譚仔雲南米線 (沙田中心)

營業中

休息中

每次來譚仔雲南米線都必點過橋米線套餐，這樣一來可以吃到好多材料，二來可以與朋友一起分享吃，不會怕浪費也節省金錢可以點其他食物，如果是點套餐我是建議點清湯比較入味，反而蕃茄湯味會變得比較淡，單點配蕃茄湯簡直絕配(對於我不能吃辣的人來說) ，蕃茄底湯還放左幾粒蕃茄，另外超級喜歡吃炸菜及肉醬，太好味了新鮮油菜有生菜、韭菜及芽菜，但我個人喜歡吃生菜，生菜新鮮爽口，好好味。小食還點了重慶口水雞翼，口水雞翼不算很入味，汁是麻辣，不能吃辣的我是可以接受的，味道不錯，我也點過好幾次來吃。單是一碗過橋米線套餐已經很飽了，如果兩個人不想吃太多可以考慮點套餐。地方環境不錯，清理潔淨，服務員也是很友善，我也吃過好多次。

平時都食開三哥，今日因為已經到左沙田席場果邊，唔想得黎行去，所以就去左譚仔食。好難得7點半左右冇人排隊，即刻有得入座，但係其實入面都幾full。我同朋友叫左我地例排食嘅套餐同細土匪，加多杯凍0茶。我地覺得上菜有啲慢，因為朋友唔食牛，所以碗麵一黎到我就會揀左啲牛肉走，點知我揀左粒牛丸之後，就搵極都搵唔到啲牛肉片。跟住我地都好鍾意食竹笙，以往碗麵都有2片，我地一人食一片岩岩好，今次我又係先食左一片，點知之後我個fd搵黎搵去都搵唔到，原來呢碗麵入面得一片竹笙！不過入面都幾足料嘅土匪雞翼好好食！我其實都好難講得出同三哥有咩分別

今日老公返工我同媽媽牚檯腳，兩個人出沙田食熱辣辣米線暖吓身!!由於兩個人都諗唔到叫咩餸，索性叫個過橋米線套餐咩都有。入面有牛丸、墨魚丸、肉醬、腩肉、豆 pok、腐皮、雞肉、竹笙、酸菜等等，好似咩都有啲，好味不過個人覺得太多肉喇。湯底揀咗 5小麻辣，好味! 呢間分店同其他比就無咁麻，但又辣啲啲，好在我兩個都係食得辣之人，食到成個人出汗。埋單一個套餐兩杯嘢飲 $63 算抵食，兩個女人仔仲食剩啲啲添...