喜記蟹將軍 (iSQUARE國際廣場)

炎炎夏日，總是會讓人提不起食慾，食肉會覺得太滯膩，最適宜吃生猛海鮮~上星期我來到尖沙咀ISQUARE喜記蟹將軍飽嚐了一餐豐足的海鮮宴~環境裝修滿有中國特色，餐廳環境衛生潔淨，座位寬敞舒適。先來火焰蜆和火焰蝦，材料包於錫紙內，店員即場點火，小瓦鍋頓時熱氣沸騰。火焰蜆清酒經過煮熱後味道更加香濃，火焰蜆全部已開口，也沒夾雜沙粒，肉身肥厚，帶有微醺酒香。火焰蝦蝦肉充滿香甜的牛油香味，而且一早已剝了蝦殼，食時更加方便，不怕弄得滿手都是油。桂花酒釀蟹原隻大蟹相當有霸氣，蟹之鮮而肥，大大隻啖啖肉，肉質鮮嫩多汁，酒香與蟹香完美的融合在一起。像我這些不懂拆蟹的手殘者也不用擔心，因為這裡有專人幫忙拆蟹，服務貼心，不怕會出洋相 XD避風塘辣蟹招牌菜出場了！也是不少遊客慕名而來的地道菜式，份量澎湃壯觀的蒜蓉覆蓋蟹面，炒得甘口焦香，十分脆口，薑蔥蒜蓉的香味浸透蟹肉，肉質依然保持多汁嫩滑，我這次選了小辣，對於不能吃辣的我也不會過辣，鹹中帶香辣，非常惹味開胃。豆花上湯浸龍蝦吃完重口味的辣蟹，這道豆花上湯浸龍蝦就可中和一下，入口清新，龍蝦味道鮮美，肉質新鮮爽口，豆腐和時蔬全然吸收上湯的精華。招牌蟹油炒麵蟹油就是來自炒過蟹的油，令原本普通的炒麵添上一陣惹味香口的炒蟹味，麵條炒得爽口夠乾身。…查看更多

男友為興祝轉新工作,就相約我及他朋友到尖沙咀 ~ 喜記蟹將軍吃豐富蟹餐。 店裝潢以紅黑二色為主色調,具中國摩登時尚風, 座位區相當寬敞舒適。 * **【火焰蝦 】 上台後即時點火,有視覺的享受,待煮熟, 破開錫紙後可食用。 蝦已脫了中間殼,方便食用。 蝦肉質結實, 口感細膩鮮美清甜有彈性。* **【火焰蜆 】 以酒帶出蜆的鮮甜味,蜆肉新鮮鮮甜,回味無窮。 火將酒的酒精揮發了, 剩來只有酒的香味。 * **【桂花酒釀蟹 】 咬著啖啖肉肉蟹,肉厚結實甘香又鮮甜味,有層次, 不經意間桂花酒釀在唇齒之間飄逸開來。 桂花酒釀蟹底下汁是金黃色,碟中讓蟹浸潤,帶甜甜清香味。* ** 【避風塘辣蟹 】 以料爆炒蒜香入味,辣味爆走, 酥香香氣四溢,十分濃烈香濃味帶辣, 更令肉蟹更惹味非常,味辣香而鮮甜又入味。 啖啖甘香的蟹鮮味,而蒜粒炒得好香唔油膩, 味道及口感十分豐富,胃口大增, 不消一刻整隻蟹已清晒 !* **【豆花上湯浸龍蝦 】 龍蝦螯都很大很多肉,一口龍蝦肉滿足了蝦肉香氣,口感軟綿,十分鮮味,原汁鮮美,並以上湯煮龍蝦,龍精華滲入湯中十分清甜飲,配上切到好似菊花形豆腐及菠菜,更湯更清甜。* **【招牌蟹油炒麵 】 鍋氣十足,以蟹油、蒜酥炒幼麵,口感略微油, 如加多點芽菜及薑蔥會減低油膩感呢!…查看更多

