Mokumoku Yakiton (永光商業大廈)

繁忙嘅工作中，約咗朋友喺日式居酒屋🏮輕鬆一下，串燒選擇好多，味道出色，裝潢充滿着日式風情，係同朋友傾偈嘅好地方。蒜子蕃茄沙律蕃茄酸酸甜甜，多汁爽口，蒜香味突出，食完好開胃。芥辣八爪魚八爪魚鮮嫩而富有彈性，芥辣增添刺激既微辣風味，令人食欲大增。刺身盛合三款(三文魚/帆立貝/赤蝦)三文魚肉質細嫩，緊實且富有彈性；帆立貝鮮甜，質地滑嫩；赤蝦口感略帶粘粘、彈牙，味道回甜。西班牙產黑豚肩肉串黑豚肩肉油花細膩，具有濃郁既肉香，風味獨特。豬肝串豬肝肉質細膩，醇香四溢，咀嚼時能感受獨特既綿密口感。豚肉鵪鶉蛋豚肉肉質細膩，燒過之後肉汁豐富，充滿肉香味，包住蛋黃濃郁既鵪鶉蛋，精緻滋味，相互襯托。豚肉露筍卷豚肉肉味鮮香，露筍清新爽脆，中和豚肉油脂感。雞翼串外皮經過炭火燒烤後微微焦脆，雞翼肉質鮮嫩多汁、嫩滑。槍魷魚魷魚筒本身質地柔滑且富有彈性，加左特製燒汁燒，味道鮮美，令人回味。巨峰味果味汽酒甜甜地嘅巨峰味，酸度適中，好容易入口。Suntory Draft Beer入口平順甘醇，帶有麥芽香氣，飲完之後清新涼爽。…查看更多

平時串燒就食得多但係估唔到有一間串燒店係主打食豬肉嘅。好彩一早book咗位，見到鋪面唔算太大，不過坐滿人。入咗之前每位客人都要預先量度體溫，咁就食得安心又放心，而且有酒精搓手液供應，幾貼心！被安排坐喺吧枱，面對住燒串燒嘅兩位師傅，好有日本居酒屋嘅感覺！燒鱈魚乾 $40呢個小食我見好多人都有介紹，諗住試一試，點知完全冇失望，果然好好味😋平時啲鱈魚乾可能好乾凍哂，不過剛剛燒好嘅呢就仲有熱度，而且少少🤏🏻juicy，送酒一流！山之井純米大吟釀 $588今晚想飲少少酒，店員就好細心問我哋想飲咩類型、咩口味嘅酒。最後佢介紹咗呢一款大吟釀！我同朋友都覺得幾清甜、易入口，送串燒好正，不經不覺就飲咗好多。店員好體貼咁俾咗呢個冰桶我哋，可以直接成支酒擺入去，連埋冰桶拎住倒，就可以保持到清酒仍然飲落口嘅時候都係冰凍嘅感覺。Moku moku 沙律$98食串燒之前仲點左呢個沙律，餐廳話得專門食牛當然沙律就用咗西班牙火腿，配埋蒟蒻，生果，洋蔥、羽衣甘藍等，連埋醬汁食超開胃。刺身盛（四款） $228油甘魚，油脂味重，充滿整個口腔。赤蝦大隻又新鮮、三文魚夠厚切。帶子同樣好大隻， 傍住檸檬味道鮮甜。煙燻豬腩 $128呢個豬腩仔不得了好有平時燒烤嘅感覺。食落口煙韌，又有煙燻嘅味道，加埋個芥末醬真係一流。西班牙黑豚肩肉串 $38肥瘦均勻，充滿油香，食落唔會過韌，易咬。豬肝串 $28第一次食燒嘅豬肝，平時絕對唔會食內臟，但係朋友叫咗，就冒險試一試。點知有幾易入口，點埋醬汁食都幾好味味。豬腰子 $28都幾出奇原來豬係有腰嘅，都係第一次食佢呢一個部位，好彩唔會過騷。雞翼串$32雞翼燒得好香油味同埋雞味。外皮有啲脆，食落雞肉非常嫩滑，大推！粟米$58粟米係另一驚喜之一，好多串燒店都有粟米，不過呢個粟米燒完真係好有粟一燒嘅感覺。啱啱擺上台已經覺得好香粟米味。…查看更多

