八妹雞煲

營業中

休息中

好多年前仲讀緊書既時候 有同朋友嚟過呢間大埔八妹雞煲！裝修當然已經唔同哂，依家環境靚咗 有特色好多！係懷舊風😆😆 冷氣都好夠 特別係咁炎熱嘅夏天 呢點真係好重要👍🏻👍🏻一坐低 就有員工埋嚟俾張QR code 落單 我哋梗係嗌佢地既秘制雞煲啦！揀咗要半隻雞 因為一陣打邊爐想食多啲餸 所以半隻雞就夠哂啦😋 可以留返多啲胃食多啲野🥳我想講 啲雞真係好滑！！又夠哂味，餸白飯簡直一流呀👍🏻👍🏻👍🏻 一人一碗飯都唔夠呀 要嗌兩碗🤣🤣🤣 因為啲汁真係好好味😋不過唔好 好似我地咁一次過嗌哂雞煲同打邊爐既料 因為會一次過送哂上嚟，記得食完個雞煲 想打邊爐既時候 先好落單呀～～ 最後 有位啤酒姐姐走嚟話依家啤酒做緊promote，我地就嗌咗杯1664飲🥳呢一餐飯真係食到好飽又好味！！😋😋

呢間八妹雞煲係大埔好多年，由中學食到而家，一樣咁好食，唔食得辣嘅人都可以食到好香嘅雞煲😋😋呢日再黎8妹食雞煲，ig story打完卡即刻有搬咗出去嘅朋友話要返黎大埔同我再食！😋😋🐔8妹雞煲必點！真係雞滑汁香濃，甜甜地又辣辣地，好好食！完全唔係個啲雪到啲肉死哂嘅雞😋 兩個人都清哂半隻雞😋😋🌶八妹辣汁呢個汁比較重川菜味，重口味人士可以叫，我地覺得加埋落去打邊爐會更加好味🐂食過幾次8妹，建議大家貴小小都要叫手切肥牛，真係滑好多，牛味又重好多！至於呢個雙蚌，我自己覺得桂花蚌好食啲，又爽又滑，雞煲必點！ 下次會叫一整份桂花蚌😍😍平時食譚仔最愛叫竹笙，索湯一流唔記得影埋個野飲椰汁冰世一！又大杯又解辣！超級推介！ ❤️‍🔥❤️‍🔥真心呢餐好滿意，一定會再食😋

從來只有仔女𦧲阿媽，大胃之母經常都𦧲大胃帶佢出去食好西，想佢收聲就唯有如佢所願啦呢間嘅雞煲聞名大埔，晚市好多人都嚟食，場面墟冚，多人過紅磡就算係微辣，醬汁足以好食到，秒清所有雞肉食完雞煲就可以倒檯邊壺湯入去，改做打邊爐火鍋VIP—肥牛必然出現，呢碟切成方方地一塊，但就好夠牛香菌類方面，大胃第一次食竹笙，無論喺雞煲定火鍋度烚佢，一樣勁吸味又超爽口唔夠喉仲可以嗌雜菇，有冬菇、秀珍菇同雞髀菇，滾完火鍋湯底又可以用嚟食另外，大胃覺得打邊爐有埋餃子會開心啲，但又唔想食死一款味道，雜餃有齊魚皮餃、韮菜餃同魚皮餃，烚咗好耐都唔會散，肉質夠晒結實。芝士控注意喇，食厭芝心丸可以試吓芝士小籠包，質地好唔同，有淡淡然嘅驚喜仲有仲有必食嘅係芝士魚腐，就咁食或者烚吓先食，都一樣爆芝好味原來大胃之母冇食過雞子，遊說咗佢好耐先夠膽食第一啖，好彩呢度嘅雞子雖然大粒，但唔腥，佢先至冇陰影響鈴亦係呢度嘅招牌，就咁食已經勁脆口，亦可以烚腍佢，外軟內脆嘅層次更令胃興奮成日打邊爐要係咁嗌嘢飲都幾煩，但呢度有大大杯冬瓜茶嗌，打完邊爐都仲未飲晒仲有大大支天地一號，仲大支過啤酒，認真襟飲