今次嚟到喜記搵食！ 🎗大閘蟹季節嚟之前～食蟹嘅心癮突然發作～雖然之前都喜記嘅印象麻麻🎗🎗～但為咗食蟹～儘管俾一次機會佢！店內裝潢以紅色為主餐具上有蟹圖案～不過有啲已甩色…火焰清湯蝦 （$98）以鍋上枱～店員再點火煮的～所以叫火焰蝦～但蝦上枱時已呈橙色～相信已經煮過～翻煮會有點過火～清湯係加咗牛油同檸檬汁～不過不夠入味…要讚嘅係蝦已挑走腸部～另外只拆剩蝦頭蝦尾嘅殼～食嘅時候都幾方便！火焰蜆 （$118）同蝦一樣係上枱後由店員加熱～不過呢個係錫紙上有透明窗口～可以觀察蜆熟未～店員會一直幫忙煮到熟先會將透明膠部分撕走～呢個蜆以清酒調味～可惜係有部份蜆仲有沙～需要改進！但份量都算幾多幾抵食～桂花酒釀蟹 （$360）想食蟹本身嘅甜味又唔想食啲太普通嘅薑蔥炒蟹～所以就揀咗呢個桂花酒釀蟹～桂花酒芬芳馥甄～香甜醇厚～但又唔會掩蓋蟹肉本身鮮甜味道！蟹箝絕對係啖啖肉的～但因為殻未扑開～不太有桂花味～而蟹身嘅肉同蟹蓋內嘅蟹膏就俾淡淡嘅桂花味同真桂花包圍～清雅幽香！招牌蟹油炒麵 （$72）普通炒麵一碟～不太食得出有蟹油味不過有落了一點辣椒同炸蒜～都幾香口～豆花上湯浸龍蝦 （$288）豆花有心機地已經切絲～豆味亦非常濃郁～所以個上湯都有濃濃嘅豆香～波士頓龍蝦身上雖然不太多肉～但全身最壯觀嘅箝就啖啖肉～龍蝦箝肉質軟腍～而蝦身就結實爽脆～而且味道鮮甜～可見係新鮮貨色！濃湯鮮茄雲耳浸時蔬 （$75）叫了一堆海鮮～但都要食番啲菜中和吓～呢碟菜出奇地好味道！菜心鮮嫰香甜～而且雲耳亦爽口彈牙～可能因為蔬菜類都係新鮮味美～所以湯底亦見甘甜避風塘炒蟹（$400）此行目的嘅避風塘炒蟹出場！店員主動問要唔要幫手剝殻～然後以純熟手法將蟹殻扑碎～雖然叫咗小辣～但都比想像中辣～由於蟹已走油～可以鎖住蟹的鮮味～再加上蒜蓉以及辣椒一齊炒香～蟹殼充滿濃濃嘅蒜香味和辣椒味～而蟹肉又肥美甘香～每咬一啖都充滿住無比鮮甜同美味！實在令人滿足！蕃薯糖水薑湯不夠辣～蟹始終都係寒涼食物～餐廳以薑湯給客人驅寒～都算細心～但因為太飽～已食唔落蕃薯了…主打蟹嘅餐廳果然最擅長煮蟹～比其他海鮮優秀～而員工亦主動幫忙客人～還不錯！🎗要注意餐廳另收前菜$10同茶芥每位$10㗎！…查看更多

抽起條筋想食蝦蟹, 即時打比另一個海鮮控, 即call 即出, 為了食可以即刻係屋企飛出黎...呢度地方不大亦不細, 太約可容納到七, 八十個食客, 好彩walkin 都有位, 雖然地方不是好大, 但坐得絕對舒服無壓逼感...呢度有散叫亦都有餐, 我地兩條友仔選擇左散叫...很喜歡呢度d器皿都印有蟹既圖案, 好鬼得意呀~~火焰蝦 HK$118賣相獨特, 用上放滿石春既瓦煲上枱, 蝦跟上湯結晶放於鍚紙內, 再點起火, 加熱後上湯結晶開始溶化, 配埋湯內既牛油同檸檬汁, 令已去殼既蝦吸收晒上湯既精華, 蝦肉結實彈牙又鮮甜, 還帶淡淡微酸, 食落特別醒冐, 最後連湯汁都飲光...