溏串小町

睇openrice見到呢度有mirror特色甜品，而我既鏡粉朋友生日，所以就悄悄地book左呢度食飯🤓我地book左6：00，因為未去到食飯時間，所以完全唔迫。個度裝修好日式feel，再加上佢地一路都係播緊日文歌，可以當自己去緊旅行✈ （已經好耐冇去旅行啦😭）好啦，到點餐。佢地係用手機落單，真係好，其實我幾鍾意手機落單，可以慢慢睇同落單，又唔怕煩到d侍應😁最後我地落左呢d野👇點完我地先發現全部都係澱粉質🤣一定飽到GG（甜品我靜悄悄之前已經order左👻）芝士鰻魚加州卷鰻魚係我飛彿，當然要點啦😜黎到見到就開心😝， 佢既鰻魚都好飽滿，亦都唔會乾，配埋d醬汁，滿足😋醬燒三文魚壽司由於我同我朋友都麻麻生野，但又想食三文魚（好矛盾呀😂），所以最後點左炙燒既。佢燒得啱啱好，唔會過燶，但又會食到炙燒個陣味👍牛油果軟殼蟹卷份量好大😂，裏面份量好足，牛油果同d沙律汁真係好夾🤤個軟殼蟹同其他料既份量均勻，所以唔會太“漏”，跟著朋友突然問我外面包住個塊係咩，之前食過都冇為意😅，細問之下😄原來係昆布片黎架😃又長智識啦。醬油湯烏冬呢個唔會太淡，都ok中和返頭先食既都係飯，而家食返d有汁既野😙日式咖喱吉列豬扒蛋包飯雖然我地已經開始飽飽地😂但呢個飯一黎，個賣相真係好吸引，所以都食左好多，fu～首先佢個豬扒個皮係真係脆既，好香口，個汁好多，裏面亦有好多料😯，個蛋亦都煎到係介乎熟晒同未完全熟中間個位，好juicy！兩個女既食咁多好似有d過份😆最後，登！登！登！一上我個fd即刻❤❤👀開心💩佢，即刻要同佢打卡啦📷我都係第一次見🙈🔴book個時個店員同我講，張紙係威化紙，係食得既，如果想印其他相，之前send比佢地就ok，咁既然我朋友係鏡粉既就當然繼續用佢地d相😁加埋個朱古力甜品簡直甜到入心😎呢度慶祝生日都幾好，又唔貴，d又nice， 又有新意，值得一讚👍…查看更多

門面走日本風，相當易認。一坐低先送上加左醬油ge磯燒元貝小食，每人兩粒，一路食一路掃QR code用手提落單。冰鎮原隻魷魚仔除左原隻上，仲係原汁原味無預先調味，點少少豉油wasabi不錯，但唔夠牙力的話可能吃力d。加州卷蟹子爆晒出黎。我唔食三文魚，朋友話魚皮燒得幾香。生蠔大隻新鮮，味較淡。帶子好肥美。粟米好甜無渣。牛柳大大粒，燒到半熟，易咬，如果表面燒耐少少一定仲正。豬五花腩同博多雞肉都燒得剛剛好，唔會乾柴。除左醬油外，燒物仲可以配香草檸檬同麻辣海鹽，一款食物可試齊三種味道。雖然無飲酒，但都叫左幾款佐酒小食，第一次食鱈魚乾，真係好香，慢慢咬細味一下。平時食雞軟骨最怕成口油，但呢度ge雞軟骨就無呢個問題。蟹肉忌廉薯餅好香甜，三種食材相當夾。蜆鮮甜無沙，湯底酒味極濃，嗜酒者不妨大啖大啖飲。醬油湯底唔油，亦唔會太鹹，烏冬亦非平價貨色，夠彈牙。海膽一眼睇晒，真材實料，飯超多，爭d食唔晒。…查看更多

