濟州燒肉食堂

營業中

休息中

平日夜晚都滿座，人手好少，侍應好忙好忙。要添前菜、爐邊物、改鐵網嘅時候成日都要等5分鐘以上，有時要再提多次，但係佢哋真係好忙，有時都會自動自覺添野食、收碟。野食整體都唔錯，但醬汁類嘅燒肉都偏重口味，前菜、爐邊物味精味都幾重手吓*前菜：泡菜、醬油蘿蔔、涼拌芽菜、辣拌四季豆，全部都好食、出色，清新、爽口、微辣。最開心係可以任添！爐邊物又係任添！泡菜蛋：記得半熟嘅時候要撈吓啲蛋，嫩好多架。芝士粟米：有芝士就係正！濟洲五花肉套餐 $588套餐包晒海陸兩味：大八爪魚鬚、牛小排、豪快嚴選牛舌、濟洲五花肉、醬油豬排骨肉。質素普通，無論牛肉豬肉嘅肉味都屬於中上水平，八爪魚鬚彈牙肉脆。我最鍾意係五花肉，燒到焦黃色，再剪開細塊，點少少汁再加泡菜，包埋生菜食好正！揀咗韓式炒粉絲，配料種類多但份量少，肉絲、紅蘿蔔絲、洋蔥絲，味道普通，而且偏油。豪快蘋果醬油雞腿 $88雞腿厚肉大隻，所以好難燒🙈最後要剪開一塊塊燒先熟得晒。肉質好嫩好水，但係雞肉味俾醬油味蓋過晒。

無得去韓國旅行，唯有食住韓燒幻想自己響韓國啦🇰🇷🥲蕃薯妹又搵倒間由裝修到食品都幾有韓國風味嘅韓燒😋 價錢仲唔貴～ 一坐低店員就奉上韓式前菜、生菜，最貼心嘅係有即棄圍裙同埋口罩套🤩 咁著咗淺色衫去食都唔怕嚕～～呢度仲有埋蕃薯妹最愛嘅爐邊泡菜蛋、爐邊芝士粟米🌽👀 我聞倒+5kg嘅味道🐷😆兩個人叫咗個《濟洲五花肉套餐》，呢個套餐其實係2-3人份量，除咗餐牌上有寫嘅嘢，佢仲俾多隻《豪快蘋果醬油雞腿》我哋… 老老豆豆😅 其實以蕃薯妹同朋友嘅食量，呢個份量可以夠4個人食🤪《濟洲五花肉套餐》$588套餐包括有：黑毛和牛上貝身肉、特選牛五花、濟洲豬五花肉、豪快嚴選牛舌、醬油梅花肉、韓式粉絲 必食推薦係《黑毛和牛上貝身肉》😍入口即化嘅和牛～ 牛味香濃！勁好味😋朋友唔鐘意食太油膩，所以反而佢好鐘意《特選牛五花》，油脂同肉嘅比例平衡啲，而且呢度嘅醃醬都相當唔錯。《豪快蘋果醬油雞腿》單點$88大隻到唔知點食好😂 剪開佢都有少少雞手鴨腳。不過呢隻雞腿認真好味～ 微甜嘅醬油+嫩滑又juicy嘅雞腿肉～ 將雞皮燒到少少脆口同雞肉一齊食～😋正！韓式炒粉絲都好好味😋太多肉肉～ 用生菜包住食冇咁油膩😋《濟州特飲》、《梅子

燒肉想整得好食，首先要帶個處女座嘅朋友去，加埋一間靚肉嘅燒肉餐廳，你就已經得到全世界㗎啦😂有時我哋食韓式燒肉最驚嘅就係單一醃肉味或者未溶雪就上俾你嗰種…今次食咗呢間無論喺肉類品質同配搭上花好多心思之餘仲係靚肉㗎😍烤網旁邊繼續有蛋同栗米芝士，第一轉我哋揀咗食牛先，呢個<豪快和牛燒>，和牛薄切一大片，基本上喺網度兩面輕烤佢啲油脂已經湧哂出嚟，未擺入口都好香牛油味入口後油香溶哂肉質好軟嫩。跟住再試嘅係呢款<特選黑毛和牛上貝身肉>，切開肉嘅形狀似貝類所以叫貝身肉，平時比較少食呢個部位嘅牛肉，因為佢係近中腹腰脊嘅限量版，肉烤嘅時間相對多少少，肉身油份好充足，入口油脂口感好濃厚而且肉質偏爽口，好好吃層次好豐富。牛肉用網烤完後，就叫餐廳轉個板燒，因為接落嚟就燒豬腩肉啦😍呢個豬肉拼盤係無醃製嘅豬肉嚟，未烤之前其實都見到啲豬肉好靚仔，肉質係有彈性顔色都好靚，燒熱個板後烤到肉肉好快就兩面金黃色，再烤多陣剪小舊就可以慢慢嘆啦，呢個最佳朋友梗係用生菜色住同泡菜一嘢轟入口，嗰吓滿足感x10000講番個肉肉先，真心勁讚豬同牛肉好靚，最簡單但都係最難嘅係豬有豬味牛有牛味，唔會係醃料味

