千賀水產の鮮鍋道場

與友人慶生 這次主題是打邊爐 生日當然要食豪啲 高質啲 經同事推介 到這位置銅鑼灣時代廣場附近的大樓裏 以前排隊乘搭升降機的隊伍必定大排長龍 今晚竟然不用一早訂了枱 2人坐4人位 寬闊的座位 先選湯底 而環球美食系列頭三樣係必有及限食的 以下先作介紹《旬の海鮮盛合》有海蜆 聖子 蠔 魚 鮑魚 蝦 全部都十分新鮮 沒有雪藏味 沒有沙 又爽口彈牙《象拔蚌五品刺身盛》當然有象拔蚌 更有蝦 三文魚 希靈魚 魷魚 每款都十分肥美可口《極上安格斯牛小排》超正 高質的牛肉 肥肉分佈均勻 充滿牛肉香不在話下 肉質一點也不韌基本上 吃了以上已有飽肚感 但不能讓胃口停下來 無限追加及自助沙律壽司吧 種類應有盡有 冷熱都有 而且有多種盒裝飲料任飲 更有果汁機任 斟👍🏻滿載而歸 $268任食 仲要可以食足6個鐘 真係可以食幾轉 呢個價錢都值得呀😆…查看更多

食放題可以令人開心，6小時任飲任食放題更加可令人放鬆、輕奮和開心。餐廳裝修是工業風，枱與枱之間也闊落，坐得非常舒適。首先，店員會送上每人一份的象拔蚌五品刺身盛，有新鮮大隻的甜蝦，肥美的三文魚，爽口彈牙的象拔蚌，鮮味的鮑片和卜卜脆的希靈魚。然後送上湯底，湯底選了韓風人蔘雞鍋，人蔘味濃厚，配合海鮮或肉類都唔錯。接著就是旬之海鮮盛合，有大大隻聖子、大大隻鮑魚、脹卜卜生蠔、生猛海蝦、不同的貝類和脆鯇，新鮮美味。再來的就是極上安格斯牛小排，牛味濃厚，入口溶化。最後就到雙目海鮮滑及醬爆手打薑汁貢丸，墨丸滑及鯪魚滑新鮮起膠，醬爆手打薑汁貢丸入面薑汁豐富。唔夠還可以無限追加以下的食物。當然唔少得自助的火鍋食物(例如大量蔬菜)、壽司、飲品(例如不同罐裝、紙包、汽水機、自製檸檬茶等等)、冷盤(例如凍蝦、螺肉、沙律菜等)、熱盤(好多種類，不時換款，我見過薑蔥炒蟹、辣雞鍋、原條蒸魚、炆牛腩等等)、甜品(不同的雪糕雪條，迷李蛋糕)，好大規模，各式其式。食物種類之多，實在可以令人食幾個鐘都有新鮮感。…查看更多

好耐冇約中學老友聚聚，難得今日我地四個都得閒，當然要出黎食餐好啦。我地四個都係港島返工，老友揀左呢間上網評價唔錯而OPENRICE有優惠嘅千賀水產の鮮鍋道場，我地收工約埋係時代廣場集合，一齊出發。🏃千賀水產の鮮鍋道場位於銅鑼灣智選假日酒店，原來正正就係對住時代廣場，雖然落緊雨，不過咁近我地唔駛開遮都行到過去。餐廳好大間，我地未到7點已經上到去，因為未到繁忙時間，餐廳最入面嘅區域都未需要開，餐廳裝修設計時尚，燈光充足，而且座位寬闊，整體環境好舒適。😙除左無限追加嘅火鍋配料之外，酒店式自助餐區食物種類都唔少，青口、蝦、壽司同其他熟食源源不絕地供應，另外，飲品同甜品款式都比普通放題多。👍千賀水產の鮮鍋道場另一賣點係每人一份的海鮮盛合同刺身，海鮮盛合有蠔、鮑魚、安格斯牛小排等高級食材，海鮮新鮮，當中我特別鍾意蠔，蠔肉飽滿多汁，非常鮮甜。刺身入面我就覺得象拔蚌同三文魚最好食，三文魚每一件都係魚腩部位，分外鮮甜。😋其他無限追加嘅火鍋配料質素都唔錯，最重要係有6小時任飲任食，可以邊飲邊食邊聊天，慢慢嘆，呢餐我地都食得好開心。用埋OPENRICE優惠，埋單只係$260位，性價比好高。👍…查看更多

