美味佳

連續幾晚都喺紅磡蕪湖街落車，今晚終於搵食搵到去美味佳。唔係呢頭街坊，所以都唔知佢咁出名，只係每次行過都好多人喺門口等，我呢啲速食嘅朋友梗係調頭走🙅🏻‍♀️今晚咁啱見到有單丁位，坐低諗住平食個3餸車仔麵($30)連一杯自制涼茶，但見坐對面嘅大哥嚟咗嗰幾碟串燒都好似好正咁，加上成個場啲人都係食串燒多，我係咁意加咗一串牛同雞全翼，唔好蝕抵😛見到碗車仔麵，心諗，賴嘢，冇色嘅😵有圖為證，見到都唔方好食🙈！以我無辣不歡嘅性格，我一定勁落辣椒油🌶🌶🌶我❤️諗，試一啖先落唔駛死嘅，就動手夾住粉食啦，嘩🔊個湯底勁~~~正~~~呀😍😋😋😋好彩冇落到🌶油，如果唔係就嘥晒😅我本來見到佢潷埋嚿嘢落嚟，覺得奇怪，送到埋嚟先見到係🐷骨，原來個湯底係豬骨湯😋令到碗麵🍜清甜又夠味，豬皮入味，蘿蔔韮菜都🆗冇乜渣，係魚蛋普通啲。串燒反而中規中矩，隻雞翼係燒得靚嘅，不過小辣，滿足唔到我，下次都要加辣先😅😅…查看更多

一直都好想試下美味佳！因為好多時晚上經過都見到室內爆到街上都要加檯！仲要有好多人排隊等位！又見到食評唔錯宜且價錢經濟！咁啱今晚成9點幾又經過美味佳，見冇乜人排隊，心諗今次有機會試到！行到埋去，同姐姐報人數！姐姐問坐街有冇所謂！咁當然ok啦！因為當晚天氣清涼，坐街仲唔使捱油煙味添！跟手姐姐問要等45分鐘先有得食！既然一場黎到就等下啦！睇下張點餐紙！都幾多選擇！而且真係好經濟！唔怪得咁多人食啦！見到咁，就呢樣又叫下嗰樣又試下！燒烤要等成45分鐘又見有D凍，先整碗車仔麵暖下胃先！慢慢d野食開始進場雞翼我個人覺得燒得好香同仲好Juicy. 另一樣我覺得都唔錯就係茄子，因為燒得時間夠，茄子已淋哂！基本上所有野都不過不失！唯一就係調味就比較劃一！可能大陸串燒既通病！都係辣粉加孜然粉！不過佢地有另一個調味問題，就係加左蜜糖！唔係咁夾！車仔麵就真係麻麻地！下次可以唔叫！好啦！到最尾先知道出事…因為真係點左好多野食！當然唔會浪費食物啦…食唔哂要打包走人埋單$350…因為實在叫左大多野！如果正常估計應該120-130都好夠！抵食就真係好抵！不過就自己衡量有冇耐性等咁耐……查看更多

睇間野個樣好地道~加上長期都好多人~都估到裡面內有乾坤果然令我太有驚喜啦~我第一次食蛋炒腸粉咋哈哈哈~都係第一次見到有呢款野食一定係我少見識啦~其實真係好簡單既菜式就係平時食既炒腸粉加左蛋一齊炒再加埋d混醬~甜醬花生醬~簡單但好味！腸粉滑~同埋即叫即炒好有獲氣間店入面幾乎人人都係黎食串燒架燒豆卜(左)和燒燒賣(右)我想講燒豆卜真係好好味~豆卜係吸晒d調味料~所以好入味!!!同埋外面好脆~真係外脆內軟~燒賣都一樣係外脆內軟重頭戲車仔麵黎啦~車仔麵算係香港地道野食中我最喜歡果一味我以為呢度係食串燒為主~因為見檯檯都食串燒~冇諗到連車仔麵都咁好味真係好有驚喜呀一上檯果時見到個湯底已經知道係好野~因為個湯雖然係清湯但係一定用左好多肉去煮個湯~因為好真材實料~係食得出既鮮味食完完全唔會口渴~又唔需要加辣味去調味即使清湯都好有味道！黎到呢度除左食串燒之外~一定要試試個車仔麵…查看更多

咁岩經過紅磡, 就同班FD一齊去食宵夜喇! 朋友介紹一間又有串燒食, 又有車仔麪既鋪頭「美味佳」個晚等既人唔多, 咁岩有位我地好快就坐低左喇個度環境唔算好大, 好多年輕人聚埋一齊食, 仲有部電視播埋啲老餅歌添我叫左一碗車仔麪, 自選三個送加一杯自家製涼茶再嗌左幾串串燒同埋燒茄子.等左好耐之後先有野食, 碗車仔麪相當豐富, 有大量豬骨同連皮薯仔, 老闆娘話私人醒啲湯渣俾我地! 個湯底又真係幾好飲既. 不過略嫌有啲咸, 但幾鮮美, 啲送都OK ge個麪軟硬適中, 加埋串燒都不錯不錯!串燒又真係幾夠火氣, 又真係幾香! 面頭啲香料好正 的確有一番風味! 下次會試下加辣燒茄子就反而一般般, 無想像中咁好食面頭既蒜泥唔夠多, 亦唔入味, 無一般串燒店個啲咁好食自家製涼茶都幾好飲, 幾冰涼, 食完咁熱氣既串燒 仲可以去下火!下次食宵夜會試多啲其他串燒 …查看更多