海安咖啡室

好懷舊的一間海傍茶餐廳。上次去只飲了一杯奶茶和多士。今午和朋友再去食午餐，到達已是1:30pm, 但不是太多人。坐下我便點了凍鴛鴦走甜少奶，朋友便叫了一個餐，有菠蘿油，出名的麵，可配义燒，腸仔，蛋，午餐肉，五香肉等，也有好多選擇。湯底好好味，因加了花奶。食完當然要叫一份馳名的西多士。上時熱辣辣脹卜卜，好新鮮，又厚，有蛋味，非常好食。可以講是近來或在香港最好食的西多士！做得很好，回味。這是一間很有人情味的茶餐廳。質量好，人非常有禮有善。地方懷舊。我覺得有香港情和香港味。要試和會再去。…查看更多

懷舊家庭式餐廳，紅豆冰上面加左個冰球，勁有特色，但記得先我一啖先取起匙羹，西多士超軟熟，勁受遊客歡迎一家人好融洽，待客之道一流，值得一去，下次一定再來，特式懷舊餐廳買少見少…查看更多

海安系我最喜歡的早餐地方。每週週中至少光臨1-2次。雖然選擇不多，但可見食物好有心機：27蚊一個餐，火腿絲通粉加jor胡蘿蔔綠豆粒，個牛油餐包有特登加熱，鬆軟可口。另外我心心念系叉燒撈公仔麵，想吃都要睇岩時間去先duk。11點幾開始供應，個leng鐘就賣完。個公仔麵用自製蔥蒜辣油炒香，叉燒滋味可口，份量足，真系超gem。另外這間餐廳已經有80年歷史，保留到宜家真係不容易。小店在上環甘諾道西，店鋪仍是懷舊模樣。餐廳一直很出名，到宜家仍可以保持高水準。…查看更多

其實我好鐘意哩d舊式冰室，仲係愈舊愈愛呀😁 哩間淨係睇裝修同擺設都知起碼有三四十年歷史。最吸引我黎既除左係哩度夠舊，仲有佢既香蔥碎牛滑蛋厚多士😍紅豆冰&紅豆鴛鴦…普普通通啦，紅豆夠大粒！但如果煮淋多少少就更好喇。我平時唔好蔥，但哩個就愈多蔥愈鐘意！雖然碎牛真係又碎又少，但我覺得個重點係勁滑勁多蔥既炒蛋！💚💛 厚厚的 嫩嫩的喔😚西多士… 充滿香港風味，兩塊包中間仲搭滿牛油！！😍 再淋埋糖漿！真係十級正😎 所以食哩個就唔好諗個肥字喇…香蔥碎牛滑蛋厚多士淨係星期一至四下午兩點半後，星期六、日全日供應。…查看更多

見到餐牌靚咗整齊咗，又有大特寫靚相做招徠，告示牌仲有中、英、日文對照，相信呢度已經由下一代接手。縱使有呢啲轉變，呢度鮮棗紅色嘅油漆木檯櫈、牆上披 口嘅防火膠板、行到條邊甩哂色嘅地磚、樓底嘅吊扇，同埋用福麵做嘅麵厎，等等嘅老店特色，都一一被保留，仲有，個常餐係配菠蘿油，而個福麵係淥而唔係泡嘅 (有食開你就明我噏乜㗎嘞)！呢度嘅叉燒好出色，茶餐廳嘅價錢，做出大酒樓嘅味道！另外，最難得嘅係各位待應阿姨非常殷勤有禮，老店中少見！在裡吃個下午茶，實在太幸福了！在香港，要找一家在食物上枱時，模樣與餐牌的照片有九成似，而且講究擺碟，presentation一絲不苟，更要係幾十年 嘅茶餐廳老店，實在係難！因為全都要用心，而用心是無價的！這裡的西多士蛋味極濃，由三片薄麵包組成，中間沒有塗上花生醬之類(最怕！)，而都是蛋，令整件西多士充滿蛋香，包面的蛋漿非常均勻，炸出來的顔色非常漂亮，但差不多感覺不到油膩感！正！至於奶茶紅豆冰，紅茶的澀味跟紅豆不太夾，還是原味最好！…查看更多

