SOYmart by 豆乳狂人

營業中

休息中

聽喺荃灣住嘅友人講，佢屋企附近有間新派豆乳專門店，呢日經過就食吓啦🤩 餐廳除咗有黃豆製嘅產品，仲有其他甜品同粢飯嘅選擇，真係好多元化😎超煙韌豆花 超煙韌係指呢碗甜品嘅配料，有珍珠、芋圓、小丸子，每樣都Q彈有咬口😆 奶蓋底下就有好濃豆香嘅豆花，集滑溜同煙韌於一身😮 呢個係一個又飽肚又令人開心嘅甜品，見到色彩繽紛嘅芋圓，好賞心悅目啊。多芒西米呢度啲甜品真係每款都咁大兜，除咗食豆花之外，我哋仲嗌咗碗芒果系列嘅多芒西米😙 完全冇改錯名，因為入面真係有好多新鮮嘅芒果，仲有晶瑩剔透嘅西米，底下嘅汁除咗有淡奶之外，仲有芒果汁，真係芒果味十足啊🥭狂人粢飯每次食呢一間甜品舖，我都會嗌一份粢飯，因為呢度嘅粢飯真係新鮮即整，而且餡料勁滿🥰 完全滿足到我呀，入面嘅餡料有肉鬆、榨菜、油炸鬼，新鮮即食真係會有幸福嘅感覺。呢間餐廳真係幾有驚喜，原本以為豆乳專門店得豆製品出色，估唔到其他甜品同粢飯都好唔錯👍🏻 嚟荃灣就一定要bookmark呢間餐廳啦。

難得由畢架山返到荃灣西學興趣班，陳皮妹鐘意幫襯Soymart既凍超煙韌豆花，有珍珠、芋圓、小丸子🍡同奶蓋，零售價$42，外賣平台買外賣🥡自取反而$37.5，所以要做個精明既消費者，等咗25分鐘，搵到位坐，包裝📦都皓密實，芋圓、珍珠同小丸子🍡都皓有咬口，豆花正，平時我唔鐘意奶蓋，不過今次加咗又冇乜所謂，親子share，父親節快樂👨🏻

放假去咗荃灣行街，喺海之戀發現有「SOYmart by 豆乳狂人」。佢之前係沙田河畔嘅名物，但原來喺第度開咗分店，規模仲要勁大👍，有成個廠房同好多機器。荃灣店設有堂食區，座位數量都唔少，不過依然一位難求，人氣極高😳。座位唔係排列得好整齊、務求坐到最多人嗰種，反而係比較隨意，有齊普通枱、吧枱、梳化同打卡位。但由於係自助模式，所以大家食完記得要自己收拾啊🙏🏻。餐廳除咗主打豆乳飲品同甜品，亦有售賣多款小食同粢飯，所以喺度絕對可以食得飽，哈哈😛。食物即叫即整，🔥熱辣辣送上，而且又大大份。我哋要咗兩枝豆乳🥛，分別係原味6°輕豆乳($22)同燕麥豆乳($26)。店舖強調佢哋嘅出品係豆乳，而唔係豆漿；皆因同佢哋採用日本熟漿技術有關，能夠將黃豆嘅所有精華完全萃取，所以豆乳口感濃厚，即係比較杰身。大部份產品都係無糖或少糖，如果有需要，可額外向店員拎糖漿，不過我認為低糖健康正正係佢哋嘅賣點。其中一款加咗燕麥，飲落多一浸香氣同多一層口感，或許比原味易入口。超煙韌豆花($42)，呢款豆腐花有凍熱可選，我要咗凍，如果夏天食定可消暑。佢所指嘅超煙韌，即包含多種Q彈配料，如珍珠、芋圓同小丸子等🍡，佢哋全部都好好嚼。

無論任何時間行過，都一定大排長龍的店舖！SOYmart係豆乳狂人的副線。除了傳統豆漿，仲有好多其他豆乳製品。😋包括各式各樣甜點、鹹點、飲品都有，種類多。將以往有對豆漿的概念破舊立新，好新鮮，迎合到年青人口味。😀👍🏻第一次到訪，對五花八門的餐牌感到困惑。店員熱心介紹數款，講解清晰，最後揀選了其中一款熱門之選。🔥＊－。－。－。－。－。－。－。－。－。－＊🔘 #超煙韌豆花 （熱/凍）$42特別的食物名於餐牌上並無做特別介紹經店員講解，「超煙韌」原來指三色芋圓、小丸子、珍珠所有Q彈口感的配料放左一起，絕無違和三種配料有著不同的煙韌程度😝軟滑的豆花，帶淡淡的豆香味最頂層奶蓋，將整碗豆花昇華咗去另一個層次！奶蓋軟綿細膩，好Creamy豐盈😍一向都覺得奶蓋應該要配飲品或班戟類甜點無諗過原來奶蓋可以mix豆花咁好食🤤🤤🤤🤤新穎的做法，好味程度令我想再次光顧！＊－。－。－。－。－。－。－。－。－。－＊