Plato Cafe & Bistro (吳松街)

今日星期四夜晚黎到佐敦，想食西餐，搵到呢間咁多好評就決定黎食啦😋7點半入到去都好full，入座率有8成，提高左我對呢間餐廳嘅期待🤤見到Menu有精選二人餐，但我地唔係好識食牛扒，就諗住單點。是日餐湯🍅羅宋湯好好飲，好重番茄味，酸酸甜甜好開胃，入面都好足料😆波士頓龍蝦龍蝦汁意大利飯🦞 $158龍蝦汁好惹味，好好食，附埋龍蝦鉗，幫你切埋，一搣就好多肉😍 有三色椒西班牙海鮮飯🥘 $168青口、魷魚、蝦，調味都好好食👍🏻煙三文魚牛油果醬Pizza🥑🍕 $138薄批唔會令你食唔晒😆 我地食完成個飯，都清得晒成個批，三文魚同牛油果好fresh嘅配搭，唔會好油。芝士仲超級多，瘋狂拉絲！Oreo奶昔 （跟餐加$26）賣相好靚，好有心機👍🏻凍柚子茶 （跟餐加$6）重柚子味，潤喉一流👍🏻

今晚佐敦晚餐，餐廳近佐敦港鐵站，十分方便。餐廳店面大，座位舒適。Menu有兩款2人餐可選，精選二人餐或至尊二人餐。我們覺得至尊二人套餐好吸引，就決定這個吧😁至尊二人套餐 | $546有餐湯、頭盤、兩份自選主菜、甜品和飲品，非常豐富忌廉蘑菇湯味道香濃綿滑，口感Creamy 蒜片白酒欖油紐西蘭青口青口大隻肥美，配埋白酒欖油，十分滋味西班牙海鮮飯有2隻大蝦、2隻大青口、魷魚和帶子等。意大利飯軟硬適中，吸收咗海鮮嘅鮮味，醬汁仲有少少蕃茄粒酸味，相當入味美國安格斯肉眼牛扒牛扒五成熟，份量大，外層焦香內裡呈粉紅色，肉質軟腍，伴碟有原個焗薯伴沙律醬汁、烤翠玉瓜和蕃茄，十分豐富是日精選甜品日式芝士蛋糕，芝士質感細密鬆軟，完全唔膩，味道濃郁估唔到提供Movenpick雪糕，有士多啤梨、朱古力或雲呢拿口味選擇，十分抵食餐飲包兩杯$32內既飲品加10元享受了一杯唔錯嘅Hot Cappuccino值得推介

以前係眾安街的舊店係我同朋友週末常去的都市綠洲。疫情後再光顧，Plato 已經搬咗去吳松街，繼續係鬧市中打造chill & relax 嘅小天地。晚市餐牌除咗有單叫菜式外，仲有二人餐和單人餐。******************是次精選單人餐******************🥗虎蝦火龍果沙律份量好足，火龍果加埋虎蝦出奇地match,食完好refreshing 😋🦐海鮮西班牙飯呢度嘅西班牙飯同其他地方有啲唔同，佢更加多似係龍蝦汁意大利飯嘅質地，每一粒飯都吸咗好多海鮮湯嘅鮮味。海鮮非常新鮮、非常大隻嘅蝦🦐同埋魷魚🦑啖啖都係肉，好滿足😋🍖蜜汁烤豬手🐷呢度嘅豬手醃製得好入味。個豬手皮非常之煙韌，外皮有少少烤焦嘅脆脆口感，感覺非常之特別，啱晒鍾意食肉嘅食肉獸。特別讚嘅係伴碟嘅薯條🍟薯條炸得好脆口,上面沾滿左一啲味粉，非常惹味😋********服務********服務態度非常專業。因為今次食頗多海鮮，侍應都非常頻密幫我哋換碟。👍🏻喺度食完晚餐、放鬆完之後，行過隔離街，就可以瘋狂購物，重返人煙之處啦🤗