得知銅鑼灣假日酒店有一間高性價比高的火鍋，今日特地與友人朝聖一番！餐廳位於智選假日酒店內，但應該不是隸屬酒店旗下的。自助區非常闊落！而且很整潔衛生！光看餐廳名字「千賀水產の鮮鍋道場」，已覺得很有霸氣！只需要268+1的價錢便可以享用火鍋飲食及大量熟食、刺身、甜品及飲品！可追加的款式不算多，但勝在質素非常好。火鍋前先來一盤刺身五品盛！內有象拔蚌，三文魚🍣甜蝦、北寄貝！每樣都很新鮮，尤其象拔蚌真的很鮮甜！湯底選了昆布高湯、壽喜燒，sukiyaki湯底不會偏甜，配牛肉絕配！指定配的安格斯牛小排只有一碟。雪花平均分明！入口即溶！高質到一個點！就算任食的牛肉都不會太質素參差！同樣牛味香濃！再來海鮮拼盤，有鮮鮑魚，大蚌、基圍蝦等貴價海鮮！全部非常新鮮！一點都不像任食質素。鮑魚非常鮮甜！肉質厚實蛽肉同樣非常爽口鮮甜！高質到一個點基圍蝦新鮮無比、上枱時仍跳跳紮！鯇魚片厚薄適中！同樣肉質鮮甜！甜品及飲品同樣為自助形式！涼茶汽水熱茶樣樣俱備！甜品有蛋糕、布丁、韓國雪條，為晚餐劃上完美句點…查看更多

上星期試左想試好耐嘅千賀水產😛有得打邊爐，有得食魚生，仲有得食buffet添！真係一次過滿足我N個願望喇😋先選湯底，加28蚊就可以選鴛鴦鍋，我地當然唔放過👍🏻真係要大大力推佢個皮蛋香茜湯，一路打一路飲真係好好飲😋調味混醬要喺出面整左先，都幾多選擇！然後就可以自助選擇想食嘅配料，自己爽，份量可以自由選擇😍蔬菜都有好多款嫁😍除左呢啲之外，仲有海鮮呀🤤有硯、蚌、蟶子、鮑魚、蝦等等，好新鮮！仲有放題必點嘅魚生添！雖然份量每款每人一片到，不過夠喇仲要留肚打邊爐嘛🤗任點嘅豬都好正，一定回頭點！鯪魚滑、蝦滑都好爽口呀！總括黎講，呢個價錢食到咁多野，真係好掂喇！冇影到嘅仲有甜點蛋糕、雪糕、雪條添😋…查看更多

已經很耐沒有打邊爐，今天和朋友去銅鑼灣的千賀水產の鮮鍋道場食火鍋放題，放縱一下平日收費$268，看似有點小貴，但其實十分超值，因為餐廳食物高質，同時大方不孤寒，食物不停補給，叫幾多來幾多不走單。每天不想太重口味，所以選擇了忌廉濃湯雞白鍋，味道剛好不會過濃，可以突出食料本身的鮮味。前菜有極多款式，沙津、壽司、炸物、熟食任君選擇，熟食更會不定時換款，有意外驚喜！先送上象拔蚌五品刺身盛，份量恰到好處，質素更比不少放題高，而其中的大蝦最令人滿意。海鮮盛合有不同的海鮮，貝類清洗乾淨無沙，入口鮮甜彈牙，記得別淥太耐！極上安格斯牛小排，脂肪紋路上佳，牛味濃郁，肉質鮮嫩，上乘之作！任叫的美國穀飼肥牛片亦沒有將貨就價，油脂沒有安格斯牛小排豐富，因此牛肉味更為濃郁。有多款蔬菜，每款都非常新鮮，不似坊間一般任食火鍋溶溶爛爛，更有其他地方少見的蟲草花和秋葵。食到後段更有原條蒸魚，令人喜出望外！甜品方面選擇非常多，本人最愛MELONA雪條，在這裏可以吃個夠！店員服務殷勤專業，在現今服務業實在少見，值得一讚！…查看更多