三月中下旬星期天晚上，潮濕有雨粉。今天本來宅在家休息，突然給弟弟拉出去要我陪他吃串燒，雖然不是很餓，難得他約那就去一下。這家小店開放式廚房，原來主打豬串燒，不只是肉，是豬的各個部位也能燒，光聽著已經覺得吸引。店裡每個角落都能找到小豬裝飾，擺設，連坐墊也用上粉紅小豬頭，非常可愛。雖然菜單也有牛肉跟海鮮選擇，個人認為當然要吃他們的主打食材，不然就失去意思了。第一份點的是豚肉露筍卷，露筍是一種很有發揮空間的蔬菜，西餐就很愛放露筍。露筍以豚肉片包裹，爽甜而多汁之外還帶有豚肉香。然後是豬肝串，香港人稱之為豬潤，一向不太喜歡肝臟的味道這串豬肝配上醬汁滲出淡淡香氣，竟然沒一點腥味，頭一次吃到這麼好吃的豬肝。內臟還有豬小腸串，小腸沒有大腸那麼多油份，故此我獨愛小腸。店家把小腸燒得逼出油份，口感彈牙帶嚼勁，配上點點芥末醬香口惹味，下酒一流。吃完內臟就試些特色的，雞骨豬肉腸串為創新菜品，豬肉製成香腸，每口都吃得到新鮮豬肉，中間連接著雞腿骨，帶有點點雞香味，不會過鹹，入口多汁而且可以像吃雞腿一樣拿著大口吃，很過癮。最後來個燒大啡菇，大啡菇肉厚多汁，鮮香滿口，是絕佳的燒烤蔬菜類，最喜歡大口吃菇了。這小店每一道菜都非常出色，充滿驚喜，想不到豬的每個部位也可以燒得那麼美味。…查看更多

今日約左老婆放工逛銅鑼灣, 我地係銅鑼灣廣場集合時雖然只係6點左右, 不過老婆已經話好肚餓, 咁我地就先係附近搵餐廳醫飽個肚再去shopping。經過永光商業大廈時見到呢間Mokumoku Yakiton, 係OPENRICE睇到原來Mokumoku Yakiton係一間豚肉串燒專門店, 非常啱老婆胃口, 所以我地就決定上去一試。😁由於我地未夠18:30已經到餐廳, 所以仲未需要等位, 不過19:00之後就開始多人。餐廳裝修非常有日式居酒屋感覺, 加上店主熱情友善, 整體環境令人舒適放鬆。因為老婆已經好肚餓, 所以我地坐底先點左客刺身拼盤, 邊食再慢慢揀串燒。😙前菜 $28今日嘅前菜係凍蕃茄, 味道酸酸甜甜, 非常清爽醒胃。👍刺身盛合五款 $298刺身盛合五款分別係油甘魚, 帆立貝, 赤蝦, 三文魚同海膽, 刺身鮮甜, 特別係油甘魚, 油脂均勻, 入口充滿魚香, 帆立貝夾上檸檬片, 鮮味更突出。海膽份量都唔少, 味道濃郁。😍白金豚肉流心蛋卷 $38呢款白金豚肉流心蛋卷非常有驚喜, 流心蛋用豚肉片包住, 加上香蔥蝦味同餐廳自家醬汁, 味道一試難忘。😋西班牙產黑豚肩肉串 $38西班牙產嘅黑豚肉肉味超香濃, 肩肉部分爽口, 外層烤香, 加上黑椒海鹽, 味道層次豐富。👍豬肝串 $28豬肝好厚身而且味道濃郁, 配上柚子胡椒食, 非常惹味。😙豬腩骨肉 $32豬腩骨肉肥瘦有致, 加上帶有甜味嘅芥末醬, 確實令人回味無盡。😋豚肉紫蘇卷 $32紫蘇味道清新, 外層包裹住豚肉片烤香, 味道非常富有層次。👍牛舌(厚切) $58牛舌我地揀左厚切, 熟度剛剛好, 外脆內軟嫩, 非常爽口。👍活白膳 $52燒活白膳厚肉多汁, 不需添加太多調味已經非常好食。😋原本我地打算食埋甜品, 不過老婆話已經飽到食唔落, 唯有等下次黎再試下啦。😆…查看更多

