功夫點心

先唔講食物質素，入到去坐低左一陣都已經想走！！疫症下晚巿已經無乜人，估唔到可以咁好服務入到去見餐廳無乜人，我地兩位職員叫我地隨便坐，咁多吉枱我地就揀左張3人枱，我地都未坐定有個亞姐老遠黑口黑面咁呼喝我地問我地要飲乜茶。當佢拎壺茶嚟問我地幾位，話我地2人做乜坐3人枱，要我地搬去隔離張2人枱仲有咁多吉位有需要咁做？2人枱根本放唔晒啲點心囉。啲茶飲晒叫極都無人斟，最後忍唔住拎埋個壺出去叫亞姐加水，點知亞姐話做緊野叫我地返埋位等，佢做完野做會嚟加飲茶無茶飲都算。未食完收走你的野食先無得頂🤬，仲要問都唔問就收走，點呀～係咪趕客⁉️又唔係有人等位，個場仲有咁多吉枱乜玩法，水就唔幫我地加，食物未食完就係咁收走，個亞姐仲好似巡場成日行埋嚟睇，最後一碟點心我仲有半碟，佢又嚟收我忍唔同佢講我仲要，亞姐話咁拎碟點心出嚟放起枱，如事者就收走個蒸籠，點呀！我有比錢做乜要我食到咁受氣，酒樓嘅價錢咁嘅態度❌，可一不可再🚫…查看更多

其實琴日先食完, 但係耐何夜媽媽諗唔到食咩, 唯有再食多次啦...今次終於有得用團購...今次因為都8點幾, 所以都係無咩人, 唔駛等就有位坐...而且坐既位係中間, 所以冷氣都比前一日好...我地今次有用團購, 所以都叫多左野食...我地叫左既有 蟹子香菇燒賣王, 濃湯魚肚鮮竹卷, 鳳凰煎糯米雞, 豉汁排骨飯, 白灼香辣土魷, 南北杏木瓜燉白肺...但之後佢地話 濃湯魚肚鮮竹卷同 南北杏木瓜燉白肺賣哂 , 所以我地轉左 灌湯小籠包同 雪沙香芒卷... 蟹子香菇燒賣王: 上次話明必叫, 今次份量叫Double...但係今次蟹子味無咁突出...但係燒賣王本身都好好食... 鳳凰煎糯米雞: 皮煎香左, 飯比較多, 有d易散, 雞有d騷味...影相幾靚...但唔好食! 豉汁排骨飯: 排骨好入味, 好淋...但係因為自己落得太多豉油, 所以有d濕...但係飯都係好好食...呢個排骨飯係我食過最好食既豉汁排骨飯...平時我唔太鐘意排骨飯都俾5分...不過要注意佢既排骨係用鬆肉粉那過, 如果介意既就唔好試啦! 白灼香辣土魷: 湯汁係辣油同豉油...有d似用老干媽...有唔少土魷, 仲有d木耳tim...本身兩樣野都唔夠味, 但係浸下碗底既汁就好得多...土魷好爽, 好易咬開...但d汁彈到就圍都係... 灌湯小籠包: 睇落去個皮好厚同埋有好多湯...但係一夾就穿, d汁流到無哂...3隻小籠包3隻都穿哂...小籠包皮除左頂頭小籠包接口位其他都可以接受, 但接口位厚到要吐出黎...肉偏肥, 太淋...可以唔叫... 雪沙香芒卷: 平時唔會特登叫香芒卷, 但係團購仲有餘額, 就試埋呢個...椰絲無就住就住, 落左好多...皮睇落有d厚, 但係估唔到QQ咁, 仲有椰汁同淡奶(?)味, 甜甜地我居然覺得好OK...芒果唔酸, 雖然唔多, 但都覺得好滿意! 今次Waitress主動加茶, 雖然有整跌野落我地到, 但都不停道歉...好有禮貌...另外甜品有問駛唔駛後上, 都好細心!…查看更多

星期日屋企人放假，過往為求方便，我們父子二人只會到樓下的酒樓或茶餐廳食。但樓下的酒樓的食物水準實在不行，所以今次決定行遠少少來到良德街找食。來到餐廳門口差不多一點半，有兩三張飛要等，因為前面等的都是三、四人台，只有兩個人的我們拿了飛後就立即有台。餐廳不大，地點亦在住宅區，但非常旺場，坐低之後先開茶，開一壺茶味不太濃的香片。先來的是豉汁排骨飯，份量適中，排骨的數目合理，肉質淋而且入味，淋上豉油，排骨的豬油脂香加上熱辣辣的飯，非常好食，絕對是水準之上。作為包點的酥皮叉燒包卻比較遜色，跟我平時食的酥皮叉燒包不同，酥皮是菠蘿包的皮，老實講真是第一次見，感覺怪怪的，食過之後亦不太喜歡。本身叉燒餡有甜味，菠蘿包酥皮令包甜膩了，而且上碟的時候包身不算太熱，味道亦自然再打折。最後叫的兩款點心，功夫裡的蝦餃和燒賣是每粒計算，父子兩個人叫了兩粒燒賣，加一籠牛肉球試試水溫。燒賣的味道普普通通，肉質較為稠實，可能燒賣肉餡瘦肉做主，入口變得不夠滑，食後亦怕會黏牙。牛肉球就不過不失，肉味不差。價錢來講是抵的，兩父子兩個人埋單都是$74，之前去酒樓飲茶點心都是叫三四款都過百。下次有機會可試試腸粉和其他點心款色。…查看更多