今日同男友去嘆早餐, 每次車經過呢度既時候都好想去試, 外面睇佢個LOOK好似七八十年代既咖啡室, 依家香港地真係買少見少架! 一入到黎, 裡面都係好懷舊, 仲人山人海添, 坐就坐得唔太舒服架啦, 不過呢度都係預你食完就走.男友知我鐘意食菠蘿油, 佢試過話呢度既好正, 強烈推介. 食落真係WOW! 個皮好脆, 個包新鮮又暖笠笠, 牛油你放幾多悉隨尊便, 我地當然放哂全舊啦! 好甘香, 好好味呀!熱奶茶, 男友叫左個茶走, 即係用煉奶去沖, 好香滑!鍋仔公司麵 , 齋係個賣相都好得, 呢度係用褔字麵, 簡真係童年回憶, 一來人大左好少食呢D即食麵, 二來食都係食公仔麵既多, 還記得以前係會整碎包褔字麵再加味粉當SNACK食! 佢D配料都好好味, 當中個鴨胸最正! 鮮味爽口仲夠大件, 好得!呢個係男友熱烈推介, 香葱醉牛炒蛋厚多士, 呢度仲有提供即磨黑椒比你, 好體貼, 個蛋炒得好香好滑, 再加埋個香葱, 加埋個黑椒吊一吊味, 好得, 不過個醉牛個味相對個味就被搶了我地仲未夠喉, 叫左個西多士, 我要比佢兩個WOW! 西多士一向都係我既至愛, 呢個西多士唔單止係厚咁簡單, 佢中間仲分幾層分別搽上牛油, 食落好有質感, 又夠甘香! 炸得岩岩好, 又唔油, 好正! WOW WOW!又發現西環一間好食的茶餐廳, 呢度一定會返轉頭再幫襯啦!…查看更多

星期六下午跟朋友有約會,朋友提議到上環的海安,一向為食的我竟不知道上環原來有間如似特別的咖啡室。下午大概兩點左右到達, 朋友比我早到要坐卡位當然不是問題。出門前上網一查,心裡已經鎖定某幾款食品, 一坐下便點了奶茶紅豆冰, 叉燒撈麵 (加辣), 以及西多士。奶茶紅豆冰茶味剛好, 紅豆煲得軟糯, 快餐連鎖集團的出品即時比下去, 個人認為品質亦比港式連鎖茶餐廳要好, 茶奶比例平均。叉燒撈麵也十分出色, 相信叉燒應該不是自家製的吧, 不過質素也挺不錯, 肥瘦適中, 也沒有嚇人的顏色, 撈麵的麵質亦可以, 沒有過淋的弊病, 只是我覺得可以再熱一點。辣味驟眼根本看不到, 一點跟辣有關的「紅色」都沒有, 可是一直吃下去辣味便浮現。有一小插曲是咖啡室職員忘記了我個 order, 眼見其他人客所點的食物也比我先上檯才發覺我個叉燒撈麵應該漏單了。店家提供兩款不同的西多士, 有用原片麵包炸的傳統式及切開一粒粒的新潮版本, 今次先試一試傳統手勢。西多士的賣相金黃而且脹卜卜, 四邊亦切得很整齊, 即時引起食慾, 淋上糖漿加上牛油, 一口咬落吃盡兩片麵包內的花生醬, 真是人間享受。聽說海安有六十年歷史, 咖啡室內的裝潢充滿懷舊氣氛。紅色絕對是咖啡室的主調, 卡位是用木頭造的, 連包在外頭的軟墊也沒有, 難得是沒有客人認為這是個問題。 吊扇、黑白照片, 以及菜單上寫得剛勁有力的書法, 均看得出店家的心思。正忙著欣賞這些的時候, 耳邊傳來呤呤的電話聲, 回望掌櫃位置先發現有一部還可運作的黑色撥號電話, 好媲美「花樣年華」的風情的確使人神往。最叫我感到貼心是如此懷舊的咖啡室竟然安裝了二十世紀不可缺少的空調, 可以在此悶熱的環境下舒服地懷舊卻又可享受著現代文明的好處, 有人說這是香港最差的時代, 那麼我們要趕緊在地產霸權再進一步雄據此地之前, 我們要珍惜時光了。…查看更多

海安,係我公司有一個好獨特嘅名字--危樓.原因就係次次去親棟樓好似就倒塌咁沒有豪華的裝飾,坐入去,就好似回到六七十年代咁.但亦係好認為最有香港味道嘅奶茶試過佢好多飲品,最後始終都係叫佢嘅奶茶.夠奶味,夠滑.員工亦同食客有講有笑.食物用心.又係一間舊式人情味小店.…查看更多