The Right Place (寶勒巷)

🎀尖沙咀。氣氛liveband炸物酒吧天堂🗯️🎀🪄店名* #TheRightPlace🔮地址* 香港尖沙咀寶勒巷17-19號地舖 🔮🗾分店地區🗾 沒有分店💰價錢$465 已加一 (2人)➖➖➖➖➖➖➖➖➖➖➖➖➖想睇更多同區推介👉地區搜尋🔍🗾#pickyme_ 尖沙咀剩系食呢一類👉食物類型搜尋🔍🍜#pickyme_西餐➖➖➖➖➖➖➖➖➖➖➖➖➖🎵餐廳環境🎵餐廳氛圍獨特昏暗吸引，設有室內及室外座位，室內設計具型格風，燈光昏暗，牆上還有藝術畫作和裝飾，而室外也設舒適座位。這裡氣氛活躍，平日也常滿座，逢週二及週四晚上有Live樂隊表演，現場氛圍感十足。🍽️ 食物質素身為酒吧餐廳，提供多元化的美食，巧妙融合香港特色與西餐風味。菜品份量充足，同時提供多款特色創意雞尾酒和精選啤酒，非常適合與朋友小酌一杯。👀評分💖💖💖💖🪄避風塘蘿蔔糕 $88第一次在酒吧餐廳見到避風塘蘿蔔糕，非常新奇！店家貼心提供少辣或走辣選擇，表面灑滿蒜粒，蘿蔔糕切成小塊，經油炸後外層香脆，內部保持軟糯。👀評分💖💖💖💖💖🪄炸魚薯條 $148份量相當充足，幾抵食！炸魚使用大西洋鱈魚柳，外皮以啤酒炸漿，與一般炸魚唔同，外皮鬆脆而不油膩。魚肉保持嫩滑，薯條用上粗身連皮薯條，薯味更香濃。👀評分💖💖💖💖🪄西班牙脆皮豬腩肉 $108豬腩肉外皮香脆可口，冷卻後仍能保持脆度。肉塊尺寸適中，方便食用。配上芥末醬一起食用可平衡油膩感，味道層次更加豐富。👀評分💖💖💖💖💖🪄七味香酥雞軟骨$78必點推介！第一次試口感如此特別的雞軟骨，外層炸粉脹卜卜，好大粒。表面撒上七味粉調味，帶來微辣風味，口感酥脆。(5個💖為最高)✴️✴️✴️✴️✴️✴️✴️✴️✴️✴️✴️✴️✴️⚜️整體評級⚜️🎈味道評分*😋😋😋😋🎈環境質素*🎇🎇🎇🎇🎇🎈抵食程度*💰💰💰💰💰🎈服務態度*💌💌💌💌💌…查看更多

Happy Friday 最開心就係同班Friend子搵個地方輕鬆食野吹水啦~ 最就腳都係尖沙咀、旺角呢啲地方，但要搵個好坐而啲野又好食既地方都唔容易。呢間響寶勒巷既"The Right Place"，無論係搭西鐵定荃灣線既朋友都一樣甘咁方便，地方亦四正闊落，熱鬧得嚟唔會嘈到要嗌出嚟先傾到偈。講返野食先，主打西餐肉類既main course, pasta 同埋各款佐酒小食。我地一行四人就嗌左個牛面珠肉醬手造大通粉、招牌蟹肉蟹粉海膽扭捲粉、黃金雞翼、芝士薯條、避風塘蘿蔔糕同埋低溫慢煮豬鞍。要香口有香口，要高汁西廚都滿足到。先講兩個意粉，個牛面珠好冧，配手水牛cheese令個肉醬冇咁漏。至於個招牌蟹肉蟹粉海膽扭捲粉，雖然charge成$238有d貴，但真係足料啖啖蟹肉，海膽亦冇欺場，真係好滿足!!!個低溫慢煮豬鞍就不過不失啦(應該只係因為其他野太出色)。黃金雞翼脆卜卜咸香邪惡、芝士薯條、避風塘蘿蔔糕熱辣辣，送酒一流!酒水方面唔係話特別抵，但勝在選擇多同埋唔趕人，可以慢慢坐，盡請吹水。Overall speaking，食物同環境都對得住呢個價錢，有下次~…查看更多

