Backyard

早前與友人去了位於荃灣的Backyard食晚飯. 我選了軟殼蟹泡菜竹炭漢堡配薯條. 友人選了晚餐. 當中包括小食, 湯, 主菜, 甜品和飲品. 店員先奉上餐包. 小食為炸海鮮春卷沙律配芒果莎莎醬. 春卷幾脆身, 味道調教不錯. 湯為雜菜湯. 主菜選了廚師推介, 係牛柳. 賣相相當吸引. 厚身的牛柳, 較有口感. 友人話肉質夠嫩滑. 漢堡包上枱. 份量也不少. 微辣的泡菜配軟殼蟹, 雙重口感. 我自己鍾意食粗身薯條, 這個啱晒我. 晚餐的甜品也幾精緻. 朱古力慕絲甜度適中. 友人餐飲係熱檸水. 我就點了熱的Cappuccino. …查看更多

荃灣我成日去, 很多餐廳也試過, 最喜歡是試新野~ Backyard其實在荃灣已開了一段時間, 每次坐巴士經過中染都想去試一試~昨天終於約到朋友去試!! 餐廳是暗間的氣氛, 西餐款式多, 有麵, PIZZA, 漢堡等等, 最後散叫意式蕃茄醬燴豬肉丸: 肉丸夠juicy~ 咬開有肉汁! 鐵板熱熱的, 保持肉丸的熱度~ 蕃茄醬不會太膩軟殼蟹泡菜竹炭漢堡配薯條: 很特別的配搭! 漢堡夾住的竟然是軟殼蟹泡菜帶出整體的味道~ 竹碳麵包是唔會食黑個嘴~ 食漢堡要口大的人先有著數, 可以一大啖, 一次過食晒所有配料, mix & match, 我嘴細唯有分幾次放再試下MIX埋的感覺><  薯條是較粗的, 又熱又脆, 就是又熱氣又好食那款海蝦扁意粉配香濃忌廉汁: 有5隻大蝦, 蕃茄醬汁有少許香草味及微辣, 扁意粉比意粉更有口感餐廳感覺像分開了兩邊, 其實都是同一間的,  菜式不錯, 適合一大班朋友去食~…查看更多

朋友最近新屋入夥,要買大量既家俬，就比佢捉住左成日行來行去，揀來揀去~尾站就系IKEA，已經攰到像狗一般。陪朋友行街當然都要屈佢請食飯，頹食IKEA或者大快活，當然太便宜左佢，近近地見到BACKYARD既簡約裝修，價錢都相當OK，就捉左佢入來依間餐廳，好好甘食佢一餐。餐廳裝修同門口差唔多，以簡約工業風做主題，全店以白色、木色同綠色為主，我地去既時間系晚飯時段，餐廳好貼心甘特意將燈光較暗，營造一個好舒適食晚飯同朋友閒聊既氣氛，同朝早有相當唔同既感覺。我地今次叫左，蒜香白酒車厘茄煮蜆 $148，蜆同白酒系一個好Match既配搭而我個人唔太傾向酒味太濃，怕搶走蜆既鮮味，餐廳既白酒煮蜆配合剛剛好，食到蜆肉時，只有淡淡既酒香，仍然保留到蜆肉既鮮甜，同埋好建議大家食依道菜先，將蜆同白汁混合而成既汁醬，放系蒜蓉包上面一齊食~味道相當好！黑松露牛肝菌義大利飯 $148，義大利飯最常見既煮飯有兩種，一系蕃茄一系忌廉/芝士同牛油，如果忌廉/芝士同牛油既話我個人喜好，系配菇菌類~特別系牛肝菌，因為牛肝菌既香味相當獨特，系其他既菇菌類做唔到的，再加埋依間餐廳煮得好食~簡直系錦上添花！軟殼蟹泡菜竹炭漢堡配薯條 $118，蟹系唔少人既至愛，同時食親蟹都會覺得好麻煩，而軟殼蟹就系可以解決麻煩既問題，又可以食到啖啖既蟹肉同埋炸香既蟹殼，再配埋泡菜既酸辣 同 生菜既清甜，相當開胃~令人大啖大啖甘食既一道菜！HomemadeGinger Tea $28，店家用既餐具相當別致，茶包放系個黑色既茶壺入面沖泡，之後店員會幫我地倒埋茶，同埋見到無水會主動幫我地加，相當貼心~行左一日既辛勞，總算~有番應有既報酬XD，多謝依位朋友仔啦！…查看更多

