魚一壽司 (京都廣場)

銅鑼灣呢間隱世壽司店超hit，樓梯滿Artist簽名，氛圍超好價錢親民（Omakase 都只約300元），食材由日本直送！簡單分享下每樣亮點🤗**Omakase Set**：經典廚師發辦，全共12款豐富到爆！ - **日本直送大拖羅壽司**：肥美拖羅入口即化，油脂甜香。 - **北海道生帶子壽司**：鮮甜彈牙，輕醬油提味，必吃。 - **牡丹蝦壽司**：大隻牡丹蝦脆甜肉彈無腥味好新鮮。- **魚一焦糖鵝肝壽司**：自家焦糖鵝肝融壽司，甜鹹融合創新，鵝肝好滑入口即溶，超推👍🏻- **北海道海膽三文魚子軍艦**：海膽甜美滑+魚子爆粒鮮味層層。 - **蔥拖羅蓉小卷（3件）**：蔥蓉裹拖羅，份量剛好。 - **時令魚生壽司六件**：師傅現場切，鮮度100分，絕不欺場。- **三文魚麵豉湯**：暖胃麵豉湯配三文魚肉熬製湯底鮮美，大量配料在湯內。- **蟹芡茶碗蒸**：蟹肉蒸蛋滑嫩，芡汁濃郁內有大量蟹肉絲。 - **開心果雪糕**：清新堅果味，解油不膩，dessert小驚喜。**散點**： - **1. 日本靜岡縣番茄沙律**：靜岡番茄juicy甜酸，配沙律好清新，健康開胃。 - **2. 深海鯖魚王頭鮫**：深海鯖魚頭鮫超大份😍肉厚鮮嫩，鯖魚燒至脆口，Omega好豐富！ - **3. 喬麥冷麵**：冷麵Q爽彈，醬汁超解暑超match香港天氣。 - **4. 豚肉野菜串**：豬肉串烤野菜，炭香juicy，幸福嘅感覺❤️❤️…查看更多

喺日本冇乜食過魚生，返嚟香港就嚟到呢間人氣日本餐廳食返餐飽唔少明星都嚟幫襯過，確實現場座無虛席呢間嘅丼飯以過海價嚟講，係非常之抵，仲要勁大碗又可以揀多飯，三文魚同帶子勁鮮勁厚，海膽好新鮮，飯底又唔錯釜飯係限定菜式，啱晒呢個季節享用，今次揀白鱔味，更加時令一煲飯有四大嚿鱔肉，又滑又爽，悶煲一陣就開得撈勻晒啲配料，有少少飯焦，實在可口食完魚生飯，仲想食吓左口魚邊壽司，一件都有好大塊魚生，燒過更香口，油香瞬間爆發芝士玉子燒一份都好大份，中間包住芝士，整體有好獨特嘅香味，非常特別燒汁墨魚筒燒得非常嫩彈，唔會過老嚡烚烚，燒汁加添色澤亦提升鮮味芝士燒蠔都大癲，拉晒絲咁，冚住出爐芙蓉嘅燒蠔，不論蠔肉芝士都好香濃嗌串燒一定要食牛舌，呢間牛舌極之大片，而且幾厚切，燒得好嫩口豚肉野菜串都好香濃，醬汁滿滿，裡面嘅蔬菜好爽脆…查看更多

餐廳：魚一壽司地點：銅鑼灣駱克道菜式：日本菜餐牌：多款壽司，軍艦，手卷，卷物，刺身，拼盤，燒物，和食，沙律，炸物，天婦羅，燒物，炸物，和食，小食，串燒，冷麵，冷烏冬，拉麵，丼飯，自選車仔丼飯，期間限定，套餐，兒童餐，非酒精類飲品，清酒，梅酒果汁酒等，甜品。落單用QR code。兩款刺身一齊冰鎮住上枱，另上日式芥末，用黃色花瓣裝飾。活北寄貝刺身 $158 另加一活北寄貝刺身隻殼好大隻，分開身同裙邊兩兜，口感爽脆，味道鮮甜，真係好新鮮。北海道生帶子 $68 另加一北海道生帶子一客四隻，非常新鮮，真係超大隻，又厚又甜，啖啖肉。燒羊架 $78 另加一燒羊架一客兩件，燒得好嫩口，唔會太蘇，連住肥膏油脂豐富，味道鹹香。伴有檸檬同椰菜絲沙律。呢個價錢好抵！牛舌串 $38 另加一牛舌串一串三件，有大有細，面頭灑上黑椒。食落鹹香十足，可以加少少檸檬汁調味，口感彈牙，唔錯唔錯。我叫左兩串。白鱔串 $68 另加一白鱔串一串三大件，燒得皮脆肉彈牙，加d檸檬汁更美味。伴有椰菜絲沙律可解膩。豚肉野菜串 $28 另加一豚肉野菜串一串四件，燒得脆皮豚肉分別包住蘆筍條同車厘茄，食落外脆內新鮮，口感特別，唔覺太油。總括而言，今餐食物質素好，由刺身到串燒都好味道，地點方便，入面座位舒適，裝修非常日式，主要係木傢俱，天花掛左好多燈籠，氣氛唔錯。…查看更多