避風塘辣蟹 (小) HK$480蟹也不算是太細, 我地叫左小辣, 因未食過既關係, 怕太辣會蓋左蟹肉既鮮味, 呢個辣度又的確啱啱好~~ 炒蟹帶有香辣蒜香味, 每啖食落都好惹味, 仲要啖啖肉, 好正呀~~豆花上湯浸龍蝦 HK$288呢個真的比到驚喜我呀!~~豆花整得好靚又好滑, 個湯又夠濃, 龍蝦肉超多, 又夠結實同鮮甜, 絕對物超所值呀!! 湯同樣飲到一滴都無, 因為實在太太太好味啦!! 難以用筆墨去形容呀!! 蕃薯糖水最後每人奉送蕃薯糖水一碗, 薑汁味勁濃, 蕃薯又煲得夠軟身, 呢碗糖水令今晚畫上完美既句號呀~~…查看更多

說起避風塘炒蟹，可能大家只會聯想到灣仔的某橋底。但原來不用過海，在九龍區也能吃到原汁原味的避風塘炒蟹。位於尖沙咀isquare的喜記蟹將軍，其實便是灣仔橋底某著名辣蟹的分店娘親喜歡吃海鮮，今晚便一家人來大擦一番。平日星期二的晚上，入座率達8成，眼看不少是遊客餐廳內有wifi供客人使用餐廳門外有洗手盆，方便食客臨走時可以洗潔洗手火焰清湯蝦，火焰蜆。上枱後店員便會點火，盆下石仔慢慢開始燃燒，幾過癮燒了大約五至十分鐘待芝士與清湯溶透後便可開始吃。火焰蜆，粒粒蜆也沾滿酒味，一口一粒，味道清甜沒沙桂花酒釀蟹以桂花酒蒸煮肉蟹，蟹肉完全吸收了酒的精華，桂花酒能夠帶出蟹的鮮味，令人一試難忘主角出場，期待已久的避風塘炒蟹。選用生猛大肉蟹，蟹肉新鮮重磅，又香又辣，味道充滿層次大大隻的蟹鉗，單是賣相已令人食指大動。店員還會主動走過來幫忙把殻整碎，十分貼心豆花上湯浸龍蝦，甫上枱先嘗一口湯，入口非常清甜，以想不到豆花與龍蝦是出奇地夾，清清的減低膩感老人家一定要有些澱粉質落肚才可。最後來個招牌蟹油炒麵，炒麵蟹油味濃，配上炸蒜頭來吃，惹味無比在喜記，一次過能夠吃盡各式各樣海鮮，最重要是價錢合理，明碼實價，海鮮迷朋友不可錯過…查看更多

海鮮真會令人吃上引, 早2星期游船河中, 已有兩味係白焯海鮮玩完之後就緊係順路起西貢食埋海鮮晚餐不過可能假期人多, 用既料都係一般朋友話不如放工一齊再食過, 最初我以為佢帶我去離島原來只係尖沙咀, 大家方便就腳既地點蟹將軍, 名就成日聽啦, 出自喜記集團, 雖然咁出名但都未食過, 感覺似只係做遊客生意咁咪即係自動送上門比人劏?!朋友當然之前食過無事所以先帶我地去啦我地大約晚上6時多入座, 時間尚早, 但都已有幾檯客人, 雖然大部份都係國內同胞,但都不是大聲說話的那種, 加上可以望到外出景觀既環境, 唔錯裝潢以紅黑色的中國風為主, 新潮得來又不失傳統!環境坐得舒服又乾淨, 最怕檯布有很多污漬, 檯與檯之間都夠闊落侍應送上茗茶及花生後, 就望下Menu先其實望落d價錢都唔係好高消費, 是可以接受到的Menu內當然主要是供應海鮮啦由朋友發板今晚食乜餸, 前前後後點了6個餸知我鐘意食蟹, 更特別點了2份不同煮法的蟹, 正呀!