婆婆珈琲屋

營業中

休息中

原本預計人均$150, 結果叫叫下食咗二百幾😂見啲相好靚，對味道期望唔大，結果味道出乎意料地好😋A. 蜂蜜蘋果咖哩雞肉烏冬隻咖哩類似759買到嘅加熱就食得嘅味道，再家常啲再甜啲，適合喜歡甜咖哩嘅朋友，我喜歡無咁甜辣啲啲嘅，呢款就還好。 配料有蘿蔔，薯仔，雞肉，煮得好腍好入味！至於烏冬就偏腍。B. 金平牛肉定食三位一致認同A to C中，呢個set最好味。洋蔥夠入味，甜中帶微辣嘅肥牛配啲爽口嘅蓮配，十分豐富呢！至於梅子飯，酸酸甜甜唔差嘅，但撈咗半粒梅已經好夠。C. 豚肉生薑燒定食好味嘅，洋蔥相對硬身啲無咁甜，生薑蓉只加係面頭，所以就咁食豚肉味道略微單調。定食之配菜1. 清酒醃糖心蛋蛋黃味道香濃，唔飲酒嘅朋友表示唔喜歡清酒味，但我食唔出。2. 麻醬菠菜口感有啲似韭菜， 麻醬味偏重，遮蓋咗菠菜嘅香味，唔食菠菜嘅朋友都接受到。3. 柚子醃蘿蔔酸甜嘅蘿蔔加甜嘅柚子醬，十分開胃👍🏻4. 麵豉湯材料十分豐富， 有豆腐皮，新鮮蜆肉同菇。 而且用茶杯盛載，食完直接拎起黎飲，幾有趣。加配：明太子富士山飯團打卡一流，味道唔差甜品： 香港奶茶・獅子山芝士奶蓋配XX茶蛋糕（即焗？等咗一段時間）十份match，而

去婆婆珈琲屋真係有啲似去咗日本咁🇯🇵除咗室內裝修走復古風路線，深綠木系色彩加添左啲年代感，擺設仲好精緻可愛🥰雖然日系定食餐廳越嚟越多，但覺得婆婆珈琲屋嘅特別之處係由前菜到餐碟都十分有心思，細緻到水都有分青瓜水同碟豆花水2種選擇💖前菜/配菜：👍🏻清酒溏心蛋：超好食😍 流心蛋黃味夠哂濃👍🏻啤酒柚子蘿蔔漬：味道清新，食咗好開胃👍🏻胡麻菠菜：麻醬去咗啲草青味，唔鐘意食菜都可以試吓😂1.豚肉生薑燒定食 $138生薑燒用上大量洋蔥，甜味滲入豚肉，經過醬汁煮過嘅洋蔥爽甜，送飯一流👍🏻薑味恰到好處，但豚肉份量就少咗啲😂2.北海道三文魚奶油燉菜定食 $148呢個有驚喜🤩係出面比較少見依道菜，但個配搭又幾好食，奶油香滑又唔會好膩，三文魚蘿蔔蘑菇西蘭花燉到好腍入哂味😍但一樣啲三文魚又係少咗啲😂🌟推薦指數：9/10▫️▫️▫️▫️▫️▫️▫️▫️▫️▫️▫️▫️▫️📍婆婆珈琲屋 (尖沙咀)尖沙咀彌敦道176號The Nate1樓

之前經WhatsAppbook咗三次都book唔到 婆婆實在係太受歡迎啦 想見佢一面都好難跟住想再book 既時候，婆婆知會我已經可以經online platform book啦 成件事好好多Book咗星期四晚八點  去到既時候因為朋友仲未到  自己行咗一圈婆婆雜貨店先 好多日系產品 都幾吸引 但因為太肚餓 無咩心機行未黎之前有望過下有咩熱門美食一心諗住叫五品料理 點知黎到先發現原來三品、五品料理係下午既menu  夜晚食既嘢完全唔同抱住少少失望既心情order咗個蜂蜜蘋果咖哩烏冬定食唔知係咪因為太肚餓 我覺得好好食wor 朋友試咗一口都話唔錯 前菜尤其好出色，清酒溏心蛋..酒味好突出而且真係好流心 蘿蔔漬好爽酸甜剛剛好，茶碗蒸好明顥係蒸得老o左唔夠滑，但個味道係夠香既 胡麻菠菜係連唔食菠菜既我都忍唔住成碟食哂，胡麻醬歸功不少朋友叫o左豚肉生薑燒定食都幾唔錯，薑味好重，但D肉係痂實一舊咁至於無跟餐價既富士山特飲 真係如傳說中一樣係一杯幾甜既奶 店員上既時候仲特別叮囑我o地影相就要快同埋一定要搞勻先好飲因為上面既奶泡好快會融化果然影咗一陣 奶泡已經有明顯下沉既跡象到最後入口既時候感覺已經

我早一個星期 book 就 book 到婆婆珈琲屋星期日晚市6:30～ 原本係因為肚餓，所以諗住早少少上去睇吓可唔可以早啲食，但係原來佢哋有員工用膳＆消毒時間，要6點先開返。有消毒時間令人感到好安心～6:30 準時入座，店員放下一杯青瓜水和一杯蝶豆花水。青瓜水幾清新，蝶豆花水無味～飲晒之後可以出去自己添返自己鍾意嘅口味～本身我見網上意見好壞參半，普遍啲人話又貴又唔好食，得個靚字。可能因為有呢啲 comments 打底，質素比我想像中好！餐牌價錢的確係偏貴，加上半自助（要出去排隊點餐＆自助斟水）卻要收加一服務費。但係啲嘢食真係好靚！！尤其是個甜品，又靚又好食！啲餐具同碗碟都好靚好吸睛！餐點味道不俗，唯飯團🍙內明太子太少。溏心蛋非常好食！兩杯飲品含酒精，味道ok。豚肉生薑燒定食 $138明太子富士山飯團（餐+$18）蜂蜜蘋果咖哩烏冬定食 $128蘋果婆婆杯茶 $56（跟餐半價：$28）紅莓婆婆杯茶 $56（跟餐半價：$28）沖繩海鹽 · 富士山 $98用餐時間至到8：00，我個人認為都好足夠，食完之後仲可以去出面睇吓啲日本精品，當自己去咗一轉日本旅行～