今次必需要講一講尖沙咀呢個溝女聖地 - The Right Place環境非常舒服乾淨，大大個投影畫面分開左Drink List 同 Menu🌌凱撒沙律 $98🌌凱撒沙律平時食開都係落芝士粉，呢到選擇係沙律面鋪滿一塊塊芝士碎，而且個醬汁調製得非常之好食，唔會好濕亦無太乾感覺滿滿的芝士令人流哂口水，清新帶咸香味🌠避風塘蘿蔔糕 $78🌠避風塘配料將蘿蔔糕掩蓋，上面再加上幾塊薯片碎蘿蔔糕好熱，大家食的時候小心辣親個嘴味料好惹味，辣辣地，而蘿蔔糕本身已有甜香味，好食🎆帕馬臣芝士香蒜松露薯條 $78🎆同樣地有芝士環節，就會有滿滿的芝士碎片灑滿薯條上試想像將一條被芝士包裹住的薯條放入口，會有多『芝』士，脆卜卜口感加上芝士的濃味，作為小食，伴酒都好適合🌌炒智利銀鱈魚柳 $318🌌上碟的樣貌非常靚仔，材料有炒西班牙辣肉腸荷蘭豆、烤粟米、燒甜蕃薯、芒果沙沙鱈魚切開時候一塊一塊，表示相當新鮮，而自行加少許岩鹽，可令魚的鮮甜味及魚油香更加之突出，享受🌠朱古力心太軟‧馬卡龍‧椰子雪葩 $98🌠將三款食材混合成一碟甜品，賣相比美專售甜品的店鋪馬卡龍有檸檬味及紅莓味心太軟餅底唔錯，有少少脆，朱古力流心，與椰子雪葩一起食用，冰火快感一流🎆 Watermelon cocktail $88 🎆 夏日特飲，每日限量供應，原個西瓜仔內有調酒師精心的傑作總括來說，這間酒吧餐館無論色、香、味均俱全，而不要忘記，它還是一家酒吧，除左食物一流，酒品種類還非常之多，一個環境和食物都好既地方，加埋誠意，絕對係一個溝女聖地，拍拖談情一絕，就算朋友間想食下飯又吹下水，呢到絕對唔會令你失望，正餐、甜品、小食、酒品都出色的地方，香港何處找?…查看更多

連日來在自己的家園發生的事情，實在讓我數天徹夜難眠。被慈母窮追猛打，家裡不得安寧。哭崩了淚水，好不容易才讓我喘息下來，逃出來跟明白事理的摯友把酒訴苦。平日下班的晚上，酒吧滿座，女生們的高頻笑聲不絕，還有煙火蠟燭的蛋糕慶生。在維港的彼岸，彷彿甚麼事情也沒有發生過。數天壓抑下來的情緒，還是要些酒精才能引導真言出來。這裡的cocktail非常有特色，如Tofu Pudding和My Cup of Tea，集中西文化之大成，擁有中國的軀殼、西方的內涵。可是是晚Tofu Pudding沽清，於是選另一較有特色的Tan Tannin。Tan Tannin用中式彩繪茶杯盛著中國茶infused Gin。即使加入了菊花糖漿和紅棗杞子，卻沒有令強硬的烈酒變得容易接受。還是中西合璧的My Cup of Tea好喝，紫砂茶壺盛著熱的Chinese tea infused gin和綠茶糖漿，倒進金魚小杯裡別有一番風味。而冷的一杯則是將相同的homemade gin混入yogurt，加上蘋果汁和接骨木花糖漿，是遍地開花的撲鼻。送酒小吃少不免，這裡有一系列的避風塘小食。最為特別的是避風塘蘿蔔糕。本來會怕蘿蔔糕太粉，吃下去才發現蘿蔔味道很足，還有臘腸，是真正的蘿蔔糕。外邊的避風塘椒鹽十分香口，帶漁港風味。堅持香港本土特色，沒有其他能夠取締的。這裡的漢堡包全部都是用竹炭芝麻包做的。這個美國安格斯牛肉配日式照燒茄子，配搭很特別。旁邊放的日式醃酸薑是神來之筆，味道跟照燒茄子很配合之餘，酸酸辣辣的味道也為大大塊牛肉漢堡解膩。