在等候的期間, 眼看隔離幾檯都點了"蟹"的菜式, 黎到無理由唔食招牌菜架嘛先來"小點"兩客咦.....錫紙燒到脤卜卜, 入面是什麼東東?是火焰清湯蝦及火焰蜆是也火焰清湯蝦未煮熱時, 會看到一片片的清湯榚, 雙層的, 好似平時食的榚點白色是芝士湯, 半晶瑩的是清湯邊煮熱時湯榚慢慢溶化, 然後讓蝦吸收湯的味道由於加了檸檬汁在湯榚中, 所以吃的時候會有少少酸, 唔好以為變壞呀蝦殼已預先幫你脫去, 食既時候好方便兩者來說, 我比較喜歡火焰蜆, 大大隻夠鮮味吃畢2個火焰海鮮後, 桂花酒釀蟹跟著上來好大隻呀~~加埋桂花香氣樸鼻, 狂吞口水呢肥美的肉蟹已係細隻份量, 肥鉗脹爆多肉廚師仲要排得靚靚, 就像原隻肉蟹形狀端給客人桂花酒釀蟹 $360桂花酒釀清香, 飲少少都唔會醉蟹將軍的侍應們服務周到很多人都怕要自己動手拆蟹, 所以就懶得去食呢度有專人幫你拆埋, 唔使自己用力去爆殼及整污糟自己隻手勁大隻蟹鉗侍應爆開後, 自己三兩下手勢就把殼脫除, 變成肥美的肉鉗, 啖啖新鮮既蟹肉, 肉質有彈性!蟹蓋也充滿蟹榚, 雖然知道膽固醇勁, 但間唔中一次半次無所謂啦, 送到埋口唔通唔食咩 XD拆咗半隻桂花蟹後, 避風塘辣蟹又來了, 喜記的經典招牌菜, 無理由唔叫兩種風味, 廚房也細心的先上清淡的桂花蟹, 才來味濃的避風塘辣蟹, 唔會食唔出2個味道的分別避風塘辣蟹 $480超多香蒜乾, 炒到金黃一粒粒, 又唔會好油, 加上少許辣椒蔥段, 出來係超香蟹腳蟹蓋就躲藏在避風塘處, 只外露2隻肥美的蟹鉗同樣侍應都會細心的幫我地爆開蟹殼, 佢地既手勢好了得, 唔會爆到爛哂, 拆完成個蟹鉗既形都仲起度香蒜乾好味到就咁食都好惹味友人說, 如果就咁用香蒜乾用黎撈白飯都正食完d熱氣野 (對我黎講唔熱氣, 我最鐘意香口野) 來個"豆花上湯浸龍蝦"清一清喉嚨先呢度既每一道菜嘅賣相都會令你胃口大開, 不知不覺間會食多咗豆花上湯浸龍蝦 $288勁欣賞呢個豆花, 切成一條條幼絲, 都幾考師傅既刀功, 而且不是硬豆腐喎豆腐超滑, 加埋上湯一齊, 好似自動滑入喉嚨, 都唔使咬添呀! 相比下龍蝦就不算特別了, 又可能之前已吃了幾款海鮮, 已有飽肚感的關係吧大家話雖說飽, 最後來個"招牌蟹油炒麵", 喂....好香好吸引囉麵絲幼細, 單吃可能唔夠特別我地加埋避風塘既蒜香碎一齊食, 竟然成碟都KO埋怕肥, 怕高膽固醇都唔理啦, 照食可也招牌蟹油炒麵 $72經理見我地食飽飽後, 仲話送糖水比我地, 本先想拒絕, 因為堅飽但一聽到係"薑汁蕃薯糖水", 身體就不能拒絕了就算唔食埋d蕃薯, 都要飲下薑汁, 因為蟹肉寒涼, 呢點蟹將軍做得非常貼心糖水唔會太甜, 亦有薑汁, 所以我成碗飲哂, 係淨番d蕃薯今餐我地的確係點多了份量, 相信4個人都食得到其實計番都唔叫貴, 亦唔係劏你一頸血既價錢至少質數, 食材, 服務係比到我地滿意蟹將軍除出名海鮮菜式外, 原來仲有小菜, 都只是大排檔價錢 (可能仲平過添喎)其實人少少細食的話, 可以試下呢個EPS promotion, 巧抵囉…查看更多

