樂天經典

呢間店舖開咗一排，都未有時間試。趁住今日同大少小妹去會所游完水，一於約埋長老去試吓！等咗一陣就有位，入到去，地方都算寬敞，牆上有幅魚尾獅畫，黑白地磚，茶木色嘅裝修，好有新加坡氣氛！座位大致寬敞，椅子都有軟墊，同小朋友食都坐得舒服。楊州炒飯個飯炒得好香，夠乾身，飯質煙韌，粒粒分明，配埋蝦、蛋粒、蔥粒、叉燒粒，味道剛好，唔會太鹹，又有口感，好好食。砂鍋豆腐蝦呢個砂鍋豆腐，啲豆腐好香滑，配埋大大隻彈牙蝦肉，會令你食唔停口，送飯一流。金牌脆皮燒雞雞皮炸得香脆，肉質鮮嫩，一d都唔乾，重食到雞油同肉汁，仲有蝦片伴碟，小朋友都爭住食。家鄉炒麵線麵線彈牙，配埋菜絲、芽菜絲、蛋絲、蘿蔔絲、肉絲炒，炒得好香，不過略嫌有少少濃味同油。海南雞飯海南雞好滑嫩，加埋食海南雞既三寶醬食，再配埋冬瓜雞湯，不錯！…查看更多

講起樂天通常淨係諗起出名八色小籠包，食上海菜嘅樂天皇朝。原來有另一條line叫樂天經典，主打南洋菜。餐廳面積唔算大，但座位闊落坐得舒服。✨金牌脆皮燒雞燒雞即點即製，落單要等廿分鐘先有得食。雞皮上色均勻賣相靚，食落非常酥脆雖然睇落似炸子雞，但無乜皮下脂肪，咸覺無咁肥膩。✨蝦湯大蝦滑河粉招牌蝦湯系列有河粉、燜米粉、湯米線、泡飯同炒飯，款款都好吸引好難揀蝦湯精華以慢火煮足6小時，河粉索滿晒蝦汁，啖啖濃郁蝦味河粉唔會一夾就爛，同時又有鑊氣✨臘味炒飯炒飯炒得乾身粒粒分明，好有鑊氣飯粒帶點煙韌。✨楊枝甘露以芒果打成蓉，食得出真材實料。加埋柚子肉同西米，口感豐富清新總括嚟講食物質素高，選揀多而且價錢合理。餐廳環境唔錯坐得舒服，適合同屋企人朋友一齊嚟食。…查看更多

🐔金牌脆皮燒雞服務員一放低就有陣陣燒雞香氣，仲有脆脆蝦片作為經典伴碟。雞皮非常薄，無油膩感，肉嫩又多汁，雞髀位更係嫩滑非常。配上特別嘅醬汁，少少酸辣味，十分有東南亞風味。🍚蝦味魚子蝦球炒飯炒飯粒粒分明，鑊氣十足！蝦球大約五、六粒，但勝在大大粒，鮮蝦味十足。炒飯嘅魚子以及其他配料都好均，啖啖惹味，有料到！🍤黃金蝦球 濃濃鹹蛋黃coating，蝦球有先走油，香脆又彈牙，少少鹹嘅蛋黃更顯蝦球鮮甜，咬落滿滿鹹蛋黃香，但食落又唔會覺得肥膩。🇸🇬🇲🇾馬來風光其實係馬拉盞炒通菜，馬拉盞非常香辣惹味，有蝦米、豆瓣醬、薑、蒜和辣椒，樣樣都十分出味相配，加上廚房嘅鑊氣快炒，通菜乾爽唔會出哂水，菜葉沾濃濃嘅馬拉盞醬，菜莖爽脆又翠綠。…查看更多

行商場見到好多人排隊，原來係新開張所有小菜有5折🌝，星期日已經last day有優惠，晚餐時間我地足足排左1 個鐘終於試到🥺油浸鰈魚好有驚喜🫣🥑金牌脆皮燒雞(半隻）$158 今次無試海南雞，貪佢香口，但上菜擺盤麻麻，睇唔出有半隻雞嘅份量。勝在皮脆雞滑，雞上面有蝦片，另外再配蝦醬，非常惹味。🥑黃金婽球（6 隻）$168 ❗️推薦❗️炸粉好薄，鹹蛋黃好足料、好香。另外蝦既size好大隻，好新鮮同好彈牙。😋🥑脆脆咕噌肉 $98份量偏少，咕嚕肉嘅炸粉非常厚，味道還可以。🥑油浸蝶魚 $128.0 ❗️推薦❗️少而精，水準好高。魚肉經過油浸好嫩滑😚，滑到好似豆腐咁，魚皮炸得超級香脆，完全做到外脆內嫩。🥑黄金鱼皮$78.0同樣鹹蛋黃味好香，適合做小食配酒🥑秘制燒汁排骨王$108.0相對份量偏多大大件肉，似無骨豬扒。秘製燒汁相當惹味好配飯，但有少少過鹹🥑姜葱爆生鱼片 $118魚片新鮮無骨，健康之選🥑馬來風光 $78 ❗️推薦❗️Sambal醬炒通菜，好有鑊氣😛，有啲微辣，相信應該好出色。全日熱炒5折 -$400+🤭整體星馬風味既小菜特別好食，其他可能都中規中矩，下次再試多啲炒飯同埋喇沙🤗🍁整體🍁🥑性價比：6/10🥑美味：6/10🥑環境：9/10🥑回頭：5/10🥑人均：$200-400📍樂天經典將軍澳康城路1號The LOH AS 4樓💛#annacat_將軍澳 🧡#annacat_中菜 #hkfoodie #hkfood #hkfoodblog #foodporn #foodlove #香港好去處 #香港打卡 #hkigfood #hktravel #香港旅行 #香港観光#香港グルメ#Hongkongfoodie #將軍澳美食 #康城美食 #樂天經典 #星馬 #南洋料理 #咕嚕肉 #脆皮雞 #海南雞…查看更多