滿小館 (已結業)

今日嚟到位於尖東嘅滿小館試吓佢地個lunch menu。位於尖東麼地道好時中心地下嘅佢，距離尖東站都係大約10分鐘嘅距離。場內闊落光猛，大約有10幾張枱，見佢旁邊都有包房呀。坐低緊係即刻開壺茶，茶錢每位$14加一，除咗典型茶葉，佢仲提供3款花茶。今日我哋就叫咗桂花烏龍，花味陣陣飄香撲鼻，在口腔中帶長餘韻。加埋個火熱住壺茶，打咭一流之餘，成餐都保持到個茶嘅熱度。首先叫咗呢個小館獅子頭，$68蚊。肉丸配上白飯，就好似一個小套餐咁相當趣致。個肉球軟身，食落個味道有啲似梅菜扣肉。配埋佢個鮮味醬汁，真係撈飯一流。第二味叫咗金湯松露餃，$48。金黃色湯汁配上三隻晶瑩湯餃，賣相相當唔錯。松露餃餃皮煙韌，松露味香，但味道唔會太重口覆蓋過其他味道。餃餡係啲冬菇同菌類，與松露相得益彰。佢個湯係南瓜汁，厚身甜甜哋。夾埋松露有一種中西合璧嘅感覺。第三味，蟹鉗巨無霸，$78。擺放返喺個木紋盤襯托簡潔鮮明。大大件蟹鉗有佢成隻杯咁大，跟咗個沙律菜俾你清清味蕾，蟹鉗皮脆乾身亦不會太厚。中間切開有啲汁，酸酸甜甜似咕嚕骨嘅味，個肉爽口之餘有豐富嘅蟹肉味。第四味，流心鵪鶉蛋燒賣，$48。唔同平日嘅燒賣，佢成粒白雪雪。吧一聲成個蛋黃爆咗出嚟個蛋黃汁厚身 ，香口 。燒賣肉鮮味爽口，軟硬兼施係燒賣嘅新感覺。第五味係運程流沙包，$38。佢首先係其中一味最平嘅打卡菜，加咗啲趣緻表情增添咗個包嘅玩味。一嘢叉落去好有治癒嘅感覺，包身鬆軟，而個奶黃就香甜。第六味，叫咗黃金鳳尾蝦多士，$78。呢個蝦多士真係相當出色，炸得乾身，唔會食落成口油，爽脆香口，入口即溶。隻蝦爽鮮，連埋一齊食增強咗個多士嘅香。附帶嘅沙律醬酸酸甜甜，帶果味芥末味幾開胃，呢個多士真係想一食再食再encore。接下嚟就係其中一個重點打卡招牌菜，冰鎮黑豚咕嚕肉，$178。個雪山煙霧彌漫加強咗碟餸嘅美感，白白薄煙令人更加感覺到個冰鎮感。上面個刨冰整到成座山咁，埋住嘅就係咕嚕肉。即刻掘一舊試試佢，外皮冰涼，夏天食一流，豚肉帶bbq味有份香甜，爽口無骨方便入口。旁邊生果，亦唔能夠浪費，波蘿清甜，士多啤梨香味十足。最後就叫咗呢味桂花紅酒雪梨為今日做總結，$68蚊。原隻雪梨浸上紅酒至酒紅色，離遠已經聞到紅酒味。食落嘅時候帶微酸，醒神開胃但又唔會話酒精好濃烈。梨身灑上桂花粒，一齊食散發陣陣飄香增加咗個梨嘅層次。佢個汁會甜口啲，唔好甜嘅你就唔好齋飲啦。訂座電話：26383329地址：尖東麼地道63號好時中心30－41號地舖Instagram @themoonious#滿小館#themoonious…查看更多

餐廳係位於尖東既新派精緻中菜館，環境好大，座位闊落坐得舒服，一家大細黎聚餐都好適合，另外餐廳仲設有獨立廂房私房菜。✨茶芥$14/位，星期一至五午市免茶芥✨另收加一-💕茶葉/花茶 新派特別，竟然有白桃烏龍😳-💕 水晶蝦餃皇 $52👅好味指數：7.5/10皮薄餡滿，外皮夠煙韌，蝦肉彈牙有鮮味👍🏻-💕 運程流沙包 $38👅好味指數：7/10造型可愛☺️放左陣都冇凝固到，包體軟綿，鹹蛋黃餡香甜。-💕 蜜汁叉燒腸 $48👅好味指數：7.5/10腸粉皮滑唔會過於厚身，叉燒入味👍🏻-💕 黃金鳳尾蝦多士 $78👅好味指數：7.8/10炸得好酥脆香口！咬落有聲🤣蝦味濃，仲有芝麻香🤤-💕 流心鵪鶉蛋燒賣 $48👅好味指數：6.9/10完美流心效果🤣相比起平時食既鵪鶉蛋燒賣，味道更清，小左份油膩感👍🏻。-💕 古巴雪茄春卷 $68👅好味指數：7.5/10賣相一流😂，仲做埋煙灰缸造型炸到熱辣辣好香脆，入面蝦肉爽口！- 💕 黑松露海鮮炆飯 $148👅好味指數：6.9/10份量超多！夠4-5人食😂炆飯濕潤而有咬口，色澤均勻，充滿醬油香，帶淡淡黑松露香，並配上蝦同翠玉瓜粒，口感豐富。…查看更多