朋友知我中意食雞煲，所以介紹了這間位於大埔的雞煲叫我試試。因為沒有吃午餐，所以餐廳一開門便吃。由於疫情關係，餐廳都要做出相應措施，基本只可提供一半座位，進餐廳時要在門口位置探熱及使用酒精搓手液。這個時間大多數都是叫外賣的客人比較多，堂食的人數大大減少，反而食得更安心。餐廳座位很多，而且裝修以懷舊風為主，十分有特色!秘制八妹雞煲，雞煲一定要食辣先好食的，我們點了小辣!上煲時店員幫忙炒一炒後便已經可以食，不用再等。我們點了一隻雞，雞件都幾多，而且多肉少骨，醬汁麻麻辣辣，十分美味，如果用黎送飯可能可以食到兩、三碗!除了雞件，還有洋蔥、芫茜等香菜，令雞煲更香更惹味!A級安格斯肥牛(小)，由於點了一隻雞，所以其他火鍋配料都沒有點太多!牛肉厚薄適中，牛肉味濃，肉質都幾鬆軟。野生竹笙，食雞煲一定會點竹笙，因為竹笙可以吸味，這裡的湯底就算食完雞後再下湯也很夠味，所以竹笙非常濃味，很有口感。蒿筍打邊爐非常美味，爽口又吸味，是近期的新寵。鵝腸，鵝腸口感爽脆，湯底掛在鵝腸中，十分濃味!蟹子墨魚滑，這裡的墨魚滑味道夠鮮，加上有蟹籽，令口感更豐富，更爽彈。海鮮芝士豆腐，這個豆腐即叫即製，上枱時還是熱辣辣，可以就

今日想落樓下打個邊爐食個雞煲所以就search大埔有咩好食平時都知呢條街好多餐廳，但今次係第一次黎八妹食雞煲🤭🤭-平日大約晚上7點鐘到，唔洗等位餐廳好大！有勁大既空間，可以坐好多人裝修好用心，以舊香港為主題好多7/80年代既裝飾👍🏻👍🏻先叫飲品，$36就有咁大支天地一號😂😂我仲以為係細細支，所以朋友又叫左樽茅根水點知都係好大樽😂😂😂$36咁大支真係未食野已經覺得好抵😂😂😂😂😂😂😂😂😂同朋友得兩個人，所以就食半隻雞煲其實三個人食半隻都夠😭雞件份量好多個汁好有風味，好惹味但又唔死咸有質素既雞煲👍🏻因為唔係度度打邊爐都會有竹笙食所以今次見到竹笙就即刻點😍😍😍依然係一貫呢間餐廳嘅作風！好大份啊條條都好大隻，咬落去超級爽口蜂巢豆腐又係滿碟咁多😂😂😂打邊爐最緊要係肥牛一見到手切肥牛就即點！果然無令我失望牛味好出🤭🥰大大推介呢個黑豚豬腩片！因為估佢唔到食落口係超級嫩滑🤭有種入口半溶既感覺！一定要點！$60超值！高質！-其實呢間火鍋店每樣食材都份量十足😂鴛鴦滑又係一個必食item!!!極度建議大家要留意餐廳每種食物份量都好多，唔好眼闊肚窄，食幾多嗌幾多-由於個雞煲好食同埋食材新鮮又抵食所以係必定會再來

窩夫與蝦子餅近日常在大埔出沒，日前光顧了全新懷舊裝修的八妹雞煲。走進店內，已被牆上的「八妹十大必食」吸引著，點菜前可以參考一下。在「戲院」吃火鍋。到「售票處」取醬油。第一次光顧，當然要試秘製八妹雞煲，但原來還有多款其他湯底選擇。火鍋配料種類不少。見到鄰桌點了大大杯系列的飲品，真的很大杯呢。窩夫與蝦子餅點了天地一號蘋果醋($36)。主角八妹雞煲來了，半隻($155)微辣的，份量十足。拌勻便可進食，雞煲加了大量香料，帶微辣特別惹味。吃完雞煲，將桌上的湯加進煲裡，準備打邊爐。十大必食之一的野生竹笙($62)，份量比預期多，由於竹笙吸了很多熱湯，吃時要特別小心。二人必點之一的混丸($55)，魚蛋、貢丸、墨魚丸和牛筋丸每款各兩粒，可以一次過多試幾款。什餃($55)是另一款二人必點，有雲吞兩隻，魚皮餃和韭菜餃各三隻，韭菜餃非常飽滿，皮夠薄，少肉多菜，味道很好。蔬菜方面，蝦子餅選了白菜仔($30)，洗得很乾淨。火鍋不可缺的牛肉，窩失點了手切肥牛($178)，色澤紅潤，咬下去牛肉味非常濃郁，肉質嫩口不韌有嚼勁，水準非常高。鯪魚滑($65)獲蝦子餅大讚。窩夫不太愛吃鯪魚滑，比較喜歡鴛鴦滑($98)，即蟹

