鳳鳴居

營業中

休息中

今日參加行山活動後，山友帶我到上水馬會道午餐。其中之一間食店的名字很吸引，簡單的深色牌匾，襯托「鳳嗚居」三字，頗有風味。門外已有十多人排隊，卻不需半小時便能入座。見菜單上除了藥膳湯麵，也有醉雞湯飯。朋友說店外經常排長龍，在上水非常有名的食店。排隊輪候大約15分鐘，便可以入座。留意到大部分食客都很有同理心，吃完後逗留多十數分鐘便離開，讓排隊等候的客人可以盡快入座。我點選醉雞湯飯和一杯凍百香果。醉雞湯和白飯是分開上枱，湯的酒香撲鼻，可惜藥味太濃，飲兩湯匙已感「足夠」。雞胸和雞髀的肉質都很滑，雞味都唔差。下次會再光顧👍🏻

朋友知我鐘意食雞，推介呢間經常排隊的人氣食店，經過上水慕名嚟試，果然好介紹！醉香雞湯（$50）主角當然係醉香雞湯，我哋點咗一個醉香雞湯米線、一個醉香雞湯飯。一上菜就聞到濃濃酒香味，好醒神。 呷一口湯，湯甜酒香，湯底有紅棗木耳，好好味，不自覺一口接一口，飲到一半，忍住唔飲，因為要留番啲嚟送飯😅。雞肉有六七件，唔算好嫩滑，但滲入淡淡酒香，肉質鮮甜，唔點豉油都夠味。米線幾爽，都食得晒。黃金魚皮（$40）平時食黃金魚皮總覺得放隔夜，唔新鮮，有浸隔夜味，但呢間嘅黃金魚皮，蛋黃咸香，炸得超鬆脆，食到嚓嚓聲，食到唔停口，冒住超標風險都要食🤣