蒙麵

知道｛蒙麵｝至少要等1個鐘先有得食，為咗減少輪侯時間，我哋喺鋪頭開之前半個鐘就到達排隊🚶🏼‍♀️🚶🏻🚶🏻‍♂️開店前排隊嘅人唔算多，所以可以第一輪就入座，唔洗等1個鐘咁耐🥹鋪頭小小，每碗麵同小食都係逐一製作，非常之用心❤️亦都因為咁，需要用更多嘅時間等候，想食就要俾耐性⌛️✴️新鮮花甲蕃茄薯仔湯銀針粉✴️❤️❤️好鐘意依個湯！一定落咗好多蕃茄，煲咗好耐先會有依個味道同濃度，而且仲有大大嚿薯仔，飲湯都飽😍花甲份量好多，脹卜卜夠哂甜，邊食邊感到好幸福☺️✴️韭菜餃蝴蝶腩香菇貢丸河粉✴️同樣湯底🍅🍅韭菜餃皮十分之薄，餡料豐富，推薦👍🏻✴️辣味魷魚✴️唔食得辣嘅人真係要斟酌，因為呢個辣味好刺激💥我要等到最後食晒碗麵，再用蕃茄湯洗一洗先至食到😂✴️糖心滷蛋✴️偏鹹，但滷蛋嘅時間剛剛好，呢種流心蛋黃真係好吸引🧚‍♀️✴️蜜汁叉燒串✴️調味都幾濃，叉燒比較乾同難以從竹簽中扯出～無想像中咁好食，試過一次就算🙈…查看更多

Bookmark咗呢間車仔麵好耐啦終於都真系去咗🤪一早聽聞呢間好多人排隊 喺佢開門前3分鐘史努比已經到達😎呢間小店以叉燒串聞名佢寫明唔比加單 開頭驚佢會好細串 所以就一次過嗌兩串😛店員話比住一串先 所以分開咗上👍🏿招牌蜜汁叉燒串 $34喺佢未嚟嘅時候史努比都覺得價錢頗貴但嚟到見到咁大串😳又覺得其實都合理🤣一串有成5大舊 件件都好厚肉記得要趁熱食!!叉燒表面燒到有少少燶邊位非常焦香🥰佢就唔系甘香油爽嗰種😂但唔會太肥 唔會食到有肥膏👍🏿用嘅豬肉本身帶適量嘅油脂~所以做到咬落軟淋鬆化嘅效果 而且肉質夠嫩又juicy🤤一啲都唔覺乾😎表面coat滿咗蜜汁 甜甜地但又唔會令人覺得膩🫶🏿系幾好食嘅~ 即使$34史努比都覺得值得一試😆味道: 8.5/10性價比: 7.5/10🔸菜底 $13佢哋車仔麵規定每碗要三餸起~史努比去嗰日可以揀菜心或者系生菜揀咗生菜 份量好足食落都夠爽脆😆👍🏿五香牛筋 $17牛筋有人鍾意食超淋嘅 有人鍾意食淋中帶啲爽口 史努比就prefer兩者中間😂要淋又要有啲咬口最好系食落漿口嗰啲🤣🤣不過今日呢間系炆到最淋最淋嗰種😳唔好講笑佢淋到入口即融連咬都唔使咬😂其實都好食嘅 只系唔系史努比最鍾意嗰type食落惹味 但略嫌佢鹹咗啲啲不過唔系死鹹嘅~都唔錯味道: 7/10性價比: 7/10👍🏿豬紅 $12豬紅絕對系史努比去到邊食車仔麵都必嗌嘅配料😆佢比得好足 起碼有5舊😍食落淋得嚟唔會冇晒咬口依然保持Q彈😚中間仲有啲汁bit出嚟添🥰調味雖然都系比較重 但正常嘅畢竟豬紅要有返咁上下調味先可以蓋過豬血腥系幾唔錯嘅!味道: 8.5/10性價比: 7.5/10👍🏿蘿蔔 $12蘿蔔都有3大舊 軟淋冇渣😚欣賞佢唔系喪落糖死甜嗰種味道帶稍稍清甜🫶🏿不過似乎佢本身冇乜特別調味🤔硬系覺得爭咁啲嘢😂味道: 7/10性價比: 7/10升級精選湯底+$17👍🏿馬來叻沙湯底 呢碗就系媽媽👩🏻嘅佢最鍾意嗌粉絲 索湯吖嘛🤣湯底要加$17都幾貴下😳但佢足料嘅~有四件豆卜 仲有大量芽菜呢$17就當加咗兩份配料啦🤣湯底辣度偏低 連史努比都接受到🤪但味道幾香 微微辛辣 而唔系死辣嗰種不過如果再多少少椰香咁就好啦😛🔸粉絲 $13粉絲索晒啲湯當然好惹味食落都keep到有啲嚼勁好食就好食 系肥仔姐😂味道: 8/10性價比: 7/10👍🏿辣味魷魚 $17辣魷魚分開上 咁啲辣汁就唔會影響咗個湯底魷魚又唔會因為浸咗落個湯度而變淡味 有心思🥰魷魚好爽彈 咬落去卜卜脆嘅口感好鬼正🤪而且煮得好入味 辣得嚟帶花椒麻香不過對史努比嚟講有啲辣得滯🥵但系好食嘅! 同埋份量都好足 甚至比出面嘅多一倍😆味道: 8/10性價比: 8/10🔸鹵水大腸 $16🔸金錢牛肚 $17史努比不嬲都唔鍾意食呢啲嘢🙈但媽媽就好鍾意🤣佢話大腸洗得夠乾淨 而且份量好足😚但牛肚就相對少啲兩樣都炆得夠淋 味道唔錯嘅~*不設加一服務費*Overall嚟講呢間車仔麵系幾好食嘅😆雖然價錢好似稍貴 但佢真心足料食到史努比勁飽🤰🏿樣樣都比好多 At least佢系史努比食咁多間最足料嘅一間🤭(利申一下史努比唔算食過好多間車仔麵🙈)同埋叉燒系出色嘅 $34有咁大串價錢都算合理順帶一提 佢嘅名氣真系唔話得未開門已經有唔少人排隊 條隊keep住都有人史努比食完出嚟都仲見到好多人🤣服務其實唔算好差姐 佢哋都冇啲人講到咁串咁冇禮貌😂所以呢間都系值得一試嘅😎整體評分：味道: 8/10環境: 7/10服務: 7/10衛生: 6.9/10抵食: 7.6/10…查看更多

