神話屋

之前見到呢間藍白系嘅打卡餐廳,嗱嗱聲訂咗搵日去試下😂喺流浮山係有點遠…但喺天水圍站或者元朗站都有車去🚌,都算ok啦~揀咗呢款鹽酥雞粒,新鮮炸好熱辣辣🔥外皮好脆,而啲雞肉好滑~最特別係用雀巢上,非常igable📸點咗兩個午餐,一款叫咗珍珠帶子藜麥沙律,上檯有驚喜😍珍珠帶子同三文魚籽都好鮮,加埋酸酸地嘅藜麥沙律,真係最佳開胃菜沙律菜原棵上好得意🥬!新鮮爽脆嘅羅馬生菜加埋煙肉碎同脆脆麵包粒,估唔到凱撒沙律可以咁有趣~我最鍾意呢個炭燒北海道原隻魷魚🦑佢燒得好香,唔會韌,個醬略帶辣味但又好惹味🌶。個意式香草蕃茄醬蔬菜千層麵好精緻,裏面有好多菇菌類🍄加埋酸酸地嘅蕃茄醬好惹味🍅不過份量偏細,作為主菜唔太夠食🙈是日蛋糕係海鹽榛子蛋糕🌰,實物好精緻好靚😍一條係軟嘅蛋糕底,一條係脆嘅餅底~但上面嘅cream都好香濃,又帶點鹽味🧂,令到個甜味有更多層次😋當日嚟都唔少人帶咗狗狗🐕因為戶外位鋪咗假草,好適合帶埋主子嚟~呢度除咗影得靚,嘢食都幾精緻,味道都有驚喜👍不過佢就喺迴旋處旁邊,不時都有啲大貨車經過🚛介意嘅朋友可能選室內比較好~…查看更多

今次帶我家太后來試法國餐,去到餐廳門口太后即刻嘩一聲呀！3層屋仔外牆油到成幅法國油畫咁,成個天藍色的藝術品,勁吸睛呀！餐廳由外到內都勁多打卡位,建議著靚靚來影靚相喇！客人訂位嗰陣記得要講想坐出面定入面,我就揀咗坐出面,Chill D 丫嘛! Myth House 主打 法國fusion 菜, 今次叫咗兩款Set Lunch, 真心的要舉拇指呀！👍 前菜🥗珍珠帶子柚子沙律配明太子蛋黃醬個presentation真係好靚,相機先食之選呀！爽口帶子加上新鮮西柚配上自家蛋黃醬,再加埋墨魚子做點綴,味濃香口,一個好層次的沙律呀！ 迷你經典凱撒沙律🥬廚師用咗娃娃菜中間的部份做底,配自家焗製脆脆麵包糠和bacon粒,上面舖滿即磨的parmeson cheese flake,味道清新,有種田園風既感覺！ 小食🍤越式炸網紋春卷配泡椒蛋黃醬即炸流浮山海蝦,將麵團整到一條條再包住隻蝦來炸,整出來賣相吸引之餘,又唔會有粉漿好厚既感覺,配以自家醬汁,仲有$58就有3件,推介推介 主菜忌廉海膽醬蝦肉手工扭扭粉🦐用蝦湯配海膽做成的醬汁香濃鮮甜,鮮味十足,鮮蝦爽口彈牙,一D都唔漏 香煎紐西蘭比目魚 配 泡椒蛋黃醬🐟魚柳煮得剛剛好,入口香滑,薯蓉伴以微辣泡椒醬汁,醒神開胃,太后表示對這味菜很滿意呢～ 甜品🍰Homemade綠茶蛋糕配呍呢嗱雪糕蛋糕入口綠茶味香濃而又不太甜,仲要係蛋糕好滑呀!對於喜歡小甜的朋友,真係值得一試！ 飲品即磨咖啡☕室外餐車除咗可以打卡之外,仲可以order即磨咖啡,Barista 仲整咗個unicorn latte art 俾我呢🦄 今次太后👵表示好滿意呀！佢仲食得好開心，又影咗好多相,真係無諗過流浮山都會有一間咁出式既餐廳, 我諗我下次會帶埋老爺奶奶來試吓唔同菜先。 Myth House仲要係一間pet friendly🐶嘅餐廳,有毛孩嘅你地,不防帶埋來一齊來chill吓啦！…查看更多

餐廳是整座的，外觀很吸引，離遠已見到，餐廳旁的馬路邊可以泊車，但車位不多，車亦可泊隔離左右的停車場，$20 ～$30左右可以泊全日。餐廳的室內很細，座位並不算多，但有樓上的，地方非常乾淨👍。門口空地亦有幾張枱，有超大太陽傘，而空地舖上人做草皮。天氣涼爽時坐室外都好舒服，但到夏天三十幾度時就可能熱咗d😬😄。帶寵物的都可以，不過就坐露天位，但要小心，因為地方要保持清潔，無蚊虫關係，見到職員都在人做草地上灑上殺虫劑。午市套餐有幾款選擇，而主餐牌品種亦不算多。Order咗兩個Set Lunch，炭燒安格斯西冷扒及意式香辣蕃茄醬鮮蝦手工扭扭粉。頭盆是迷你經典凱撒沙律，沙律菜算新鮮，佢d沙律醬勁似超市買的丘比沙律醬😒。其實佢走中高檔路線，應該用返橄欖油及黑醋。另外一個頭盆是煙肉薯仔沙律，是泰式整法，食唔到有煙肉的香味，只食到泰式甜酸醬的味😑意式香辣扭扭粉，扭扭粉比較硬，以及過辣，只食到辣味，什麼味也食唔到🙄西冷扒的外觀似炭燒，不過就食唔到炭燒的香味，肉質算ok不‘’鞋‘’，但就太乾，無咩肉汁，失望😒檸檬茶ok，無咩特別。越式滴漏咖啡好飲，是跟練奶的，不須加糖，咖啡味很香👍咖啡粉很少，但都好香。整體黎講，食物質素一般，去一次打卡、影相已足夠，未必會刻意再光顧。這個價錢的收費，應該可以再做好一些。…查看更多