鼎皇臭臭鍋

今日跟朋友介紹黎一嘗呢個鼎皇臭臭鍋，據講係原自台灣，現座落尖沙咀金馬倫道，離港鐵站約5-8分鐘，非常方便啊。喺對面馬路已經比佢咁光猛嘅招牌吸引住，相當易搵。可能平日關係，加上時間尚早，人流不算太多。地方都幾闊落，而且乾淨整齊，唔係地下濕漉漉果種。臭臭鍋同養生鍋共有8款，每款只係$118。如果午市時間，仲只收$88，而且一人一鍋，唔駛同人share，夠晒衛生。另加$8就可任選飲品，左起百香果芒果梳打、紅棗桂圓杞子茶、盆栽奶茶及珍珠奶茶，各有特色。要食就梗係揀呢度嘅Signature招牌臭臭鍋啦，配料夠多豬大腸、金針菇、黑豚肉、米血糕等等主角就當然係令到佢夠臭嘅臭豆腐啦，雖然樣子跟普通豆腐差不多，但佢勝在夠臭，鍾意食臭豆腐嘅人，你懂的。最驚喜嘅就係佢竟然有鵪鶉蛋，我最愛呀。友人揀左酸菜魚片鍋，配料無招牌鍋咁多，但佢有泡椒同酸菜，酸酸辣辣，夠晒醒胃。呢個黑麻油雞鍋，採用啖啖雞脾肉，配料有玉子豆腐、台灣米線、蜆等等，湯底用黑麻油，味道濃厚，認真吸引。懂得養生之道嘅朋友，就揀左呢款藥膳羊肉鍋，除左主角羊肉之外，配料仲有白蘿蔔、鮮冬菇、嗚門卷、炸枝竹等等，值得一試呀。如果一定要食飯嘅朋友，另加$12可選擇滷肉飯及咸魚醬飯。我試左個咸魚醬飯，深深比佢吸引左，真係一試難忘。…查看更多

推介酸菜魚片鍋😋上菜速度快，食菜新鮮，服務到位，有個靚仔哥哥招呼，最重要係食材新鮮，好味道。唔會hea住做。小食推介：鴨舌、台式炸雞、蒜泥青瓜，真係色香味俱全。…查看更多

好友是多啦A夢迷，一知道Uniqlo今日推出多啦A夢獨特UT系列，唔止有多款T裇，仲有限量版的毛絨公仔，就諗住立刻去搶購，點知多間分店的毛絨公仔都被搶購一空，幸好美麗華分店有剩少量，我就陪她第一時間撲去。買到啦！血拼完就是時候醫肚，來到尖咀，食乜好？逛下逛下，就被“養生”和“藥膳”兩個詞吸引了，原來是一人一鍋店。看看門口各份餐牌，有魚鍋又有羊鍋，正合我倆心意，就它吧！走進內裏，環境光猛，裝潢簡約平實，牆上擺放了一些書本、花束、小帆船等小擺設，但最吸引我注目的還是牆上所貼的兩個招牌鍋大海報。地方寬敞闊落，設有幾張舒適的卡座、一排長沙發座配四人枱，走入一點還有幾張四人枱。看着紅通通的餐牌，已覺得火辣辣。除了有八款一人鍋外，還有很多加點食材、小食和飲品。不用多加考慮，因為我們一早已看中魚鍋和羊鍋，立即點菜吧！****************************每個鍋都配一個小火爐，邊滾邊吃，正！待一會，其中一鍋便上枱，究竟是那一個鍋？一打開蓋子，原來是酸菜魚片鍋 Sour Vegetable Fish Hot Soup ($118)。嘩！大大鍋，面頭舖滿魚片，還有一條可愛的QQ小魚兒。鍋中還有彈牙的豆皮 和鳴門卷、清爽的娃娃菜、金針菇 和大豆芽、滑溜的豆腐，當然少不了酸菜 和泡椒。呷一口熱湯，先嚐到酸酸地的味道，繼而滲出微弱，辣度溫和，不致嗆喉，加上一直保持熱辣辣，好喝！魚片是龍脷柳，肉質潔白，啖啖肉，完全無骨，而且挺嫩滑，亦很入味，不錯! 至於酸菜，酸酸辣辣，味道吸引，而且爽口脆身，亦好吃。****************************輪到另一鍋出場，就是藥膳羊肉鍋 Herbal Lamb Hot Soup ($118)，有補氣活血、血虛滯留和增強免疫力之效，看來很適合我。一滾起便聞到些藥材香，味道鹹鹹地，啖啖甘香，順口美味，友人極之喜歡。鍋料相當豐富，數數看，足足有十三款，包括炸枝竹、蜆、鮮冬菇、娃娃菜、金針菇、白蘿蔔、粉絲、准山片、鳴門卷、四季豆、台灣貢丸、玉子豆腐，當然不少得羊肉片，各食材都越滾越入味，越滾越滋味。羊肉片 份量不少，腍嫩的肉質夾雜些筋膜和肥膏，口感不錯；味道有些羊羶味，更能特顯羊肉的風味，味道也不錯。****************************還是要些米飯落肚，我倆同樣看中芝麻洋蔥鹹魚醬飯 Sesame onion salted fish sauce rice ($28)，粒粒圓潤飽滿的米飯上放了些洋蔥粒、紅蘿蔔粒 和一小件鹹魚醬。吃前先拌勻，啖啖鹹魚香，鹹香的味道伴上清爽的洋蔥粒 和紅蘿蔔粒，配搭合宜，簡單而美味。****************************還是需要兩杯凍飲降降溫，友人點了杯凍百香果芒果梳打 Passion Fruit Mango Mix Comb ($30)，而我就揀了杯凍香芋奶綠 Taro Tea ($30)，兩杯都大大杯，好有份量，友人仲要拿出多拉A夢跟它們合照，真是個大細路！啜一口香芋奶綠，冰涼透心，奶香中滲出淡淡的芋頭香，最欣賞是味道不會太甜，正合我口味。試試友人的百香果芒果梳打，味道酸酸甜甜，開胃醒神，同樣不太甜，也好喝！------------------------------有人會問，天氣熱辣辣還吃火鍋？其實只要好吃，不論春夏秋冬那一個季節，也可以吃暖笠笠的鍋物。美食當前，大家又怎能抗拒？所以夏日也是鍋物日。…查看更多