大埔少有需要大大力去幫襯的串燒店，這店開業大概數個月，店外有很多大家熟悉的內容，而它還有消費儲分計劃，支持大家再次添食。是日幫襯，讓我邊吃「前菜支豆」邊跟大家說說這裡有什麼好吃的吧！「日本雞心」個人很喜歡這個，口感超爽口，配上店家的日式山椒粉，以及自家製麻辣海鹽，就更好吃。「燒雞髀菇」口感彈牙，烤得剛剛好，塗上的醬汁與雞髀菇很配合。「牛舌串 」做的不錯，跟那個雞心差不多，要配麻辣海鹽吃。「新鮮菠蘿」這個是必吃之選，多塊新鮮菠蘿經燒烤後，仍然非常香甜，每件厚切菠蘿都非常多汁。「蟹肉忌廉薯餅」比較普通。「甜炒秋葵」把秋葵稍稍的炒一下，再把它們與蜜糖搞伴，吃下來味道有層次，想不到蜜糖跟它都挺配。「日式燒飯團」簡單的把三角飯糰用火烤，然後再灑上鰹魚乾食用。「醬油湯烏冬」熱潔燙的一碗，湯底充滿醬油的香味，咸味十足，烏冬爽口彈牙。「凍柚子蘋果梳打」底部有很多柚子粒，為比較淡的梳打，加添一分突出的果味。服務好好好，客人可以掃code下單，店員會時常fill水。…查看更多

今晚約咗朋友聚一聚食吓嘢吹吓水。朋友話有間新開嘅日本餐廳可以一試，於是就跟咗佢哋去「溏串小町」try try！🍻入到去個環境寬敞，啲位唔會泊得好埋。而且個裝修幾啱feel，俾到我喺日本居酒屋食嘢嘅感覺！🇯🇵值得一提係呢喥order嘢食係直接scan佢地個QR code嚟揀嘢食，入面會直接show埋價錢同埋check返叫咗啲咩都方便！揀好嘢食之後，店員拎咗個前菜元貝我哋食。味道鮮甜好好味！新鮮粟米 $28特盛牛柳串 $68豬五花腩 $28日本博多雞肉 $48相信呢喥串燒都會係必試之選，雖然店員有推介我哋一款串燒拼盤，但我哋俾特盛牛柳串吸引住！所以決定散叫串燒～果然串牛柳無令我失望，🐂肉夠厚但唔韌，燒到唔會過熟，咬落去仲有肉汁！另外🐓雞肉亦都好味，唔乾身，可以點少少調味料（香草檸檬/麻辣海鹽）吊吓味！日本蠔肉刺身 $68火炙三文魚皮壽司 $40帶子壽司 $48生蠔夠大隻，好有鮮味而又一啲都唔腥！值得一叫～而火炙三文魚皮壽司🍣有驚喜！原以為魚皮會好乾身，點知食落先知原來係咁肥美。仲要份量多，非常抵食！🤑鱈魚干 $68味道同雞泡魚乾差唔多，都係甜甜哋少少煙韌，連蛋黃醬一齊食會好易食唔停口！👍🏻冰鎮原隻魷魚仔 $33冰鎮效果好似令到魷魚🦑肉質更爽口！平平哋當小食咁叫嚟試吓都唔錯～加洲卷 $38醬油湯烏冬 $38清酒煮蜆 $58就咁食蜆肉時，少少清酒味，而蜆肉原身味道仲仍然係喥，都幾鮮甜。鐘意酒味嘅可以加多少少清酒嚟食～🍶最後總結一下，呢喥食物水準同環境我覺得都係中上水平！👍🏻係部分食物價錢偏高，但幾適合成班friends一齊去聚聚，叫多幾款share食～…查看更多

