黃記煌三汁燜鍋

大學同學聚會，提議食依間，無乜所謂就試下囉，反正用Openrice預約有9折。樓上店嚟，地面入口不起眼，要花花眼力。初頭以為係食中式小菜，原來係類似雞煲，再打邊爐嘅模式！一如雞煲嘅做法，先叫一個燜鍋，再係菜單點食材打邊爐。最大路當然係海鮮啦，咩牛蛙田雞完全唔敢試。基本上店員全程服侍打點，幫你開火熄火落醬調味，唔洗自己郁手。所謂燜鍋，即係無落水而煮熟海鮮（不過有一大舊牛油防止焦燶），鮮味都有既，不過$300份量就偏少，廣島蠔每人得一粒左右，八爪魚仔都係得好少。相信係想客人多點其他菜單上既食材吧。所以我地都叫左「澳洲霜降牛面頰肉」、「響鈴」、「蜂巢豆腐」等等，不過質素實在只屬一般，不提也罷。銀菊露則好似由許留山提供，偏甜。總體而言：食物普通，唯獨勝在人少、地方夠大，座位好坐，店員都會主動幫手打點個鍋。同時幸好埋單並唔貴，除開每人$214，唔算伏亦唔算超正囉。…查看更多

每一個扮工日子最放鬆既莫過於放Lunch時間。尖沙咀呢個遊客多車多食肆多既地方，搵到間連飲品甜品既套餐又正常價錢既時候，小妹又要出動啦😂黃煌記位置係恆生對面，星林居(3樓)既1樓。去到既時候十分之清靜，大概係準備緊晚市...店員介紹可以一班人分享一個大煲或者每人一個午市燴燒飯。咁當然要試下燴燒飯系列啦～紅魚柳燴燒飯 $53上菜時店員用個盤載住煲飯，個煲係好熱架！要小心啲！最高層係魚肉、中間係蔬菜(紅蘿蔔絲、西蘭花、金菇等等）、最底係飯。襯個煲仲熱既時候攪下啲配料同飯，令入面既食物均勻受熱。如果鐘意有飯焦既朋友，可以參考煲仔飯既攪法～好有趣既係魚係白色架～仲以為紅魚柳係紅色添。魚好香既魚味，有海鮮醬入唔到落啲魚度，所以得魚味。配搭蔬菜食就更加清淡🍵由於小妹食哂啲蔬菜先既關係，已經飽了...建議大家三五成群黎食既話，可以share食！黑毛豬梅爽肉 $56同事分享左一塊豬肉比我，好易咬開，有少少入口即溶既感覺。醬汁入哂落豬肉度，好香濃既味道。飲品係銀菊露或者可+$8選4款許留山飲品，包括芒椰蘆薈爽，西瓜蘆薈爽，超多芒水晶晶，芒椰雪蛤爽）。我地加左杯拎返公司飲🤣🤣+$8有一杯許留山飲品都幾抵架～點解會黎呢度？因為收到係地鐵站口既傳單，話午市減$5。姐係話午市最平只需要$51！有飲品同許留山芒果糯米糍作為甜品。環境十分之清靜同舒服。唔錯唔錯～午市$5coupon 同晚市85折coupon 重點：1. 燴燒飯有大量蔬菜。2. 午市套餐連飲品和許留山芒果糯米糍…查看更多