蔬菜沙律灑上果醋汁，易入口得來也頗為健康。粗薯條薯蓉足夠，輕炸得外脆內綿，不會太熱氣。漢堡包夾著豐富的材料，有芝士照燒茄子、安格斯牛肉、番茄和生菜，新鮮爽脆的蔬菜加入令口感很多元。點餐時店員竟然會問牛肉漢堡想要幾成熟，實在講究。畢竟是漢堡，不想麵包也被染至血淋淋，所以想要比平常吃的稍為熟一點，要了medium instead of medium rare。成品的牛肉合乎要求，有肉汁但沒血水，腍滑而不嚡口。擁有自主權果然好，可以選擇最適合自己口味的。想不到在酒吧也能找到這樣精緻的主食，原隻春雞釀入了食材後仍然保持完整性，慢煮後還稍稍烤過表面至外皮香脆金黃。雞肉慢煮過後連雞胸肉也非常嫩滑，用叉已能夠輕易撕開。切開春雞流出塞滿的Fregola sarda，貌似米型的意大利粉，但口感更像洋薏米，吸收了雞肉的精華及淋上的燒汁令其更為惹味。同時夾雜著的栗子粒偏粉，但不會煮得太腍，還是有點口感，帶微甜。最驚喜的是真的釀了原隻鮑魚在內，鮑魚炆得軟腍得來也保留了應有的彈牙，不是劣質的鮑魚。鮑魚和栗子在中式菜裡常常會各自配雞肉，這裡的配搭用了西式方法烹調又不錯。有謙虛的外表、滿滿的內涵，才最值得人讚賞。其他餐牌如下：二人叫兩個主菜其實已經非常足夠，再加一個小食分享實在豐富，也不能再點甜品了。同聲同氣地與美食度過了一個恰意的晚上，加上強勁的音樂與酒精麻醉一下自己，鬱鬱不歡的愁緒稍為舒緩了。感激找到同路人，並肩走下去的路才不那麼困難。…查看更多

約咗好耐嘅飯局，卒之可成行。The Right Place 個名真係改得好，唔單止環境令人好 relax，食物真係唔錯。今次只有3人嘅飯局，點菜數量唔可以多，一定要精。佢幾款主打菜色買相幾好。所以二話不說就點咗頭盤 “八爪魚、鮮橙、柚子、車厘茄、羽衣甘藍沙律配芥末籽醋汁” 真係非常醒胃，想試好耐嘅羽衣甘藍，又可一次食埋，真係冇得輸！另外仲叫咗 “燒西班牙黑毛豬五花腩伴芥末籽蜜糖青蘋果”，青蘋果配搭五花腩味道真係絶配，同埋 “避風塘炒蘿蔔糕”，其實呢個配搭都唔錯，可惜啲蘿蔔糕嘅味道就有待改善嘞！仲有 “西班牙辣肉腸、花枝片、燒南瓜、法邊豆、鹹蛋黃意大利飯伴輕煎北海道帶子”，有咁多配料，除咗幾粒大大隻嘅鮮帶子，其餘嘅味道就唔係好食得出，尤其係鹹蛋黃同燒南瓜。除咗食物質素幾好之外，環境唔錯，雖然今次係坐近室外嘅室內枱，自問對煙味非常敏感嘅我，室外嘅煙味都唔會飄近，所以遲咗訂枱，坐唔到再入嘅位置，都還可以！The Right Place 值得再搵 Right Persons 再嚟！…查看更多

The right place 這間餐廳之前都有食過，感覺非常之唔錯。今日難得約左一個好耐冇見的朋友食晚飯，決定再來這裏一試。The right place 係M1集團旗下嘅餐廳，面對着尖沙咀的街景，別具風味。坐在室內，環繞着是西部音樂，更有大螢幕播放著不同地區的MV，頗有情調。餐廳的餐牌設計獨特，像一份復古的報章，而且食物種類繁多，非常吸引。我和朋友一起點了一個小食，兩個主菜同一份甜品。另外，值得一題是，餐廳上菜速度很快，非常有效率！避風塘蘿蔔糕$78賣相非常吸引，上面舖滿炸蒜，加上香脆薯片，別具一番風味。