Vision 8

由細到大都在荃灣打滾，這區一向出名多野食，最近約了個舊朋友飯聚選址在荃灣的vision 8Vision 8 坐落在兆和街，鄰近千色店不太難找。星期日晚7點來到也有9成入座率，所以假期最好先book位店內環境清幽，牆上寫著各式各樣的飲品和甜點西蘭花忌廉湯(跟餐) $45忌廉湯呷入口嫩滑，淡淡的西蘭花香味四溢，送餐包絕配Stawberry guava $39 & 青檸梳打 $15坐下先來杯飲品解渴，只要跟餐配任何特飲也是半價的。Stawberry guava: 混合了士多啤梨、番石榴和青檸的梳打, 飲下清甜而且很重的士多啤梨味，女生最like大蝦配龍蝦汁天使面 $178天使面沾滿龍蝦汁，濃郁香氣加上蝦肉既鮮甜，令人食到停唔到口西班牙黑毛豬面豬墩 $198外間較少吃的面豬墩，咬下林林地幾有口感，而且豬味濃郁，美味埋單後，原來可以參加抽獎隨手一抽便抽到6号！獎品是下次晚餐時段可以free一個pizza留返下次一班人泥時用埋就最岩~~~兩個人吃了5百多，價錢合理而且正價比高想在荃灣靜靜地食好西，Vision8 是不錯的選擇

Vision 8雖然是一間小餐館，但在區內都算薄有名氣，平時甚少踏足荃灣的我，今次剛好約了朋友在附近食晚飯，終於可以一試。＊＊＊＊＊＊＊＊＊＊＊＊＊＊餐廳呈窄長形，店面不算大，桌與桌的距離比較近，但座位還不算太擠迫，可以接受。由於甫到時還未夠七點，所以店內還未有其他食客，但一到七點，食客亦開始漸漸增多。Purple Mountain($58)Purple Mountain是一杯由士多啤梨、藍莓和乳酪打成的沙冰，味道酸酸甜甜，沙冰打得夠幼細，飲完非常透心涼，啱晒現在炎熱的天氣飲。Menu有Set Dinner亦有單點，由於Set Dinner選擇不太多，所以我們就決定單點。餐前麵包餐前麵包是普通小圓包，奉上時仍有暖意，麵包亦軟熟，合格。蟹肉南瓜湯($78)南瓜湯上枱時非常熱辣辣，怕熱的我都要等一陣才能飲到。南瓜湯質地濃稠，南瓜甜味濃郁，湯內還有不少蟹肉，值得一讚。香煎蟹餅伴沙律配油醋汁($148)蟹餅約有拳頭大小，旁邊伴以沙律菜，四周再澆上油醋汁。蟹餅炸皮不會過厚，入面見到一絲絲蟹肉，非常足料，調味亦恰到好處。油醋汁令沙律菜多了一份酸香，增加食味之餘亦能稍減蟹餅的膩感。西班牙黑毛豬面豬墩

今日老婆大人比我放飛自我～不過玩左大半日～開始掛老婆～ 所以拿拿林去接老婆放工！！ 帶佢去食 好嘢！！ 老婆仔話想食蠔～ 話想同我補一補！ 所以我哋就入咗呢間餐廳點解呢～～因為佢話一送一喎哈哈雞乸咁大隻字～ 寫到明買一隻送一隻斷估都唔會呃人㗎啦！ 所以林寶同綠翡翠我同老婆仔都買咗嚟試下！！呢排做推廣只要入去鋪頭都會有鮮蝦沙律送～ 真係好開心！本來以為送嘢冇好～ 點知一試落去就知不得了～ 大蝦新鮮 爽甜～～ 新鮮沙律感覺清新 而且 醬料不會太甜！ 非常有驚喜之後就試咗林寶同綠翡翠～ 個人比較喜歡林寶比較厚肉和甜！ 綠翡翠比較爽比較鮮呢個焗龍蝦非常抵食差唔多每一啖每一啖都係龍蝦肉～正～～呢個係由蘋果同芒果蝦做成嘅薄餅！ 感覺好清新而且帶點甜！ 餅底焗得非常鬆脆！ 好味好味呢個絕對係必點之選～ 由於 呢隻豬係食榛果大所以 生一啲都唔緊要可以食到七成熟！ 雖然眼見好紅但食落啱啱好肉質非常嫩滑～ 而且份量極多非常抵食～ 完全係物有所值

約左好耐無見既荃灣朋友係荃灣搵食，佢話住呢頭咁耐未食過呢間就試下啦，簡約既門面既背後，內裡原來係食精緻既西餐架🤩 仲發現餐廳做緊推廣，生蠔買一送一！加$18仲有白酒一杯！咁既絕配做優惠唔係唔食呀！不過本人唔係好飲得酒，所以都係飲返梳打水😅 餐前仲有小小沙律送😍係龍蝦水果沙律，不過不失啦食左2款生蠔，鑽石同綠寶石，鑽石淡味d，綠寶石濃味d，侍應都會好貼心咁叫你食左淡味既先！兩種生蠔都蠔如其名，鑽石生蠔食落口有清澈既鮮甜味，綠寶石生蠔，入口充滿濃濃既海水味，一樣鮮味，買一送一好抵食呀～飲左是日餐湯，係粟米忌廉湯，唔好聽個名普普通通就以為好似啲罐頭湯咁，入口好滑好清新，creamy得黎又唔會太滯，佢個餐包仲係暖既，唔係間間餐廳會做到！之後到海膽焗西蘭花🥦，開頭朋友話點解望落好似得西蘭花既，海膽呢？原來食落口就充滿驚喜，濃濃既海膽香味充斥住成粒西蘭花呀！唔錯唔錯，呢個$48都抵食丫！壓軸係西斑牙黑毛豬燉肉，侍應話會煮到七成熟，開頭對於食豬7成熟都有啲擔心，不過餐廳都應該會衡量左安全先會提供俾客人食，我就姑且試下啦！黎到果然有點血淋淋，但食落口又唔腥喎，仲好鮮嫩，無豬既騷臭味，唔錯唔錯青檸梳打水

天氣咁凍，我哋一坐下就送上兩杯暖水，好貼心。另外又好著重餐具既擺放，每每都小心翼翼放好餐具既位置，感覺好高級!餐湯叫了忌廉粟米湯，濃度适中，有粟米粒粒好咬口! 服務員好有禮咁問是否要黑椒，我當然要啦！嘩，好新鮮，好香既黑椒氣味! 小食叫了酥炸芝麻雞翼配他他醬，熱辣辣既芝麻雞翼再加個他他醬比你點，唔點都夠味，點咗就增添清新感! 沙律叫咗酥炸軟殼蟹配牛油果，牛油果係我至愛，但自己唔識買，揀親都唔夠熟，一擺又擺到過熟，所以每逢見餐廳有得揀我就必定order。 佢仲唔只牛油果咁簡單，再加以調味，非常可口。 則邊又加了些我以為只作裝飾的啫喱粒，經店員小姐介紹後，原來知道係紅酒啫喱黎，大家記得必食呀，清清既紅酒味，好香甜㗎! 仲未完，沙律上的油醋都有氛芳既酒氣，又係加咗紅酒，好好😍👍、好好😋! 主菜係西班牙黑毛豬面豬墩🐷 因為係食穀物長大，所以可以食少少生，廚師推介要七成熟就係最適中嘅肉質…果然好得， 肉質嫩滑好稔，令我好冧佢😍最後叫了 cinnamon coffee和凍檸茶，cofffee的奶泡好香cinnamon味，喜歡肉桂的你一定鍾意!