。Cafe 1950位處剛翻新嘅商場地鋪，估唔到佔地頗大，睇落可容納百多人，裝潢帶有鄉郊小農舍嘅感覺，杏、啡、棕色磚牆、牛奶桶花樽、大大細細嘅盆裁、大木箱、懷舊留聲機……等等，好多田園小擺設，加上地方闊落，樓底也挺高，配以淺啡色木枱木椅，又採用半開放式格局，令人感覺舒適唔拘束，所以環境上確搶咗唔少分 
。店家以歐陸餐廳掛帥，不過，概略翻過一轉餐牌，不難發現，何止歐陸菜，直頭有茶記精神 
，提供多國菜式，有不同地方嘅特色小食、德國肉腸、沙律、意大利薄餅、迷你火鍋、西式焗飯、意式燴飯、異國炒飯、蛋包飯、石頭鍋飯、意粉、扒類……。雖未至於應有盡有，但至少適合唔同人嘅口味需求 
。晚市，以套餐為主，分1人套餐及4人套餐，前者以所揀嘅主菜而定價（除特色小食、散點德國肉腸、沙律、意大利薄餅），已包埋餐湯及餐飲；後者則定價$398，有小食拼盤1客、主菜2客、甜品4客，同樣包餐湯及餐飲。餐飲喺一般茶啡，若想轉其他特飲如啤酒、餐酒、梳打、自家調製雞尾酒……等等，只需額外補回「跟餐價」就可以嘞，所以選擇多彈性較大 。 
羅宋湯（隨餐附送）入口頗辣，但酸度啱啱好，夠醒胃，欠缺個歐陸餐包，有就更好！ 荔枝松葉蟹棒沙律（非套餐類別）$47 
沙律一共在4款供應：凱撒沙律（$38）、無菌溫泉蛋凱撒沙律（$43）、煙三文芒果柚子沙律（$49）及我哋所試嘅荔枝松葉蟹棒沙律。估唔到啲蟹棒幾OK喎，加上甜蜜嘅荔枝肉（罐頭貨），清爽嘅沙律菜，仲有粟米粒、車厘茄，配以酸酸甜有啲泰式風味嘅醬汁，效果唔錯，清新開胃 ！ 軟殼蟹芒果米紙卷（非套餐類別）$28 一客兩大條米紙卷分開4件，以生菜包住軟殼蟹，再包上薄薄一層越南米紙，睇落通透，淋上芒果醬汁，入口涼涼爽爽，香甜芒果醬之下喺卜卜脆嘅軟殼蟹及爽脆嘅生菜，確喺唔錯嘅小食，好適合夏天嘅菜式。 黑松露海鮮意式燴飯（套餐類別）$65若非味道上有啲過鹹 
，個意式燴飯應算喺有水準，因為不單飯粒煙韌，份量十足，而且黑松露醬落得一啲都唔手緊，變得香味突出 。海鮮料亦不頗，有墨魚仔、鮮蝦、青口，連賣相都做得有板有眼，都只喺賣$65咋喎 。 柏林肉腸拼盤配酸菜（套餐類別）$92 以長方形砧板盛載一客有6款肉腸嘅拼盤，份外型格，瑞士蘇寶力腸（牛仔肉，足9吋長），黑森林腸（德式豬肉，有8吋長），維也納腸（豬肉，6吋長），蘑菇雞肉腸（雞肉，4吋長），脆皮波子腸（香草煙牛肉）及法蘭克福腸（豬肉加牛肉，6吋長），每款腸都各有一件，餐廳本身嘅德國肉腸散叫，共有8款之多。小弟嘗試計吓拼盤比散叫抵幾多，吓！竟然一樣價喎 ，當想話咪以為拼盤一定抵啲嘅時候，想番起個拼盤喺當套餐計，包餐湯、餐飲，咁！始終都喺拼盤抵。其實撇除運算上計落抵唔抵，德國腸本身就唔平，所以依家$92就一次過試到6款腸，真喺抵食之選 。肉腸各有特色，以蘇寶力腸及脆皮波子腸最得小弟歡心，因為蘇寶力腸以牛仔肉做，肉味較香，而波子腸外皮香脆，腸肉又有香草及煙燻味。