最近，耳邊經常出現呢句:雞全部都係雞，可能你話我有幻聽。如果真係有，應該多得自己班朋友，日日係度loop。不過今晚暫且放下雞，因為去左食蟹。以蟹做賣點既餐廳，唔駛問都知呀媽係女人，餐牌有蟹，入嚟叫蟹係指定動作。不過蟹以外都有其他野食。火焰蜆，火焰蝦火焰既組合，即場用火將蜆同蝦煮熟。蜆既味道都幾鮮甜，而蝦放入左高湯同埋芝士去燒，味道香濃。桂花酒釀蟹桂花酒香未食已經聞到，大大隻既蟹浸係桂花酒上已經好吸引。你見到咁大隻解鉗要自己開真係有d難度，所以餐廳侍應都會主動行埋嚟幫手開，唔駛自己搞。蟹肉充滿桂花酒味，而且多肉。豆花上湯浸龍蝦豆腐花加龍蝦，好新鮮既配搭。上湯同時擁有龍蝦既鮮味同豆腐既香味。豆花食落滑口，龍蝦鉗大隻多肉。一啖豆花，一啖龍蝦，再加一啖湯，多重享受。避風塘炒辣蟹大量香蒜鋪面，避風塘味道十分突出，未食喉嚨已經有吞口水既自然反應。蟹肉炒至乾身，又辣又香，夠惹味。招牌蟹油炒麵炒麵爽口，軟硬度適中。蟹油炒雖然帶有少少辣，但辣得吸引，令普通既炒麵變得香口，而且蟹油緩和左炒麵乾身既感覺。最後，食完呢餐，最少係今晚，我會loop:"蟹全部都係蟹！"…查看更多

很久沒有與朋友想見，大概已有一年多。今晚相約在ISQUARE晚飯，一來位置方便；二來食物種類繁多。朋友最愛吃海鮮，二話不說地想起【喜記蟹將軍】。起碼酒樓坐得舒適又不會趕人走。 入內前，大大個魚缸放有各類的海鮮及蟹仔；門外更有鮮紅色的大蟹，完全被吸引著。一行四人，經理推薦我們吃個套餐；抵食又齊全適合我自選。 火焰蜆 利用錫紙包著一堆蜆仔，熱力令到錫紙表層澎脹；蜆身滿滿酒香肉質鮮味，味道不俗。 火焰蝦 六大隻的鮮蝦，利用錫紙將原煲燒焗打開後滿滿牛油香。蝦身鮮味甜美，不用配上任何醬料已經好好味。有時候，少一點味道，但會多一份鮮味。 桂花酒釀蟹原盤的大蟹蓋登場，已經極具吸引。多隻蟹鉗、蟹肉而且配上桂花酒鮮味。不過蟹膏不算多，稍為失色可能不是蟹仔全盛的季節。 豆花上湯浸龍蝦 平常食得多都是龍蝦配伊麵，但太肥膩的關係倒不如單點上湯。上湯的龍蝦湯味配上豆花相當滑溜，而且豆花的份量都比較多。 避風塘炒辣蟹這個避風塘炒辣蟹，份量足夠4人食用。炒蟹可以分別有小辣、中辣、大辣，認真原碟辣蟹上場香氣四溢。一大對蟹鉗相當有睇頭，蟹肉厚鮮配上金銀香蒜，惹味無比。不吃得辣的我，選擇小辣已覺滿足。鮮茄濃湯雲耳浸時蔬 吃了一大堆海鮮，來一客蔬菜是常識吧！顏色上都相當美妙，紅紅的蕃茄的鮮與娃娃菜令人津津有味。最重要是雲耳的爽口，湯汁亦不會太膩。 招牌蟹油炒麵 估不到這個炒麵，卻是我最愛的選擇。小辣的關係，蟹油的香味及油份，完全令人愈食愈想食。…查看更多

