小蓉麵家

營業中

休息中

有日經過此雲吞麵舖，眼見舖內光鮮企理，座位寬敞，再望一望門外餐牌，價錢合理，剛好又有點肚餓，便推門內進。餐牌上都係一貫雲吞麵舖有既湯麵、撈麵；單併、雙併、淨食、油菜等等，另外仲有飯類套餐，真係照顧到不同胃納人士。通常到雲吞麵店，我多數會試一試試該店的雲吞麵先再衡量下一次應否再來，不過今次見對面檯一位客人碟豬手撈麵又好吸引，但我又唔想食撈麵，故此叫了一客豬手湯麵加紫菜。湯麵上了兩大件豬手，外皮富光澤，有彈性，感覺很新鮮，咬一口已覺得口腔內充滿骨膠原，南乳豬手燜得很腍，很入味有咬口 ；喝一口湯，蝦味十足，亦有魚的甜味，韭黃的清香，麵條煙韌彈牙，無鹼水味桌上有一大瓶醃蘿蔔，印象中很少見雲吞麵舖有供應。蘿蔔切成薄片浸於白醋中，新鮮爽脆，讓客人當小吃，開開胃，飯後亦可清清味蕾。

去旺角接完媽咪收工， 就係小巴站附近搵食， 見到有間新開，裝潢又幾乾淨企理嘅港式麵檔—「小蓉麵家」， 就入去試下。😏 除左傳統湯麵和撈麵外， 還有特式麵和飯類套餐呢！😯 南乳豬手撈（$34） 豬手有兩大件，炆得入味， 南乳味香又惹味， 又有豐富嘅骨膠原質感， 麵條質感爽滑和有麵香，沒有太大鹼水味，不錯吃！😋 五香牛筋撈（$34） 牛筋份量多， 炆煮得軟腍入味， 加上爽滑麵條和腩汁拌起來一起吃，正！😎 食撈麵膩得濟， 可以試下桌上自家製醃蘿蔔， 係免費任食架！😏 而家好少地方會有醃蘿蔔食，酸香醒胃！ 炸黃金魚角（$28） 用魚漿製成嘅魚片頭，切成三角狀， 放入油鍋以慢火油炸， 吃來既脆口又乾身，魚味十足！ 小時候嘅小編最愛吃炸雲吞， 以前我爸返工之前就會去茶餐廳買下午茶比我食，係兒時回憶呀～ 炸招牌雲吞（$28） 炸得脆卜卜嘅炸雲吞皮薄餡靚， 鮮味十足，蘸上酸辣醬更惹味呢！👍🏾 自家製豆漿（$11） 豆漿豆香十足，唔會太甜，哎喲不錯啊！😏

星期天要睡到自然醒第一件事當然要填食飽肚子來到這間小蓉麵家嘆碗雲吞麵環境裝飾佈置得古色古香像瞬間置身於歷史情節中甫坐下後便點了鮮蝦雲吞麵雲吞裡的蝦肉爽口彈牙每粒都真材實料幼麵軟硬適中鹼水味濃柱侯牛腩河又是另一好選擇牛腩用柱侯醬燜得軟淋入味油脂甘香肉味濃郁河粉盡吸了腩汁的精華更美味小食則點了酥炸招牌雲吞傳統的雲吞炸得酥脆炸後依然保留著肉汁另點了香炸黃金魚角質感外脆內軟魚肉多汁惹味星期日來個中式Brunch也不錯

今日晚上和太太往小蓉面家食dinner, 我們食了南乳朱手撈面, 油菜心、清甜蘿蔔、雲吞墨丸面配腩汁、上湯魚角和凍豆漿。南乳朱手撈面朱手好腍,入口即熔, 撈面爽口；油菜心新鮮爽口, 配上蠔油一起食,食落好惹味；清甜蘿蔔食落清甜消暑, 而且蘿蔔食落沒有渣, 好爽口的蘿蔔；雲吞墨丸面配腩汁雲吞皮薄餡靚, 蝦新鮮彈牙；墨魚丸大小適中, 配上腩汁食落香濃, 面條新鮮, 蔥花能帶出整碗雲吞墨丸面的惹味；上湯魚角魚角煎得熱辣辣, 食落香脆, 配上甜酸醬食落更加醒胃；最後豆漿甜度適中, 飲落香滑。餐廳桌上有醃蘿蔔, 醃蘿蔔食落清甜消暑, 食落沒有渣, 好開胃。餐廳座位舒適, 食物美味, 價錢合理大眾化, 值得再來的面家。