狎鷗亭居酒屋

營業中

休息中

未來99生日指定要食韓國野。韓國野真係考起我，因為喺我印象韓國野係貴夾唔飽嘅韓燒、熱氣到爆嘅炸雞、屋企都煮到嘅部隊鍋或者平平無奇嘅石鍋飯，都唔知有乜好食。即刻搵食家介紹，就黎咗呢間狎鷗亭居酒屋。先上菠蘿椰子麗塔解解渴。本身睇到張相係沙冰咁嘅樣就已經非常hesitate，因為唔太喜歡太冰凍，但太口渴所以照搏一捕！點知比我搏到原來唔係沙冰，仲要冰涼感係剛剛好！菠蘿加椰子少少甜味，配埋Hite嘅小小酒味，非常適合女仔口味！韓式炸醬麵啲醬料好夠，不過麵嘅份量就少啲，夾兩碗就無晒，攪到我淨係食到料。我食到有薯仔同疑似冬菇片，炸醬味道又甜甜地，清清涼涼，幾開胃。平常食炒雜菜粉絲，味道好分離。雜菜還雜菜，粉絲還粉絲。呢度嘅炒粉絲，係表現到何為融入，原來粉絲都可以入味。烤豬肉係驚喜，無諗過豬肉都有鬆軟嘅肉質但絕對唔係梳打粉嗰種質素。韓燒烤肉唔洗自己烤，仲可以用埋生菜同辣醬包。燒過嘅豬肉，加埋燒醬，係帶出到豬味。辣鮑魚海鮮鍋係誠意之作，因為海洋份量好足。除咗鮑魚，仲有原隻蟹、蝦、魷魚、三文魚、扇貝、青口，仲有少量蔬菜蘿白、金菇同蘿蔔。就咁列晒有咩料出黎都覺得勁滿足！雖然係叫辣海鮮鍋，但係佢其實唔係好辣，

狎鷗亭居酒屋是朋友提議這間食肆，睇個名一直以為是一間日本餐廳，入到餐廳內都仲以為係食日本菜，因見餐廳內的裝潢都很有日本feel, 後來望清楚才知這間是韓國料理。坐下後，侍應先送上前菜6小碟，非常細緻及醒胃，有泡菜，芽菜，沙律，青瓜，青菜和魚干仔。好好味及爽脆。望下餐牌，食物種類都多款，唔似一般的韓式料理餐廳就只有韓燒甘悶。所以我地今晚不再韓燒，轉食其他食物。燒鰻魚很大塊，這個價錢能食到甘大塊，真是超值，超市都未必買到。鰻魚很肥美，魚肉夠彈牙又厚身，而且亦夠鮮甜甘香，魚脂夠均勻，令人再三回味。今晚很幸運，因今晚有新鮮八爪魚，我地亦order了試試。聽朋友講過佢地係韓國食過八爪魚刺身，八爪魚的吸管會吸吮很實很強力地吸吮，很難扯開，今晚我真的能夠感受到。八爪魚刺身送上時，雖然切得細件，但亦能見到八爪魚的身體還在郁動著，真正新鮮生猛。雖然我很喜歡食剌身，但八爪魚刺身未必岩我，因八爪魚很難咬開，而且還要和牠在口內角力。感覺還是食煮熟的八爪魚好啲。這是我個人感覺。但對於喜歡食八爪魚刺身的朋友就不要錯過。除了做了八爪魚刺身外，我們點了一個海鮮㷛，可以將八爪魚烚熟黎食。見師傅將八爪魚在㷛上剪牠，亦見牠

這間上樓韓式餐廳,所以都比較濶落,周圍都有韓式佈置,更有些塔塔米,可以和三五知己暢談,唔會被人騷擾先嚟了6 小碟前菜,酸酸辣辣,令到胃口大空。食咗無咁肚餓,可以慢慢選擇食什麼見到餐牌圖文並茂,已經相當吸引,每樣都想叫,之後索性問店員有那些招牌菜。現在餐廳做梗推廣~青口麵, 好抵食。好多藍青口,熱騰騰的,青口食落好新鮮,青口多到睇唔到麵,更有尤魚多款海鮮,令到湯底很甜。韓國手打麵做得好彈牙，我覺得好香蛋味。一啖湯,一啖麺,好滿足。烤牛舌 這個薄切牛舌,好爽,加了些葱和芝麻,食落好香。咬下更有些汁,份量不少。涼拌豬仔腳 平時食得多,涷豬仔腳,依個涼拌豬仔腳講得上是沙律豬仔腳。有差唔多10款配料,唔顏六色,好靚。豬仔腳唔肥,皮都好薄。將醬料一起撈匀,酸酸地,好開胃,豬仔腳有點彈牙,好爽。因為有青瓜,甘荀,椰菜等作配料所以唔覺豬仔腳肥。正辣鮑魚海鮮鍋 相當大和豐富的一個海鮮鍋,用料十足。 鮑魚,大蝦,豆腐,金菇,蟹,青口。令到滿滿的。今晚餐廳有鮮八爪魚,好難得。我地叫了一隻。當煮到熟時,店員幫我們將八爪魚剪細,方便進食。鮮鮑魚很爽好,彈牙。蝦超級大隻,剝了蝦頭,還好多肉吃,正。八爪魚熟咗,靭靭

