入面佈滿植物，傢俬全部係木製，營造出大自然既感覺，非常治癒。餐廳亦有售賣健康零食，有機食物甚至生活用品。- 欖油蒜香雞肉意粉（HKD1️⃣0️⃣8️⃣)意粉軟硬程度適中，係心目中Al Dante既口感，欖油蒜香加芝士呢個組合無得輸，香味十足。雞肉份量多，而且切得好細，非常惹味。- 開心果牛油果奶昔奶昔質感幼滑綿密，隱約飲到開心果既味道。希望下次嚟可以試到餐廳嘅法式多士同咖啡😍

難得放假去深水埗多Cafe嘅地方搵野食🙊 今日嚟到嘅呢間餐廳好適合打卡 外觀雖然唔係太過吸引 但裏面嘅裝修絕對值得打卡📸️同朋友兩人諗住食個簡便嘅Tea 就一人一杯嘢飲同share咗一個主食🤭 賣相都好豐富焦糖香蕉樹頭麵包賣相已經好靚🥰 menu已經寫明要等二十分鐘 但係好值得等待🤤 食材方面 有焦糖香蕉 無花果 藍莓 楓糖 伯爵茶意式雪糕 再配埋樹頭麵包🥯 係一個好豐富又飽肚嘅甜品🍮 樹頭麵包質地比較濕 有啲似麵包布甸嘅口感 再加伯爵茶雪糕 每一啖都好有驚喜朱古力咖啡有個簡單嘅心形拉花 朱古力味都幾香濃🍫 開心果牛油果奶昔呢杯都幾特別 望個名都知道感覺會好Rich🥛 質感比較杰身 面頭仲有開心果碎🥑 不過飲完都比較飽😹 如果想簡單食個輕便tea 可能呢個奶昔就唔係咁適合啦🤭深水埗有好多唔同嘅Cafe 個人覺得呢間都值回票價 食物質素亦都唔錯😻

一心為左佢既toast而黎 ....但當日3點黎到呢到全部toast都已經賣晒（假日）🙈🙈咁我地就嗌左個煙三文魚水波蛋配酸種麵包,開心果牛油果奶昔,mocha同埋焙茶latte(ice)🤤🤤最最最有驚喜竟然係個開心果牛油果奶昔......勁香開心果味！！！！反而牛油果味唔重，所以怕食牛油果既朋友都可以一試！！！！絕對係足料！！好濃郁冇兒戲！！！2位朋友都一致會為左呢杯奶昔返轉頭🤣🤣🤣🤣🤣🤣而個sourdough同mocha就不過不失～但朋友話個焙茶latte好淡....冇乜焙茶味～但佢好得意,杯latte係無糖,佢有個棉花糖比你自己調味,呢個係幾得意既🤩BTW,staff服務都好好！見我地3個女仔想影相,好主動過黎幫我地影,so sweet!🥰🙏

#LOOP 招牌飲品，兜頭將啲熱咖啡淋落嚿椰子水冰等啲冰融到咁上下杯咖啡唔單止有椰子味仲會冇咁苦#開心果牛油果奶昔 杯奶昔勁厚身而且開心果味超重而且佢只係微甜 (罪疚感大大降低)只係我食唔出牛油果 (定係其實佢根本係冇味呢😂)#阿華田乳酪碗 落order時走咗香蕉，店員都特登加返多啲其他生果(我對面嗰個就係不停講：好好食~好好食~好好食~😂)#香辣北非蛋配酸種麵包 就係將半熟蛋+洋蔥+彩椒+蕃茄+辣椒+芝士撈埋然後配麵包食其實平時嘅我就唔係太好麵包不過今次配埋呢堆酸酸辣辣嘅配料都幾啱我口味清新得嚟又開胃#繽紛雜果樹頭麵包佢外形睇落似嚿西多士，但佢裡面又真係麵包布丁嘅texture總之佢熱辣辣即刻焗出嚟就外脆內軟而個粉紅石榴意式雪糕隻味好自然，一啲都唔人造總括而言，食物質素唔錯，賣相亦都好好，不過性價比唔高店舖嘅裝修係以園林為主題，整個環境都令人覺得好舒服唯一嘅問題係我坐正喺門口位，太陽西斜曬到我隻腳著火lol