YuMo芝士蛋糕專門店

營業中

休息中

💚開心果巴斯克（$62）🍫生朱古力麻糬巴斯克（$56）☕️咖啡冧酒巴斯克（$50）價錢定位係有啲進取，但真心好食架喎！🌟巴斯克creamy得嚟，芝士香十足~喜歡佢中間軟心順滑，旁邊就比較實在，食到兩種唔同口感👍🏻值得一提，好難得有開心果嘅product可以有咁出嘅nut味😬咖啡味☕️都做得好好，苦得來中和咗芝士嘅膩感，呢個我絕對可以一個人食晒😆(唔計卡路里嘅話)我就唔推麻糬款巴斯克，麻糬做得麻麻，口感一般，唔太夾，唔係好知佢存在嘅原因🤣

本身諗住睇吓有咩正餐食，但行行吓經過呢間芝士蛋糕專門店，朋友話呢間好出名，而且天氣又好熱，所以就入去涼下冷氣，順便揀兩件cake坐喺度食。本身對芝士蛋糕唔係特別太喜好，但今次試咗兩件，覺得其中一件特別非常出色。檸檬紐約芝士 $38我覺得呢間喺香港嚟講算做得幾好，因為本身平時都鍾意食酸嘢，而且呢個酸味同芝士夾埋一齊，識落一啲都唔覺得會好膩，可能對其他人嚟講，紐約芝士好多地方都有得食，但我認為個檸檬配合做得非常之好，建議大家可以試一個基本嘅款先。開心果巴斯克 $62唔知係咪之前喺第二間試過Gelato開心果味，所以覺得呢件嘅開心果味唔係好突出，如果開心果味再突出啲嘅話咁就完美啦，因為時間焗得非常之好，唔會實的的，中間仲係軟身嘅。下次再去既時候再試其他味，因為仲有好多款揀。其實香港有好多呢啲好出色嘅小店，只係因為租金太貴，令呢啲有潛質嘅小店控制佢哋嘅發展空間，希望佢哋可以越做越好。

今日同太太一齊放假，一於去荃灣搵野食，食左間出名米線，之後老婆話要食甜品，米線鋪邊到有甜品，跟住上網搵google有幾間推介，咁見到呢間芝士餅🎂老婆又勁鍾意咪去試下去到鋪頭都易搵，門面裝修乾淨應該開左無耐，咁入到店內有個蛋糕櫃都幾多款式揀，咁老婆就揀左個$62開心果巴斯克，見落緊雨問一問店員可唔可以係到食，店員好禮貌話可以係到食比埋餐具，本身我唔好甜品食左一角仔，覺得佢好滑，口感軟身，入口即溶，開心果味幾出，芝士味又唔會蓋過開心果，做得幾平衡，係我意想不到😱，師傅有啲功夫係到👍🏻如果我諗起食蛋糕或者生日會去呢到買，因為我唔食甜品都覺得好食，老婆唔駛講啦甜品第二個胃👍🏻