大城小廚

營業中

休息中

之前試過已留下非常好的印象。今天嚟到九龍城又encall ，果然再有驚喜。食材新鮮， 賣相同味道都非常好，最開心係茶餐廳價錢又不需要加一 ，但有高級飯店水準， 值得推介。酸菜魚唔算太辣 ，啲魚好滑，好好味。🤭😋😋😋餐廳有炸子雞食，隻雞好得喎，又新鲜又好味魚肚雞煲，快D試吓，D魚肚超厚又入味㗎，🤭😜😋😋金沙涼瓜，好嘢味睇佢個賣相就知好好味啦椒鹽鮮魷差啲影唔切相就俾人ko曬， 魷魚超新鲜。😋😋😋

九龍城一向係美食天堂　除左好出名嘅泰國菜同新派cafe之外其實都有高質嘅港式茶記🇭🇰而且依家去九龍城方便左咁多　所以就過黎探朋友順便行下.🌟脆皮炸子雞(半隻) ($138)店員介紹鋪頭嘅炸子雞選用左文昌走地雞🐔雞皮薄得黎又冇肥膏 仲炸到卜卜脆一啲都唔肥膩而且雞肉嫩滑 雞味香濃 媲美酒樓貨色🤤.🌟酸菜魚（海鱸魚片）($198)一上枱就見到魚肉鋪滿整個鍋面 份量十足🐟魚片用咗海鱸魚 唔係一般用嘅鯇魚所以魚肉實淨厚肉 又冇泥味 非常新鮮湯底酸、辣、麻適中夠晒味😋而且鍋入邊有酸菜、芽菜同薯粉 豐富又飽肚😝.🌟XO醬海鮮炒河 ($62)河粉炒得好有鑊氣又乾身 一啲都唔油配料用上蝦🍤、魷魚🦑、蟹柳再加埋XO醬炒畫龍點睛 好惹味 十分抵食☺️.見到餐牌話可以半價配飲品我地就揀左雜果賓治和紅豆冰咖啡🍹呢兩款都係港式特飲 真係買少見少.餐廳有卡位同圓枱 可以招待唔同人數嘅客人而且地方闊落坐得舒服🤓店員仲非常殷勤 主動向我地介紹食品雖然係茶餐廳但係都可以食到酒樓嘅風味價錢又合理 性價比高👍🏻

餐廳主打多款廣東小炒同其他精美小菜🇭🇰 除此之外更有大排檔小食、煲仔飯、星馬正宗喇沙、川菜料理等等🙈 食物即叫即整，款式眾多，老少咸宜，值得推介😗 整體環境乾淨企理，店員服務態度友善，而且價錢都算親民化🤭 九龍城嘅居民們有福了🤩第一次喺茶記食酸菜魚估唔到都幾有驚喜😌～ 海鱸魚大大片而且夠厚身，魚肉新鮮🐟 嫩滑潔白、爽口得嚟帶點彈性！湯底味道溫和，入口舒服，油潤得來唔會好膩😎！內裏更有大量酸菜，木耳、枝竹、粉絲等配料，份量驚人，絕對完勝某啲酸菜魚專門店😳蒜香椒鹽海蝦上枱時真係忍唔住哇咗一聲🤣 蝦肉鮮甜美味🦐，爽口彈牙，超級大隻，啖啖肉好滿足呀！蝦殼更撒上滿滿嘅蒜香同椒鹽，超級惹味，配飯一流😜依家出邊好少有得食鴛鴦炒飯🥺 賣相十分吸引，一邊係香濃creamy嘅白汁配海鮮，另外一邊係酸酸甜甜嘅鮮茄炒雞柳同洋蔥，配上鑊氣十足嘅炒飯底😝，非常開胃又飽肚🐷飲品叫咗比較特別嘅紅豆冰朱古力同熱檸樂加薑！味道新奇得嚟都幾match🤪 可以一試！

今次去九龍城無食泰國菜😆反而去搵左間茶記食 其實自己本身都好鐘意食茶記🥤夠地道🗝有香港特式 啱曬我呢啲港女❣️👅酸菜魚 （細: $188 大: $288）呢煲真係有滿瀉嘅感覺 除左基本會有嘅酸菜同魚🐟仲有好多辣椒花椒🔥又有好入味嘅粉絲 真係超足料🌈一塊塊滑嘟嘟嘅魚片🥢，仲有脂肪分布平均嘅肥牛片🥩兩者都好入味 同香濃嘅湯底融合左 食落又麻辣又酸辣 真係味蕾上嘅刺激啊🌶🌶🌶估唔到原來茶記有酸菜魚食😳仲要有驚喜🥳