熊小館

營業中

休息中

是日為公衆假期，一於帶埋小朋友黎呢間位於Megabox既熊小館食野。兩點三到，有條人龍喺門口等位，好彩唔洗等好耐就有位。上次帶阿囝黎過一次，阿囝都幾鍾意呢間主題係Bear Bear 熊既親子餐廳。入面真係有好多熊Bear Bear公仔同裝飾。疫情緩和左，兒童玩樂區終於開返。等食時細路可以喺度玩，大人就可以抖抖。我地嗰枱有一隻座枱Bear Bear陪我地食野。講返野食先，全日套餐好多選擇，唔同肉類，海鮮，素食，飯，意粉等等都有。下午茶餐主力好似係吐司，不過意粉，飯，肉，三文治，心太軟都有。各款餐配熱咖啡或茶，凍飲橙汁汽水加$3，全日套餐配湯及牛油法包加$6，配是日沙律或甜品加$9。仲有適合細路嘅小熊套餐同烤美國安格斯漢堡伴炸薯條餐。今日主攻下午茶餐，叫兩個黎試試先，另外再叫左午市同下午茶平$20嘅烤美國安格斯漢堡伴炸薯條。烤美國安格斯漢堡伴炸薯條附加煎蛋 $78 煎蛋另加$5 再另加一烤美國安格斯漢堡份量都唔細。面頭塊包滿佈白芝麻粒，又揸左牛油，明顯烘過所以都脆脆哋。下面就係加錢叫嘅少少流汁煎蛋，之後就係幾厚身嘅牛肉漢堡扒，雖然全熟但係都唔乾，下面墊有番茄片同生菜絲。雖然冇額外醬汁，但係

早排係寶琳食過呢間熊小館，用餐環境好靚，比好多熊仔圍繞住，簡單係童心爆發，今見嚟咗MegaBox，發現有間分店，於是決定再encore 😚烤美國安格斯漢堡伴炸薯條 (優惠價：$78)- 安格斯牛肉牛味濃郁，肉質鮮嫩多汁，外皮微微香焦，配搭埋清新爽脆嘅菜同蕃茄，每啖都好滋味😍- 炸薯條都超正，粗身大條，油香味十足，外脆內軟，簡單係有水準嘅薯條🍟小熊套餐B ($68)- 套餐B有肉醬意粉、腸仔、牛油粟米、小熊啫喱同橙汁，配料款式多樣，腸仔結實札身，肉醬意粉調味適中，牛油粟米香甜微鹹，啱晒小朋友口味，仲有小熊啫喱作為甜品，又睇得又食得，配搭一流😍鐵板一口牛 ($54)- 上次食過之後念念不忘，今次又叫番，牛肉粒鮮嫩，表皮微焦，加埋香甜濃稠嘅醬汁好好味啊😋- 個薯蓉更多係冇得彈，熱辣辣香噴噴，仲帶點雲呢拿香味，綿密得嚟又唔會太膩，超級推薦☺️餐廳闊落，企理乾淨，今次用餐經驗同樣都係非常之好😊

👍🏻環境:10分適合帶小朋友前來，設置兒童區俾小朋友玩(但疫情嚴重冇開放)，有好多圖書睇同熊啤啤，有bb椅提供，有兒童餐添！每張枱都有隻小熊可以打卡用，充滿童真，仲設有生日打卡位，影相一流！👍🏻服務:侍應很貼心，會簡單介紹食物，會比客人主動揀位置坐。食物[👍🏻鐵板一口牛 $54]一口牛嫩而耐嚼，多肉汁大大粒有口感，中間薯蓉最後先吃會更重黑椒肉汁味，當小食吃一流。[👍🏻金磚西多士配朱古力醬 $44]厚厚的金黃香脆多士，外脆內軟，乾身無油膩感，可以配朱古力醬或者牛油吃，睇落好少食落很飽肚。[👌🏻芝士焗蘑菇免治雞肉千層麵 $66]白汁芝士圍繞，多層的麵皮堆疊，內層夾免治雞肉、蘑菇、芝士，較特別嘅配料有着多重口感和濃郁以特別嘅味道。

今個星期日同阿肥嚟Megabox搵平價嘢買,唔想次次都嚟食宜家傢俬咁悶喇今次搵到Megabox終於有新開張嘅<熊小館>餐廳,一於上嚟試吓啦!其實商場四周圍都見到有poster呀等等嘅宣傳,一個個可愛嘅熊寶貝隨處可見,搭扶手電梯或者搭𨋢上十一樓都得,原來餐廳佔地面積好大,除咗有小朋友嘅玩樂區,仲有不同位置同熊仔嘅裝飾用餐區,勁多影相打卡位!無論一家大細或者充滿少女心嘅朋友都適合呢~職員都示意我哋可以隨便揀選想坐嘅位置,咁我哋就揀咗一個可以望到溜冰場嘅景觀位置,享受一個寫意悠閒嘅下午。睇一睇個餐牌,發現呢度嘅食物原來都好抵食喎最貴嗰款都唔超過$100蚊,我而家週日呢個下午茶時段用膳仲有九折優惠添!!!唔怪之得,都吸引咗好多帶住小朋友嚟玩嘅家庭幫襯羅宋湯配牛油法包：每份全日套餐加$6蚊就可以升級埋有湯同包,估唔到個羅宋湯咁足料,不論蕃茄,西芹,椰菜,紅蘿蔔同牛肉都齊哂,兩碗一樣!牛油多士雖然細細件,但都有烘過的。D餐:芝士焗忌廉菠菜龍利魚柳飯($62蚊)：本身我驚住叫下午茶餐唔夠飽,咁不如叫個飯啦~個飯嚟到之後我就後悔喇嘩...乜咁大碟嘅(?!)建議胃口小嘅人可以同你朋友開心