香港永年車仔麵茶冰廳

營業中

休息中

新城市想食港式餐廳的話，會推薦永年因為餐牌食物種類有好多選擇，粥粉麵飯、各式港式飲品應有盡有。-今晚朋友想食車仔麵，而我想食港式鐵板，所以就又嚟永年食晚餐大碗麵份量十足，配料豐富，有豬皮、蘿蔔、豬紅、魚蛋、雞翼及雞翼尖等等，當中我最愛豬腸，入味又炆得夠軟腍，魷魚爽口，湯頭可自由選擇辣汁，麵底粗/幼麵，河粉、米線皆可選，呢碗車仔麵絕對足料稱職-難得見到鐵板扒餐有封門柳，當然要點，封門柳乃位於牛的橫膈膜的肌肉，五成熟肉質鬆軟嫩滑，此肉同內臟較接近，脂肪不多但牛味濃郁，油花細緻均勻😍 下次再來都必encore封門柳-港式鐵板就緊係要配酥皮湯，經典既港式配搭，酥皮金黃香脆，一啖酥皮一啖牛尾湯，享受～～跟餐仲加咗$28牛三寶，牛筋入味香濃😍牛魔王既我相當滿意今餐！

在沙田新城市中心閒逛後在永年用餐點了招牌大碗麵果然不負所望平民食材卻打造出華麗的味蕾盛宴其中豬腸豬紅及豬皮都非常入味吸收掉湯汁的精華後味道濃郁牛腩軟嫩魷魚爽口彈牙配上我最愛的油麵稱得上是黃金配搭朋友的男神麵亦不枉多讓牛栢葉口感有層次咬口亦滿分牛丸吃得出有誠意口感紮實這裡也有港式鐵板餐可供選擇美國安格斯封門柳價值二三八元友人點了一個五成熟安格斯封門柳切開絲亳不費吹灰之力鮮紅肉色比例剛剛好入口只需輕輕嘴嚼便溶化於口腔中味道亦絕對對得起價錢配上脆麵一軟一硬口感登天鐵板餐可配酥皮湯一客酥皮湯表層帶有濃濃牛油香小食點了南乳豬手一份光澤亮麗的外表下肉質亦軟淋入味飲品建議試試特飲紅豆冰奶香四溢甜度適中紅豆亦足料是上乘之作

窩夫與蝦子餅間中會去吃車仔麵，日前在沙田逛完街便去「香港永年」開餐。沙田分店增設茶冰廳，提供車仔麵以外的港式美食。被安排坐在懷舊的「永年士多」前，點餐後可以邊等邊打卡。點了兩個車仔麵套餐，加15元可升級至永年特飲。窩夫的樽仔奶茶不會太甜，茶和奶的比例剛好，蝦子餅的菠蘿冰有很多菠蘿呢。永年大碗麵(套餐$108)的十款餸當中，窩夫最愛豬紅，每次光顧永年必點。今次魷魚有驚喜，超級厚身。女神麵($108)有酸齋、枝竹球和另上的紫菜等，枝竹球充滿豆香，叫窩夫一試愛上。女神麵還有鮑汁炆花膠，花膠大大塊，又腍又入味。熟蝦醬通菜($32)的熟蝦醬惹味不過鹹，通菜翠綠爽脆。鐵板一人套餐($218)的紐西蘭肉眼扒重約十安士，五成熟剛剛好，配炸麵感覺新鮮，炸麵香脆不油膩，有驚喜。鐵板一人套餐加15元升級做酥皮湯，酥皮水準不錯。招牌港式牛尾羅宋湯真材實料，味道偏酸，十分開胃。

提起永年，通常都會諗起車仔麵，但位於沙田新城市嘅呢間永年除咗車仔麵，鐵板餐都好出名，一於嚟個港式据扒😋 慢煮鐵板二人套餐我哋揀咗紐西蘭肉眼扒同嫩滑雞扒。鐵板餐係上菜途中已經聽到「炸炸聲」，七成熟嘅紐西蘭肉眼扒淋上洋蔥汁，肉眼扒牛肉味香，而且肉質軟熟；雞扒嫩滑，唔會過熟而老咗，配永年招牌辣椒汁，十分惹味。牛扒同雞扒下面嘅洋蔥好甜，唔會有生洋蔥嘅嗰種辣。 酥皮周打蜆肉湯食鐵板餐梗係要配酥皮湯！啱啱焗起，黃金香脆。除咗周打蜆肉湯本身嘅味道，仲多咗酥皮嘅甘香。 懷舊蝦多士炸得好透，整件多士都係酥脆。點沙律醬可以中和油膩感。 黑芝麻西多士伴雲呢嗱雪糕西多士內層有滿滿嘅黑芝麻醬，好香口。伴雲呢嗱雪糕冰火交融，唔錯👍🏻 奶茶紅豆冰紅豆冰就飲得多，奶茶紅豆冰唔係度度都有。一杯飲品滿足到想飲奶茶同紅豆冰嘅願望！

今日黎到，唔係食佢最出名既車仔麵，反而係試下佢新出既鐵板餐。美國極佳級封門柳鐵板餐 $228包餐湯同飲品，我加左$15飲酥皮湯。酥皮湯即叫即整，所以需要等一陣，佢焗得岩岩好，酥皮夠脆，湯都足料。封門柳肉味濃郁，雖然肉紋比較粗，但都好嫩好柔軟。好細心墊左洋蔥🧅係底，以防鐵板加熱時，牛會變得過熟。鐵板餐仲有加配小食優惠，$68任選2款，我地簡左懷舊蝦多士同黑芝麻西多士伴雲呢拿雪糕。幾欣賞佢呢到既炸物，好脆，但又唔會感覺好油。黑芝麻西多士係流心架，芝麻餡好豐富，加埋雪糕食，邪惡但好正。韮菜豬紅 $26我覺得小辣已好足夠同惹味，豬紅夠入味，推薦😋整體都唔錯，估唔到鐵板質素都幾好，夜晚黎，可能要等一等位，不過佢坐位算多，所以好快都有位。