紅蔥頭

營業中

休息中

今日同朋友系深水埗買完野，揀咗間呢區比較出名既親子餐廳去試下，一入去已見到玩具、燈箱或精品都用咗熊仔做主題，亦有兒童圖書可借閱。環境整體上以懷舊歐陸式設計，寬敞舒適；燈色柔和昏暗。💫軟殼蟹牛肝菌意粉 $95軟殼蟹都好大隻且炸到脆卜卜意粉掛到汁夠味，同時有三色椒，椰菜同菇等配料作襯托～💫鮮茄蜜燒鳳梨焗豚肉飯 $78豬扒去骨好大件啖啖肉，肉質軟腍且鎖到肉汁；蕃茄&鳳梨味突出，甜甜酸酸咁幾開胃。💫鐵板肉眼扒 $159我叫咗七成熟，厚薄恰到好處，咬落去有肉汁。肉質細嫩鬆軟呈粉紅色，唔會覺得燒過火而覺得肉質乾身。另配上薯條，西蘭花，車厘茄＆粟米。💫百老匯雪糕球 $32揀朱古力味＆雲呢拿口味質感幼滑且甜度合適。另表面會有彩糖針＆朱古力醬作襯托；口感豐富～💫餐湯＆牛油法包 (跟餐）忌廉湯濃郁稠身有唔少磨菇系入面，法包充滿蒜香味，脆卜卜好好食～💫涷奶茶(跟餐)調配比例岩岩好，叫左多奶但都無蓋過茶味📍深水埗欽州街37號西九龍中心6樓601C號舖

抵食高質二人餐👩🏻‍🤝‍👨🏼可愛熊仔伴食👨‍🍳紅蔥頭🧅（深水埗）今次嚟咗深水埗既西九龍中心搵野食，深水埗野食出名又平又大碟！今次同朋友一齊嚟到可愛既熊公仔餐廳，重拾童心🥰一入到門口已經有好大隻熊仔啦🐻餐廳有多個打卡位，記得影多幾張相☺️座位好舒適，夠曬寛敞，家庭聚會嚟都啱曬😆🌹我地當日叫咗一個299二人套餐，套餐包括餐湯、餐包、前菜、兩道主菜、甜品及飲品🤗性價比超高😍✨二人歐陸式濃湯餐湯係羅宋湯🍅蔬菜好足料，好香濃嘅蕃茄牛肉味，帶少少微辣🍲✨牛油蒜蓉法包蒜蓉包好香蒜蓉味，配上法包烤得香脆可口，超鬆化😆✨法式香草牛油焗田螺必點前菜‼️幼滑香濃既蒜蓉配上爽滑彈牙既田螺😍滋味無窮，醬汁好入味，田螺好大粒🤩估唔到咁高質既菜式哩度有齊曬🥰✨鐵板肉眼扒🥩肉眼扒好厚，燒得好香，外皮脆脆的，我地叫咗五成熟，肉質粉嫩，唔乾柴，配上蒜蓉醬，味道濃郁，好惹味🤩跟餐仲有薯條😍份量好足，大家一定要試吓🤗✨香草忌廉龍利飯好濃稠嘅忌廉汁，奶味香濃，龍利柳煎得好香脆，魚肉好嫩滑，保持住肉汁😋✨自家製心太軟 +$19🍮呢度嘅心太軟好出名，差唔多個個入嚟嘅客人都會選擇，惠顧套餐加$19就可以轉心太軟😍心太軟製作時間約15分鐘

黑松露蟹籽帶子黃金意大利飯 $108有3粒大大粒帶子，飯粒咬落幾有口感，另外再混入少量粟米，令口感更豐富，食多幾啖都唔會好易膩。+左$28 有羅宋湯蒜茸包，羅宋湯酸酸甜甜，幾開胃，蒜蓉包焗到脆卜卜，唔錯～鐵板肉眼扒 $155一入到餐廳，已經聞到好香的鐵板扒味，糾結緊叫肉眼定西冷好，最後決定叫左肉眼，果然無嗌錯，肉眼size 都幾大塊幾厚身，order 左7成熟，切開有少少血紅色，剛剛好，口感軟腍，另外，幾欣賞啲薯條唔會變淋哂，仲keep到好脆

餐廳：紅蔥頭地區：深水埗地址：深水埗欽州街37號西九龍中心6樓601C號舖日期：10/6/2022時間：19:50人數：2人 等位： 0 min價錢： ＄402.6超抵食嘅🌟 $299二人套餐🌟- 芝士白汁焗青口- 鐵板肉眼扒👍🏻👍🏻👍🏻👍🏻👍🏻- 意大利魷魚墨汁意粉- 附白湯、蒜蓉包、雪糕同餐飲🌟芝士白汁焗青口🌟一份有4隻青口，全部都大大隻，啲芝士比咗勁多😂食落完全唔會腥，而且好有罪惡感🙈真心幾好食😋芝士控必食！🌟 🌟 🌟鐵板肉眼扒🌟 🌟 🌟超超超超超級好味嘅鐵板肉眼扒！👍🏻叫咗7成熟，上菜應該5-6成左右，靠鐵板再加熱，扒嘅熟度控制得非常好！值得一讚👍🏻而塊肉眼扒食落非常嫩滑，唔需要過多嘅嘴嚼，再加上蒜蓉汁食真係好正😍無得輸！大推！😝🌟意大利魷魚墨汁意粉🌟墨汁意粉收汁做得唔錯，味道都夠，而且佢加咗橄欖油令意粉更滑身，唔錯唔錯👍🏻🌟意式炸烏賊🌟$48每隻魷魚圈好多肉🤩炸得又脆又香口，而炸衣就似打冷炸蠔餅咁，口感一流，食整唔膩！😙