荃灣放工女朋友黎接我，帶左佢去食西餐。見到呢到坐位幾寬敞，design幾好咁就入去食。最喜歡佢用磚黎做台既設計，影相會幾文青幾特別。先黎餐包。冇咩汁點，都夠SOFT既。軟殼蟹泡菜竹炭漢堡配薯條$118見到好多人點，軟殻蟹同泡茶的味道岀奇地夾，薯條好脆，份量多。但都唔會話好JUICY。$148鴨肝醬再配上鵝肝粒🐦完全帶岀左個闊條麵的味道，推介。Cappuccino $ 34咖啡香濃，拉花都好吸引。Cafe Mocha $40朱古力同咖啡的味道都好普通。其實係個環境幾好，但係野食又冇講到咁好食，食一次兩次都OK既。…查看更多

今日LUNCH 唔想成日都食同一樣野....就決定行遠D去搵CAFE食....點知比我係OPENRICE到搵到呢間....仲要見到有自然光既CAFE二話不說我就揀左呢間....一去到坐低就睇佢個餐牌喇...其實LUNCH都可以嗌MENU既野...都幾好喎我同我朋友第一下見到個  軟殼蟹泡菜竹炭漢堡配薯條.$118..就諗都冇諗就嗌左...超好味呀....個泡菜同隻蟹好夾個味道,麵包又脆,牛油味好濃呀仲要隻軟殼蟹係有膏得黎又唔腥架......泡菜又唔係好辣喎~ 份量又超多....之後再嗌多左個安格斯牛肉眼扒配ROSEMARY ~ $288我嗌左7成熟....黎到又係呆左...果D份量大到...係完全可以嗌2樣野..3個女仔食到得...黎到食第一啖....好腍.......之後果D ROSEMARY味...係慢慢咁浸出黎....個重點其實配菜都好味道呀....本身以為佢係個底到..一定好油啦...點知食落去又冇呢種感覺喎~要再ENCORE呀呢間野.... 特別要讚一讚個女侍應....佢真係好有禮貌~ …查看更多

今日係我朋友牛一，平時雖然比較少聯繫，可能係因為大家住得較遠吧~不過無論點講喇，只要我地喺同一片天空之下呼吸著同一城市的空氣，感覺總係特別親切~~今日間餐廳係我朋友揀嘅，入去第一個印象就係舒適乾淨,確實適合我地relax咁食餐飯慶祝一番呢度既侍應好有禮貌，全程都面帶笑容，更能詳細解釋菜式！真係好勁之後靚仔侍應哥哥仲拎咗餐前麵包俾我地，款式有幾款，每款都好鬆軟好香，加埋點上黑醋橄欖油食就更是美味~~呢度既蒜香白酒車厘茄煮蜆真係煮得幾好！無沙無泥腥味之餘，仲食得出好鮮甜，加埋車厘茄既清新微酸帶動下，更覺鮮香！我還點了水果茶同我朋友2份齊齊飲~當中嘅生果全都好新鮮！味道清甜可口，喉嚨好舒適之餘，更覺連日來的疲倦都消除曬。~另外我地仲叫左軟殼蟹泡菜竹炭漢堡配薯條，蟹香同個漢堡都融為一體，烤的香脆，味道啱啱夠，薯條又勁香脆，新鮮出爐無花假，確係好食！…查看更多

荃灣有好多食肆, 最近又開多左間新既西餐廳喇!! 【白汁忌廉青口】HK$148青口本身都好甜, 加上呢個汁有好重既忌廉味, 但忌廉味重得黎又唔會cover青口既甜味, 味道掌握平均!【軟殼蟹泡菜竹炭漢堡配薯條】HK$128原隻軟殼蟹被黑色既漢堡包夾住, 蟹面有幾塊泡菜, 泡菜既汁沾到軟殼蟹, 食落有少少辣, 下底再有新鮮爽脆既生菜, 竹炭漢堡其實特別在於顏色, 味道口感跟普通漢堡一樣的~ 而薯條炸得極之脆!!超正啊!!【烤BBQ豬肋骨配雜菜沙律配薯條】HK$168豬肋骨份量都幾大, 肉質好夠林, 容易咬開, 而且好入味! 豬肋骨表面燒得好香, 配上甜甜地既燒汁,正! …查看更多

