來發館火鍋刺身點心專門店 (已結業)

小編 又係因為工作關係第一次一大班同行去呢間打邊爐🥘可能同行係呢間火鍋店嘅VIP 一入到去 感受服務員熱情嘅招待🔥去返正題先😂-小食沙薑雞腳🐔中規中矩薑蔥撈魚皮🐟爽脆炸雲吞🥠外脆內軟但係味道偏鹹-刺身象拔蚌刺身🐘👆個人認為全晚最強菜式新鮮爽口鮮甜-火鍋本地招牌手切肥牛（大）🐮焯十秒 鮮嫩有牛味好食！！！特別想提及呢幾樣菜其他火鍋料都係中規中矩環境衛生都可以接受個人評分3.99/5值得一去…查看更多

叮叮家人既大盛小飯堂，打邊爐有唔同既足料湯底，又有粥底邊爐(段位計)。諗起都口水流哂出黎。 首先醉雞湯底，成件雞都有，唔會話斬頭斬尾，真係有成隻雞比你。其後食到龍眼肉好有酒味。真材實料。 招牌四寶丸牛丸、墨魚丸、蝦丸又彈牙又爽。好似食神入面既雙刀火雞咁一路打，另外梅菜豬肉丸覺得好盞鬼，將肉餅變肉丸，OK喇，比十個趣佢。 即製響鈴出面一盒盒食得多，自己整又試過未？每舊形狀唔多似，唔係工廠式啤出黎，格外鬆脆。另外有個酸酸甜甜既醬汁，可以醮黎即食。 象拔蚌刺身首先要介紹番佢係條條收哂水，唔係斷斤計，佢話幾錢就幾錢。起碼新鮮，價位就你覺得值唔值，不過依度係新鮮到個膽生食冇腥味。 其餘叫既肥牛、海蝦、雞子同埋餃子都非常新鮮，都係一般既火鍋料。情深推介就緊係以上三款。 最後最後，依度閒日都坐無虛席，可能大角咀本身都少野食。但服務絕對係１粒星都唔值。完全因為有位短髮女職員佢行行企企，我地話個位太迫，佢話郁一郁，但佢完全冇意慾去行動，發現佢睇我地依邊場，但魂魄唔齊咁，後來發現我地前一枱係佢識既，之後收工坐埋落去食。 所以覺得員工唔醒目又ＨＥＡ，同埋衛生可以搞搞佢。咁就大把人爭住黎食。 ANY肥，我今日過得非常充實，朝早同叮叮行個靚山，然後行下玩下又一日，仲有個咁豐富既晚餐。每一日有你的日子都過左開心充實，仿佛有你我才會存在。…查看更多