之後係比威風百麵仲難排既蒙麵以慢工出細貨聞名所以係排隊排到hihi我去果時出面仲整緊路都排得幾辛苦年尾星期五早收工五點幾都排左半個鐘先入得呢間野就好多規矩既仲唔做外賣平台大顛地方一樣好細同威風百麵一樣都只有半張檯開放式廚房只有老闆一個人整野食我地就坐係格離所以都見到幾污糟下餐牌有普通車仔麵餸我就要埋花甲另外果張仲有成頁係特色燒烤小食下午茶六點前送熱飲要左檸茶同檸水凍飲要正價好似係下午茶專有既蒜香炸雞翼就唔算特別雖然係車仔麵但好出名既叉燒就無好似佢咁話要15至20分鐘甚至比個麵仲早上可能多人叫一直都燒緊雖然有濃邊但唔係好熱肉質亦都唔算淋比想像中都差幾遠純粹只可以過下口癮我果份魷魚就分開左上跟埋辣汁份量都唔少可加既沙爹汁就分開上早知一人叫兩樣咁就可以要晒四隻汁呢度就無威風百麵有指定麵餐可以揀芝士魚卷同雞中翼就每樣兩件豬皮份量都唔少另外我果個估唔到花甲係連埋麵一齊上反而個魷魚係分開花甲都舖滿個碗面入面有大腸同牛筋整體就無威風百麵咁濃味同埋辣汁都係果邊惹味真係擺到成檯都係呢餐叫左好多小食所以貴好多埋單兩個人187蚊如果單計個麵就46蚊同57蚊都係威風百麵抵些少仲有甜品送但呢邊就有下午茶免費熱飲同埋有特色小食環境就無咩分別都係咁差架啦我自己就比較鍾意威風百麵當然呢度唔差既不過有對比就有傷害啦…查看更多

蒙麵可能係最囂張嘅車仔麵檔，有啲規矩要守架，但真係好好食好抵，大大份，叫三餸都係$50-60。座位真係得10個，一定要排隊，仲要排20分鐘起跳添，所以食飽都急急腳走囉。*米粉+招牌辣汁+牛腩汁 (三餸起)揀米粉可以索湯，腩汁係基本，辣汁必須加，微香辣令湯底更加惹味。蘿蔔 $11三塊大蘿蔔，清甜軟腍，但未夠索湯。*滷包仔豆腐 $14三大塊滷豆腐，滷得少入味，我心目中必叫。溏心滷蛋 $142隻滷鴨蛋，半熟蛋黃啱啱好，但滷水汁好淡，而且未有鴨蛋蛋香，不過價錢好抵。五香牛筋 $16牛筋有四至五塊，煮到好腍好軟綿，但五香未夠重。*辣味魷魚 $16分開單獨上菜，份量唔少，魷魚彈牙，辣得過癮又入味。新鮮花甲 $38雖然花甲份量唔多，但每一隻都好飽滿，而且令到湯底更加鮮甜(有比較有傷害)。招牌蜜汁叉燒串 $30即叫即燒，仲不設加單。大約食到一半就有得食。價錢唔平，但做到叉燒該有嘅焦香、蜜糖甜味。肉質有啲肉汁、少少韌，越咬會越香。沙嗲韭菜豬紅 $28碗底全部都係韭菜，豬紅起碼有十幾粒，綿但又彈牙哦，係靚豬紅！沙嗲汁香又微辣，淡淡花生味，非常夾。…查看更多

