忙完一輪係奧海城，大家都非常之餓，諗住快快手搵間餐廳醫肚。嚟過奧海城嘅都知道呢度大部份都係連鎖式嘅餐廳，冇咩特別，到最後揀咗間感覺有啲似家庭餐廳嘅tamago-en。入去之前上網睇返先發覺佢係一間新加坡公司旗下嘅餐廳。————————————————————————餐廳入面非常之靚 ，除咗有雞蛋殼座位，仲有雞屋卡位。不但睇得，重令枱同枱之間嘅空間感比較多，適合想傾吓計，打下卡嘅小party食客。今次店員就安排咗我哋坐喺雞蛋殼座位。————————————————————————講返食物先，個名叫tamago，當然係主打食蛋嘅菜式，呢度有TKG(生拌雞蛋飯)，蛋包飯，意粉，疏乎厘pancake等等。我哋今次叫咗五樣野，下面就仲每樣介紹！————————————————————————📍凱撒沙律配慢煮蛋 ($72)沙律菜好新鮮，麵包粒都係脆口嘅。萬煮蛋係用一個芝士鳥巢載着嘅，全部嘢都非常之夾👍🏿👍🏿📍南蠁炸雞配自家製他他醬($58)以價錢同份量來講係抵食嘅，但呢個菜式最大嘅問題係炸雞落粉落得太多，食落去不但冇好脆，重令口感有點怪，而且他他醬令到舊雞更加”漏” ，雖然旁邊係配咗一嚿檸檬，但幫助唔大，係唯一食唔晒嘅菜式，旁邊配左沙律菜好多，呢個係值得一讚嘅。📍大阪燒風八爪魚捲 ($78)叫嘅時候覺得少貴，但食落就覺得值🤭🤭呢個正式來講可以叫佢做八爪魚玉子燒，蛋入面加咗八爪魚粒，紅姜，個面有啲鰹魚片，有小小似食緊章魚燒甘。 而且份量都算大份，好適合三至四個人分。📍海鮮蕃茄忌廉蛋包飯($108)一上枱，賣相非常吸引。滑滑嘅漩渦蛋淋咗啲蕃茄忌廉汁，旁邊擺左一啲唔同嘅海鮮，蝦，帶子，魷魚圈等等。食落去有一種幸福感，係好溫柔嘅味道，大人小朋友都一定會鍾意。唯一不足係帶子切左半煮得過熟，熟到口感有d似魚柳，有小小可惜，希望店方可以注意，下次再食呢個菜式就會完美🤭📍辣香蒜海鮮意粉($98)意粉係al Dente ， 有粒粒蒜頭。因為定位係家庭餐廳，冇太辣，好食嘅。本身想食下呢間餐廳都好出名嘅甜品，梳夫厘pancake，但最後太飽叫吾到😵💫————————————————————————食完成餐我哋一致認為，呢間餐廳味道吾錯，但最成功係佢哋嘅員工。好老實講，今時今日出去食飯，好少餐廳嘅職員係甘friendly ，一來可能係疫情，大家都希望盡量同食客保持一定嘅距離，二來有時啲餐廳嘅人手都唔係好夠，好難做到好足。呢度嘅職員吾單止不停為我地主動加水，換碟，收碟，而且有果種好親切 好熱心嘅感覺。有食客入餐廳又會打招呼，非常抵讚。👍🏿…查看更多