今晚同一大班同事放工黎到位於公司附近的這間餐廳，這間餐廳主要係食豬的，所以很多裝飾都同豬有關，很可愛！餐廳除了有主要的豬食，還有牛、海鮮等，唔駛怕淨係得豬食！京姬蘋果酒($65)，冇諗過呢隻酒會係清甜既蘋果味較多，沒有太大的酒味，非常易入口，岩哂女仔飲！豬肝串($28)，口感有點像豬潤，有少少豬的腥味，但醬汁甜甜的，加上胡椒粉同燒過，所以味道惹味！網油豬腦卷($38)，冇諗過會把豬腦用網油包實了，所以唔會好似出面打邊爐一個成個腦在面前，看上去一點都不像豬腦，像腸仔較多！一咬開網油豬腦漿便會噴出！這個卷還用上櫻花蝦和蔥花，所以口感很特別！燒帆立貝($148)，帆立貝大粒厚肉鮮甜，一粒切開4份都仲係好大粒，帶子裙邊爽口！豬心串($28)，豬心爽口，口感有點像牛脷！用上胡椒及秘製醬汁燒，味道一流！總括黎講，第一次食咁多豬既內藏，冇想像中咁難入口，而且惹味！…查看更多

週一與契妹於百貨公司血拼後，兩口子就去咗附近一幢食廈覓食，誤打誤撞咁發現咗間新開只有幾個月o既「Mokumoku Yakiton」。餐店以日式燒豬肉「焼豚」（日語拼音即「Yakiton」）起名，明顯為日式燒豬專門店。牆上掛有大大幅金豬解剖圖，簡單到題。店內用上多隻可愛o既豬仔擺設作裝飾，直令氣氛更為輕鬆。當中最搞笑就係木櫈上o既粉紅色豬仔咕臣，見到都想攬住唔放。嘻嘻，單拖黎食都唔洗怕孤單，因為可以搵小豬作伴嘛！用餐大堂一眼望哂，散座全為二至多人合併式枱櫈。架上曬出多款日本清酒。唔好嘥時間，睇餐牌前先睇睇兩頁酒牌。眼見頭頂有塊咁誘人o既生啤布喎。。。嘩哈哈，當然係要先啤一啤佢啦！單點項目共有十頁之多，二人決意主攻招牌燒白金豚所製出之菜式。另外牆上亦有黑板寫出多款是日推介美食。蒜子蕃茄沙律（$28）：原本週一為細佬放自己菜假o既日子，但眼見已去皮o既蕃茄實在鮮紅吸引，所以就忍唔住要試一試。嘩，蕃茄濕潤軟腍，估唔到以蒜子調味會惹味得咁夾，小肥食完一件又一件，契妹見到都嚇咗一跳。刺身盛合五款（$298）：五色刺身拼盤包有油甘魚、帶子、三文魚、赤蝦、海膽，色澤鮮美奪目，而且新鮮美味。油甘魚肥美爽口。玫瑰花形o既帶子白滑軟嫩。個人最愛必選爽厚潤滑、鮮甜無比o既赤蝦。豬肝暮斯（$68）：意外地，姐姐仔極力推介o既豬肝多士完全唔乾唔嚡。豬肝食落香濃軟滑，配以芝士蕃茄多士可一解膩口，掂呀！鹿兒島黑毛和牛（$498）：呈三成熟o既A5和牛份量真係足，煮熟後先由師傅預先切好，方便貴客享用。粉紅色o既黑毛和牛肉質軟腍，食落唔會成口油，肉香豐厚，只用上椒鹽調味已經超好味！月見免治豚肉串（$58）：所謂「月見」即為鮮黃亮澤之日本生蛋黃，因打出黎唔爛的話就好似圓月般。免治豚肉串本身嫩脆香口，撈點埋蛋黃豉油食用則能增添香滑，冇得頂呀！白金豚肉茗荷卷（$34）：點菜及上枱時，姐姐仔同哥哥仔都分別解釋「茗荷」其實係薑o既頂尖位，非常細心。串燒以白金豚肉包住茗荷燒出，卷物外軟內爽脆，但一啲都冇薑o既辣味，極為清新。食到一半，XO仔終於忍唔住，要問一問姐姐仔餐桌上貌似豬八戒專用o既九齒釘耙究竟係咩黎o既。。。哈，原來個耙係用黎拉出串燒料o既，又幾得意喎:)！豬大腸串（$34）：炸大腸就食得多，串燒豬大腸都係第一次食，個人覺得兩者可以話係不相百仲。