早前跟細妹排過一次隊，但趕時間等不及而轉場，今次提早6pm就來排，都排了半小時才能入座。店面細小，座位狹迫，客人都是用餐完結就離座，不會佔枱太久。排隊候位時已先畫好點菜紙，我選的組合是「鹵水大腸+蠔仔煎蛋+辣味魷魚+油麵配腩汁」，另一碗是「南乳豬手+金錢牛肚+柱候牛腩+蒙麵」。今晚3人用膳，所以還點了3款小食share，有招牌蜜汁叉燒串﹑香草烤雞翼及沙嗲韮菜豬紅。鹵水大腸+蠔仔煎蛋+辣味魷魚+油麵配腩汁，辣味魷魚分開另上，辣汁不會影響湯底。鹵水大腸乾淨沒羶味，不會好肥好油，夠稔又入味。辣味魷魚爽脆微辣，惟蠔仔煎蛋不夠香，蠔仔份量不多。油麵爽口，沒鹼水味，腩汁夠香。南乳豬手+金錢牛肚+柱候牛腩+蒙麵，南乳豬手入味又夠軟稔有膠質，金錢牛肚爽口不會韌，柱候牛腩同樣炆得入味又夠稔！蒙麵的質感幾特別，比烏冬細及柔軟，微微煙韌卻又不及薯粉那種煙韌，幾有趣。香草烤雞翼，$25/3隻，帶淡淡孜然粉味，味道不會太鹹，雞翼皮微脆，肉質不會太乾身，烤得幾香～～沙嗲韮菜豬紅，份量充足，沙嗲汁味道香濃惹味，豬紅入味又軟滑！招牌蜜汁叉燒串，一串要$26，一粒粒的叉燒充滿蜜汁香，半肥瘦的叉燒肉質軟稔不粗糙，同時帶油份香。甜甜的蜜汁加上燒得微焦的焦香，叉燒串確實幾滋味～～～飲品點了杯凍檸茶，正正常常不會澀。整頓晚飯，較令人回味的算是招牌蜜汁叉燒串，其他食品質素中上，並不特別出色，食品定價都偏高一點啊！花30分鐘排隊，只為叉燒串又好像不太值。…查看更多

三顧草廬屢敗屢戰，今次好好彩一點準時到達，成為最後一個入座，好感動啊~最出名係蒙麵($19) 同特濃番茄薯仔湯底($13) 所以try try，餸方面揀左柱侯牛腩($14)、辣味魷魚($14)、香茅魚餅($11)。食過嘅朋友個個都話必食招牌蜜汁叉燒串($26)，逐串逐串燒所以要等比較耐，難得嚟到又點可以錯過呢~等左十分鐘蒙麵就到了，大大碗好足料~ 番茄薯仔湯好鮮甜，番茄味好出，薯仔都好出色好粉，大大舊薯仔飽肚感十足。蒙麵滑嘟嘟，有d似烏冬，有口感兼同番茄薯仔湯好夾。三款餸裡面我最鐘意另外用碗上嘅辣味魷魚，小小辣幾過癮。柱侯牛腩燜得好淋好入味，香茅魚餅就一般般。食完個蒙麵蜜汁叉燒串就駕到~ 一食真係不得了，烤得外面脆脆地，叉燒超厚身彈牙，coat滿蜜汁甜度啱啱好又唔會太鹹，真係冇介紹錯~ 本來食完個蒙麵已經好飽，食埋個蜜汁叉燒串簡直飽到上心口，超滿足~ 期待下一次到訪~…查看更多

無論午飯定下午茶時段都爆滿，因為店主堅持每樣野都即叫即整，黎得食真係要預左要排半個鐘左右。生炸雞翼$25即叫即炸，入面醃得夠味好嫩滑，冇沾炸粉直接生炸，所以個皮好薄脆車仔麵面底都有8種選擇，今次揀咗河粉，夠薄夠滑好吸汁，辣味魷魚個辣汁超正，多到可以淋埋落個面韭菜餃應該係自家製，入面超多韭菜，同埋好乾爽好嫩綠，（如果有得買生餃返屋企就perfect)花甲$33/份都有成20隻，粒粒超大粒飽滿，平時就咁去街市買一斤要$60up花甲真心推介，同埋想食嘅話建議早啲去食（當日大約3點半就賣哂）蜜汁叉燒串食麵食到大半就差唔多會上，因為即叫即燒需時，啱啱上枱熱到辣嘴…查看更多

