翡翠拉麵小籠包

天文台話19:10打8號波作為無飯家庭，第一時間諗定夜晚食乜好先大有商場入面，我哋俾佢嘅推廣吸引咗$94 一set dinner價錢相當吸引，可惜公眾假期國慶冇呢個優惠可以用到唔緊要啦，實有機會下次可以用嘅入面好大，好多位坐，問咗店員會按正常營業時間，可以慢慢食點菜之後，店員好有禮貌，就切地即刻送上熱茶（仲有紙蓋蓋住水杯面，相當衛生）同埋花生，加分嚟到翡翠拉麵小籠包，食小籠包是常識吧皮薄餡靚，湯汁香濃，有水準再試吓呢個椰菜花代飯嘅「炒飯」，入面有蛋碎、雞肉、菜粒同紅蘿蔔，同炒飯口感係相似，只係飯香俾菜香味取代咗，適合想減少攝取碳水化合物嘅朋友們😂都飽肚，我覺得幾好呢個牛肉炒得都唔錯，咬落剛剛好，不韌不軟成碟餸冇我討厭嘅油淋淋嘅感覺，好少好少嘅辣味吊味入面除咗有青椒紅椒，仲有兩款菇類，係幾好味嘅到甜品，我哋叫咗豆沙鍋餅個皮係燙口嘅，非常爽脆，裡面充滿咗豆沙蓉，好味☺️希望每間分店都會咁有水準，服務食物都好好…查看更多

秋風起又係食蟹嘅季節 呢排見到好多人食大閘蟹🦀唔想自己拆蟹又想食蟹料理最好就係有大廚煮埋依家翡翠拉麵小籠包又推出咗個滋味蟹粉套餐😋當然約埋一家人去開餐啦.💫滋味蟹粉套餐 ($798 / 4人餐).🌟酸辣湯酸辣湯大大碗  豐富足料😙酸辣味道刺激味蕾 夠晒開胃.🌟自選三式拼盤燒椒小皮蛋: 上次都食過覺得好好食所以encore一啖一口嘅小皮蛋做到流心嘅效果🤤 仲有花一樣嘅滑豆腐真係好食到停唔到雞絲粉皮: 雞絲同青瓜🥒都切到好幼細再加埋麻醬同粉皮 感覺非常清新美味燻魚: 魚肉好實淨 味道食落酸酸甜甜🤓.🌟花雕醉雞雞肉嫩滑 而且仲有好濃郁嘅花雕酒味🍶好欣賞大廚斬雞嘅size預得好好 所以好易食又唔會咬到碎骨.🌟蟹粉鍋貼黎到重點之一嘅蟹粉菜式—蟹粉鍋貼!😍鍋貼咬落就食到啖啖蟹粉味🥟而且入邊仲有好多湯汁我食嘅時候唔為意令到湯汁飛左去對面個位.🌟蟹粉蝦球鍋巴呢個鍋巴真係非常有特色仲好好味添🤪脆口嘅鍋巴上面鋪滿蟹粉🥰然後上面再加隻好彈牙厚肉嘅大蝦🍤而且仲好細緻咁加上乾蔥條 成個配搭真係好夾 好似濃縮晒海鮮嘅精華好值得一試😝.🌟重慶水煮牛肉之前食過呢度嘅酸菜魚 今次想試下水煮牛肉但係我地因為怕辣🥵 所以就問吓可唔可以減辣 又好彩可以😬大廚用上辣油去煮 所以依然辣味十足🌶牛肉好嫩滑 份量亦都好多再加啲薯粉同埋娃娃菜 吸埋啲湯汁就好惹味😛.🌟蟹粉豆腐煲上枱就見到成碟都係金黃色🤩就知到有好多蟹粉加埋豆腐平時係普通餐廳食嘅蟹粉豆腐都係蛋黃味🤭但係呢度真係真材實料 所以味道完全唔同 鮮味十足 用黎送飯一流.🌟豆沙鍋餅同店員叫上菜先會黎 所以保持到熱辣辣餅皮夠薄 甜絲絲嘅豆沙 為今餐劃上完美句號☺️.我地再訪除左佢好食又出左新menu之外友善又細心嘅店員都係其中一個原因所以我地係呢度食得好舒服 真係共聚天倫嘅好地方🤗…查看更多

就黎到小編爸爸生日🥳 而佢就最鐘意食中菜所以就搵下有特色得黎又健康嘅中菜一家人一齊食返餐好☺️發現原來翡翠拉麵小籠包最近有以菇做主題嘅套餐早排做完松茸 而今次嘅主角就係黑虎掌菇呢種菇聽落有d陌生 但原來又係一種隱世健康食材😯所以我地就即刻book枱去尋菇🤗💫滋味黑虎掌套餐  ($688/4人用)🌟宋嫂魚羹首先打頭陣嘅係適合夏天飲嘅魚羹🥣大廚採用左白醋 所以味道酸酸地 非常開胃湯入邊有魚肉、豆腐絲同薑絲 好考師傅刀工特別係落左薑絲 所以冇魚腥味同唔怕寒涼.🌟自選三式拼盤套餐仲包左前菜 可以自由選擇:- 燒椒小皮蛋🥚小皮蛋係用咗鵪鶉蛋醃製 一啖一口 入面仲係溏心中間仲有一精美嘅朵豆腐花- 醉豬手🍖豬手好有酒香味 煮得軟硬適中 老人家都唔怕難咬- 鎮江排骨 🍖排骨肉質嫩滑又腍 調味亦都好夾.🌟百步香蔥油餅呢個蔥油餅同一般嘅唔同 佢嘅外型似一個冬甩外層酥皮鬆化 中間包住好多蔥 一人半個都唔係好夠食🤤.🌟黑虎掌小籠包呢道菜絕對係我地黎嘅理由!🤩小籠包外皮係啡色 令人聯想起裏面嘅黑虎掌菇食落好多肉汁 仲多層黑虎掌菇嘅香味食落其實有d似黑松露味而且皮薄又賣相精緻 個人覺得唔點醋都好夠味😋.🌟黑虎掌扣肉呢道菜同梅菜扣肉好相似 不過就將梅菜改為黑虎掌菇 而且扣肉肥瘦適中 淋而鬆化 食落一啲都唔油膩🤓扣肉嘅油香配埋跟餐白飯真係高級嘅享受.🌟椒麻酸菜魚近年大熱嘅酸菜魚係呢度都食到！未食已經聞到好香嘅酸、麻、辣味🌶湯底酸麻辣味非常豐富超足料 而且有後勁 先食到酸辣 麻味慢慢出現魚嘅肉質實淨嫩滑又彈牙仲有寬粉夠晒飽肚 .🌟乾煸四季豆四季豆非常幼嫩 用料高質加埋肉碎送飯一流又健康.🌟黑虎掌蝦仁炒飯 呢個係黑虎掌套餐嘅主食大廚將黑虎掌菇切碎粒加埋入去炒飯 令菇味完美咁散發係每啖飯蝦仁嫩滑彈牙 而且份量都幾多🍤成個炒飯好有鑊氣 米飯粒粒分明.🌟豆沙鍋餅套餐當然唔少得甜品豆沙鍋餅煎得唔油膩 甜脆適中尤其係中間個幾塊 餡料多到流出黎😚.黑虎掌套餐 4人餐份量好好 啱晒當代嘅小家庭而且又經濟 食材睇得出有花心思去選材同鑽研煮法所以食落去唔油膩而且幾健康😌餐廳空間十足 每張枱夠晒大 而且同隔離枱距離充足坐落又闊落仲可以保持衛生 店員亦都有禮真係好適合小家庭聚餐🥰…查看更多