同老友一直夾唔到時間，終於搵到日大家都得閒，咁就一於約出黎聚一聚啦，於是就黎左呢間新開嘅居酒屋試下裡面環境都裝飾得幾有FEEL呢到冇實體MENU，職員會俾個QR CODE你，然後SCAN左就可以喺自己手機睇MENU同落單，圖文並荗，落單介面都易用，同埋會直接計埋價錢另外有手寫牌，職員介紹返有D拼盤推介，適合D唔想煩嘅朋友選擇居酒屋好處係多小食種類可以選擇，最適合朋友聚會SHARE食。睇左一輪後，決定叫 加洲卷(3件) ($38)、(限)冰鎮原隻魷魚仔(6隻) ($33)、(限)火炙三文魚皮壽司 ($40)、(限)海膽炒飯 ($78)、特盛牛柳串 ($68)、鱈魚干 ($68)、新鮮粟米 ($28)、豬五花腩 ($28)、日本博多雞肉串 ($48)、雞軟骨(份) ($38)、蟹肉忌廉薯餅(3件) ($38)、日本蠔肉刺身(3隻) ($68)、帶子壽司(2件) ($48)、清酒煮蜆 ($58)、醬油湯烏冬 ($38)落完ORDER後，職員先送上餐前小食磯燒元貝，都幾好食加洲卷(3件)：多蟹籽，食落OK先送上串燒類同壽司刺身類上串燒時附上調味粉：麻辣海鹽(左)，香草檸檬粉(右)特盛牛柳串，豬五花腩，日本博多雞肉串：上菜時賣相相當吸引特盛牛柳串係牛柳粒再配上三色椒同車厘茄，基本上D串燒都燒得唔錯，再點一點調味粉更添惹味新鮮粟米：淡香清甜粟米味，不過如果可以燒焦多少少咁就可以更加香日本蠔肉刺身(3隻)：夠大隻，又鮮甜火炙三文魚皮壽司：呢個幾抵食，一份有6件，而且佢燒得三文魚皮夠香之餘唔會乾身，食落充滿魚油香味帶子壽司(2件)：好鮮甜，無雪藏味鱈魚干：燒得好香，食落口感唔錯，配啤酒一流雞軟骨(份)：份量都幾多下，食極都好似仲有咁幾好食蟹肉忌廉薯餅(3件)：炸得唔會油膩，熱辣辣，裡面D忌廉好香濃清酒煮蜆：最緊要處理得好，食落冇沙蜆肉好鮮甜，亦都散發出清酒味，一流冰鎮原隻魷魚仔(6隻)：之前食開熟食，跟住轉食呢個冰鎮魷魚仔，口感轉換都幾醒神醬油湯烏冬：醬油湯夠香濃唔會過鹹，而烏冬唔係普通街市貨，食落彈牙有口感海膽炒飯：上菜時見到個海膽都唔少，不過由於個飯份量都好大撈完之後海膽味唔算太出，但都唔錯3個人食左咁多野，加一後埋單先$788.7，味道唔錯之餘都幾經濟實惠同埋職員都會介紹一下，加茶都幾密下，值得讚賞食完出門口先見到，原來9點後入座仲有8折優惠，咁就更加抵食…查看更多

夜晚入大埔探個朋友順便一齊食晚飯，見到附近有間好間新開既居酒屋，鐘意日本町既我地梗係第一時間去試吓啦！我地都算早去，所以唔洗等就入到去食，餐廳裡面好有日式風格，而且一啲都唔迫，好岩一班朋友黎食飯聚會！店員都好友善，會推薦餐廳既美食。而且落單係用自己電話掃描QR code落，好方便，就算多人都唔會要等好耐先落到單！而且無智能電話/無電餐廳都有tablet可以借用，好體貼！我地叫左店員推薦既刺身拼盤B。個拼盤擺得勁靚勁豪華，而且全部刺身都好鮮甜無魚腥味！難得依度有得食日本蠔刺身，勁大粒而且好鮮甜！海膽都難得唔腥，好食！另外仲叫左串燒拼盤，好足料有足足六款串燒，而且大部分都至少有三粒，我哋三個人分岩岩好！餐廳仲俾埋自家製麻辣海鹽同香草檸檬鹽，令蔬果串燒更鮮甜，肉串更惹味！👍🏼隨此之外我地仲叫左一個飯一個麵share~最有驚喜既係個汁燒豚肉飯，比起豚肉串燒，飯上面啲串燒更juicy！好好食😋烏冬好滑，配合醬油湯底一齊食清清地岩岩好！最後食得興起我地仲加左小町飯encore😂原來即係生雞蛋牛油醬油拌飯，雖然好簡單，不過隻蛋好新鮮好好食😍餐廳有免費既玄米茶，好濃好香，同平時其他日本餐廳飲到既茶色水完全唔同，值得一飲！食左咁多好野最後都係每人二百蚊左右，唔算好貴，下次可以約多啲朋友黎再食多幾款野食！…查看更多