一幻拉麵

營業中

休息中

每次經過一幻拉麵都聞到好香既濃蝦湯味，今曰收早同老公來試下，5點半前有下午茶餐，68元有拉麵，小食同飲品，好抵食喎！ 我們點了一個適量豚骨蝦湯醬油味， 另一個是辛辣味噌蝦湯, 試第一口湯，湯底超濃，感覺真的是很真材實料，但再吃下去，感覺實在太濃了，豚骨那個可能選了醬油味，越食就越咸，實在吃不慣這個濃烈的味道。

來自北海道札幌的「一幻拉麵」主打招牌蝦湯拉麵，湯頭用上大量蝦頭熬製，湯底濃郁鮮甜，可選味噌、鹽味、醬油&香港限定辛辣味噌蝦湯拉麵，鮮蝦味十足一幻屯門店位於屯門市廣場一期2/F，座位擺放整齊，光線充足辛辣味噌蝦湯麵與其他日式拉麵店一樣可選湯底濃度、口味、配料等，一碗內有叉燒，糖心蛋，挑選了幼麵麵底彈牙掛湯，湯頭濃稠蝦香撲鼻，微辣嘅味噌湯鹹中帶鮮味，灑上紅姜和蝦味麵酥，入口層次豐富甜辣小蝦沙律椰菜絲上鋪上甜辣蝦乾和沙律醬，作為前菜開胃惹味 蝦味飯團本身撈咗醬油同蝦乾已經好有味，不過我自己鐘意沾埋蝦湯一齊食，好正後記：下午2:30到5:30有下午茶供應，包括麵食+小食+飲品$68，份量細份d，但有埋小食飲品，滿足

招牌蝦湯拉麵🍜 $88一擺上枱聞到好濃既蝦味，食落去都好濃郁蝦味都重既，不過食到最後覺得偏咸，揀左幼麵，偏淋身辛辣味噌蝦湯拉麵🍜 $88蝦味唔重，辣味蓋過左原有既蝦味，成個感覺得個辣字，啲叉燒偏薄身無乜咬口但味道都okay，麵無得揀軟硬度，粗麵會偏硬身餃子🥟 $35正常日本餃子，不過不失環境坐得幾舒服，放假去要排隊入坐，不過成個環境幾闊落，亦都有水、紙巾提供依加有推出一人套餐優惠！有埋小食同飲品都幾抵食！

早日朋友同我講屯門開左一幻拉麵店，即刻就約埋男朋友黎試下，因為據我所知每一間分店新開張都有果間店嘅專屬限定拉麵，而屯門店嘅就係北の極蕃茄蝦湯拉麵。北の極蕃茄蝦湯拉麵 $78我揀左幼麵，有蔥，有麵酥。好快上台，大大碗拉麵，一上台就知就我一個女仔肯定食唔曬一份。每碗拉麵都有叉燒同半隻溏心蛋，而呢個湯底超級好食，我一向都唔係幾中意蕃茄湯，不過呢一個蕃茄湯好出色，唔會係勁酸果種，好自然嘅蕃茄香味，再加上蝦湯嘅鮮，呢一個配搭好有驚喜，我食食下，男朋友都搶住黎食。辛辣味噌蝦湯拉麵 $88男朋友就揀辣蝦湯，幼硬麵，有蔥，有麵酥。同樣都係大大碗，呢一個辣都好過引，男朋友中意食辣多D，所以呢一個岩曬佢胃口，不過食到一半就feel到好飽同埋有少少膩感，因為個蝦湯實在太濃郁，所以都好快覺得好飽。再加多左個餃子 $35(5pc)，好好味，係一貫日本拉麵店嘅餃子，皮唔太厚，肉汁多，十分juicy。飲品就簡單叫左兩枝無糖茶 $25@1。Overall黎講，食過一幻嘅朋友麵知好食，不過新店限定嘅蕃茄蝦湯真係好出色，有機會再去食。而家新店開張好似好多唔同優惠，details真係要睇返一幻拉麵 社交平台。