話說最近係黃埔工作，次次經過都大排長龍，今次終於比小編食到喇！！《💛滷水豆腐·金錢牛肚·辣味魷魚·蕃茄薯仔湯💛》滷水豆腐好入味，切到細細粒，一啖一粒，一咬啲滷水汁出晒嚟。金錢牛肚🐮非常足料，老闆非常慷慨，有好多舊，煙煙韌韌，過足口癮。辣味魷魚🦑都幾辣(有後勁果種)，而口感就比一般軟滑，可見煮嘅溫度控制同醃料都配合得好好。🍅蕃茄薯仔湯用咗真材實料，食到新鮮蕃茄蓉同埋飲得出係老火湯，湯底濃郁而且一啲都唔口渴。《💛滷水大腸·陳皮魚蛋·黑椒牛筋丸·馬來喇沙湯底💛》🐷滷水大腸非常入味，而且處理得非常乾淨，冇異味。陳皮魚蛋🐟細細粒，但都幾彈牙，陳皮味突出。黑椒牛筋丸彈牙(唔確定係咪手打），有兩粒。喇沙湯底都幾出色，味道濃郁，偏重椰漿味，但有啲辣。💛《蒙麵》與《辣菜脯》💛小編兩碗面嘅麵底都揀咗《蒙麵》🍜，佢嘅味道有啲似紅薯粉咁煙煙韌韌，而外表同埋粗幼度就似白雪雪嘅烏冬，非常特別。每枱枱面都會有一甖辣菜脯🥕，全部大大粒，口感爽脆，一定要試吓。總括而言，我覺得呢間小店真係值得排隊去食，因為佢每一樣餸、湯底都係用心去製作，價錢雖然唔算平，不過一定係物有所值。🥰…查看更多

紅磡出名美食多，如果要食車仔麵就一定諗起佢，唔單止選擇多同用料豐富，仲係一間「好有性格」既車仔麵檔。點解？😂因為舖頭張貼memo，暗示各位顧客識做啲，大家互相遷就互相包容，減少不必要既磨擦餸菜種類多，選擇困難症既我又發作，最後跟咗廚師推薦既黎揀hahaha👆🏽溏心鹵蛋嚴選鴨蛋製成，金黃亮眼，果然係蛋味濃郁，而且厚實蛋香順滑。👆🏽辣味魷魚🦑⚠️怕辣嘅朋友請注意⚠️係慢慢滲啲辣出黎魷魚呈捲狀，包到好多醬汁，食落爽口彈牙。👆🏽特濃蕃茄薯仔湯底幼麵口感煙韌，而特濃蕃茄薯仔湯湯底濃郁真係用上蕃茄薯仔去熬，絕對係健康之選，食埋碗麵仲可以飲埋個湯…查看更多

聽說在差館里有一家很串嘴的車仔麵店，在店外貼了「即使梁振英黎都要排隊」，在某個下雨天之際便和月巴抱著一試的心態。店子坐位不多，自已找到位置安坐就可，自行畫紙寫食物，由於時間有點早，所以只是點了個三餸麵和特色小食。當天食客人數不算多，但礙於只有老闆和一個夥計，所以等候時間比較長，心急的話可會吃不到好東西呢~蕃茄薯仔湯底的車仔麵很少見，配上金錢牛肚、豉汁鳳爪、香茅魚餅和辣味魷魚，竟然可以各司其職，不會亙搶風頭！牛肚切得幼細，口感爽而不韌；魚餅香辣適中，魚肉彈牙可口；至於鳳爪月巴則覺得挺入口，但較為細隻，身為食肉獸的我就不太喜愛了~~~而魷魚是另外由小碗盛上的，份量也不算少，而且有很多醬汁浸著，所以很爽很入味。老實說，我對於湯底的評價是十分高的，因為既是我喜愛的湯底，又是材料豐富不欺場，再加上有乾蒜和蔥撈在一起的調味，簡直就像中了邱比特的箭一樣(好吧…可能是誇張了點，但我真的很愛這個配搭~~~)另外還點了招牌蜜汁叉燒串($18)，這叉燒可是即叫即燒的，老闆也說明了沒有耐性的就不要點。香噴噴熱辣辣的叉燒看著就覺得很袖珍似的…但可惜的是味道有點偏鹹，要喝水來解渴…不過肉質很不錯，不會燒到像乾柴般，價格有點貴。在等待的期間看到老闆對員工的態度可能真是惡了點，但對食物的態度卻是截然不同…看到老闆為其中一種湯底加湯料調味時，不只是隨手加了調味就算，而是會認真試味，以確保客人吃到的是高水準食物！…查看更多