殿·大喜屋

營業中

休息中

呢間餐廳主打豐富日式放題🇯🇵兩小時任食刺身、卷物、江戶前壽司、炙燒壽司、軍艦、一品料理、串燒、炸物、燒物、麵鍋、蒸焗鐵板料理、天婦羅等超過100款食物，仲有魚子醬、海膽、鮑魚、榴連等高級食材🤩出餐速度快又唔會漏單，真係食到棒住個肚走🫣💗晚市放題（$388/ 人）👇🏼以下🔟款係最值得添食：1️⃣鱘魚子醬：雖然食落唔係超高級個種鹹鮮味，但個質素都唔差，任食嚟講絕對係回本之選🦈2️⃣海膽軍艦：海膽雖然未算最甘甜，但食落都好Creamy，而且好新鮮冇臭味💛3️⃣刺身：刺身全部都好新鮮鮮甜，特別推介拖羅、北寄貝、北海道鮮帶、赤貝同海赤蝦🦐4️⃣燒香草羊胺：羊架肉質嫩滑鬆軟，香草醃得入味，完全唔騒🐑5️⃣清酒煮蜆：大大隻花甲飽滿冇沙，用清酒牛酒煮過特別鮮甜🐚6️⃣鵝肝厚多士：香煎鵝肝厚身肥美，入口充滿油香，配埋香脆嘅香草牛肉多士一齊食，簡直係完美🪿7️⃣花雕醉鮑魚：鮑魚彈牙完全唔韌，帶陣陣花雕酒香🥃8️⃣金湯燴花膠：花膠超級大塊，食起來黏滑充滿骨膠原🥘9️⃣王牌燒乳鴿王：燒乳鴿皮脆肉嫩，點埋諗🔟極尚椰皇燕窩燉蛋白：燉蛋白滑捊捊，食落甜度啱啱好，有陣陣嘅椰皇味，面頭放上燕窩點綴，夠哂高貴🥥

未食過呢間分店，位置一流，港鐵站直到～前菜任食、甜品任食、清酒同其他飲品都好多，個軟雪糕同軟糖嘅corner，細路仔見到實好鍾意～刺身例如赤蝦、赤背、北海道帶子、池魚王、金䱽魚腩、油甘魚、三文魚，都好新鮮，尤其是鱆紅魚薄切沾一沾柚子醋，薄薄一片已經好鮮味。三文魚夠晒肥美，而且切得好厚，每塊都食得好滿足。仲有熟食其實都好精彩，當中有出色燒得好香嘅燒乳鴿、酒樓都要賣三、四十蚊嘅椰皇燕窩燉蛋白、肥美嘅清酒煮蜆、惹味嘅芝麻雞翼、西京比目魚、大大條海參嘅花膠海參瑤柱魚翅羹、蒲燒鰻魚、抵食避風塘炒蟹、肥厚嘅川燒珍寶鮮蠔。仲有其他小食例如花雕脆鮑魚、冰鎮花海蜇都幾好食。最突破係三百幾蚊嘅放題，竟然有任食鱘魚子醬同日本海膽，叫咗個海膽拖羅黑松露帶子壽司，真係超級鮮味，勁回本。

🇭🇰殿·大喜屋·2小時自選時段晚市放題$388我哋已經超耐冇食過放題啦 今次見殿·大喜屋係帝京酒店開左 好似好新淨 好多野食咁 就決定黎食😈佢哋呢一排有好多龍蝦嘅菜式 而且佢啲海膽係用日本北海道嘅海膽 好多都幾吸引🤩之後除咗任嗌嘅放題嘢食之外 佢出邊仲有啲任食嘅前菜 甜品 嘢飲同海鮮 超級多嘢食😎😎·刺身 l 壽司 l 卷物 l 軍艦 l 創作料理我自己就覺得佢啲刺身最驚艷 佢全部都好新鮮 色水勁靚 尤其係油甘魚同池魚油脂勁好😍😍之後帶子 北寄貝都幾鮮甜 口感幾好 赤蝦都唔錯🦐不過我就覺得佢個拖羅有啲太肥 而且佢呢度好特別係有松葉蟹腳 呢個都多肉 係鹹左少少🦀🤣🤣之後佢啲壽司都唔錯嘅 佢有個黑松露油甘魚都幾好食 不過佢個飯就硬少少 我自己覺得刺身好食啲🍄之後佢個海膽軍艦同蟹肉蟹膏軍艦都好味 不過個紫菜就有啲擺耐左 比較難咬🫢·炸物 l 天婦羅 l 燒物佢呢度嘅芝麻雞翼做得超好食 佢係真係炸到好脆 調味剛剛好 而且雞翼都好大隻 我地之後encore左呢個🐤之後佢個鹽燒雞軟骨又係燒得好好 超惹味🤤🤤反而燒物我自己就覺得一般啲 佢個西京燒比目魚幾好味既 調味剛剛好 不過就唔係好熱🐟羊鞍肉質都

大喜屋集團於香港放題界規模可算是數一數二，最新一間分店「殿·大喜屋」剛剛進駐旺角帝京酒店。前身正是酒店自助餐餐廳「花月庭」，因此環境更加寬敞，高樓底充滿空間感。卡位坐得舒適，到我8時正離座時，店外已排滿長長人龍，可說是近期人氣熱話新店。晚市放題最平$348起，除了特定時段外，今次我就選擇了2小時自選時段放題，價錢為每位$388。所有食物都是任點任食，款式包羅萬有，集齊刺身、壽司、卷物、串燒、一品料理、麵鍋、天婦羅、炸物等等。掃描QR code後就可用手機點菜，環保方便又有效率，order的食物全都一目了然，今次亦沒有漏單。所有海膽菜式都使用北海道海膽，金黃色澤鮮明，充滿甘腴鮮味。上湯龍蝦伊麵真材實料，以新鮮爽彈的龍蝦尾入饌，味道亦和中式酒樓沒太大差別。刺身款式有油甘魚、金槍魚腩、三文魚、北寄貝、甜蝦、希靈魚、池魚王、北海道鮮帶子、赤貝、海赤蝦等，最特別就是還可任食松葉蟹腳。壽司卷物配搭甚有創意，例如香蔥芝麻拖羅小卷、海鮮沙律卷、加州卷、鵝肝芝士鰻魚卷、芝士吉列蝦卷、蟹皇卷，炙燒壽司則有辣味燒三文魚、滋味燒皇帝蟹棒、鹽燒左口魚邊、羅勒醬燒大蝦、火炙海膽帆立貝、蒜香燒牛肉，江戶前壽司包括三