Trying out The Moonious for the first time! This Chinese restaurant serves a range of creative and innovative dishes that not only look good on camera but taste absolutely amazing! It’s also conveniently located at East Tsim Sha Tsui, so go try it out! 🥢 Pic 1️⃣: 冰鎮黑豚咕嚕肉 / Sweet & Sour Pork on Ice - $178 hkd 🐷 — Would you look at that 😮 I was super impressed by how this was presented, it definitely gets a lot of attention from diners whenever it’s brought out. The pork was evenly coated with a thin batter and deep fried to a crispy finish. The sauce had a nice balance of sweetness and sourness to it and coated the pork really nicely. Pic 2️⃣: 運程流沙包 / Fortune Lava Buns - $38 hkd — How cute are these! These lava buns were really tasty with a runny custard filling that’s not overly sweet. The buns were also super soft and served nice and hot to your table.Pic 3️⃣: Mozzarella 海鮮酥 / Deep-fried Seafood Puffs with Mozzarella - $58 hkd 🧀— This reminded me of a seafood puff pastry and really loved the flavours in this! The seafood filling was well seasoned and had a nice creamy consistency. It’s generously filled with mozzarella cheese for that extra flavour and richness.Pic 4️⃣: 避風塘蘿蔔糕 / Pan-Fried Turnip Cakes with Spicy Garlic - $48 hkd — Super flavourful dish that definitely has a kick to it. The spicy garlic really brings the dish together and goes nicely with turnip cake. Pic 5️⃣: 蟹鉗巨無霸 / Deep-fried Giant Crab Claws - $78 hkd 🦀 — Deep fried to perfection, this giant crab claw really took me by surprise! When you cut into it, it oozes with this delicious sweet and sour plum sauce which went really well with the crab meat. Also loved the springy texture of the crab meat.Pic 6️⃣: 金湯松露餃 / Steamed Truffle Dumplings in Chicken and Carrot Broth - $48 hkd 🥟 — These dumplings were thinly wrapped and stuffed with an aromatic blend of crunchy vegetables with truffle. Definitely a lighter dim sum option but super decent nonetheless.Pic 7️⃣: 流心鵪鶉蛋燒賣 / Steamed Lava Siu Mai with Quail Eggs - $48 hkd 🪺 — You rarely see restaurants serve quails eggs siu mai nowadays simply because of how difficult they are to make, so we had to order them for the nostalgic value! Was really impressed at how runny the yolk of the quails egg was even after steaming. Thought this could’ve done with a bit more flavour as the siu mai was a bit bland.Pic 8️⃣: 小館獅子頭 / Signature Lion’s Head Meatball - $68 hkd — Perfect portion size for those who love this dish but don’t want to have too much of it 😂 The meat was nicely seasoned and cooked in a very flavourful sauce. …查看更多