蘿蔔糕外脆內軟，非常好吃，更帶有香酥口感，好正！廚師更在蘿蔔糕上加上辣醬和甜醬，更添避風塘風味！味道稍為偏咸，鍾意濃味的朋友絕對不能錯過。美國安格斯芝士煙肉煎蛋漢堡伴薯條 $128同樣是色香味俱全，漢堡份量非常大，足夠兩個女仔分享。漢堡層次分明，分別有新鮮蔬菜，蕃茄，漢堡牛扒，芝士，煙肉和太陽蛋，材料豐富。我最喜歡就是這個竹炭麵包上有好多芝麻，焗得香脆，很香口。薯條香脆，炸得外脆內軟。澳洲和牛肉醬辣香腸水牛芝士手工貝殼粉伴溫泉蛋 $178和牛肉醬味道濃郁，帶有番茄和牛肉的鮮甜，香氣十足。配上溫泉蛋，讓貝殼粉更加掛汁，每一啖都有和牛肉醬的味道。手工貝殼粉亦都好有咬口、做得很不錯！雖然$178，不算平，但絕對值得！抹茶心太軟伴自家製紅桑子雪糕 $68抹茶味道香濃，蛋糕焗得鬆軟，流心的抹茶醬濃郁，非常香！紅桑子雪糕冰凍得像雪葩，清新，不膩。Ginger season $74檸檬和梳打感覺清涼，加上姜片，清新，讓人refresh。整體來說，the right place絕對可一可再！…查看更多

尖沙咀寶勒巷的食肆，我個人特別喜歡The right place ，原因是它格調高雅，裝修型格，店舖分戶內和戶外兩區，特別是戶外區，坐在這裏看着行人來來往往的感覺很寫意尤其是現在的天氣，不冷不熱，坐在戶外區，偶然清風送爽，和好友天南地北，把酒談歡，真是一樂也他們定期會推出特別優惠和不同季節限定的Menu，每次都會帶比客人不同的驚喜，餐廳推廣著實應記一功避風塘蘿蔔糕，相信是他們創新的菜色，唔係度度有得食㗎，辣辣地又惹味，包裹著軟軟的蘿蔔糕，口感很過癮，送酒一流有不同的酒精和非酒精飲品可供選擇，賣相吸引，看着也令人心情特別開懷烤德國鹹豬手，原隻上枱，服務員詢問我們需要否拍照📷，也算是細心的表現，待我們拍照完畢後就替我們熟練的切開，十分體貼避風塘軟蟹，真真正正的做到外脆內軟，非常惹味不經不覺傾傾講講，食下嘢飲下嘢，非常愉快的晚上…查看更多

今日舊同學生日，選左這間西餐廳食晚飯慶祝，環境都唔錯， 適合吹水聚會的地方。避風塘麻辣雞全翼$88- 2隻堅好食，炸到卜卜脆，又啖啖肉，全翼都幾大隻Dr kitty $66 (happy hour )同學們都飲酒，自己唔飲酒就叫左杯非酒精飲品，好飲丫，荔枝味，甜甜地。避風塘蘿蔔糕 $78一定要叫，炸到香口，外面極脆，但一口咬落去裏面係(淋)，好香，好好食the right place拼盤 $298(避風塘雞全翼，香草蒜茸牛油燒太平洋蠔，燒西班牙黑毛豬腩肉伴香芒莎莎， 脆炸軟殼蟹 ，黑松露菌醬燒粟米)我覺得尼個拼盤好抵食，$298有咁多款配搭。烤德國咸豬手 $228唔會太喊，皮好脆，但都容易切開 ，容易入口泰式燒原隻魷魚筒釀蝦膠$128尼個好特別，因為外面魷魚筒燒到好彈牙，但入面有軟綿綿的蝦膠。…查看更多