係天氣溫度影響食咩, 難得真正感受到冬天低溫, 打邊爐應該入選呢期火紅開餐之選, 而呢間無限時任飲任食火鍋放題, 就仲更火紅坐落於酒店3樓, 每位$268一早訂好位, 去到時入坐率已經有八成, 今次可以坐入房, 環境較大廳為清靜, 傾計較方便呢度嘅食法係先選好湯底, 然後環球美食菜式及海鮮盛盒會自動送上先送上象拔蚌五品刺身盛, 食材包括: 象拔蚌, 希靈魚, 三文魚, 魷魚及蝦; 每款都食落鮮甜, 尤其隻蝦夠晒大隻, 食起黎相當有口感! 刺身對於港人黎講應該唔會抗拒!海鮮盛盒擺盤靚仔, 有鮑魚, 青口, 蝦, 蜆, 魚片及蚌鮑魚食落夠彈牙青口及蚌烚完都仍然咁大隻, 食落滿口鮮甜味火鍋點少得牛肉, 呢客係極上安格斯牛小排, 顏色幾靚仔, 脂肪分佈適中, 肉味比較濃, 又帶少少嚼勁仲有雙目海鮮滑及醬爆薑汁貢丸, 前者彈牙, 後者薑汁味爆分, 驅寒岩晒食到呢度已經暖立立, 出去凍櫃拎返D凍飲先呢度除左火鍋配料供應外, 仲有唔同款式既食物比你選擇糯米飯, 辣汁煮花螺, 炒排骨, 惹味又滋味凍盤及沙律亦有, 想食壽司?!  呢度都有喎, 每款細細件過下口癮都唔錯以下食物可以無限追加點了美國黑豚肉片, 烚完口感有少少嚼勁想食蔬菜, 菇類及丸類就可以出去食物區自取, 款式選擇都唔少咁就滿足?! 當然唔會啦, 呢度無限時當然食埋甜品先, 有特色啫喱/奶凍, 芝士餅, 布丁杯, 生果及韓國雪條, 每款細細杯可以食多幾款!食材添加次數頻密, 無需擔心無嘢食, 一定要擔心嘅應該係自己個食量如何..............................…查看更多

窩夫的另一個慶生飯局，一行六人去吃沒有限時的日式火鍋放題，可以由五時半入座吃到晚上11時，朋友聚會便不用怕顧著吃而沒有時間聊天。到自助區走一趟，火鍋配料的種類很多，任取任食。較少見的有左邊的一口台灣腸。未齊人的時候，先取熱盤邊吃邊等，豉椒炒蜆和椒鹽蝦都不錯。湯底的選擇有九款之多，分別有日式壽喜鍋、韓國人參雞鍋、血池地獄麻辣鍋、山地野菌清湯鍋、沙茶擔擔鍋、溫野菜蕃茄鍋、黑蒜油豬骨鍋，以及有額外收費的波士頓龍蝦鍋和蕃茄野菌蟹鍋。窩夫與朋友一行六人有兩個鍋，其中一個選了溫野菜蕃茄鍋。六人份量的時令海鮮盛合很大盤，場面震撼，一定要拍張合照。海鮮有蟶子、鮑魚、海蝦、鮮海蜆和脆肉鯇魚片等，都很新鮮，其中海蝦、鮮海蜆和脆肉鯇魚片都可以追加的。象拔蚌五品刺身盛同樣震撼，除了象拔蚌刺身，還有三文魚、北寄貝、甜蝦和希靈魚，三文魚超肥美呢。只限一輪的極上安格斯牛小排，脂肪比例適中，口感嫩滑。同樣只限一輪的手工薑汁貢丸和手工餃子，薑汁加貢丸的配搭很有創意。雙目海鮮滑即墨魚滑和鯪魚滑，大家都比較喜歡墨魚滑，安歌了兩次。一人一隻帆立貝黃金燒，比在其他放題吃過的有水準，新鮮燒起熱辣辣，而且吃得出帆立貝的鮮味。邪惡的響鈴和炸魚皮很受大家歡迎。其中一位朋友超愛吃脆肉鯇魚片。極上羊肉片是無限追加的。愛吃榴槤的朋友極力推介這款雪條，有人吃了兩支呢。不吃榴槤的窩夫則吃了這款椰子雪條，味道不比阿波羅的差。不吃雪條的朋友也有其他甜品選擇，飯後吃些水果也不錯。…查看更多