星期六同老公黎佐敦食晚餐，之前食過油麻地個間，今次食佐敦呢間。晚市套餐包左是日餐湯、自家製餐包、餐飲。是日餐湯係雜菜忌廉湯，忌廉湯唔會結成一塊塊，呢點幾好，而且好夠熱。自家製餐包好好食，非常鬆軟，甜甜地，好想可以無限refill，哈哈。北海道帶子黑松露意大利飯意大利飯偏軟身，黑椒味頗出，都幾creamy，但又唔會膩。西班牙海鮮飯用鐵鍋呈上，海鮮有蝦、魷魚、青口、帶子，個飯有啲似食緊湯飯，幾得意。伯爵茶麻糬蛋卷跟晚市套餐加$38就食到，擺盤好有心機，有聖誕既感覺，伯爵茶味頗出，麻糬又軟熟。餐飲叫左熱英式奶茶同熱意大利即磨咖啡。

同事係AK 既fans , 有關AK 既餐廳都會去打卡， 今次帶我試了位於佐敦的西餐， 又唔錯🥰(5 ⭐️最高） 泰式紅咖喱雞配意粉（4.5⭐️）紅咖喱會辣得有少少「嗆喉」， 配有洋蔥， 而且多汁🥰， 所以配意粉， 可以每條意粉都有汁係上面😁， 只不過係presentation 一般， 味道適中及價錢合理👍🏻。西班牙海鮮飯（5⭐️）尼個真係要讚， 有魷魚、帶子、青口同埋蝦💕。 西班牙飯份量好足❤️， 夠男士一餐食用，價錢亦都貼地😋。伯爵茶麻薯卷蛋 （5⭐️）因為萬聖節就到， 亦都配有相應的佈置， 如南瓜， 蜘蛛網等朱古力🍫。 味道比較清淡， 但優勝之處係中間有麻薯😍😍。 但尼款麻薯較為黏口一點。 🤤 Tiramisu (5⭐️) 層次分明， 香濃的cream加上朱古力粉， 味道唔會太甜過於creamy .加上Halloween 的小佈置🕸蜘蛛網。 好有氣氛呀～

坐得舒服 最重要係冇限時 侍應亦唔會催住你走 食完仲可以慢慢飲埋杯嘢傾陣偈 今時今日好難搵到呢啲地方。set dinner 經openrice訂位有85折。 餐湯蘑菇湯比較淡 加28蚊可以升級龍蝦湯 。 德國豬手 味係ok嘅但個皮唔夠脆稍為失色 配菜沙律菜 新鮮 配酸酸地嘅汁 好味， 西班牙海鮮飯 好味 蝦新鮮又煎得香 個飯軟硬適中 有鮮味， 牛扒要七成熟 肉嫩有肉汁 夠件頭， 意大利雲吞就麻麻地 淨係食到番茄味 雲吞比較淋身 可能我比較少食呢一款菜 唔太識得欣賞。

今天去完動漫節的門口，時間差不多了，就去了找朋友一起吃飯，順便休息一下，輕鬆一下！西班牙海鮮飯（２０８元）這個吃起來海鮮味挺足的，份量又挺不錯，海鮮都有預先煎香，特別是蝦，挺大的一隻，蝦肉又非常結實不鬆散，蝦味足！魷魚圈也挺爽滑的！飯就是全熟帶點咬口，比較符合香港人的口味！意式焗肉醬千層闊麵（１７８元）想不到這裡也有千層闊麵可以吃，那就點了一份來試試。來到的時候也挺大的一份，上面有很多芝士，每一層都有，所以吃起來芝士味特別香，又加了意式焗肉醬，酸甜的味道令芝士沒那麼膩，整體不錯！ＯＲＥＯ曲奇芝士班戟配雪糕（８８元）這個班戟特別加了芝士，所以吃起來比平常的香，而且挺鬆軟的，再加上奶滑香甜的忌廉，配合起來不會覺得忌廉會太膩。而ＯＲＥＯ曲奇也挺新鮮的，吃起來挺香脆，增加了不少的口感！雪糕是雲呢嗱味的，挺幼滑香甜的！雲呢嗱奶昔（套餐＋２６元）這個挺大的一杯，吃起來雲呢嗱挺濃的，應該加了很多雪糕進去，喝起來奶香幼滑，挺不錯！雜莓沙冰（套餐＋２４元）這個雜莓味非常濃，應該是加了不少的果汁，莓的酸甜口味喝起來特別解膩，而且沙冰喝起來特別清爽，夏天果是應該是喝沙冰！是日餐湯及麵包今天的餐湯是蘑菇忌廉湯