約了一個很久不見既朋友聚一聚，時隔一兩年，大家思想如一，就係放假緊係要嘆番杯！選址尖沙咀區！這一帶近年開了很多酒吧類型的餐廳，提供各式各樣既西餐或小食天會提供很多酒既款式！最後我地二揀一，一致的選了位於寶勒巷既【The Right Place】，希望真係Right Place吧！不論由尖沙咀或尖東站走過來都差不多距望，非常易找，因為門外有開放式位置，劃了十餘個位子可能是方便一眾吸煙人士！而室內就冷氣開放！入面既氣氛都幾正，因為好像有種睇賽事熾熱既感覺。環境寛鬆，有時候會有特別燈效，但當晚是有有兩個大型投影熒幕播著一些音樂MV，沒有過於嘈吵，是輕鬆，Chill住坐既！裝潢算是新式型格，我們坐的位置，後面是窗戶望到的外面香港街景，挺有特色。而左手面就是一個大大的酒吧的調酒位置，好多特色飲品同Cocktail，有唔同嘅口味！店員亦好樂意向我們介紹邊款Cocktail或者野食適合自己！非常有耐性呢！【The Right Place】除了有好酒，更有好野食！翻開餐牌...食物款式多之餘又吸引，當然食物以西式為主，基本上沙拉、漢堡、意粉、小食這些都是必有的！侍應們非常親切有禮地再次介紹同落單！邊等邊傾計很快食物便到了...避風塘蘿蔔糕$78見到「避風塘」這三字被它吸引了，呢款係傳統Mix創新，因為落左薯片脆脆！蘿蔔糕份量係勁多，真係建議有三個人食先好叫，因為超飽肚！蘿蔔糕，外脆內軟，一路食一路噴煙...熱辣辣。設成方體容易入口，配上炸蒜茸+埋脆卜卜既薯片又幾夾！不過避風塘嘅香辣蓋過晒蘿蔔糕味道雖然炒到好香但辣味重了點...係惹味!但減少點辣度對蘿蔔糕本身既味便會出一點呢！另一樣...避風塘軟殼蟹$98對的！又是避風塘！因為真係好少食呢隻味，所以一人揀一款！呢款用上中式點心蒸籠盛載，軟殼蟹有兩大隻，一隻切開兩件，岩晒每人一件，都幾有份量架！呢度軟殼蟹用左原隻「真蟹 」去炸，食到啖啖蟹肉之餘仲好酥脆又係用左中西合璧既元素，超香既椒鹽再加左薯片脆脆！唔惹味就假既！仲食到一絲絲蟹肉！呢個推介呀！呢個時候我杯Mocktail上場啦Right Place Tour $98點了熱飲，因為少飲凍野！，佢既Mocktail用左中國茶杯，好得意又夠懷舊，飲落去飲得出香甜味，清清新新，因為加左蘋果同桃茶，所以解膩真係一流好好飲！相信叫熱飲，呢杯會係Number No.1多人點吧！巴馬臣芝士香蒜松露油薯條$78好似都仲係食緊小食類！哈哈，呢個薯條真係食到我地停唔到！捧過來見到已經覺得好正！賣相名晒邪惡！點解？因為面頭的現刨芝士如雪花般散落在上！真係啖啖都食中巴馬臣芝士！都係用蒸籠盛上，好多蒸籠係枱面幾可愛，呢個薯條炸得剛剛好，金黃色又夠香脆，但唔覺油膩可能被巴馬臣芝士、蒜香及松露香蓋過了，松露味都特出的！食得好開心！用料確實是一絲不苟！不是求其堆砌有形無實呢！朋友個杯Non Grand都到了!Non Grand $108呢杯野飲都係玩fusion咁，其實係薑汁豆漿，薑汁味好香但你會感覺上飲到少少杏仁味...微甜、入口順滑、喝下去好舒服，仲有花膠，Mocktail變糖水真係發覺呢度飲品都好有特式！很創新！再上鮮蟹肉煙肉海膽汁扭捲粉伴海膽汁$188！朋友因為海膽而點的這個扭捲粉，而我就讓了很多給她吃，賣相不錯，而面層有大量蟹肉煙肉同豐富海膽制的醬汁煙煙韌韌的扭捲粉好Creamy，每啖都食到蟹肉，扭捲粉其實好好食個口感！至於份量還好，可能我們點的小吃較多，所以都吃光了！但一人獨享是不可能得，Share食先食的晒呀！兩個人點了兩杯飲品，三個小吃，一個主食，好飽了，食物份量足，質素又好好，環境同氣氛都唔錯，最緊要坐得舒服，非常適合好友相聚！同時亦都係放工後食飯飲野既好去處。有些朋友平日不常見，但需要她的時候總會及時在身邊出現，親愛的，謝謝你。💖…查看更多