我好中意食韓國菜明明就嚟飛去韓國一聽到有人話去食韓菜我又忍唔到口都要食跟住朋友上諾士佛臺我以為係飲酒食炸雞既地方點知係一間地方好闊落既餐館見到菜牌，其實講得出既種類都有前菜，小食，燒烤，熟食，炸雞，湯類，年糕拉麵全部有銀蛋有限，今次揀左幾款試下，佢地食物質素都好有驚喜😍前菜叫左生拌牛肉上碟係一大碗牛肉加梨絲，仲有一隻生雞蛋撈埋一齊入口牛肉幾滑，不加左梨既甜同麻油既香，肉既味道略淡，不過呢碟真係好大碟，超碼4個人先食得哂講返燒烤食品: 如果唔係唸住食全燒烤，都可以叫，職員話燒埋用鐵板上食鰻魚，個汁最緊要，有人話有鰻魚汁，食咩都好味，當然魚唔可以差啦，魚質都算厚，無骨，香口既，中上質素，budget鬆動食埋無妨烤花肉，呢個我好中意😍上枱個陣已經好香！花肉切得唔太薄，有少少肥，多肉汁又夠牛味，推介呀👍🏻👍🏻👍🏻分量幾多，我地5個人食，每人都食到3至4塊架炆牛肋骨，又係必食！！牛肉唔韌，肉汁濃又甜，咪睇佢細細煲，都裝到6 7件拳頭仔連骨既肉識食梗係食埋伴碟既白蘿蔔，吸哂個汁，正呀，加多一個白飯仲好呢個鮑魚辣湯香辣之餘，夠哂鮮味，有大量貝類好似蜆，蝦，原隻八爪魚，蟹，鮑魚都3隻，湯點會唔鮮，又大

朕之前睇電視，見到啲高麗人食嗰啲安康魚好似幾香滑，但係朕上次遠征高麗時，因為行程緊密，錯過了在高麗當地親嚐安康魚既滋味，一直耿耿於懷！點知朕既貼身隨從今日同朕講，佢幫朕Check到諾士佛臺有間韓式居酒屋有呢味《炖安康魚》而且仲有正宗高麗風味添，於是朕就梗係去試佢一試啦！一上到去，就有人出黎招呼朕，不過佢係講高麗話同埋洋文既，好在朕既貼身隨從都識得聽，跟住就入左去坐底。朕此行既目的，係尊登黎食安康魚既，呢味餸香港就比較少見，所以就第一時間叫左安康魚先，另外再叫埋辣鮑魚海鮮鍋，紅燒牛排同埋炸醬麵！首先黎左炖安康魚，佢用左芽菜炒安康魚，再加埋韓國醬料，然後再炖，安康魚咬落香稔軟嫩，略帶微辣，而芽菜吸收哂啲醬料，都幾美味！炸醬麵，醬料香濃，麵底彈牙，入面仲有好多肉粒同埋洋蔥，張所有野混和，食落濕潤順口，好有高麗風味！紅燒牛排，牛排煮到好淋，白蘿白鮮甜，吸收哂啲牛味，牛排咬落鬆軟牛味香濃撲鼻，啲牛根食落膠質感幾重！讚！！！最後就到辣鮑魚海鮮鍋，主要材料當然係鮑魚啦，另外仲有魚蝦蟹，墨魚，青口仲有聖子，另外配料就當然有啲菜同豆腐喺底啦，主角鮑魚新鮮彈牙，墨魚夠爽口，加埋魚蝦蟹同聖子，再加埋豆腐，成

朋友生日，一行四人來吃韓國菜。地點位於尖沙咀的諾士佛台，不過是上樓鋪來啊！裝修非常韓式啊！很多朝鮮畫作在牆上。想更韓國地道風味，可以選擇這些座位啊！而且更能自成一角，方便傾計。厭脫鞋子麻煩，也可以選擇西式木枱的位置。前菜有芽菜，泡菜同魚仔。泡菜好好味，我問侍應可否多加一些，她幫我添加了一碗仔啊！炸醬麵 $85在韓國食到咁足料的炸醬麵！大發！勁多洋蔥同菇菇啊！最緊要是麵條不會乾爭爭，夠濕潤有咬口！辣鮑魚海鮮鍋 $350這個價錢簡直抵呀！雖然無我係濟州島食那個咁生猛同大煲！在香港來說，是足料有突！有勁多蟹仔同青口，仲有3隻鮑魚，大蝦都有兩隻啊！因為勁多蟹仔的關係，個海鮮湯底勁鮮甜呢！好飲到停唔到口呀！紅燒牛排 $168每逢食韓菜，我都一定點這個！因為個牛肉燜到超稔，而且加左羅白，所以個牛肉好甜好好味啊！炖安康魚 $238這個是朋友看了J2的韓國飲食節目後，一直嚷著要吃這個來！香港不是太多地方可以吃到安康魚啊！比我們想像中不同呢！以為醬汁是比較甜甜的那種！原來也有些少辣！不過醬汁沒有滲入魚肉去，就是沾著來吃那種啦！魚肉肉質鮮甜，忍唔住未咬先啜佢！整體上，這裡的菜式都比較韓國地道風味，像在韓國