Cobber Coffee and Tonys Pastry (裝修中)

只要你睇過網絡上tiramisu既相(宜家可以睇我地d相😚)，而你又係tiramisu愛好者，真係好難唔被吸引😆-就因為一幅相H先生諗都唔諗bookmarked帶W小姐去😎-💯意大利芝士熔岩 $98上枱時係用左一塊膠片將蛋糕同芝士熔岩整成一個圓柱體，之後只要你一拉上，就會輕鬆整到一個完美既芝士熔岩瀑布，真係超靚，一定要打卡😍職員仲好細心咁比多一隻碟你裝拎起左既膠片👍🏻之後整個蛋糕都會係滿滿既意大利芝士同咖啡粉，旁邊仲有幾粒咖啡豆朱古力，咖啡味非常濃郁，但竟然都冇蓋過哂d酒味，係我地鍾意既比例😋每一啖蛋糕再加芝士岩漿，非常邪惡，但真係好好味，2個人輕鬆食哂🤣-🍝Cobber Noodles (辣蕃茄醬大蝦意粉) $88絕對係因為同餐廳名而吸引左去order，因為一般用得自己餐廳命名既菜式一定係signature dish同出色😃又真係驚喜地好味，d蝦幾大隻同新鮮，酸酸辣辣咁幾開胃，可以係咁食😆-🦀蒜香蟹肉意粉 $126W小姐不嬲都好鍾意香蒜既意粉，仲加埋佢最鍾意既蟹，真係冇得唔叫啦🙈份量都幾多，蒜香味重，好味😋-🧊Iced Cappuccino $42🧊Iced Latte $42 (A

平常見到排長龍既食店, 都會耍手擰頭, 但因為老婆強烈推介下最終都屈服去等位。我選了辣蕃茄醬意粉(加辣),  十分鍾意個汁, 雖然有DD辣但係辣酸甜互相配合下卻非常惹味,  令我一啖接一啖好快就食晒。 辣既意粉平時比較難食到, 個汁仲要可以做到咁惹味的確係好有特式, 值得一讚。 蝦都好爽口好食。平常見到排長龍既食店, 都會耍手擰頭, 但因為老婆強烈推介下最終都屈服去等位。我選了辣蕃茄醬意粉(加辣),  十分鍾意個汁, 雖然有DD辣但係辣酸甜互相配合下卻非常惹味,  令我一啖接一啖好快就食晒。 辣既意粉平時比較難食到, 個汁仲要可以做到咁惹味的確係好有特式, 值得一讚。 蝦都好爽口好食。最後食完好野梗係要黎多個甜品先叫完整啦。 試左個原味梳乎厘pancake, 非常鬆軟, 但唔會去到食空氣咁空虛。可以一齊落單, 等意粉食到差唔多既時候叫佢整, 食完意粉就黎到時間岩岩好。整體食物都幾好, 真係值得排隊可以再encore ^~^

去過好多網紅cafe，好多環境都好靚但講到食物質素就真係一般般不過今次哩間，雖然環境唔算好網紅feel但食物真係可以再encore喺觀塘嘅Cobber Coffee and Tonys Pastry場地大，坐位多唔會坐得好逼夾不過可能大，所以都幾嘈·嗌咗每人一個意粉、飯+小食同甜品包括:「辣蕃茄醬大蝦意粉」辣醬意粉有分”小辣、辣、加辣”選擇不過份量唔算多「明太子忌廉大蝦燉飯」燉飯口感似意大利飯，不過就比意大利飯更稠食到滿滿嘅明太子味道，仲會食到啲卜卜嘅明太子添而呢個份量比我想像中大，我覺得食呢個配茶會比較好，可以平衡返個飯嘅膩感小食嗌咗個超邪惡之選「鹹蛋黃雞翼」一碟六隻，啲雞翼勁大隻之外，仲係即整即上，熱辣辣脆卜卜炸到外脆內嫩，一咬成口都係鹹蛋黃甜品就叫咗出名嘅Pancake 「綠茶忌廉紅豆梳乎厘pancake」呢個pancake痴線地真心推，質感軟滑但又唔會好似食緊空氣咁，配綠茶忌廉+紅豆溶溝埋一齊係超好食(ps.個綠茶忌廉就咁食都超好味)哩個係絕對推介要食！！(其他味我唔知🙈😛)

