Relax B&M

營業中

休息中

星期日趁天氣去左大埔踩單車🚴🏻‍♀️🚴🏻大尾督開了不少高質咖啡店，我自己最喜愛的一間村屋Relax B&M，不但食物高質靚景😆仲有好多可愛貓貓🐈陪你玩！地下樓層為餐廳都會有幾隻貓貓🐱坐鎮，有時都會有食客帶埋狗狗🐶，好開心💕老闆職員都好友善同愛錫小動物，而二樓貓房仲有幾隻招牌貓咪🐱陪玩，三樓是按摩店，四樓就是天台可以眺望成個龍尾灘，日落🌅時份景色更靚！💫軟殼蟹意粉🍝軟殼蟹🦀原隻上外殼炸得好香脆，啖啖肉🤤下面滿滿醬汁有香草、蕃茄和芝士等配料，酸酸地又幾惹味，而且意粉煙靭又掛汁，份量剛好不錯👍🏿💫牛肉漢堡🍔漢堡打開有塊足料厚厚牛肉扒🥩，一咬落豐富的口感和風味，甜甜的菠蘿🍍芝士🧀及千島醬蕃茄🍅帶來了柔軟的質感和濃郁的口味😋搭配新鮮蔬菜🥬波浪紋薯條🍟熱辣辣又脆好好味👅💫朱古力曲奇窩夫 Croffle 最後當然要食埋個招牌甜品🧇朱古力曲奇窩夫即叫即整上枱時熱辣辣，賣相精緻香噴噴，窩夫非常酥脆配上朱古力味雪糕🍨及Oero曲奇🍪同軟滑忌廉好滋味😍必試甜品👏🏿💫海鹽焦糖拿鐵☕️很濃郁焦糖味，鮮奶與咖啡份量配搭剛好，入口順滑不苦澀🤗每次到呢間咖啡店☕️都玩到唔捨得走， 好值得推介有主食有食物質素好好味，環境舒適

同老公再次到訪大尾篤呢間Cafe,因為實在很喜歡這裡的環境，成日都覺得呢度好似墾丁海景民宿，好Relax 好舒服，平日來可以泊車在龍尾灘那邊走過來很方便。地下那層用餐區有室內室外位置，Cafe 仲係pet friendly可以帶寵物一齊黎架。食物同飲品都唔錯，我哋叫了2 款意粉，每條麵都是沾滿醬汁好味😋 仲試左個牛角窩夫甜品，窩夫香脆，仲鋪滿了很多紅豆& 忌廉😚食飽可以上去1/F 玩貓貓🐱，今次來又多咗幾隻貓咪，全部都好得意，很喜歡逗人玩，如果唔係趕住返去開工，我哋可以喺度玩成個下午😂仲有一定要上去佢哋最頂層天台，個view好靚好舒服，坐喺度chill 下放下風可以讓心靈健康快樂😌如果喜歡做泰式按摩的這裡也可以預約，2/F 就是他們的按摩區有泰式按摩師可以幫你😉

趁住放假加上天氣仲涼涼哋，就同朋友踩單車，由沙田踩入去大尾篤。入到去大尾篤，還完單車就開始覓食。我哋沿路逐間睇下，喺龍尾沙灘對面搵到呢間「Relax B&M」。本來以為係按摩地方，但原來下面係餐廳，見到外觀咁靚就入去試吓佢先。入到去，店員就好親切招呼我哋，同埋比我哋揀坐外面定室內。咁面對住咁靚嘅海景，當然坐外面啦。睇一睇個menu，選擇都好多，有沙律，意粉，主菜，小食，甜品。我同我朋友各叫咗一份主食，一杯嘢飲。軟殼蟹意粉($128)估唔到係用蒜蓉蕃茄炒墨汁意粉再配合脆卜卜香口軟殼蟹，上面仲有堆芝士粉，加埋一齊都幾惹味。炸魚薯條（$118）薯條剛炸好， 熱辣辣，非常香脆，再點埋個他他醬就食到唔停口。呢個真係啱啱好嘅下午茶份量。另外加咗2杯凍飲，抹茶牛奶（+$18）抹茶味偏清淡，可能牛奶比例多咗，令飲品淡咗少少。另一杯係凍黑糖鮮奶（+$18）黑糖味好出，好好飲，好有台灣風味。在店員帶領之下，遊覽呢度二樓，原來有貓貓嘅房間。內面有三隻貓貓，超得意，同埋完全唔驚陌生人。仲可以幫佢哋梳下毛。上去天台就見到一個好chill嘅地台+枱櫈，可以坐低傾吓計，仲可以同時睇晒成個龍尾泳灘，好正。參觀完就落返

位於大美督嘅『Relax B&M』最近人氣爆燈趁閒日有時間即刻去試下🤭餐廳好近『龍尾村』巴士站一落車就見到👍🏼餐廳地下同一樓係cafe地下有狗狗店長二樓就有貓貓們招呼大家可以按喜好選擇坐室內定室外❤️坐定定就可以掃qr code落單了竟然仲有專為小朋友而設嘅餐單👏👏【卡布里對蝦】一大堆水牛芝士上面放住兩隻香脆炸蝦超香口而且脆到可以連頭尾嘅殼都食埋😂配埋沙律菜就唔怕濟啦【卡邦尼意粉】擺盤靚之餘，用料好豐富除左煙肉碎入面仲加左好多厚切煙肉粒整體口感好多層次味道咸香濃郁【軟殼蟹意粉】好吸引嘅一碟😍軟殼蟹都有手掌咁大隻切開仲要超厚肉好正！下面個鮮茄墨汁意粉酸酸地又帶點蒜香剛好中和左炸蟹嘅油膩感👍🏼咁chill嘅環境一定要食埋甜品🤭【抹茶紅豆牛角窩夫】暖暖地嘅窩夫好鬆軟紅豆大大粒加埋灑上抹茶粉嘅cream口感豐富，食完勁滿足😋