最可惜喺啲酸菜，酸椰菜唔夠酸，又太過腍，口感極之唔好 。 德國式燒啤酒豬手配酸菜（套餐類別）$99 個豬手喺是晚重點想試嘅菜式，大大件嘅德國豬手非常有睇頭，基本上餐廳為方便客人會將豬手切好先上枱，若要原隻上記緊落單時說明。豬手外皮好香脆，不過一定要趁熱食，否則一攤涼就變韌，皮下脂肪唔太肥，肉質鹹香軟腍 ，食友嚐到淡淡啤酒香，可能我對啤酒一向唔好，感覺似有還無咁！但只賣$99，仲要包餐湯、餐飲，又喺另一抵食之選囉 ！餐飲方面，我哋見佢啲菜式定價唔太貴，所以都加錢轉晒其他特飲。有3款轉咗自家調製雞尾酒，因為見啲名特別，所以就好奇試一試喺點。 碧咸（跟餐價$16 / 散點價$29），以伏特加、橙酒、朱古力沙冰溝埋，食友話無乜酒味，主要喺得啲朱古力味，勝在夠大杯！ 藍冰洋（跟餐價$21 /散點價$35），藍橋酒、占酒、伏特加、蘭母酒、菠蘿溝七喜，色澤好貼題，甚有冰洋嘅感覺，酒味幾重，好冰涼。 蜜瓜精靈（跟餐價$16 /散點價$29），伏特加、蜜瓜酒、蜜桃汁、梳打打成，食友話有啲酒味，唔太強，易入口。雖然都食得幾飽，但見佢啲甜品多元化又幾吸引，有法式班戟、美式班戟、芝士餅、港日台式甜品，同樣定價親民 ，跟出面嘅甜品、糖水鋪差唔多，仲要咁好環境，又唔收加一，晌附近住開嘅人過嚟食甜品都有數喎，至少唔使同人逼住食都抵啦 。 朱古力美式班戟 $25 美式班戟系列有成7款之多，藍莓、紅豆、草莓、香蕉、朱古力、香芒、彩虹（即喺雜錦）。上下兩層美式班戟夾著鮮忌廉，睇樣好似好多，其實唔算，上面加咗朱古力碎、奧利奧曲奇、脆米及朱古力雪糕，再淋上焦糖漿，真喺好正，唔同口感，唔同味道，紛紛陳陳 。不過要改善喺啲班戟，有啲乾硬 ，已反映過俾經理知，佢話所有班戟都喺即做，咁問題就唔知會唔會出於啲蛋漿擺得耐，無存封妥當。 藍莓法式班戟 $25 法式班戟亦唔少，同樣7款，都喺嗰一堆配搭。法式班戟加入忌廉捲成長條形，幾香軟，有少少似食卷蛋，不過最正喺啲藍莓醬，原來又喺以鮮果肉製作，怪不得味道寧捨鮮活，酸香細緻 ，就連個雲喱拿雪糕球沾咗啲藍莓醬都變得好食咗。 太子金露 $26 幾款北海道3.6牛乳奶凍嘅甜品，名字都好特別，太子金露、太妃金露、盛女幸福宅。太子金露應該以楊枝金露嘅變奏版，因當中成份有芒果、金柚，但改以加入黑珍珠及牛乳奶凍，味道幾香甜，牛乳奶凍既滑溜，又重奶香，值得推介 。晚市套餐除定價實惠、比市區低一截之外，仲唔收加一，而且菜式頗多元化，好啱啲學生哥、一家大細、想慳慳哋嘅情侶，據講未來仲打算晌其他區開新店，希望會晌美孚區插旗啦 。…查看更多