Plato Cafe & Bistro @platocafebistro_woosung📍佐敦吳松街186-188號地舖.依間cafe係九龍都幾出名，見唔少人都去過😌 除咗佐敦，原來油麻地都有一間分店😍 啱曬行完街同friend食飯😁 晚市有dinner set，包餐湯、麵包、主菜 同飲品($32或以下)‼️.🥘 西班牙海鮮飯 $198: 海鮮份量充足，有蝦、青口、魷魚，全部都新鮮👍🏼 海鮮飯夠鮮甜😍.🍟 英式啤酒炸魚薯條 $148: 兩大件炸魚好壯觀🤣 炸衣唔厚，而且夠脆😆 配埋大量薯條好正😋.🥛 Oreo Milk Shake +$26: Oreo味好重同rich，而且夠香滑😊 飲完都幾飽😁.🥣 蘑菇湯好香濃，配埋香脆嘅麵包條不錯😚

朋友呢個月生日我話請佢食餐飯，佢就揀左呢間餐廳，仲好為我著想咁預先book埋檯埋單就有折😂佢話lunch食得太飽今晚想食得light啲，所以叫咗個千島夏威夷pizza走芝士，我就叫左個set dinner西班牙海鮮飯，upgrade左餐湯做龍蝦湯，飲熱柚子蜜～Pizza配料比較簡單，就係ham同juicy pineapple加少少蔬菜餅底好薄脆😋 食落無咁heavy，完全符合朋友light啲既要求😀龍蝦湯既質地帶啲creamy，龍蝦味濃郁👍西班牙海鮮飯同以前食開偏啡紅色既唔同，呢度因為加左番紅花所以鮮黃色，加埋咁多唔同種類海鮮，賣相吸引😊飯粒煙韌適中，甜甜地幾好食😋 蝦好大隻，口感彈牙，帶子同魷魚都煮得岩岩好唔會韌👏跟餐熱柚子蜜好足料👍話晒都係朋友既生日飯，佢食得開心滿意就好😙

同事發現到呢間西餐經openrice預先book位會有折好抵食👏 所以邀請我一齊去試下～我地兩個都係愛飯之人，所以佢叫左set dinner西班牙海鮮飯，我叫咗龍蝦汁大蝦露荀意大利飯😂 而佢跟餐點左杯芒果乳酪～試左啖餐湯幾好飲，濃稠適中入口幾綿密，幾重蔬菜甜味👍西班牙海鮮飯飯粒分明，個汁香得黎甜甜地兼呈現鮮黃色，我估落左番紅花，海鮮份量大好新鮮完全無腥味👍而我既意大利飯口感唔錯，幾有咬口幾煙韌，蝦肉紮實得黎爽口，蝦殼煎到勁香勁脆😋 連蝦殼我都想食埋😆 配埋啲菇帶出既鮮味同埋露荀燈籠椒嘅爽口，非常豐富非常夾～希望個優惠可以做耐啲咁我就有多啲時間試埋其他款式👍👍

朋友前好努力open rice邊到適合慶生，最後選擇咗呢間西餐廳，訂埋位。6:30到都有位，店面幾大，仲有上層。去到7點幾就慢慢full。呢間餐廳不限時，好適合慢活，一邊食一邊吹水，幫助消化。 朋友同我點咗兩個dinner set share。 Set dinner包括麵包條、餐湯、主菜同飲品。Like and share fb/ post 仲送黑松露薯條。我地有諗過二人餐，但太多喇，而且會冇咗個生日蛋糕。Set dinner點咗肉醬千層麵同西班牙海鮮飯。千層麵好飽，有五層，上面仲有薯蓉，當然唔少得芝士。完全做到拉絲效果，蕃茄汁中和一下膩。少少遺憾係如果焗脆口d會更好。我地兩個都鐘意西班牙飯多d。飯嘅感覺似risotto ，胡椒味好出，海鮮亦有鮮味。不得不提送嘅黑松露薯條，實屬驚喜之作。薯條食落唔油。脆卜卜配埋濃濃嘅黑松露真係一口接一口。就算食咗陣都好脆。脆得黎入面唔會空心，粗薯條完勝。 飲品叫咗Rose latte，要加$14。咖啡本身好，糖漿淡淡玫瑰味，甜到剛剛好。飲品都水準之作。生日蛋糕係一小件Tiramisu cake，再大件d都食唔曬，因為都已經好飽。碟上仲寫咗Happy B

