川大哥

出到深水埗想食辣野，行過見到呢間人少少就入去，位就唔算多，但環境幾闊落我地叫左個細既青藤椒魚鍋 ($198)，有得揀生魚片同鯛魚片既，我就揀左鯛魚片同小辣。成鍋青藤椒一上枱就聞到香味，份量算正常啦，魚肉都幾嫩滑爽口，薄切得黎又唔會一夾就爛，不過有少少骨🫠都可接受既。加左個紅薯粉 ($19) 喺個鍋入面，一路煮一路索味，煙韌又好食之後再叫個辣子肥腸 ($98)，明明都係小辣，感覺辣過個魚 😂不過都好好食，份量非常多，下面有個小爐一直烘住，好貼心食咁多辣野再叫支青島 ($26) 爽一爽仲有個12串組合既串燒 ($109)，有雞翼、腸仔、雞腎、雞軟骨、牛肉同羊肉各兩串佈滿惹味既孜然粉，串燒揀左中辣，堅辣！辣得滯要叫多支可樂 ($12)😂底下同樣有個小爐烘住上面啲串燒，可以慢慢食唔怕攤到凍晒。不過最後食唔晒要打包，店員超細心將錫紙舖喺發泡膠盒內保溫，拎到返屋企都仲暖…查看更多

今日同FD試一家佢好like嘅川菜小店，話水煮魚超高質。哩間小店裝修唔錯，卡位都坐得幾闊落。可樂，食辣嘢最佳配置。哩間鋪頭會提供蒜蓉，香菜等小料食魚用,都幾貼心。川辣口水雞，一份都好大，叫咗小辣，食落都比出面辣少少。雞肉好大一件，食落肉質好緊實，唔會覺得好柴，開胃前菜黎講唔錯。水煮魚鍋，真係好大一份，係用咗生魚片黎煮。魚片片得好薄身，煮得啱啱好，食落真係好驚喜，魚肉不單止好幼滑，同埋完全冇骨，全份食完食唔到一條骨，勁like。湯底唔會覺得好辣，飲落仲有少少鮮甜味，應該係落足魚骨黎煲湯。哩份水煮魚真係好食過香港9成川菜鋪頭，估唔到更高質素。辣子肥腸，FD啲最愛。用蠟燭護住個煲啲溫度，幾時食都唔會覺得凍。肥腸處理得好乾淨，預先醃制過再炸得好香口，同洋蔥，黃豆等配料一齊炒，好有鑊氣。紅糖糍粑，一直係食川菜必叫啲甜品。糍粑送上來仲熱笠笠，食落好酥脆，搭配埋紅糖黃豆粉一齊食，好match，最後真係食到好飽TIM。估唔到哩間鋪頭質素更高，尤其係水煮魚，下次要試試用佢湯底打邊爐，真係可以一再encore！…查看更多