之前和朋友去了平時少去的荃灣，發覺該區真是發展十分迅速，不消數月又為筆者帶來了新驚喜，筆者二人由地鐵站沿路行去愉景新城， 在途中赫然發現一個有趣的名字---8咪半，原來前身是中國染 廠大廈，經改裝翻新後變身成為商場，入内發現裝修新簇店舖不是很 多，大都是還在裝修未開業階段，現時以食市餐廳居多，落到地下，發現了一間裝潢頗具特色的餐廳，樓底很高環境舒適，我倆都深深被裡面的悠閒感所吸引，決定入内試下新店。小店入口因被大廈翻新工程的支架所遮蓋而變得不太顯眼，入内後即變得兩碼子的事，一望空闊，先經過一個空間感很大的Cafe Area，那裡放了一列的糕餅櫃展示多款蛋糕供客人選擇，還有型格咖啡吧台讓客人欣賞咖啡師沖調咖啡。來到Reception，望入餐廳内裡，在極高的樓底下放上清新簡約路線的裝潢，以白啡色為主調，周圍放滿翠綠植物作自然間隔，配上柔和懷舊的的泛黃燈光 ，一貫後花園田園風，加上店内枱與枱之間密度不高，營造出舒適的空間感，令人更覺得優閑放鬆。這裡的A la carte款式都頗齊全，沙律、三文治、漢堡、意粉、薄餅、扒類 一應俱全，價錢亦相對合理。筆者二人商量後點了風乾火腿配蜜瓜沙律，軟殼蟹泡菜竹炭漢堡配薯條，香草燒雞配意大利蕃茄汁及鴨肝醬野菌闊條麵配香濃忌廉汁。店員先送來麵包籃，籃内有三款麵包，包括罌粟子包、提子包和硬包條，包質口感一煙韌一軟一硬，沾上橄欖油和意大利黑醋一起吃，油香開胃，而提子包點油醋同吃還是首次，感覺新穎健康。風乾火腿配蜜瓜沙律，哈蜜瓜跟風乾火腿一向是傳統絕配，此道菜以 原份哈蜜瓜切件配火腿上碟，賣相吸引，火腿雖不是什麼陳年貨式，沒有想像中的濃厚鹹香，但遇上甜味適中的哈蜜瓜，仍是十分美味，風乾火腿的鹹香脂香加上哈蜜瓜的清香多汁，一濃一淡的組合，瞬間將味蕾感動了。伴碟的酸瓜柳酸酸的，亦可幫助清一清味覺膩感，實在是不錯的配搭。軟殼蟹泡菜竹炭漢堡配薯條，竹炭漢堡包身全炭黑很新奇嚇人，但其實除了黑色之外沒啥特別味道；漢堡中間除了夾有炸得金黃酥脆的巨無霸軟殼蟹外，還有酸辣的韓國泡菜、酸香Creamy的Guacamole牛油果醬、蕃茄片和原塊生菜。竹炭包咬落鬆脆香軟，軟 殼蟹亦同炸得酥脆可口，配上泡菜的酸辣除了令味道更惹味外，亦增 加了濕潤口感；牛油果醬相信是代替了沙律醬的角色，食起來更輕身健康，而蕃茄和生菜片令感覺更清新，減低了炸物的油膩感。整個包的食材配合新鮮，健康特色，個人覺得會較適合女士口味，而對筆者這類食肉獸而言還是鍾情於傳統的牛肉漢堡，雖然這樣說，但其實味道口感還是做得很不錯的。而伴碟的粗身薯條亦炸得熱辣香脆， 完全不覺油膩。香草燒雞配意大利蕃茄汁，燒雞燒得皮脆甘香，肉質結實鮮嫩，配上香濃蕃茄醬，內裡夾雜著不少茄蓉，真材實料，鮮味開胃。鴨肝醬野菌闊條麵配香濃忌廉汁，筆者從餐牌敞見這道菜後，早已經立定主意要試一下，只因為鴨肝醬本已是筆者最愛之一，再加上野菌及忌廉汁，實在太吸引了。闊條麵上枱，望落感覺很清，因配料就只有清一色的雜菌，但意想不到的是入口味道濃郁，麵條煮得軟硬適中，鴨肝醬混上忌廉的醬汁十分Creamy，牢牢的裹著每根麵條，加上野菌的菌香，豐富了味道層次，令整道Pasta更醇美濃香，個人口味覺得如鴨肝醬的味道能再濃一點出一點，感覺將會更幸福。整頓飯在這麽優美的環境下進餐，田園得來帶點Vintage的感覺，周圍被翠綠的植物包圍著，清新舒適，而且食物質素算是不俗，價錢亦相對合理，是一處適合兩小口子悠閒暢聚或三五知己歡樂談天的好地方。…查看更多