串燒豬大腸外表香脆，內裡軟潤，不用多點醬汁已覺惹味。豬喉軟骨串（$34）：如下圖所示，店員又一推介之豬喉軟骨串真係好薄身。豬喉軟骨雖然好薄，但係咬落卻係脆卜卜，同雞軟骨真係有得fight！上等豬脷串（$38）：豬脷爽薄脆口，惹味非常。網油豬腦卷（$38）：相信契妹都會認同，整頓晚餐o既高潮位就係串網油豬腦卷！圓碌碌o既兩球網油豬腦卷擺咗一陣先食都仲好熱辣辣。入口前以為會成pat腦漿咁，但點知其質感油潤滑溜，絲毫乾嚡或血腥味都冇，鮮香細膩得齒頰留香，爆！豬肝串（$28）：普通食豬肝都會覺得嚡嚡地，真係冇諗到串燒豬肝居然可以外脆內軟嫩，唔乾之餘仲帶點油潤，實在太有驚喜啦！白金豚豬腩串（$48）：食親串燒，豬腩串一向都有信心o既保證，此串白金豚豬腩亦冇帶黎失望，豬腩鬆爽且肉汁豐盛，冇得彈。芝士年糕（$48）：契妹最愛o既芝士年糕皮脆乾巧，芝心柔軟潤甜:)，一樣冇失拖！狗年過咗一半，當中都去過不少新開o既食肆，不過要講得上有驚喜就真係要數「Mokumoku Yakiton」。燒豬專門店四周都有可愛o既小豬陪伴，氣氛輕鬆，年輕o既服務生個個都咁風趣友善，最緊要係多款燒豚肉及內臟o既菜式價廉物美，質素可謂非凡，第一次嚐過網油豬腦卷、白金豚肉茗荷卷及串燒豬肝後，包保大家同XO仔一樣會食過返尋味！當然啦，如果餐店推出歡樂時光優惠，相信要晚晚爆場並非難事。…查看更多

雖然我喜歡吃豬內臟，豬大腸粉腸豬膶都會吃，但因為身邊朋友都不大吃內臟，所以平時出外吃飯都很少點有內臟的菜式，頂多久不久在街邊小鋪吃串豬大腸止癮。最近朋友介紹銅鑼灣有間日式居酒屋，不單有超多款不同豬內臟吃，你想到的想不到的幾乎都有，而且是串燒上，所以基本上跟朋友來都可以自私食。＊＊＊＊＊＊＊＊＊＊＊＊＊說的就是Mokumoku，來到才知有那麼多豬內臟愛好者，居酒屋開店雖然只有約一個月，但平日晚上已經滿座，而且整晚此起彼落都是食客encore豬內臟的點菜聲。薄薄一本的菜單，有沙律、一品料理、刺身、串燒、燒物、味噌煮、飯麵和甜品，其中單是豬串燒已經佔了近半的版面。蒜子番茄沙律番茄上面蒜蓉，下面是醋汁，食落酸香十足之餘亦多了一陣生蒜的微辣味，很清爽開胃，非常適合現在炎熱的天氣。柚子梅酒($65)來居酒屋，當然要飲返杯，清酒不是我杯茶，每次都居酒屋我都是點梅酒。這杯梅酒酒味不會太烈，飲得出柚子甜味，非常易入口。杯下還有豬豬杯墊，切合居酒屋主題之餘也很可愛。豬肝慕絲($68)豬肝慕絲一客有四件，以梳打餅墊底，上面放上豬肝、芝士和番茄，侍者建議我們要整件放入口中。豬肝很軟滑，整件入口芝士味和番茄味基本上已中和了豬肝的膻味，所以連平時不吃豬肝的朋友都能接受。刺身盛合五款($298)五點刺身包括三文魚、油甘魚、帆立貝、赤蝦和海膽，其中三文魚和油甘魚比較肥美，帆立貝則略嫌太薄，赤蝦和海膽質素中規中舉，以三百元不到有一盆五點刺身實在不能要求太多，志在過過口癮。味噌煮我點了日本蘿蔔(18)、沖繩豬手($38)和牛筋($28)。蘿蔔無渣很軟腍清甜，豬手煮得夠腍，豬手皮很富彈性，肉其實不太多，牛筋彈口得來不太韌，最喜歡是碗底的味噌，味道非常濃郁，回味無窮！