尖東好時中心角落有間fusion酒樓飲茶，中國茶、花茶都有，仲有得坐熱嚟飲，嘢食點心都有啲中西合壁嘅菜式，同時滿足到老人家鍾意中菜、細路鍾意西餐嘅口味。人流唔多，坐得疏落，可以靜靜地一班親朋好友飲吓茶。蟲草花豬展燉雞 (位) $48媽媽湯水嘅味道！清甜又唔會重味精，豬展、雞腳已經燉到軟綿，一人一盅滋潤吓好正！小館冰鎮咕嚕黑豚肉 $178滿滿嘅仙氣~乾冰嘅煙+一座大冰山，挖開中間係咕嚕肉。雖然size細份量唔多，但真係幾好食幾特別。薄薄嘅炸衣冰到凍凍地，好似個殼咁，咬落脆卜卜。入面嘅豚肉雖則偏韌，但肉味香，又冇落鬆肉粉，抵讚！冰鎮荔枝西紅柿 $68夏日炎炎涼品，生番茄味偏重，浸住荔枝汁，冰冰涼涼微微酸。金湯松露餃 $48外皮係粉果皮，煙韌有厚度，入面係滿滿嘅菇菇，黑松露味道香得嚟又唔會太石油氣。運程流沙包 $38三款唔同嘅樣，款款都好可愛。我坐正風口位，所以凍得好快🥲包身偏向硬身，奶皇餡料半流沙，奶香比鹹蛋黃味強烈好多，而且唔食到成口油。桂花紅酒雪梨 $68雪梨清水潤喉，味道唔會太甜，口感爽脆，紅酒味濃烈，桂花味相對較弱。…查看更多

好耐都冇咁早起身同屋企人飲下茶🤣平時都好懶起唔到身。今日難得唔洗番工終於的起心肝去飲茶出黎尖沙咀順便行下，搵左間幾有特色嘅茶樓😚星期一至五午市黎仲免茶芥～***見到有我最愛嘅桂花烏龍😍秒揀左，仲見到少有嘅白桃烏龍💕！！叫左兩壺交替飲。桂花烏龍茶味清香優雅；白桃烏龍就帶香甜果味，兩款都好好飲，啲茶仲用蠟燭保溫，keep住咁熱🫖***🔅蟹鉗巨無霸🦀 $78巨無霸嘅蟹鉗真係未食過😳味道就同平時夜晚去飲果隻蟹鉗一樣，不過呢隻就係巨大版，中間包左蟹油，一定要切開先好食！因為炸到脆卜卜，個芯仲勁熱，蟹肉好彈牙，啖啖肉👍🏻🔅白胡椒豬肚雞🍲$5858蚊都幾足料，成個鍋仔咁上，雞件有肉又大件，胡椒味好重，少辣，兩個人分都剛剛好🔅黃金鳳尾蝦多士🍤$78蝦多士個面鋪滿炒香左嘅芝麻，外面炸到金黃色，咬落去好酥脆，香口又邪惡😈🔅古巴雪茄春卷🚬 $68一黎到相機就食左先📸成個造型都抄足雪茄咁，幾可亂真😎麥皮碎就做裝飾。春卷入面包左蝦滑，個皮就厚身少少，勝在打卡吸睛🤩🔅水晶蝦餃皇🦐$52去飲茶點少得蝦餃，必點點心之一✌🏻皮薄餡靚，晶瑩剔透🔅XO醬帶子炒腸粉🌶$58用左細帶子去炒，都有5-6粒，腸粉好滑，味道就唔係太重，相對其他茶樓嘅炒腸粉冇咁油🔅運程流沙包😄😉😳$38呢個人嗌我又嗌🤪打卡必點，三款包都印左唔同嘅公仔樣，非常之可愛。奶皇一咬落去就有流心效果，奶皇味比咸蛋味更重，流沙餡幼滑🔅桂花紅酒雪梨🍐$68睇到幅圖覺得好得意就揀左佢，成個雪梨都係酒紅色，用紅酒浸過，味道爽口又酸甜，仲有少少葡萄🍇嘅味，感覺清熱又養顏🫶🏻食完再淺嚐一啖剩低嘅紅酒桂花糖水，甘甜蜜味！飲完個茶食飽飽叉滿電就同屋企人繼續尖沙咀行程🏙…查看更多