今日同朋友去左荃灣其實荃灣有咩好食我到而家都仲尋找緊,見到呢間餐廳環境靚靚地,就其求入左呢間餐廳,又比我地好彩幾好食WOR先係餐包發現今日係全手宴 叫左既野食都係用手食白汁忌廉青口青口配甜蕃薯薯條,薯條好粗身 唔會過份脆 岩岩好,幾重蕃薯香味 唔錯青口好重海水味,好香口仲帶有蒜香 D咸海水味真係好重,不斷食緊咸海水不斷停留係口腔度軟殼蟹泡菜竹炭漢堡配薯條竹炭漢堡包 個包好脆上面有酸瓜好開胃薯片好香脆 同頭先個蕃薯薯條又兩回事 各有各好食個包好大 泡菜好開胃 見到有少少牛油果汁隻軟殼蟹好大隻,幾巨形 好脆 咬落有脆聲菜同蕃茄都好新鮮 ,成個包食落好有層次隔離台見到我地嗌又跟嗌,離遠聽到佢地食到脆脆聲烤BBQ豬肋骨配雜菜沙律及薯條識食一定用手食廚師處理呢個豬肋骨烤既時間岩岩好唔會太硬 鎖住肉汁 D肉無痴實哂個骨 容易咬開好大份 一碟足夠4-6 人食可惜既係醬唔夠多 多d perfect池啦今次係荃灣仲算是意外既驚喜…查看更多

荃灣前中染大廈翻新過後改名為"8咪半", 開設了不少新餐廳, 其中一間 - Backyard, 老公公司樓下都有間分店, 他吃過lunch味道也不錯, 於是放工就到荃灣這間分店食晚飯。 樓底極高, 空間感十足, 白啡相間的色調, 加上四處都有綠色植物點綴渲染, 令人放鬆舒服的環境, 很切合主題。 除了用餐的位置, 靠落地窗那邊更設有"嘆咖啡"的地方, 除供應咖啡和茶外, 更有蛋糕麵包提供。 陽光照進來的時候, 坐於窗邊喝咖啡食蛋糕, 定必是非常寫意。 由於晚市沒有套餐供應, 全部都要散叫, 這樣也好, 可自由組合。 落單後先送上餐包微暖的餐包, 應是成品來貨, 提子麥包"熟口熟面"的有點像嘉X出品, 只因為早餐剛吃過, 蘸上黑醋和橄欖油, 令普通餐包吃下也不錯。 蜜糖洋甘菊茶 $38用玻璃茶壺和茶杯盛載, 添幾份高雅, 雖然用上成品茶包, 但散發洋甘菊那清香, 香甜而滋潤, 轉涼的晚上喝著一杯暖意十分的洋甘菊茶, 份外舒服順喉, 份量亦夠二人分享。不過茶壺中的蜜糖早已沈底, 以至喝到最後一杯稍稍略甜, 建議蜜糖可以另上, 讓食客自行調節。 香蒜大蝦配蕃茄莎莎醬 $68蝦雖然未算是十分大隻, 但咬下爽口彈牙, 蝦殻早已去除, 令吃起來更為方便, 蒜味十分香濃, 也很入味, 散發陣陣的橄欖油香之餘, 配合蝦面微辣的蕃茄沙沙醬食, 非常惹味香口。伴碟帶點焦燶的蒜片混合沙律菜一起食, 更是香口, 不錯的前菜。 軟殼蟹泡菜竹炭漢堡配薯條 $128這個巨無霸軟殻蟹的賣相十分震撼呢! 用竹炭製成的漢堡包除烘得好鬆脆外, 亦多添一份健康感。 軟殻蟹非常大隻, 炸得金黃鬆脆又香口, 中間配備健康的牛油果醬, 令酥脆的軟殻蟹多添幾分濕潤感。配料中加有泡菜、生菜和蕃茄, 同樣是健康的食材, 估不到軟殻蟹跟泡菜這組合是十分配合和惹味。 而伴碟的薯條剛炸起非常熱騰騰, 略為粗身的薯條加了調味, 十分香口好食。 烤美國安格斯牛肉眼扒配迷迭香汁 $258老公之前於KCC分店食lunch時, 那塊牛扒竟煮了well done出來, 有了相關經驗, 所以特地要求了5成熟。 牛扒到來時也附合水準, 肉質腍軟帶嚼口, 雖然牛味一般但帶有烤過的焦香, 肉汁也頗豐腴。 蒜頭烤過後成蒜泥狀態, 蘸沾到牛扒上一起進食更是香口, 連烤過的蕃茄也很juicy香口。 食店的門面非常重要, 給人第一印象, 往往是取決光顧與否的其中一環。可惜此店的門面給工字鐵差不多遮蔽, 不細心留意幾乎就會錯過, 亦可能這原固令是夜的人流偏少, 不過向好處想: 可以享受到難得的寧靜。希望門外的工程完結後, 美味的東西可令更多人欣賞得到。…查看更多