朋友極力推薦呢間八妹雞煲，特登遠道而來，嚟到大埔食好西☺️ Didn’t disappoint!餐廳裝修極具香港特色，好多懷舊嘅裝飾。環境光猛，坐得幾舒服☺️花膠雞煲 半隻（$208）呢個花膠雞煲係佢哋嘅必食推介，就試下佢啦🤤雞同花膠嘅份量都十分慷慨！手切肥牛（小）（$178）手切肥牛油脂分佈均勻，紋路幾靚～淥一淥就可以，口感好嫩，味道好重牛味 西班牙黑豚豬腩片（$60）味道好好！唔鞋口🤩鴛鴦滑（蝦滑+墨魚滑）（$98）蝦滑同墨魚滑都十分新鮮，口感爽口彈牙👍 即炸響鈴（$43）呢到嘅響鈴係即叫即炸同自家製架，非常脆口😍浸一秒左右就可以喇，蘸到少少湯，仲可以保持脆卜卜嘅口感！野生竹笙（$62）野生竹笙都係呢到必食嘅，索晒湯汁得嚟又夠爽口！唐生菜（$30）好大份，好新鮮💯鍾意食雞煲嘅朋友不妨嚟八妹雞煲試下😋Menu:

失驚無神又雞煲，食過翻尋味？報名人數非常擁躍，好多朋友仔都一齊食，真係要叫兩隻雞先夠食。Lunch 飲完蔡潤記勁辣既辣椒油後已經開始有點肚痛，一於少理話之佢，繼續辣雞煲，美食大過天 ﹗新開八妹雞煲晚市都幾旺架喎，人山人海，排晒長龍。洗唔洗咁誇張呀？六點半已經排晒隊，唔洗錢咩。上網調查一下，開到零晨兩點而且有分店添喎 ﹗唔想企係門口等位，食西北風當前菜咩 ﹗梗係叫外賣去對面 Baby 慢慢嘆好過啦，而且有大量酒精供應、有電腦鏢掟、有卡拉 ok 唱、有啤牌玩、有乾淨企理獨立廁所用、地方寬敞、服務殷勤有禮。八妹唔送外賣？仲要比 $300 大元按金先可以借煲？算數，我地豪比您。雞煲到會，應該係外賣自取先正確 ﹗長髮綣毛阿姐一款唔休做嘴臉囉 ﹗眼見全部都係頂手頂腳既二人迷你檯，放個煲已經無位剩，多人先會合體。舖面迫夾、通道勁窄、檯椅密麻麻，一睇都知坐得唔舒服。仔細研究一下 menu，食材選擇都不少呢，而且有海鮮及前菜小食供應，不過價錢都算貴。我要遲少少到場，朋友們食住等所以起筷先喇。好一頓豐富既船河後晚餐，Good Good Good，幸福又滿足，好好味架呢 ﹗食都係其之，最緊要成大班朋友一齊食

為慶祝弟弟下月初生日，跟他食豪少少。大埔太和這區，很多又抵又好食的餐廳，今次挑這間八妹雞煲。蕃茄肉蟹花甲鍋 $288蕃茄肉蟹花甲鍋超多料，有ㄧ隻完整的肉蟹在內。花甲也有十來隻，絕無欺場。不明白為何肉蟹這樣多肓，但我食落實在開心到震!蕃茄湯底比較偏甜，濃濃蕃茄湯，含淡淡肉蟹鮮。其實以此打邊邊，不大需要點其他醬料。$288 不便宜，但其實個鍋很多配料，如甜粟等，食完已半飽。計番數是合理的價錢。因為湯底好滋味，我倆點了很多配菜來 enjoy 此鍋。牛坑腩 $98第1次用煮熟了的牛坑腩來打邊邊。牛坑腩不怕滾耐些，令其充滿蕃茄味。牛坑腩超嫩口，一試愛上!!!脆肉鯇魚片 $58脆肉鯇魚片好新鮮，脆身爽口，一滾即食。Encore 之選!野生竹笙$50竹笙吸收了蕃茄湯汁，跟此鍋超配的!梅林午餐肉 $48切成三角形的梅林午餐肉，非常易入口。配埋蕃茄味湯底，好滿足!魚皮 $28大大份魚皮，好爽脆!黑啤 $32用來下一火的黑啤，無辦法，小妹就是愛酒精。竹庶茅根 $32多料又甜的竹庶茅根水!令我回味的蕃茄肉蟹花甲鍋 ，現在想起仍令我口水直流。弟弟也想再食多次呢!