今日黎左位於尖東好時中心嘅滿小館, 唸住食下點心, 一入到去已經feel到環境會坐得好舒服👍🏻, 啱唒家庭聚餐, 現場亦有好多一家大細飲茶, 我地坐近reception位聽到無訂枱都安排唔到呢🫣平日都滿座👏🏻.🥢通常我會剔店家推介, 見到有個相機公仔都知係打卡item📸, 但估唔到又打卡able又好好味😋.🥢***嘩!! 原來平日嘅午市係免茶芥架!! 變相嗌多個點心好抵呢. 茶葉都有7款揀, 我揀左白桃烏龍, 店家用蠟燭台暖住玻璃壺, 杯茶有陣陣桃香飄飄下. 🥢古巴雪茄春卷必食!! 2大條好似雪茄咁粗壯嘅春卷包滿鮮蝦肉, 春卷皮仲做到近似雪茄嘅朱古力色, 即叫即炸所以俾我地係咁影相食都仲熱辣辣, 小朋友實勁LIKE.🥢意式濃蝦湯鮮竹卷再黎必食嘅*龍蝦濃湯*鮮竹卷, 店家嘅龍蝦🦞湯係以真材實料烹製而成, 唔係部分餐廳用粉開嘅, 所以每一啖都超濃稠嘅鮮味. 鮮竹卷炸起幾層卷皮仲係脆gei, 又足料, 第二度都未必有得食, 好正呀. 🥢金湯松露餃松露♾️嘅餃子, 包滿好多菇粒+濃濃松露味道, 透明嘅餃皮掛滿鮮雞湯, 成件事味道非常豐富.🥢流心鵪鶉蛋燒賣趁熱食流心嘅鵪鶉蛋燒賣, 大大粒啖啖肉, 店家選用左較薄身嘅白色薄燒賣皮, 我覺得好有墨魚feel好爽口彈牙, 同燒賣皮完全融為一體好好味.🥢運程流沙包阿仔搶食系列之: 哈哈笑勁流沙包, 見到d包嘅happy face人都開心啲. 因為太爆餡流心, 搣開真係要小心件衫食唒d “流沙”😂.🥢蜜汁叉燒腸粉比正常發揮更高一個層次, 腸粉皮夠薄有彈性, 叉燒又多, 水準之作.🥢白胡椒豬肚雞平時胡椒豬肚湯實勁多我唔多食嘅大粒椒, 酸菜.li度嘅白胡椒豬肚湯熱辣辣用鍋上, 好多嫩滑雞肉同豬肚, 唔食嘅湯料已隔走唒.🥢黃金鳳尾蝦多士法式蝦多士炸得非常鬆脆, 每一小塊都有一隻鳳尾蝦, 食落唔會油淋淋個下先至正, 面頭大量芝蔴食落完全無乾爭爭嘅感覺 👍🏻.🥢薑汁棗皇糕一人一件燈光下勁通透嘅薑汁棗皇糕, 濃濃紅棗味道, 咬落勁煙韌Q彈, 一層疊一層地蒸心機之作.🥢差唔多每款點心都咁ig-able又足料好味, 屋企人都好鐘意li間小館, encore得wor!•…查看更多

尖沙咀站📍滿小館-終於放假可以食返餐好😭做左一個星期返工狗都要鬆一鬆😎飲啖茶食個包就岩晒！先講杯茶，餐廳有普通茶葉同花茶簡，今次試左桂花烏龍，入口淡淡桂花香，解膩一流。特別欣賞個茶架底部有點小蠟燭，茶溫永遠適中。茶芥每位$14。蠔皇鮑魚套餐（$98）一入門口見到呢個套餐二話不說決定試😹套餐包括蠔皇扣五頭南非鮮鮑魚伴蛋炒飯、蜜汁厚切叉燒兩件、滋味燉湯同埋蟲草花浸時蔬。先食鮑魚，扣得入味，有嚼口，足足有一個匙羹咁大！蛋炒飯粒粒分明，配埋少少鮑魚汁👍🏻燉湯足料，由烏雞、瘦肉、茶樹菇等等熬製而成，清甜滋補，女朋友飲湯食埋雞腳，用筷子夾大力少少d骨都散，睇黎都燉左好耐！厚切叉燒鬆軟可口，蟲草花浸時蔬清甜生津。運程流沙包（$38）流沙包幾乎係我每次飲茶必點。呢度既流沙包唔算太流心（不過係女朋友掛著影相都影到凍左）。奶皇蛋皇綿綿，微甜。金湯松露餃（$48）水晶皮包著粒粒松露同菇菌，松露味好香！三粒好快就ko😼XO醬帶子炒腸粉（$58）呢個炒腸粉好有鍋氣，夠晒惹味，仲有唔少帶子粒！薑汁棗皇糕（$36）呢個糕點十分煙韌，費九牛二虎之力先夾到😹薑汁味濃，仲有好香既紅棗味😻黃金鳳尾多士（$78）四件脆口蝦多士夠晒邪惡，配埋千島醬一流😽不過女朋友就話油左少少，炸物一定有少少油嫁啦，岩晒我口味🙌🏻水煮鱸魚片（$168）黎飲茶見到有水煮魚女朋友又爭著叫😹一上台都驚太辣，但食落就發覺係老少咸宜，Bb辣。魚片爽口有彈性，配料勁多，有大豆芽、薯粉同埋豆卜。好彩冇叫白飯，因為薯粉都幾多！成個湯底係香辣味為主，好香花椒同辣椒🌶️味，唔會太麻。最後一問先知可以加辣🤧早知一早加🌶🌶🔥環境方面，座位寬敞，而且枱面夠大，坐得好舒服，同一般酒樓個種嘈吵、逼夾感覺好唔同！上菜、收碟速度都好快。而家餐廳有消費卷優惠全單八折！上面個價仲未折嫁😎諗諗下母親節係度食都唔錯，提早兩日訂套餐仲有八折🫶🏻…查看更多