觀塘高質Cafe，餐牌選擇多，價錢亦算合理，加環境闊落舒適，想放鬆食個午飯是不錯的選擇。輕食類、主食類到甜品都齊備，最近去更見到新Menu，多了些特色小食，頗有新意。辣蕃茄醬大蝦意粉份量好大，蝦新鮮彈牙，麵條軟硬度剛好，醬汁對我來說稍為偏甜但可接受。唔想食太Heavy推薦牛油果多士，配三文魚或雞肉沙律都好食，跟餐免費一個小食，炸薯條新鮮熱辣味道不錯。亦可以加錢配乳酪，好味道但是份量太大了，女生未必吃得完。梳乎厘pancake非常有驚喜，夠鬆軟亦有蛋香，而且不會過甜，配上奶油食一流。溫馨提示份量非常大，建議同人share一齊食。至於飲品中規中矩，想嘆咖啡嘅話呢度未必適合你。不過因為食物份量已經好大，亦未必需要叫飲品啦

為梳乎厘到訪 估唔到意粉仲吸引😱🦐🍝 辣蕃茄醬大蝦意粉 $88 (7.3/10)望落去唔算特別但有意外驚喜😍蕃茄醬汁夾雜小蕃茄，酸甜味非常突出，再加少少辣吊味刺激胃口，令成個意粉昇華，食極唔厭意粉幼身有韌勁，非常掛汁蝦仁新鮮爽口，為數唔少粒🌰 🍮榛子、朱古力、焦糖香蕉梳乎厘班戟 $90 (6.2/10)賣相比真實味道吸引😂不至於專程為梳乎厘而到訪梳乎厘蛋香唔明顯，Fluffy 感不大不過欣賞加咗原粒香脆榛子，配合榛子忌廉減少膩悶朱古力主要作點綴用，存在感唔大整體而言，餐廳反而以主菜取勝，係平凡中帶不平凡，值得一試🤩另外餐廳店面唔大，食客密度頗高，分貝亦非常高，唔鍾意吵鬧環境嘅朋友最好選擇非繁忙時間到訪😂📍Cobber Coffee and Tonys Pastry 觀塘駿業里8號世貿大樓一樓

呢間Cafe 走嘅係Relax 嘅muji 簡約風，坐得舒服又寬躺；燈光柔和，影食物相打於一流！👍🏻動L動L嘅Pancake，即叫即整，繁忙時間等得比較耐。Pancake 非常鬆軟，重蛋味，配埋Cream 同糖漿，真係好正 🤤炸物小食火侯控制幾好，唔會油膩，而且夠香口。尤其係炸魷魚，唔會似橡筋咬唔開，配埋個醬好醒胃！👍🏻辣蕃茄醬非常開胃，酸而帶點微辣，大蝦份量十足，爽口彈牙，必試推薦！😜著重健康嘅朋友仔，可以叫佢地牛油果多士，牛油醬好新鮮，而且香濃唔膩。😋Remark : 香蕉穀物蜜糖乳酪 加配的話係午餐時段限定架！朱古力非常濃郁，沙冰口感好綿密 👍🏻呢間絕對係一間高質嘅觀塘工廈Cafe，我一定會Encore～

自己一直想搵一間可以坐得耐又坐得舒服的café，呢間café 在觀塘世貿大廈，從apm行5分鐘就可以去到。café 雖然開業個多月，但款式多樣。想吃正餐加甜品可以，想只吃甜品也可。Scan QR code 就可以點餐，下單方便又快捷！每枱的後面都有插頭充電，最適合我這些喜歡一邊吃，一邊玩手機的人，這樣玩手機就不怕玩得無電了。「辣蕃茄醬大蝦意粉」因為不能吃辣，所以就選了「不辣」。蕃茄醬配大蝦，大蝦蝦肉爽口，蕃茄醬和意粉完美配合，酸酸甜甜很入味。「蘆筍煙三文魚南瓜菠菜汁意粉」口味比較淡淡的，三文魚屬於那種煙燻的，菠菜汁略微覺得不太足夠，使意粉味度打折。「蒜香牛油雞翼」(六隻)雞翼juicy多汁，吃下去有濃郁的蒜香味，又有淡淡的牛油味，很美味，不知不覺會愈吃愈多，但若能用少些粉去炸則會較好。「原味梳乎厘班戟配雲呢拿雪糕」賣相不錯，梳乎厘班戟有三塊，空氣感十足，而且很鬆軟。配上雲呢拿雪糕感覺不油膩，很清新。總的來所，café 環境寧靜舒服，吃一口蛋糕，呷一口茶，看一本書，或者和三五知己試下意粉或小食，說說笑笑，享受悠閒的週末。