山形縣產煙燻豬腩($128)煙燻豬腩雖然只有六片，但肥痩適中，空口吃已經鹹鹹香香很惹味，喜歡濃味一點的更可以蘸蜜糖芥辣醬，用來佐酒一流，做得非常出色！厚揚($28)厚揚就是炸豆腐，上面放上鰹魚碎，非常有動感。厚揚入口熱辣辣，外表微脆，中間很嫩滑，吸收了特製醬汁食味大增！豬肝串($28)豬肝就是我們平時說的豬膶，入口不會太腍太粉，仍帶點彈口，幾香口。左: 豬腰子($28)豬腰是第一次吃，加了點黑椒吊味，僻了膻味之餘，也帶出了豬香味。右: 豬心串($28)豬心同樣是第一次吃，肉質偏腍，很重黑椒味。林擒紅薑豬肉卷($34/串)就是豬肉包裹著蘋果，豬的油香味加上蘋果的清甜味，都幾特別。自家製水信玄餅水信玄餅晶螢剔透中間放了一朵櫻花，感覺既夢幻又浪漫。玄餅由寒天粉製成，口感像啫哩本身沒有味道，主要靠旁邊的黑糖蜜和黃豆粉調味，甜度適中味道不錯。總結，豬串燒非常多款，其實除了今次點的豬肝豬腰豬心外，還有豬喉軟骨、豬顎骨肉、豬頭肉...等都很想試，希望下次有機會。另外味噌煮都很出色，味道濃郁又夠腍，反而刺身質素就較為普通，可以不試。…查看更多

朋友愛吃串燒, 剛看到最近有家新的豚肉串燒專門店開張, 便第一時間跟朋友來光顧. Bar枱看到一目了然而整潔的串燒爐. 環境跟一般的居酒屋近似, 但沒有預期中的一陣味道, 看來抽風設備不錯. 牆上是豬的部份的日文名稱. 第一道的小吃是帶酸甜味的蕃茄, 醒胃惹味. 這晚的主食是串燒, 開始前想先多吃清爽開胃的沙律作頭盤. 以豚肉火腿為主角的沙律正合我意, 沙律的汁醬帶酸甜, 又是一道醒胃頭盤. 以豬肝慕絲為主角的一道餐前小吃, 一口吃起來, 與蕃茄, 芝士, 漬物融為一體, 很好吃. 現切的Iberico 36個月火腿, 除了切的厚薄恰到好處外, 選用36個月是非常不錯的選擇, 帶適量而不會膩口的油脂. 最讚的是盤子是帶暖的, 火腿帶著微溫更香口, 口感更柔軟. 豬肝口感鬆化, 醬汁令肝更惹味. 其實是黑豚腸的切薄片, 肉質彈牙充滿肉汁, 很好. 全晚最喜愛是這個豬喉軟骨串, 集煙韌及爽脆的口感於一身, 比雞軟骨更令人欲罷不能. 有彈性而肉味十足的一個部份, 稍稍用鹽吊起的肉味, 調味剛好.這道串燒其實就是豬油渣, 把肥肉放上去燒至乾脆, 口感比豬油渣要充實許多. 豚肉包蘋果的串燒是第一次試, 蘋果的爽脆及甜味竟與豚肉十分配合!紫蘇與豚肉的配合度極高, 紫蘇的香味提升了豚肉. 大腸腍滑, 近乎入口即化的口感, 比港式炸大腸要好味許多. 茗荷即是日本的生薑苗, 入口有清爽的辣味, 是配豚肉意想不到的好配搭. 最後的一道串燒朋友點了他的至愛蕃薯仔, 本來對這類澱粉質食物興趣不大, 但竟想不到地, 微焦的外皮看起來很吸引. 入口則是帶點甜香, 入裡鬆化非常. 下次也會必點這個蕃薯仔. 吃過蕃薯仔, 還是欠一點滿足. 店員這時的推介竟是拉麵. 對拉麵要求頗高的我, 這碗麵質雖普通, 但用上豚骨熬制的拉麵, 湯頭實在十分好味. 吃過拉麵滿足非常, 最後來上一個柚子雪芭作甜品, 清爽的酸甜味, 令人食欲大增, 又解油膩. …查看更多