🥟 滿小館新派創意點心 矜貴美味快到母親節，很想找一間有水準的中餐廳和母親一起晚市慶祝，看到尖東一間中餐點新潮富創意，午市先來一試，果真充滿驚喜，想必在母親節來這裡慶祝，母親大人也會非常喜歡。餐廳提供的茗茶也相當特別，店員會把茶葉放在玻璃壺，以小蠟燭木座加熱。這次挑選了白桃烏龍，呷一口茶會有淡雅的芳香感，順滑易入口，感覺相當解膩。🍅 冰鎮荔枝西紅柿 $68鮮紅的車厘茄經去皮後冰鎮，粒粒圓渾多汁，再以初夏時令水果，甜美多汁的荔枝入饌，兩者互相輝映，散發出清新的果香味，清新怡人。🐔 紅棗元肉燉雞 $48雞湯充滿紅棗和桂圓的甘甜味，燉湯真材實料，喝起來非常順口。是非常適合上班一族補心安神的養生湯品。🦀 蟹鉗巨無霸 $78這還是筆者第一次以刀叉吃蟹鉗，當看到蟹鉗中的巨無霸時，而感到霸氣非凡。店員會細心提示蟹鉗內有湯汁，小心燙熱。蟹鉗內金湯鮮味無窮，啖啖蟹肉，讓筆者吃得非常滿足。🦐 Mozzarella海鮮酥 $58/三件外觀有點像蘿蔔絲酥餅的是芝士海鮮酥，外表炸得金黃。謹記襯熱吃，會有意想不到的拉絲效果，內餡的芝士蝦肉配搭得宜，酥而不膩。🫔 古巴雪茄春卷 $68/兩件最讓人期待，極富創意的一道點心。以古巴雪茄作外觀，兩枝「大雪茄」放在透明方形大「煙灰缸」中（透明方形碟），再以麥片作為煙灰碎，外觀十足十像雪茄擺陣。鮮蝦春卷以啡色的春卷皮包裹着蝦肉餡料，炸得香脆可口。蘸一點喼汁吃，寧舍開胃。大家不妨點一客來打卡扮演大亨吧！🔸 八味金磚 $68八味金磚是炸得金黃香脆的豆腐磚，炸粉簿，豆腐嫩滑，是人人都喜愛的一道單品。🦐 水晶蝦餃皇 $52皮薄餡靚，有原隻蝦仁在內，是高質的蝦餃皇。🫕 金湯松露餃 $48松露餃會浸在金湯中，水晶皮的質感相當Q彈。內餡是黑松露味菇菌餡，香味出眾。吃後黑松露餘韻會在口腔徘徊，是松露控必試之選。🥯 運程流沙包 $38當流沙包上桌時，建議先把熱乎乎的包子用筷子在公仔頭的口部戳一個小洞，這樣流沙奶黃就可從口中吐出來。可愛的造型，打卡一流，奶黃味道香甜美味，是大人和小朋友都最愛的點心喔！🔸小總結：店員殷勤有禮，餐廳食物無論在擺盤上或味道掌控上都相當到位。上菜速度快，味道一流，真材實料，是極富創意的中餐廳。餐廳現正進行母親節推廣優惠，凡預早訂座母親節晚市套餐，可享八折優惠，機會難逢，推薦大家一試。👅味道：5/5💰CP值：4.9/5🕴🏻服務：5/5🔰餐廳環境：5/5🍽 餐廳：滿小館🌐地址：尖沙咀麼地道63號好時中心地下30-41號舖🐮 #cowing吃在尖沙咀#foodie #hkfoodie #hongkongfoodie #852food #852foodie #foodstagram #相機食先 #吃貨 #食好西 #滿小館…查看更多

