稻成 (東薈城名店倉)

印象中稻成開業至今都無咩幫襯過，上星期六見到有大閘蟹，即刻同屋企人第二日book黎試吓。首先黎個三小碟，每人每樣一件都唔少嘢之後一人一盅雲吞雞，已半飽食完就到主角大閘蟹，蟹膏份量okay拆咗勁耐，之後侍應生服務好好，清到張枱好似未食蟹之前咁乾淨。之後係好邪惡的蝦多士，每人兩件膽固醇超晒標。仲有蟹粉小籠包、炒菜心和蟹粉賽螃蟹，份量唔少。最後甜品是薑汁陰陽湯丸，完美作結。由於難得一遇有heart做好的餐廳，所以點都要支持一下，之後個星期日午市又再幫襯多次。今次叫咗最出名嘅酸菜魚，同埋水煮牛肉，用料很好，酸菜魚仲加咗菊花，有股清香。但蜜汁響鈴同以前食開有些唔同，無薄脆和蓮子，取而代之是南瓜片，感覺無以前其他餐廳食開的風味，稍遜一籌。炒紫淮山是健康之選，但略為清淡，所以被同枱的水煮牛肉和酸菜魚搶晒風頭。最後甜品叫了南瓜餅和高力豆沙，非常好味😋。最公道係兩個小朋友3歲和6歲無收茶錢（小朋友唔飲茶，都係自己帶水壺），非常識做。仲要稻成週末都有set lunch，東涌住戶又有92折。咁抵食，環境好、服務好、食物好食，以後一定會常來。…查看更多

呢間出名喺酸菜魚，香港好似好少有正宗酸菜魚食，今次試呢間稻成京川滬都喺對酸菜魚有少少失望😕反而其他小菜有驚喜🤩1️⃣酸菜魚（小辣）加薯粉加左薯粉，個薯粉好食好索湯，但酸菜魚少失望😕唔酸叫小辣都唔辣... 但魚片方面讚係冇骨的，都幾多片，唔洗去骨食得好爽🤩但味道可以濃味返啲，多啲酸菜同椒2️⃣油炸鬼 🤤好脆，沾湯食半軟半酥脆，口感好好3️⃣孜然羊肉 一上桌已經好大陣孜然味，流晒口水🤤，本身以為會好羶味，點知調味得好好 唔羶 食落好香孜然味，而且勁淋身，一咬即化可能因為肥肉比例多啲 4️⃣酥炸骨 好酥脆，肉都係一咬就斷，唔會痴住啲骨 略嫌調味同孜然羊肉有啲似😂5️⃣上海年糕 以為係上海炒年糕用鼓油個款，點知係類似雪菜肉絲炒年糕...味道一般，有點太痴，食落唔夠調味😕…查看更多

嗰日同個同事Farewell，因為唔想又食西餐，結果就揀咗呢間上海嘢我哋喺度睇Menu嘅時候，個侍應就同我哋講，話有個四/五人嘅套餐，好抵食。我記得好似係$888。由於我唔食魚，所以我冇得comment，但我啲同事都話，呢個酸菜魚係名菜，好正喎。不過有啲辣，因為放咗好多辣椒。小籠包熱辣辣囉，我又真係唔覺得佢特別好食。感覺好普通。呢個翡翠苗係偏鹹嘅，食完你會覺得好口渴。而且都偏細碟嘅。但呢個雲吞雞，我就覺得佢太淡喇，好似冇乜味道咁。係就係好足料呀，又大煲(每個人都飲到兩細碗，我哋4個人)，花膠都算多，我啲同事就讚不絕口。不過我始終覺得佢淡咗少少。最好味呢，我就係覺得呢個黃金蝦，啖啖肉！蛋黃又唔係好鹹。唯一可惜啲，就係墊住啲蝦嘅雀巢，係唔食得㗎，淋之之，一啲都唔脆╮(￣▽￣"")╭呢間可以再encore，因為佢啲嘢其實係幾平嘅，唔算好貴(喺東涌呢啲地方)。…查看更多

難得黎一次東涌，見到呢間餐廳主打酸菜魚，見佢都算價錢合理又唔洗點排隊就試下啦！服務態度真係好既，個個都好友善好有禮貌。講真入到黎，我相信好多人都係食酸菜魚，個碗咁鬼大，張二人枱擺到個魚擺多兩碗飯，加其他菜根本就好逼，雖然地少人多，但真係好逼好辛苦。郁下都怕整跌野。酸菜魚：+28蚊可以加姐薯粉，好多酸菜同粉，魚都一片片分開哂，又冇骨，又滑，好好味，兩個人可以加到個餸都夠食！回鍋肉：用大量油炒既野都好食既！送飯一流。翡翠苗：食上海菜必叫，清清地好正！（可能我冇睇清楚收費，戴頭盔先）問題係一開始埋位有個炸花生定炸豆既野，我食左一粒就覺得好難食。然後睇返張單，果個炸豆要收錢，茶位再加每位8蚊，又唔係真係有個水壺好似酒樓咁任飲...點解我唔去買枝樽裝茶飲，反正都係飲得一杯野好食既，但價錢有點貴，酸菜魚好食既餐廳都好多，應該唔會再去…查看更多

一路都聽過朋友講呢間食川菜都唔錯，之前屋企附近又開咗新分店，終於俾我搵到一日同朋友一齊嚟試下我哋去到分別叫咗酸菜魚 小籠包，糖醋排骨同京蔥爆牛肉一齊食。酸菜魚好開胃，用個湯送飯真係一流，而且魚肉份量好多，肉質又鮮滑，d辣度又適中，好正小籠包一籠有四件，餡料豐富，皮厚多汁實在太好味啦糖醋排骨嘅排骨軟而不柴，湯汁濃而不膩，糖香醋鮮，層次好分明。京蔥爆牛肉嘅分量都好多，京蔥爆得好入味香口，牛肉肉鮮鬆軟，簡直停不下嘴…查看更多