「Mokumoku Yakiton」是新開的和食居酒屋，主打豚肉串燒美食。店內擺設呼應餐廳的招牌美食，四處也能找到小豬的芳蹤。在店中的當眼位置，掛了一塊「豬牌」，介紹豬肉不同的部位，只可惜小編不懂日文，未能領略箇中意思。 來到居酒屋當然要「飲番兩杯」！「作 惠乃智 純米吟釀」是店員的推介。雖然清酒未達大吟釀級別 (精米步合 60%)，但無礙濃甜酒意的發揮，十分容易入口。在品酒的末段，甜意稍減，酸味介入，予人一種類近氣酒的體驗。一連兩道沙律作前菜，「蒜子蕃茄沙律」以清甜多汁的嫩茄入饌，本已吸引。面上多加惹味的蒜蓉，更是錦上添花。 「MokuMoku 沙律」以店名定名，予人一份期待。沙律主要以不同的雜蔬為本，再引入多款爽口的瓜菜片，最後追加少量鹹香火腿作點綴。如覺得單是火腿未足夠豐富雜蔬沙律的味道，不妨添加數滴意大利黑醋調味，既富效果又健康。「豬肝慕絲」的鋪排有點像法式的鵝肝凍糕。這個做法的好處是能保持豬肝的原汁原味，好待大家集中品評其濃滑的滋味。吃時把整件豬肝慕絲一次過送於口中，能最有效體驗菜式的層次感。 「巴爾馬火腿」在西班牙餐廳十分常見，在和食店則比較少有。熟成了三年的火腿呈穏健的酒紅色，味道香而不膩。廚師特以以燒熱了的餐具盛載，能持續誘發火腿釋放更多油脂，令成品更甘香。「刺身盛合五款」內含赤蝦、油甘魚、海膽、三文魚及帆立貝五款刺身。整體而言，各刺身的品質賣相皆只屬一般，當中以帆立貝最為對辦。倘若同時兼顧刺身串燒有困難，建議集中資源做好串燒部份，這才是居酒屋的重點項目呀！ 吃畢冷盤刺身，總要吃點熱食暖暖胃，滾熱的關東煮是不錯的選擇。這份「沖繩豬手及牛筋味噌煮」，豬手做得十分軟腍入味，與牛筋同吃膠原質感雙重享受，很美味。「豬大腸、蒟蒻及日本蘿蔔味噌煮」也討人喜歡，尤其是日本蘿蔔，本質清甜，吸滿味濃及泛似柱喉腩汁的味噌汁後，風味十足。豬內臟串燒屬餐廳的「拿手」美食，雖然小編不嗜內臟，但入到寶山總要拿走一些寶物。「豬肝串」擁有獨突濃香的味道；「豬心串」則擁有軟彈的口感。與「上等豬脷串」比較，豬脷口感更為爽實。 「網油豬腦卷」以網油薄膜包裹豬腦炙燒，軟滑漏油。小試一件尚可，多吃還是覺得重口味。其餘不同的部位也可製成串燒：- 蘋果與豚肉一向是好朋友，同場出現往往能收事半功倍之效。「鹿兒島產豬肉林檎紅薑卷」就是應用了這段關係，味道甜爽甘香，並洋溢微微的薑汁辛辣，層次豐富。 「鹿兒島產豬肉蘆筍卷」是常見的豚肉卷物。「牛油果伴芝士」同樣經過炙燒處理，去皮後留下甜軟的果肉及半溶的芝士慢慢品嚐。牛油果面上放滿木魚絲，為菜式增添動感及一份和風味道。 「雞較軟骨」一向屬小編喜愛的串燒款式，脆卜卜送酒一流！「一藏豚骨湯拉麵」是喜出望外的作品，豚骨湯底濃滑稠厚，味道相當好，配搭煙韌的麵條，讚！以「椰子雪葩」作甜品，椰子味道清香，質感比一般雪葩「蓬鬆」，都幾好味！ 居酒屋為數不少，但以豚肉作主打食材的居酒屋則比較少有。在「Mokumoku Yakiton」享用飯餐，能一次過品評不同地方及不同部位的豚肉，再加上那碗富驚喜的拉麵，值得試試！ …查看更多