現今火鍋不單沒有季節之分，近年亦越玩越多花樣，不再單單是打邊爐咁簡單。我們偉大的祖國更加玩得出神入化，甚麼九宮格麻辣火鍋、蒸氣火鍋、海底撈......等等。而最近來自北京，在港澳台有數百家分店的黃記煌在香港開店，主打三汁燜鍋，見未食過，就跟食友試試。＊＊＊＊＊＊＊＊＊＊＊黃記煌位於尖沙咀，位置非常方便就腳。店內空間感十足，座位以卡位為主。餐牌設計成中國式大門，非常別緻。食店主要提供燜鍋，燜鍋可選雞、牛、海鮮，除了指定幾款燜鍋外，也可自選燜鍋組合，汁底則有五款選擇，有辣有唔辣。另外食完燜鍋還可以加配火鍋料，一般丸類、豬牛羊雞、海鮮、蔬菜和粉麵都有提供，最特別是食店跟許留山合作，在店內都可以點許留山的甜品或飲品，食完就算想食甜品都不用轉場。竹炭花生($10)竹炭花生是餐前小吃，每二人有一碟。花生外表呈炭黑色，食落其實同普通如皮花生差不多。銀菊露($48)銀菊露一瓶大約可分三至四杯，雪得夠凍，甜度適中，打邊爐不可少。牛魔皇燜鍋($298)侍者先送來一個類似花瓶的東西，原來裡面已經放滿燜鍋的所有食材。侍者首先從瓶蓋倒出底油，底油是預先雪硬了，食用時才加熱溶化。因為三汁燜鍋是主張把傳統藥膳的滋補理論和現代飲食相結合，所以底油除了植物油，還有中藥在內。由於我們選了香辣豉皇汁，所以第一層的蔬菜都是以帶點辣味的五味粉、芝麻、酒和秘製醬汁醃製過的。蔬菜有青椒、紅椒、蘿蔔、西芹、洋蔥、番茄和紅棗，顏色非常繽紛。侍者先將蔬菜平放在鍋內，他介紹說，三汁燜鍋因為是靠蔬菜內的水份，所以燜煮時是不用加水的。瓶子第二層就是牛小排、牛仔骨和牛排片。，不要看份量好像不太多，鋪展開來，都足以鋪滿整個鍋。放好食材後，先蓋上蓋子燜煮五至六分鐘。之後侍者會把瓶子最底層的香辣豉皇汁拌勻澆在牛肉上。侍者介紹醬汁是用師傅秘製，每星期會會送來香港兩次。澆上醬汁後再燜多三四分鐘就可以食。如果食芫荽就要燜多幾十秒。牛仔骨肉質嫩滑不韌口，醬汁濃味不過鹹，都幾好食。食完燜鍋，侍者會主動加湯，讓我們加以打邊爐，其間亦幾次主動加湯。手打墨魚滑($68)墨魚滑食得出墨魚味，口感微彈。脆皮芝士腸($38)芝士腸皮夠脆，咬開很多芝士，正！脆肉鯇片($68)脆肉鯇是我每次打邊爐必點火鍋料之一，最喜歡它爽彈的口感。這脆肉鯇帶點彈口，但如果再厚身一點會更好。雲南紅薯粉($30)紅薯粉放在鍋內不用太久就食得，煮熟後的紅薯粉呈半透明，口感微彈，吸滿湯汁的味道，非常美味，所以我們之後再多點一份。娃娃菜($35)食得太多肉都要食點菜，娃娃菜街市買都不算平，所以一樣價錢下當然點娌娌菜較為划算。娃娃菜塊塊葉都很完整，沒有爛，非常新鮮。炸響鈴($42)炸響鈴不算特別大條，不過都幾鬆脆浸完湯都不易散，吸滿湯汁又是美味。多芒西米露($38)多芒西米露都幾多芒果，不過如一貫許留山出品，都是下得太多糖水味道偏甜。多芒小丸子($38)因為想食小丸子和雪糕，所以我點了這個多芒小丸子。糖水底跟多芒西米露是一樣，但小丸子估計解凍時間不夠，非常硬，建議下次店家多留意。總結，食物質素整體不錯，單點配料的火鍋人均消費一般都$300起跳，但今次我們食埋糖水才三百大元，都算抵食，不過食完回家都有點口渴。…查看更多

尖沙咀除了多遊客外，亦都集中了多國美食，尤其是近厚福街那邊，絕對稱得上為食街，各式各樣的美食琳琅滿目，而附近的加拿芬道的金輝大廈內，亦都有多間不同特色的餐廳，今次去試試新開的黃記煌，主打是三汁燜煱。餐廳內佈置簡單，全部都是卡位，座位舒適，可能是剛開張的關係，客人不算多。我們坐下後，店員先放下了竹炭花生$10/碟。我們先點了個牛魔煌燜鍋配香辣豉皇汁，有指引教我們要先食鍋後打邊爐。另外點了銀菊露，食火鍋太熱氣，飲下涼茶降火。味道有淡淡的菊花，甜度適中。此塔是裝材料的，外型有點奇怪。首先先落牛油，成份為植物油及中藥。之後舖上十一款材料，包括紅蘿蔔、西芹、青紅椒、蒜頭、洋葱、蕃茄、番薯、紅棗等。然後再放上牛內在蔬菜面，店員真有心思，砌得很整齊。之後灑上五味粉、紹興酒、及秘製調味料，蓋上煮約5-6分鐘。店員解釋在炆煮的過程中，蔬菜會釋放大量的水份，所以完全不用再加水。另一方面，店員亦開始攪起香辣豉皇汁，他說此醬是國內的師傅秘製，每星期送兩次來香港。夠鐘啦，店員淋上秘製醬汁，再焗多2-3分鐘，讓所有材料吸收了醬汁的味道。最後按客人喜好曬上芫茜，焗多30秒，終於食得啦。其實整個蒸煮的過程不算耐，由砌料至煮好的時間約為廿分鐘。牛肉很腍，醬料比較濃及咸，遮蓋著牛肉的味道，我們點了少辣，所以不算辣。下面的蔬菜新鮮炆得夠腍。店員會不時過來攪下個煲底，免得會燶底，食到八八九九時，店員會幫忙加湯，我們可以點其他的配料打邊爐。我們只有三人，基本上吃燜煱已經半飽，只點了幾款配料。手工牛肉芝心丸質感較軟腍，裏面的芝士爆醬，味道不錯。萵筍很鮮嫩爽口，顏色翠綠。炸響鈴炸得脆口，一放落去碌一碌即食，完全吸收了醬汁的味道，但比較咸。最後點了個甜品，楊枝金撈，芒果完全不酸，柚子帶少許的酸味，中和椰汁的甜度，下要還有西米露及雪糕，甜品很大杯，絕對足夠二人分享。整體而言，食物比較創新，味道不錯，服務方面，店員親和有禮。…查看更多