📍香港📍尖沙咀📍滿小館📍尖沙咀麼地道63號好時中心地下30-41號舖📍星期一至日 11:30~15:30 & 18:00~22:00🦄 芝心海鮮酥 $38🦄 評分: 9/10蘿蔔絲酥嘅外表包住芝士海鮮料，第一次見好特別🤩上枱熱辣辣外層好酥脆唔會過厚😍😍芝士做到拉絲效果一定要試😋😋趁熱食啊😏🦄 八味金磚 $58🦄 評分: 7.5/10豆腐外脆內嫩滑，適中既調味粉，趁熱食脆卜卜正😁🦄 金湯松茸餃 $48🦄 評分: 8/10濃郁雞湯鍾意幾多自己倒🤘🏻皮夠薄見到飽滿嘅松茸餡!!晶瑩剔透大大粒入口淡香既松露味🥟值得一試😛🦄 流心鵪鶉蛋燒賣 $48🦄 評分:7/10好多餐廳話流心但上枱變全熟🤷🏻‍♀️呢到流心效果絕對令你滿意🥰蛋黃漿帶出濃郁鵪鶉蛋香🥚🦄 運程流沙包 $36🦄 評分: 7/10三隻唔同表情嘅流沙奶黃包🍞絕對適合女士打卡😹甜甜地細細隻唔會太膩🙌🏻🦄 蜜汁叉燒腸 $38🦄 評分: 7/10腸粉皮幾嫩滑足料👏🏻🦄 冰鎮芥末秋葵 $58🦄 評分: 5.5/10#foodieschu尖沙咀~~~~~~~~~~~~~~~~~~#尖沙咀美食#香港美食#美食#飲茶#中餐#中菜#麼地道#好時中心#滿小館#hkfood#hkfoodie#hkfoodies#foodies#foodie#芝士#海鮮#芝心海鮮酥#酥皮#秋葵#流心蛋#燒賣#鵪鶉蛋#叉燒#叉燒腸#腸粉#豆腐#流沙包#餃子#酒樓#午餐…查看更多

Weekend帶daddy mammy黎飲茶🫖☕️呢度除左有平時中式茶仲有幾款花茶揀💐😜🍅冰鎮荔枝西紅柿 $58幾特別😚車厘茄剝晒皮啖啖果肉 爽口酸味味 浸住甜甜既荔枝汁 清涼既前菜🧊🍲脆米海皇泡飯 $128足料泡飯 有蝦,帶子,瑤柱,冬菇,菜粒😚食之前倒入脆米香脆唔油膩😛會食完一啖又一啖🧀芝心海鮮酥 $38第一次食🤣平時蘿蔔絲酥餅就見得多 呢個入面係拉絲芝士同蝦粒🤤外皮酥脆🔥趁熱食💯🌕運程流沙包 $36好可愛有面情既包包😆我覺得唔夠流沙🤥似軟吉士質感 包體都較厚🙈👇🏻仲叫左以下點心 冇咩特別想講 都係大家想像到既野🤣都好食既~🍳流心鵪鶉蛋燒賣 $48🍘海苔鮮蝦春卷 $42💛八味金磚 $58…查看更多

呢間新開咗冇耐嘅茶樓都幾多特色點心食 食物款色種類多🥧晚市仲有好多小菜可以炒😽嗰日同朋友就嚟咗飲茶😎.📌瑰荔堂煌,白桃烏龍 $14好少有茶樓會提供呢啲茶☕️前者淡淡花香🌹後者白桃嘅果香味都好出 飲落好fresh✨新開張優惠 午市免茶芥架😍.📌金湯松茸餃 $48煙韌嘅水晶外皮 包住味道濃郁嘅松茸 再配埋個雞上湯 成個feel好高級🤩外皮唔會太厚 內餡嘅松茸切成粒粒 份量夠多👍🏻同朋友都覺得呢款好食😋.📌芝心海鮮酥 $38海鮮酥一定要趁熱食‼️因為有芝士喺入面 凍咗食會有啲溜👀外層真係好酥脆 芝士半融仲可以拉絲添 再加埋海鮮餡 成個味道口感層次都好豐富🤤.📌運程流沙包 $36平時食流沙包最怕就係佢得吉士甜味 唔係鹹蛋黃嘅鹹香沙沙感覺🙈呢到整得唔錯 賣相仲好得意😚不過覺得個流沙餡可以再多少少🤏🏻.📌八味金磚 $58呢款都係趁熱食好啲🤣脆卜卜嘅炸皮 再包住軟滑嘅豆腐🥰味道就正常~~.📌海苔鮮蝦春卷 $42同平時食嘅春卷唔同 佢仲多咗塊紫菜喺中間😌春卷都係炸得好脆 唔會太油膩😝內餡好多蝦肉 好足料🦐.📌蟲草花泡菜苗 $48均衡飲食 點都要嗌碟菜😆估唔到個價錢都幾平 又大碟🤣個上湯幾好飲🤤.📌酒釀醉蝦 $78呢個擺最後係因為佢又貴又唔好食🥲成$80得6隻蝦 又唔算好大隻😐個酒味同平時唔同 佢係得個苦字 食落仲有麻辣味🥵整體食落係超濃味 完全蓋過晒蝦嘅鮮甜味🤢…查看更多