呢度環境幾舒服, D 碗碟有隻蟹好得意超級鍾意食海鮮既我，今餐真係食得好滿足，睇吓我食咗Ｄ乜:先嚟兩樣：火焰清湯蝦，火焰蜆，上菜後要燒一陣蜆快熟Ｄ，超鮮甜，不過唔夠熱火焰蝦燒咗好耐，全程有侍應幫手睇實，一熟食得就拎出嚟俾我哋隻蝦好新鮮，已經去咗殼，食得好方便，佢有Ｄ酸酸哋既汁，我自己就麻麻哋豆花上湯浸龍蝦呢個好有驚喜，個湯好鮮甜，比起嚟緊既濃味菜式，呢個可以清淡一吓豆腐好滑，又有好多菜喺底，隻龍蝦超鮮甜多肉，隻鉗多肉到呀！隻鉗呀! 另外D蟹鉗仲大仲多肉 食到忘我唔記得影相招牌蟹油炒麫呢個比想像中辣少少，不過好惹味。用蟹油炒好似真係唔同Ｄ，上面有Ｄ招牌炸蒜粒，不過我哋嫌少，要加埋避風塘辣蟹嗰啲落去，呢個算抵食避風塘辣蟹我哋叫咗微辣，已經夠辣，因為配上Ｄ炒炸蒜粒同秘製醬汁，已經好惹味！隻蟹好夠份量，我哋食鉗食到傻咗... 呢度所有蝦呀蟹呀Ｄ肉質亦好好桂花酒釀蟹又一隻蟹! 用桂花酒幾特別，甜甜哋，會清Ｄ，不過都係招牌避風炒辣蟹濃味D正Ｄ哈哈 已經食到好飽喇，有種食醉咗既感覺！之後飲番個蕃薯糖水，好驅寒，仲可以清清個口…查看更多

蟹控又來了！潮流興捉pokemon，我就擰願去捉蟹，因我對蟹實在太鐘情了。其實不只是蟹，所有海鮮我都喜歡吃。今晩一於來個海鮮宴。見隔隣枱火光紅紅，原來是火焰系列海鮮。咁好玩我又點了二款海鮮。先來火焰蜆，可成受一百度高溫的錫紙包裹著大蜆，放滿石春的鍋燃點起火，隨則bi-Li--ba-la的煮起來，不到數分鐘，大蜆就落在我口裡。非常鮮甜，肉厚肥美，不過吐沙程序做得不好，有部份食起來有沙。第二款是火焰蝦，蝦隻旁有一塊塊黃色物體，原來是高湯結晶，當煮起來時會慢慢溶化，蝦隻便會吸收高湯精華。高湯內還加了牛油和檸檬汁，特別醒胃。蝦肉質彈牙爽口確滋味！ 我至愛桂花酒釀蟹登埸了，酒香散發令我為之一振。蟹隻肥厚，啖啖鮮肉，好鮮好美味。原來店方員工會幫客人拆蟹，免卻我們手腳不協調，哈哈....非常窩心。 豆花上湯浸龍蝦這個菜好搞鬼，我完全沒有想過豆腐跟龍蝦會扯上關係，末又係gimmick 囉！豆腐切得好精細似朵盛開的菊花，好美。浸在上湯䀆吸精華。好嫰滑。雖然豆腐好吸引但絕冇搶了龍蝦的風頭。鮮甜美味的龍蝦，肉身結實，口感一流。 略兼上湯太濃有點鹹。另一主角又登場了，避風塘炒辣蟹。這個好食得停不了口。 炸蒜粒微辣勁惹味，每啖蟹肉都充滿蒜香又不失鮮甜，我甚至乎連葱條全部吃清。食過咁刺激惹味的海鮮係時候清清喉嚨了，濃湯鮮茄雪耳浸時蔬最適合不過。最後是招牌蟹油炒麺，麺條分明，炒得乾爽，加入了蔥條和芽菜，非常有嚼口。蕃薯糖水是奉送的，𦍑味強勁，蕃薯軟腍，潤喉，好美味啊！…查看更多