（影片）最近新開咗間黃記煌三汁燜鍋,佢哋晌國內已經有多間分店,就連美國,台灣等地都見到佢嘅蹤影.嚟試呢晚時間尚早,仲未有食客,之後就陸續有人入座.雖然嚟自國內,但裝修唔俗氣,仲幾有特色.每檯都預先放咗金色嘅燜鍋,個蓋設計到好似頂帽,又有啲似棋,幾有趣.餐牌詳細地介紹佢哋嘅三汁燜鍋,係用清代御膳名菜香辣汁魚做藍本,再加入多款蔬菜同藥材等等.呢度嘅燜鍋共有十多款配搭,分咗魚,雞,牛,豬,海鮮類,醬汁就有五款,其中兩款唔辣,另外三款就有唔同程度嘅辣,另外亦有多款涼菜同火鍋料去揀.我哋最後決定叫自選燜鍋,可以自己揀四款指定食材.同行嘅人唔食辣,所以醬汁就揀咗唔辣嘅招牌鹹鮮汁.呢份餐前小食係竹炭花生嚟嘅,賣相幾特別.冇幾耐侍應就拎咗一個好似花樽咁嘅六寶盒嚟,每層都放住唔同嘅食材,之後就即席晌我哋面前煮燜鍋.侍應先開電爐,晌鍋度加入底油,再倒埋西芹,甘筍,紅薯,洋蔥,青椒,紅椒,車厘茄,蒜頭,紅棗等等十款蔬菜同藥材.之後逐一鋪上我哋自選嘅石斑魚柳,白蝦,牛肚,秀珍菇.將食材平均鋪好之後,加少少調味料同調味酒,就加蓋煮一陣.然後,侍應小心翼翼地將非常黏身同杰身嘅招牌鹹鮮汁加入鍋度,再加蓋煮多陣.燜鍋加熱時傳嚟陣陣討好嘅藥材香,非常吸引.最後加啲芫茜,咁就完成.成個過程都由侍應負責,同埋用咗無水烹調法,主要係靠食物自己嘅水分嚟燜煮,咁樣比加水煮更加可以保留原味,又唔怕食物營養會流失去水入面.食物表面蘸滿佢哋嘅招牌鹹鮮汁,幾濃郁美味.自選食材方面,石斑魚柳肉質唔鬆散.秀珍菇吸滿醬汁.當中以牛肚最為爽脆.燜鍋嘅食物食得七七八八之後,就可以請侍應加埋高湯用嚟做火鍋.哈哈,加湯之後又係另一種風味.我哋人比較少,加上啱啱燜鍋嘅肉類份量幾多,所以只係叫咗蔬菜野菌拼盤,入面有金菇,秀珍菇,杏鮑菇,粟米同生菜,正好用嚟中和一下.由網上得知佢哋早前收購咗許留山,所以餐牌入面有唔少相關產品.我叫咗壺銀菊露,一邊食火鍋一邊飲感覺唔錯.同行嘅人就叫咗芒椰芒果爽,頂層有唔少芒果粒,中間有層厚厚嘅椰汁,然後係芒果汁同芒果爽,甜甜哋咁幾好味.之後再叫多份芒之戀,一份就有晒迷你版多芒亮晶晶,多芒小丸子同芒果糯米糍三款甜品,啱晒多心又想試多幾款嘅我.小丸子煙煙韌韌,同埋係沙冰底嚟嘅.芒果糯米糍入面嘅芒果肉甜而唔酸,仲用芒果片伴碟,從外到內都係芒果嚟.雖然同行嘅人唔食辣,所以唔可以一試佢哋嘅辣汁,但呢次嘅招牌鹹鮮汁都夠惹味.服務方面啲侍應非常細心,會不時走嚟換碟.幫我哋煮燜鍋同打開蓋時,仲特登將個蓋向住佢自己嗰邊,以免熱水蒸氣吹向我哋嗰度.加湯時又會特登用手擋住,防止熱水彈出,可謂見微知著.…查看更多