今日係last day所以一行八人揀左黎Plato食返餐好嘅，慰勞下大家👍🏻!!!提早係電話/openrice book位仲有折扣添!! -環境唔錯，都幾多位，枱之間又唔會太近，唔怕傾計尷尬-⭐️黑松露薯條🍟 (Like & Share facebook即送一客)⭐️我地八個人佢說最多送兩客，咁我諗大概四個人一枱會送兩客🤔 唔錯嘅，薯條係脆嘅但又唔會太鹹，可惜黑松露唔多，味亦唔濃，唔多松露嘅香味😗但以贈送黎講算唔錯-是日餐湯加麵包🥖 (跟餐)中規中矩，正常湯一碗，正常麵包一舊🤣-西班牙海鮮飯 🥘$188我叫左哩個，事關早兩日睇電視見到好想食，點知有啲失望😞成個飯無咩味，飯粒有少少過軟，佢咁嘅色我會expect味道濃返少少🙈海鮮唔錯，有魷魚、蝦、帶子、青口-松子仁火箭菜香草醬意大利粉 🍝$138朋友揀左哩個，食左啖試試味🤣老實講，哩個令我幾失望，佢草青味都真係幾重，誇張啲講句，真係每食一啖，都有種好似隻牛食緊路邊啲草嘅感覺🤢可能我一向對菜無興趣，所以先咁反感掛。。-日式銀雪魚伴黑松露意大利飯🐟 $228果然係一分錢 一分貨，貴少少嘅真係好食好多😭黑松露味幾濃，銀雪魚又煎得香😆早知我都叫哩個😭

女朋友臨飛之前想同佢食餐好少少既晚餐 所以搵左呢間係佐敦既cafe 試試佢 咁佢離地鐵都係5分鐘路程 好易搵到幾鐘意佢有個沖咖啡既位置係樓面到 令到佢緊加似一間休閒既cafe 唔係一間普通既餐廳 客人可以慢慢坐 吹下水 氣氛都幾好 好舒服咁比個menu大家望望先 我地今晚就揀左晚市套餐入邊其中2個餐 價錢都合理唔係好離地 首先我地叫左卡邦尼煙肉意大利粉($158) 呢個係女朋友既緻愛黎 每個dinner set 都有是日餐湯同埋麵包條 今日既日是餐湯係羅宋湯同牛油包 個意粉好既地方係佢重芝士 鐘意食芝士既人就岩曬啦 啖啖都係芝士粉 食落好creamy同重奶味 好滑好香 意粉煮得岩岩好 唔會太過硬身另外我地叫左個西班牙海鮮飯（$188）好足料 青口都有2大隻 仲有大大隻帶子同其他既海鮮 鐘意食海鮮既人可以試試佢 因為差唔多common會食既海鮮都有齊曬 仲有個飯食落幾濃味 又唔會太過濕 好多水分 所以係risotto黎講係做得出色既 最後就叫左杯薑蜜茶既 佢就比較淡口少少 岩唔鐘意濃茶苦澀味既人飲 仲有少少既薑味係到 都幾健康最後2個人

最近和女友在佐敦行街，看到餐廳換了新餐牌，隨便的吃個晚餐！D3卡邦尼煙肉意大利粉 Spaghetti Carbonara ($158)感覺頗足料，煙肉粒都幾多 意粉份量則足夠，意粉都算入到白汁味道，幾濃味。簡單的菜式，味道不錯，但不突出。D5西班牙海鮮飯 Spanish Paella ($188)海鮮炒飯， 有魷魚有大蝦有蠔等配料，飯份量則足夠，炒得都幾香，而且味道不錯，不算太濃味；整體水平可以接受，但不突出。松露薯條只要like餐廳嘅facebook或ig post相就開免費得到薯條，薯格都是新鮮炸成的，非常香脆。整體份量夠，味道又好，絕對值得一食，推薦！以上三款食物質素均不錯，雖然餐廳的作價稍稍偏貴，但環境舒適，會考慮選擇此餐廳。