삼삼뼈국

營業中

休息中

去OpenRice成日見到排榜上有名，bookmark咗好耐終於嚟到試食。6:45到有位直入，但之後陸續開始多人，7點已經排長龍。主要要等好耐原因係佢冇限時食，傾好耐計先走都得，完全唔會趕你走。朋友成日去韓國，佢話啲嘢食真係喺韓國會食到嘅味道// 辣味土豆脊骨湯本身已經包金菇同西洋菜，所以後來免費追加一樣食物，所以記得可以揀其他，我哋揀咗娃娃菜。湯嘅辣到適中，泡菜辣度，帶點甜味，易入口。牛脊骨肉嫩，入味，必定要配佢個秘製醬汁食，超好食！本身感覺好似食緊煲湯嘅高質牛骨，一般般，但當你點佢個秘製醬汁食，即刻令到味道好特別！另外啲薯仔同菜亦擔當好重要嘅角色，索哂啲湯汁，有多啲嘢咬吓，唔會好似成餐喺度食骨咁，有啲攰同dry。。。// 三三炒飯本身以為佢會幫我哋炒，開頭都炒得不錯。點知佢將啲飯壓扁晒貼到落個鑊，以為會炒到有飯焦脆脆地食，點知底全燶、全黐底。。。完全食唔到幾多啖飯，因為食到係有啲燶咗嘅苦味，嘥米又嘥錢。。。食咗幾啖，都試到個飯係好食嘅純粹係個侍應炒得差。

三三骨肉 삼삼뼈국 (尖沙咀)話說之前去韓國旅行時愛上了食韓式辣味薯仔所以見到三三骨肉開店的報導就打算衝著辣味薯仔而去（嗯！我是衝著薯仔而去！🤣）開店初期太多人所以打算遲點才去然後有日偶然想試試預約又好容易預約到星期六中午時間所以就帶愛好吃辣的媽咪去試試！中午一點去到餐廳外面有約3-4組人排隊餐廳座位很多而且闊落坐得舒服用平板落單落單後店員會送上任食泡菜及水落單後再望去外面就發現了一條好長的人龍建議大家先預約就不用排隊了**如沒有預約的話記住要用店外貼了的QR code登記排隊**留意每日14:30-17:00休息辣味土豆脊骨湯 （小）$340-目標明確快速下單！ 辣味土豆脊骨湯可以選三個份量 方便大家需要 小（2人）：$340 中（2-3人）：$400 大（3-4人）：$460 我們叫了2人份 我們那份有兩件大脊骨+三件小脊骨，薯仔兩件，金菇，西洋菜 韓式辣味湯底濃郁微辣 食到後段辣味會更明顯 （如果不吃辣的話，餐廳也有清湯版本） 脊骨肉煮得好軟腍 而且好易拆肉 重點我最愛的薯仔 好粉又入味又不會太腍！ 大推薯仔控去食！ 然後西洋菜也非常好味！**二人

三三琴日尖沙咀開張，韓粉女友今日已帶我去幫襯。間嘢係韓國連鎖餐廳，主打燒肉同薯仔排骨鍋。入到去唔少客都係韓國人，領班同侍應都識廣東話，港人可母語落單。我地叫咗細份辣味薯仔排骨鍋，2人份量，2個人夠食到飽，味道算唔錯，同韓國相比，排骨切得細舊啲，芝麻葉畀通菜取代。另外仲叫咗每枱韓國客人都叫嘅燉酸泡菜，專業地用煲湯泡菜煮，味道較酸較地道，並有五花腩粒喺裡邊。前菜個泡菜都夠鮮甜，係大白菜白蘿蔔同青瓜做成。埋單五百蚊，係稍高少少，尖咀區難免。因為新開，人手未夠，所以幫襯時要耐心少少，我地見韓國人會自己出去拎埋餸或前菜或餐具，所以都照辦煮碗。另外韓國人多，環境比較熱鬧，想靜就要注意。餐牌有頁係炒飯，暫時未有，領班話要下星期先供應。