Burger Mate

營業中

休息中

舖頭細細，有大約五張枱見啱啱有一張枱淨，唔使等就入去坐低睇落幾靚仔，第一啖好juicy但一路食一路變得冇乜味芝士味比車打嗰款香，又係第一啖好juicy繼續食落去又係變得冇香味食晒就發現，成個袋都係汁，所有香味流走晒所以一路食一路覺得唔香同個肉乾乾地反而薯條$45 有驚喜，睇落個樣冇特別但佢外表好脆，又唔會硬到𠝹口，裏面都係鬆軟

星期日晚同老公到尖沙咀Burger Mate食漢堡包。呢間漢堡包店主打美式手工漢堡，所有食物都係即叫即整，所以需要等下。車打芝士安格斯牛漢堡漢堡扒用上美國優質牛肉製成，咬落去非常juicy，不停漏汁，好正。黑松露蘑菇安格斯牛漢堡黑松露味好出，蘑菇亦都好多汁，配上靚漢堡扒、生菜、番茄、洋蔥、酸瓜，口感豐富，而且超級大個。黑松露薯條黑松露俾得好多，絕不吝啬。日式炸雞粒雞粒炸得好脆口，熱辣辣，香脆可口。野飲叫左雀檸同梳打水。

老實講 我真係好少食burger因為個人比較論盡 覺得個burger好大唔知點入手🙊所以會成日左跌右跌咁食到成手都係不過人介紹一間用靚牛整嘅手工burger 都想一試佢鋪仔細細 街角嘅佢裝修簡單可能較多玻璃 所以細得黎又唔會覺得好迫夾🇯🇵頂級A4日本上州牛和牛漢堡 (+瑞士芝士)A4級和牛油脂好豐富 油花平均用嚟做漢堡就好鬆軟Juicy加上奶味較重嘅瑞士芝士唔會蓋過左和牛嘅香味 呢款Burger真係夠曬邢惡!🤤🇺🇸車打芝士安格斯牛漢堡呢款用上USA Prime頂級嘅安格斯牛油花均勻 肉質鬆嫩 而且味道好香濃所以可以夾到鹹香多少少嘅車打芝士 如果食一個burger覺得唔夠嘅話可以加埋小食架🍟黑松露薯條平時出面食嘅黑松露薯條 可能都係喺薯條上面有幾點黑松露呢度嘅黑松露多好多!! 食落好香脆惹味 抵食👍🏻🐔雞翼單骨炸雞翼雖然份量無咁多但個皮炸得幾香脆 肉汁都鎖到雞翼裡面小店嘅食物都係即叫即整🫡所以非常新鮮熱辣辣值得支持架💖

近著尖沙咀及佐敦站的金巴利道一帶是隱世小店的集中地，其中這間餐廳就主打漢堡包，以天然新鮮的食材自家手打漢堡為賣點。店內裝修以木材和磚牆為主，有點工業風的味道。頂級A4日本上州牛和牛漢堡 - $120A4級數的和牛富豐溢的油花且分佈平均，肉質本來就甜美軟嫩，手打成漢堡更加鬆化軟腍，煎香鎖著濃郁的水份，有著豐溢的牛肉脂香，配搭生菜、蕃茄、洋蔥和酸瓜經典漢堡配料，再加$12要一片瑞士芝士，溫和濃郁的芝士味好細膩好配合。車打芝士安格斯牛漢堡 - $85用Meyer出品安格斯漢堡，以素食飼養，雖不及和牛那麼肥美，但勝在肥瘦兼備，口感細嫩多汁，肉味豐富，半溶化的車打芝士帶點堅果味和淡淡的鹹香。雞翼4件 - $52即叫即炸的單骨雞翼更易食用，金黃酥脆的炸衣不油膩，咬開雪白的雞肉好嫩滑。炸薯條 - $45偏幼身的炸薯條更著重酥脆的口感，連著薯仔皮更有天然的咸香。1664 - $48這款小麥啤酒很多人喜歡，富果香味好清新。汽水 - $18有多款汽水如無糖可樂、可樂、芬達等等。

天氣太熱唔想食飯，想食漢堡薯條飲冰凍檸檬茶！行街攰係尖沙咀搵到一間唔洗等位又好地道既漢堡店！馬上入去坐低休息下，同姐妹兩人坐低各自叫左個burger, 薯條同雞翼share。我叫左個頂級A4日本上州牛和牛漢堡，好食又唔會太肥太膩，現住凍檸好正！！朋友就叫左個車打芝士安格斯牛漢堡，鐘意芝士既朋友就可以食呢個，芝士一睇就好足！我地傾左好耐計，食得好慢，但佢薯條耐左都係好食，黑松露味好足。最後再補返個雞翼同成份野食大合照比大家睇下個份量，兩個女仔食完都唔會太濟飲埋野飲都岩岩好。講埋間店其他細節位，店員好nice，好有禮貌，一直坐同朋友傾計又唔會趕人，冷氣都岩岩好，不失為尖沙咀一個休閑食野好地方！

復活節成個香港都好多人，麻甩大叔喺友人帶領之下黎到佐敦同尖沙咀交界既呢間隱世小店，試吓呢間新開大概一年嘅Burger店！🍔 Lets go!!💨店內只有5張檯，環境舒適，小格局一眼睇晒。另外可以睇到外國廚師製作成個漢堡包既全過程。今次叫咗一個車打芝士安格斯牛漢堡  + 一個蘑菇安格斯牛漢堡另加配車打芝士，另外再叫一份黑松露芝士薯條🍟 ！ 先講一講個包既外相係意外地吸引！漢堡包並唔似出面食到既普通漢堡包，有做到美式漢堡嘅風格。個包比較扁身，廚師應該有將個包壓住烤一烤，但不但之保持鬆軟有水份之餘表面再有少少烤脆既口感，而且保持到漢堡包應有既高度！漢堡包用料份量多，味道非常好食。安格斯牛肉再夾住芝士蘑菇,洋蔥,酸瓜,蕃茄,生菜。一口咬落去啲肉汁流晒出嚟咁滯，每一啖都食到唔同味道嘅層次，而且連埋酸瓜同洋蔥一齊食，口感豐富得黎又唔會滯！總括成個漢堡包口感及味道都一流！店家選用粗幼薯條，專員點選黑松露薯條再加瑞士芝士。薯條炸得鬆脆唔油膩，再配上黑松露加芝士，直接將好味程度拉升十級！不過麻甩專員要提一提大家，如果薯條有加配芝士的話記得最好趁熱食。店內環境: 9/10   🍔 (因為開放式廚房會比較有