又一川

營業中

休息中

環境非常老舊，座位很窄，坐得唔舒服。酸辣土豆絲，死酸（一攞埋黎已經好大陣酸味）。正常酸辣土豆絲酸度3，佢個土豆絲起碼有10。叫小辣變左大辣，和店員反映話我地係叫小辣點解都咁辣，店員反問我地有微辣你做咩唔叫？基本刀功都冇。蒜泥白肉冇蒜泥，厚切，而且冇味。辣子雞。上漿炸，好似韓國炸雞咁，明明係叫辣子雞，可以麻到成個嘴冇知覺，咁點解唔叫麻辣雞呢？真係覺得跌錢，叫三個餸200幾蚊，出品質量仲衰過40蚊三餸飯 。

觀塘區最好食同最抵食既川菜非呢間莫也隱世好食川菜💕呢度環境簡陋坐位有啲迫但勝在味道搭夠酸辣土豆絲出邊食既土豆絲成日都唔夠酸但呢度就唔同酸酸辣辣咁好開胃酸辣粉呢度既薯粉勁有驚喜係圓身薯粉勁彈牙勁爽酸酸辣辣好易入口辣子雞呢度既辣子雞切到好細粒同埋炸到好香口份量超級大份食極都重有干偏四季豆豆豆炒得好乾身無出水好入味配上肉碎味道係麻麻辣辣既食到嘴唇都會有啲痹水煮牛肉牛肉非常淋唔會好韌叫大辣真係會食到出哂汗

好好好中意吃川菜嘅我，點會錯過嚟呢間吃。呢間野成日聽朋友介紹，話好吃的記得去觀塘個邊就要去試吓啦。於是呢日計劃好晒，同同事收工就去按摩，按完摩就嚟呢間吃好西😋😋😋間鋪嘅位置其實都算小小遠，位置就係牛頭角同觀塘嘅中間位置。牛頭角角地鐵站行過去就會比近嘅。酸辣粉(紅薯粉/米線) $26份量夠晒足料麻辣牛展 $58辣子雞 $78真係淡淡都是肉係呢度吃可選擇不同辣度，就算唔辣都可以，所以怕吃辣嘅朋友唔洗驚，有唔辣嘅比你哋揀，當然吃川菜辣先好味嫁，佢有微辣可以揀，怕辣嘅朋友可以逐步逐步咁嚟。我同朋友吃完之後就已經話約好想下次再嚟吃其他👍🏿

收工無住家飯食，唯有食下街外野！行行下見到呢間川菜，細細間，門面唔算吸引，但竟然好多人排隊！香港人心態，有人排隊一定係好野，一於排埋一份！！有米線有小菜有水煮物，兩個人食就簡簡單單叫左三餸一飯，手撕包菜，酸菜炒豬大腸，同埋辣子雞！啲餸菜都上得好，等左唔洗十分鐘已經上齊，三個餸都叫左小辣，手撕包菜好清甜，少少麻辣勁開胃！酸菜大腸比較濃味，超大碟好多酸菜同大腸，抵食送飯一流，淨係呢味餸已經可以食哂一碗飯！辣子雞炸得好乾身，好香口，辣辣地勁惹味！如果飲啤酒既，呢味送酒真係一流啊！