原來呢度有海景位，今日朝早落完大雨，夜晚個天清哂，對住北角碼頭，遠望到對面海，景觀幾好。平日七點左右嚟到，已經坐咗七丶八成滿～ 前菜有泡菜丶醃蘿白丶芽菜丶豆角，全部都可以refill特選黑毛和牛上貝身肉 $198充滿油香，嫩滑肉質，牛味濃！豪快濟州黑毛豬拼盤 $312有三款豬肉，比較好味係五花腩豪快蘋果醬油雞腿 $88好大隻全脾，肉質嫩滑，要花多少少時間燒大八爪魚鬚 $116肉質彈牙薯仔排骨湯 $98啖啖薯仔蓉，仲有排骨嘅肉味，超濃味嘅韓式湯品柑橘梳打 $32荔枝梳打 $32

今日去左北角新商場－北角匯，夜晚去左位於二樓嘅濟州燒肉食堂。我地坐係窗邊位，本應望到維港，可惜天公唔造美，全日不停落雨🥲點完菜之後職員立即送上免費小食/前菜，包括泡菜、大豆芽、醃蘿蔔、豆角等等。邊爐食蛋同粟米芝士係韓燒必備😚- 薯仔排骨湯排骨肉燉到好軟稔，味道有少少辣，薯仔非常入味，娃娃菜索曬湯汁😋- 豪快蘋果醬油雞腿雞腿有成隻手掌咁大，調味恰到好處，肉質都嫩滑。- 豪快濟州黑毛豬拼盤拼盤有齊我最喜愛嘅兩個部位：五花肉同護心肉，前者肥瘦均勻，後者肉味香濃，識食一定係用生菜再加韓式辣醬包住😎- 大八爪魚上菜時真係好巨型，不過燒既時候體型會慢慢縮小，肉質非常彈牙，不過味道比較淡。- 特選黑毛和牛上貝身肉油脂比例適中，入口即溶，一咬油脂就完全釋放出黎，而且無筋，真係人生一大享受😍- 豪快和牛燒和牛預先醃製過所以顏色比較深，而且大片薄身，味道香甜，牛味亦香濃。另外仲叫咗兩杯梳打，飲落無乜化學味，味道比較天然唔太甜。總括而言，食物質素高，最印象深刻係兩款和牛，不過價錢嚟講有啲貴，不過一邊食一邊望住維港景色都值回票價。

烤肉前先食韓式前菜，因為會令人胃口大開，有四款可以無限添加。特選黑毛和牛上貝肉油花均勻，口感極嫩滑，食得出係上乘品質和牛。豪快和牛燒有兩大塊，和牛已經有調味醬汁，甜甜地，烤香後可以剪開，我鍾意加埋泡菜用生菜夾住食，超滿足！豪快濟州黑毛豬拼盤包括有黑毛豬五花肉+濟州豬梅肉+濟州豪快黑毛豬五花肉，份量澎湃，肯定可以滿足食肉獸。豪快蘋果醬油雞腿係原隻上，烤後肉質仲好滑。大八爪魚鬚真係好大隻，食得出係新鮮，好彈牙爽口。薯仔排骨湯味道有少少似羅宋湯，仲有一大舊排骨係入面。另外，爐邊有芝士粟米同泡菜蛋，都係可以無限添加。拉絲芝士烤軟左夾埋肉食真係又好食又充滿罪惡感！飲品叫咗柑橘梳打同荔枝梳打，都幾大杯，只係$32！值得一讚呢度抽風系統唔錯，唔會煙霧瀰漫，燒完後d衫同頭髮亦都唔會有燒烤味道。

丫妹今日下午見工, 為預祝佢見工成功, 見工前同佢去左北角匯濟洲燒肉食堂食佢至愛嘅韓國烤肉。 入座隨即送上沙律菜、包生菜、多款韓式前菜, 再加入爐邊蛋、粟米芝士, 前菜同爐邊物食完都可無限添加, 爐邊蛋富有蛋香味, encore了好幾round。【豪快和牛燒】HK298 和牛油脂分佈密集, 中段再多一闊紋牛脂, 烤嘅過程迫出了部份牛脂, 令火光更旺盛, 所以要特別注意烤嘅時間, 肉質好滑, 牛脂豐富, 用菜包住食減少油膩感。 【特選黑毛和牛上貝身肉】HK198一碟有兩件長長的, 平均掃上了汁醬, 牛脂分佈平均, 肉質對比上面果款冇咁滑, 牛脂冇咁多, 唔會食到成口油, 烤後表面依然附有甜甜地嘅汁醬, 唔洗再額外調味已經夠味。【豪快濟州黑毛豬拼盤】HK$312五花肉: 肥瘦相間, 比例平均, 但肥油層位置比較硬梅花肉: 沒有被調味, 烤後能食到原味道, 脂肪比例較少, 肉味相對重一點豬頸肉: 切成條狀增加彈性口感, 相連少許肥油層, 肉質爽彈, 又唔會太油 【豪快蘋果醬油雞腿】HK$88雞腿原隻上, 幾乎有成人手掌般咁大隻, 肉質很嫩, 似加左少少鹽調味, 食到少少鹹味。 【大八爪魚】H