幾個好友聚會，難得其中兩位剛由澳洲回來，說是很久沒吃火鍋，最近得知銅鑼灣某酒店內，有間以海鮮及火鍋自助餐，於是約同好友前往品嚐。來到酒店，乘電梯，餐廳的大堂，已有多個招徠的招牌，說是火鍋自助餐，又說明價錢及包含什麼，看來不錯。職員帶給我們一個角落，有點自成一角的感覺，大家也非常喜歡，坐下後，發覺裝修有如美式，與火鍋有點格格不入。看到餐牌簡單的介紹，職員也走來簡單的說明，大家了解後也覺得不錯。這餐牌是按人數，供應一份。這些則可以無限地添加，很是吸引，看來也非常地不錯。湯底來之前，自然是找飲品及調味品等。飲品有很多選擇，除了很汽水機外，也有多個本地品牌飲品，還有著名韓國品牌，當中最愛就是檸檬茶及蘆薈汁。火鍋配料，還有其他多種選擇，例如冬菇、蔬菜、麵類等，甜品也有不少選擇，也有雪條及雪糕等，調味品的選擇也不少，花多眼亂，果然是酒店級。走了一圈，取了喜愛的檸檬茶，原來我們選擇的人參雞鍋及血池地獄麻辣鍋已經送上。極上安格斯小牛排、手打薑汁貢丸及手工餃子、雙目海鮮滑，也同時送上。安格斯小牛排看來非常新鮮，而且脂粉與肉比例正合，令大家也很心急。旬之海鮮盛合，即海鮮刺身，雖然種類不多，每種味道鮮甜，鮮香，口感比一般放題為佳，絕對與眾不同。芝士焗元貝，隨後送上，濃濃的芝士香，非常吸引，入口滑滑，卻與元貝鮮味非常配合，兩者互相味道吸引。象拔蚌五品刺身盛，送上枱之際，令大家為之嘩然，種類之多，份量也不少，非常地吸引，大家也覺得這晚到此，絶對不錯之選。安格斯小牛排，入口肉味濃且滑，並沒有因火鍋關係而影響，人參雞湯令口感更滑，血池地獄麻辣鍋更肉味更香，兩個湯鍋也非常配合。多種海鮮也非常吸引，鮮味十足，當中最特別是聖子，一般火鍋甚少會使用聖子，可是聖子若在火鍋中，原來味道更覺香甜，更覺鮮味，比一般清蒸更為可口。象拔蚌也不甘後人，爽脆及鮮味也不差於聖子，鮮鮑魚非常可口，完全沒有難於咀嚼之感，血池地獄麻辣鍋煮過，反而更香更濃，令鮑魚的味道更突顯。安格斯小牛排也過後，再添加黑豚肉及羊肉片，兩者也鮮嫩可口，沒有羶味，值得再添加。肉類過後，大家覺得有點膩口，於是找來其他如蔬菜、響鈴等，最為特別有蟲草花，雲耳等，可謂花樣甚多，真讓人有點意外。最後當然是甜品，試了多種甜品，個人還是喜愛咖啡朱古力慕絲，以及牛奶布甸，而且多吃幾次。雪糕是個人最愛，而且是Dreyer’s這個著名品牌，自然不會放過。一般放題的雪糕，溫度較低，可是這個溫度剛好，很容易盛到杯中，也很合適食用。當中朱古力味香濃，甜味剛好，芒果也非常香滑，最吸引的是粉紅色的，個人口感似是櫻花味，朋友說是櫻桃味，不過這個味道很清新，比朱古力味稍甜，卻又剛好配合其清新，令我多次再追加。這晚的火鍋自助餐，海鮮類的確比很多餐廳為佳，鮮香甜味令人回味無窮，完全勝出，肉類的味道與眾不同，食肉獸定會愛上，說是5.5小時，平日是$268，假日也只是$298，銅鑼灣酒店級的享受，完全是超值之選。…查看更多