尖沙咀寶勒巷好多不同食肆，呢間裝修設計獨特的「The Right Place」晚晚都好旺場，向街部分係開放式設計，特別啱喜歡自由奔放嘅客人而餐廳入面環境亦好型格，有酒吧和大型投影設備，訂定枱會穏陣啲先來個小食「避風塘蘿蔔糕」，呢個小食好受歡迎，咪以為佢係求求其喔，試過包你上癮，惹味嘅避風塘堆住香滑嘅粒狀蘿蔔糕，好滋味好回味日式照燒茄子美國安格斯牛肉芝士漢堡拌薯條🍟，牛肉一樣可以選擇幾多成熟，絕對不平凡的漢堡包🍔，照燒茄子🍆和芝士將牛包裏著，我們要用刀义🍴分享，過程簡單而隆重大大粒嘅北海道帶子，就是Risotto  的主角，配角有魷魚🦑、西班牙辣肉腸、燒南瓜🎃、鹹蛋黃、法邊豆，令人一試難忘服務員💁用熟練的技巧替我們把這隻德國🇩🇪鹹豬手煎皮拆骨實在太方便了，脆喔喔的外皮，極之入味又帶有肉香，嫰滑得來又好有咬口，吃得我們太盡情了靚靚嘅烤澳洲M5和牛肉眼扒10安士，五成熟剛剛好，M5級嘅和牛肉味偏重，啱哂懂得食嘅我，無得彈呢杯Dr.Kitty橙紅色深得朋友喜歡，有D似實驗室嘅器皿好Cute好特別，睇住佢手機狂炸社交平台，呃Like都抵啦特別要介紹My cup of tea ☕️ 飲法係一杯熱，一杯凍，中和左之後嘅感覺好特別，尤其是熱嗰杯要爆落去先，好掂啊撞啱有客人慶祝生日，將氣氛推至高峰，服務員同埋客人都好開心，下次有機會，我都要喺度慶祝一下…查看更多

香港人星期五放工最鍾意約埋朋友Chill out下！不過去酒吧暢飲聊天，又未必適合女仔；一大班朋友有男有女，最岩就去一啲酒吧餐廳！尖沙咀赫德道一帶酒吧餐廳林立，來來去去都係食嗰幾間，比較近K11容易搵，往往就忽略咗原來麼地道嗰邊都仲有啲高質酒吧餐廳。多得朋友帶領，今日嚟到呢間第一次食嘅The right place享受一個TGIF!餐廳有室外座位，當然炎炎夏日，唔係食煙嘅會選擇室內。空調十足，附設投影大電視，樓底高，氣氛一流。既然係酒吧餐廳，水吧當然放滿酒同埋特色飲品。剛坐低，衣着打扮都好前衛嘅侍應馬上過黎為我地介紹食物，款式包羅萬有，意粉、Pizza、扒...當然唔少得雞尾酒和酒精飲品！.避風塘蘿蔔糕 $78避風塘可謂香港特色，將呢個特色放落平民食物-蘿蔔糕上面，又會擦出乜嘢火花？用蒸蘢盛放，香辣得黎非常香脆，更加特別係混入左薯片碎！蘿蔔糕設成幾粒方體，當然甜醬依然係不可或缺。蘿蔔糕味道如何就不能多評論，因為比避風塘嘅香辣蓋過晒，但口感軟熟，整體非常有驚喜！.芒果木瓜禮物沙律配蟹肉及阿拉斯加皇帝蟹腳 $158炎炎夏日，木瓜和芒果是消暑的水果！混入了藜麥，除咗增加飽肚，亦添加了口感。芒果和木瓜甜而多汁，滲透入沙律菜當中，蟹肉用檸檬汁調製過，更加帶出蟹肉鮮味；阿拉斯加皇帝蟹腳由如手臂長，多肉先甜！.燒西班牙黑毛豬五花腩伴芥末籽蜜糖青蘋果 $88雖然只係$88，不過菜色一上枱，俾佢嘅五花腩份量嚇一下！