林記點心

🇭🇰林記點心·呢間係我哋之前睇果籽推介既 佢真係超級抵食 除翻開每人都係30蚊 超平🤑🤑不過因為我哋1點幾先去到 所以佢好多點心已經賣晒 如果大家想試多啲點心 真係要早少少嚟🫢·豉汁排骨飯 l 咸魚肉餅飯$18佢性價比真係一流 $18一碗黎講佢啲餸都真係幾多😈佢啲排骨都幾入味嘅 個肉餅我自己就覺得偏肥少少 不過鹹魚味幾重既🐷不過唔知係咪因為我哋太遲嚟 佢個飯一路蒸住 我自己覺得佢個飯偏乾左少少 但係整體都唔錯既😎😎·鵪鶉蛋燒賣$13 l 干蒸燒賣$14佢呢兩個點心都係超平 大份夾抵食😂😂不過佢呢度嘅燒賣主要都係以豬肉為主既 得好細粒蝦仔 不過佢調味唔錯 雖然唔算話超級好食 但係呢個價錢真係無得輸😌·#rbyeat#rby港式#rby大埔·📍大埔鄉事會街8號大埔墟街市及熟食中心2樓CFS08-09舖…查看更多

日日茶記早餐真係有點悶要轉轉口味，四十載童年回憶街市林記，質素每況愈下越來越差，而且四眼老闆長年黑面，木無表情沒半點笑容，好難溝通呢！發生另一間兒時回憶，洪記已經重開，有機會再嘆嘆！豉汁排骨飯，飯粒濕爛，豉油不香甜，排骨細細不肥美嫩滑，醃味可口度大跌，幸好保持唔難食。乾蒸燒賣，平凡豬肉球，彈彈有汁夠美滿。鮮蝦餃，厚硬餃皮，好彩鮮蝦算爽甜。四寶雞紮，無魚肚換來兩條芋頭，我不吃的！膠感大紅色蟹柳假假的味道，火腿彈牙咸鮮多汁，雞柳硬實帶渣唔太差，過過口癮罷。豉汁蒸排骨，多年穩陣色香味俱全，肉香甜彈滑嫩但骨頭多並且細細粒。豉汁蒸鳳爪，乾乾瘦瘦不脆彈，豉味淡淡。梅菜蒸肉餅飯，老人家的日常，晨早兩盅加幾件再幾件。簡單的咸甜交錯，反差的美妙絕倫。甜梅菜爽爽，咸肉餅嚥韌，豉油撈濕飯拼得來合格。鵪鶉蛋燒賣，招牌點心嗎？肥豬肉油潤，搭上乾乾鵪鶉蛋剛剛好。高湯鮮竹卷，全蔬菜滴著清甜菜汁，灌著高湯滋潤腐皮，配搭得宜。叉燒腸粉，密不透風，厚過棉胎的結實粉皮，零星的叉燒碎像大海撈針。乾蒸牛肉，山竹牛肉球沒有了！點點微弱滑牛味，微彈微滑入得口。咸魚蒸肉餅飯，實實油浸咸魚件不是霉香種，唯有細心地分成粒粒，大大舊肉餅一丁點咸魚肉加甜豉油撈飯，還是美滿的。間中都要逃離出前一丁，傳統一下嘆杯靚茶，食盅飯加幾件點心。香茜魚翅餃，幸好沒有半點茜味，芫茜青味我食不到的。整粒塞入口有著日式餃子的感覺，蒸日本餃子質地及味道，餡料包得脹卜卜，肉味強烈而多汁。鴨腳紮，鴨腳難得極入味，香甜可遇不可求，皮脆肉彈，蠔汁芬芳。雞絲粉卷，散筲筲未夾已甩皮甩骨，一夾爆開身首異處，鞋鞋雞肉碎沒什麼味道，菜味濃厚不喜歡。潮州粉果，肥嘟嘟外皮油光令令，滑滑跣到舌尖。滿口肥豬肉，可怕的芹菜。牛肉餅蒸飯，明明牆上掛著鮮牛肉飯，但只有牛肉餅供應，食得到檸檬葉的香氣。輕易將肉餅顏得粉碎像午餐肉，淡淡的調味加甜豉油撈飯無意見。糯米雞，品型糯米雞？雖然眼測沒什麼餡，食落味道不得不讚呢！肉汁濕濕混著黏黏香甜糯米飯。鵪鶉蛋正常，雞中翼一開二，乾鞋硬霉雞肉，迷你骨杉杉。炸雲吞，脆卜卜油淋淋的雲吞皮，雲吞餡有肉無蝦。幾次沾上咕嚕汁放近嘴邊擘開口都聞到怪怪的氣味，油益味？試試淨食香脆無異味，證明係咕嚕汁出事。春卷，深啡色燶燶地，咬落空盪盪，滿嘴滿嘴都是油。蘿蔔絲椰菜餡，竟然係齋春卷。…查看更多