平時食慣既野，加點顏色，加點新意，就大同了。話說荃灣8咪半裝修完後整個感覺都不一樣，還開了不少新餐廳。趁賣樓潮散去，自稱「荃灣小地膽」終於可入內覓食。今日食這間新開環境相當好的西餐Backyard。入去裡面，剛坐下時不多人，環境寬闊，坐得非常舒適。非常適合與閨蜜盡訴心中情，訴完仲可shopping。紅菜頭田園三文治配薯條($108)之前都講過，紅菜頭在我心中是非常健康的食物，所以想都不用想就點了這個紅菜頭三文治。用紅菜頭汁把方包染紅，三層包內有生菜絲、火腿和蕃茄等配料，用料新鮮，加上沙律醬，感覺相當足料，口感飽滿。紅菜頭本身味淡，但是色澤非常好看，令人食欲大增，清新得來很滿足！薯條亦爽脆好吃不算多油。軟殼蟹泡菜竹炭漢堡配薯條($128)食完紅色，食黑色。竹炭包，我每次見到它，內心仍覺有一絲新奇。這個包身相對較脆，內裡夾了炸過的軟殼蟹和泡菜。泡菜在這裡的作用相當奇妙，乾身的包、乾身的軟殼蟹，配上一個濕的、濃味的泡菜，意想不到，但食落又幾match。與紅菜頭三文治相比，覺得是折然不同的兩種包，這個偏向比較濃味。兩個都好食，但我個人會帶點偏心地推介我最愛的清新的紅菜頭。燴牛仔膝配松露汁($198)掙扎了很久主菜叫甚麼好，最後叫了這個牛仔膝。上檯一刻原來是橫切面的整個牛膝連中間塊骨，相當霸氣！牛仔膝不算難切，但中間帶有韌勁。我自己是比較喜歡有嚼口的肉，而且這個牛仔膝相當多汁，醬汁亦豐厚，咬落煙韌有彈性，不老，筋位不多，不過長者或者就不適合這道菜喇。底部則有薯蓉，相當飽肚。飲品方面我叫了Green Tea Latte($38)有漂亮的拉花，奶泡豐富，飲落不算甜，抹茶香濃富質感，滿意。旁邊是閨蜜點的橙汁。總括而言今次點的兩個有顏色的麵包我都食得相當滿意，新奇又有特色。兩個人食咁多，食完飽到反艇。環境服務亦佳，值得再戰。…查看更多