有成六七件肥到透光嘅五花腩，井井有條咁放喺車蘋果片上面；青蘋果唔算好酸，清爽中和返五花腩嘅肥膩。.魷魚煙肉粟米嫩菠菜忌廉汁配手工貝殼粉 $148算係幾個菜式中最平凡，但味道亦不俗。菠菜忌廉汁香滑濃厚，依附係每一條手工貝殼粉上；手工貝殼粉形象搞笑，非常彈牙有口感。輕而易舉，馬上秒清！.話明係酒吧餐廳，我哋當然唔會錯過呢度嘅特色飲品。分別叫咗一杯cocktail同一杯mocktail.The tofu pudding $148意外地比想像中大！好比如出邊一個木桶飯，比一個人嘅頭還要大！一上枱，型格嘅侍應就會幫你將酒倒落個布丁度，話要等7分鐘，當凝固左就可以飲。主要由威士忌、豆奶、薑組成。佢食得又飲得，豆腐花非常之滑！酒精濃度幾強，雖然份量唔多，但係威士忌酒精度高，所以未必個個接受得到。總體來講，呢一杯酒精飲品飲完/食完係會飽。.Non-Grand $108呢杯無酒精飲品，熱飲貼心配合唔飲凍野嘅食客💕飲落其實似豆漿，不過薑味濃，仲會食到花膠。薑汁、新鮮薑、豆奶、花膠，都係女生恩物，我大推呢杯飲品！仲要用大紅公雞匙，好fusion～.爆CP值酒吧餐廳推介！論環境，價錢，食物質素同服務都相當高質…查看更多

香港曾經過殖民管治，是個華洋集處的大都會，因此中西交融的飲食文化應運而生，位於尖沙咀的The Right Place就正正體現了這種獨特的香港情懷。裝修雖是走懷舊風，但卻同時注入摩登時尚氣息，設有室內外空間，環境開揚，坐得舒服，最適合與朋友們把酒當歌。餐牌同樣都是中外合璧，除了有西式的意粉、pizza等食品，還有中式的避風塘小炒。避風塘蘿蔔糕 $78就連餐具都換成中式竹蒸籠，濃濃的中國風，可謂別具心思呢！大量炒香蒜茸包裹著蘿蔔糕，外層金黃香脆，內層滑溜軟熟，而且吃到一絲絲的蘿蔔絲，不會吃到滿口都是一團粉。避風塘椒鹽魷魚鬚 $88一上枱已是蒜香撲鼻，份量澎湃壯觀的炒蒜覆蓋整個蒸籠，其實就是港式避風塘炒蟹的變奏吧！外皮炸至鬆脆酥香，沾滿爆香了的蒜末、紅椒粒和椒鹽粉，鹹香惹味，魷魚鬚肉質彈牙爽口不過韌，而且炸得夠乾身，不會過份油膩，令人忍不住一口接一口吃個不停。西班牙辣肉腸茄子伴乾車厘茄羅勒蕃茄汁扭捲粉伴水牛芝士 $148平時在餐廳來來去去都是意粉、長通粉、闊條麵、蝴蝶粉等等，扭捲粉比起意粉更有彈牙咬口。Pasta和醬汁向來都是不能分割，扭捲粉微微彎曲且較長身，中間的空隙位盛載著更多酸甜開胃的蕃茄醬汁。美國安格斯牛肉芝士煙肉煎蛋漢堡伴薯條 $128想不到份量超大，而且還有兩塊厚厚的漢堡扒加一塊煙肉，定必可滿足食肉獸 XD黑色漢堡令賣相變得冷酷有型，烘焙出外層輕脆的口感，比平時的漢堡包更煙韌富彈性。漢堡扒肉汁不算多，但勝在口感扎實爽彈，入口已是肉香四溢，牛味濃郁，厚切薯條連著薯皮炸得金黃酥脆，呈現豐滿薯仔的原汁原味。Dr. Kitty $66混合了荔枝、芒果、菠蘿糖漿和乳酪的mocktail，酸爽又清新，不會過甜。Non-Grand $84西式酒吧竟然有傳統中式甜品，其實是加了花膠的薑汁豆漿，養顏又滋補，十分適合我這種體質虛寒的女生。豆漿入口香滑，而且內裡真的真材實料，內有數粒甚有QQ嚼勁的花膠，濃郁的薑味暖胃又暖心。…查看更多