屯門安定邨已有 30 年樓齡，安定商場大翻新！令我完全認不出來！ 另外等埋一位遲收工的靚女，我們一行 4 人晚上 9:00 入座。餐廳佔地三千多呎！ 在一個領匯管轄的屋邨商場來說，確實很大！環境寬敞舒適，空間充裕！ 充滿 50 年代歐陸裝潢，每一角落也滲出歐陸情懷！給人感覺置身懷舊的歐陸餐廳！ 餐廳店名中的 CAFE 每個英文字也有含意！Casual And Fun Experience！ 店員服務態度好，殷勤又友善！ 餐湯 - 羅宋湯好足料！洋蔥、紅蘿蔔、西芹也煲得軟腍！湯味酸度得宜！都幾惹味！ 荔枝松葉蟹棒沙律 $47平時，荔枝食得多！把荔枝混入沙律當中，甜美多汁！ 帶出清新感覺！好 Refresh！跟松葉蟹棒幾夾！ 軟殼蟹芒果米紙卷 $28軟殼蟹脆卜卜！ 芒果鮮甜多汁！伴上沙律菜，令人開胃！ 石鍋卷蔥花一口牛 $39入口軟腍鬆化！ 醬汁惹味濃郁！牛肉食起來啖啖肉！教人回味！ 慕尼黑肉腸併盤酸菜 $69包括：芝士豬肉蛇形腸、香草牛波子腸、蘑菇雞肉腸 三款腸鮮美多汁，各有特色！ 其中以芝士豬肉蛇形腸最為特別！酸菜酸度輕微，令人容易入口！ 德國式燒啤酒豬手配酸菜 $99這是招牌菜之一！配上酸菜、薯條、餐湯及飲品！以不用$100 的價錢來說，絕對超值！ 份量十足的鹹豬手，外皮脆卜卜， 猶如食燒乳豬的脆皮一般！肉質軟腍豐腴！肥美可口！ 而且肉汁豐盈，真的十分美味！可配上茄汁沙律醬，更滋味！很有水準！非試不可！ 法國農村風芝士鵝肝汁雞扒軟殼蟹焗飯 $59主角軟殼蟹 + 雞扒足以惹人垂涎！ 一大堆頭掩蓋飯面，可見份量驚人！ 香草散發清新香氣！卻是香草飯較為軟腍， 吸收醬汁恰到好處口感不膩！黑松露卡邦尼蛋汁煙肉意粉 $62黑松露滲出濃郁菌香！令人開胃起來！ 卡邦尼香濃不膩又 creamy！意粉軟硬適中！整體很合大家胃口！超值推介！ 德國式啤酒焗釀春雞 $79把一隻去頭春雞坐在啤酒罐上，賣相的確幾趣怪！ 顧名思義以啤酒醃雞，雞肉經啤酒發酵，肉質特別嫩滑！ 雞皮香口軟滑！配上特調的醬汁，極具風味！值得一試！ 另外，附上手套好細心！由於當時食客不多的關係，男店員為我們把春雞分體！方便進食！相當貼心！ 記得入座時，大家見到甜品餐牌，雙眼也發亮！ 終於等到甜品時間，大家都興奮起來！ 熱帶彩虹法式班戟 ~ 雜果 $42法式班戟並非預期的質感，教人失望！ 幸好！色彩繽紛的雜果挽回分數！香芒美式班戟 $25芒果鮮甜多汁與香甜的雲呢拿雪糕！配合鬆軟的美式班戟，口感一流！ 盛女幸福宅 $19自問我仍是一名盛女，這款我嚷著要點！攪笑吧！ 以紅豆、3.6 牛奶奶凍加花奶組成，牛奶奶凍超滑溜！可媲美豆腐花那麼滑溜！ 紅豆則清甜！兩者混合一起恰到好處！ 楊枝金芒布甸 $24金柚、芒果、芒果布甸+花奶，這是店員的推介！ 相當足料！ 酸酸甜甜！就算食到幾飽也食到得落！藍莓芝士餅 $23師傅特意把藍莓醬淋上芝士餅，已很有美感！ 令平凡的芝士蛋糕即時錦上添花！賞心悅目！ 芝士及藍莓醬一向是務實的組合，味道簡單而美味，兩者夾在一起也有不俗的火花！蛋糕質感結實，餅底濕潤度恰到好處！整體來說是不錯的！更可喜的是不太甜！焦糖芝士餅 $23焦糖芝士餅比前者藍莓芝士餅賣相較為遜色！ 淋上焦糖增添甜膩度，以我個人口味，反而喜歡前者！大家食得滿足又非常飽足！ 食物街坊價之餘，特色又有水準！ 會推介給朋友及屯門街坊！…查看更多
