街坊Cafe

元宵佳節，公務繁忙，沒有閒情賞花燈，放工也只能約在中心區旺角，吃一個大時大節最受歡迎的鐵板餐。一百元以下的鐵板餐，在鬧市區難找，這裏是難得的地方。最近多吃肉類，故點了一個香煎比目魚扒配刁草牛油忌廉汁($99)。比目魚份量比想像中多，燙熱的鐵板盛出比目魚的煎魚香。蔬菜在熱燙燙的鐵板上容易燒焦，甫上桌就應澆上隨碟的醬汁，還要澆到蔬菜和薯蓉底，否則過了一會，底層因高温變焦了。友人點了鐵板燒美國穀飼肉眼 8oz ($99)，肉味濃郁，細細嘴嚼，鐵板烤過的肉香漫漫滲出，比比目魚更好吃。芝士焗西蘭花($68)。中間的芝士較濃稠，旁邊的芝士混和了西蘭花的水份。中間的芝士有拉絲的效果，旁邊的芝士拌著飯吃也不錯。芝士的量多，我們還是把所有的芝士吃完。西蘭花沒有焗成乾花，內裏仍保留水份，與鐵扒肉類伴吃，總覺會減點油膩感。街坊小食拼盤(水牛城雞翼、吉列蟹肉忌廉薯餅、豬肉腸、薯格)($108)，我最喜愛的食物，鄰座剛好也點了一個。我最喜歡的是脆而厚身的德國腸，不會過鹹。我同樣喜歡水牛城雞翼，每一隻外層均勻地包裹着濃厚的惹味醬汁。原以為已因醬汁重重包裹而變得軟稔的雞翼，咬一口才發現內裏蘊藏的外脆內軟，沒有因醬汁而影響口感，雞肉厚而多汁。薯格香脆新鮮，友人說不用沾醬也十分香脆可口。吉列蟹肉忌廉薯餅同樣香脆，但內餡添了一分柔軟。在各式各樣的食材拼搭下，少量新鮮的沙律菜反成了真正的伴碟。…查看更多

朋友派紅炸彈，就番大家地區，所以我哋係旺角搵左一間cafe ，地點非常方便，系旺角地鐵站行10分鐘內就到達餐廳內四面牆壁畫上不同公仔，仲有麥兜添，好親切又有特色，食品、嘢飲、甜品，選擇比較多。座位闊寛，坐得舒服😌極力推介，明太子鮮蝦牛油果意粉$86，意粉質地彈牙，牛油果配合意粉感覺幾特別，而且每條意粉掛上明太子汁，正，鮮蝦大隻彈牙，西班牙海鮮飯$118，味道正宗，都幾多海鮮，份量大菠蘿鮮茄豬扒焗飯$78，味道適中，而且豬扒肉質冧身及入味，豬扒大塊，抵食，芝士濃味薯條，三個味道選擇海苔、七味、椒鹽，我哋梗係揀咗海苔味道，粗薯條面系厚厚香濃芝士及海苔丶芝士仲可以拉絲，非常吸引，仲食唔停口，街坊小食拼盤，包括水牛城雞翼，吉列蟹肉忌廉薯餅，薯格，豬肉腸，炸物全部都炸得香脆，正，嘢飲揀咗杯戀愛大過天及換個他，係熱情果配藍蝶花特飲，飲品名勁搞笑，夠哂特別！下次會再黎…查看更多

好耐冇去過cafe,下雨天食埋飯先返屋企，我哋一行四人係旺角搵左一間不用上樓嘅cafe ，地點方便，系油麻地地鐵站行10分鐘內就到達，入到餐廳見面四面牆壁畫上不同圖畫，好有特色，好似回到中學時代，餐廳餐牌選擇比較多，心大心細嘅我哋都揀左一段時間先揀到！座位闊寛，坐得舒服，服務細心西班牙海鮮飯$118，分量比出邊西班牙餐廳大，味道正宗菠蘿鮮茄焗豬扒飯$78，味道不太酸，仲有好多鮮茄及笳汁，不會焗得乾身，而且豬扒肉質冧，入味，啖啖肉明太子鮮蝦牛油果意粉$86，極力推介，意粉質地彈牙，牛油果配合意粉估唔到味道係咁夾，每條意粉掛上明太子汁，正，而且鮮蝦大隻彈牙，冇雪藏味芝士濃味薯條🍟$48，有三個味道選擇海苔、七味、椒鹽，我哋梗係揀咗海苔啦，粗薯條佈滿香濃芝士及海苔丶非常邪惡但係好吸引，又係食唔停口街坊小食拼盤$108，包括水牛城雞翼，吉列蟹肉忌廉薯餅，薯格，豬肉腸，總括炸物全部都炸得香口香脆，不得不提吉列蟹肉忌廉薯餅，食到蟹肉再配合忌廉一流選擇跟餐加$12揀咗杯戀愛大過天，另一杯單點換個他，其實係熱情果配藍蝶花特飲，超大杯，而且顏色好靚，飲品個名稱好特別，估吾到街坊Kai Fong小店無論服務、食物水準、食品選擇、環境、價錢，都糸超高性比，下次再試其他先，每人都吾史$140.平靚正！…查看更多

在旺角長大的我每逢來到這裡都有莫名的親切感，尤其是旺角的街頭小食，充滿童年回憶！現在這裡到處都是食肆，真的有些選擇困難，今晚經過這間cafe先被一個可愛廣告牌所吸引~ 雞蛋仔甜品，一定要試試呢！餐廳裝修色彩繽紛, 壁畫生動活潑, 增添不少情趣！食物種類豐富，先來一客"鮮蝦青蘋果沙律" (小) $68 ~ 爽肉大蝦配上酸甜青蘋果， 零舍醒胃，令人食慾大增。海鮮龍蝦汁蟹籽蝦子麵 $108 ~ 海鮮配料有青口，魚柳和蜆肉，份量十足。 蟹籽蝦子麵爽口微彈，口感順滑！街坊小食拼盤 $108 ~ 吉列蟹肉忌廉薯餅外脆得來內裡忌廉又滑溜可口; 水牛城雞翼香脆惹味; 炸薯格鬆化香口; 超值兼抵食！此店必試的吉士雞蛋仔伴雪糕 $68 , 揀了紫薯味， 雞蛋仔蛋味濃郁， 香滑雪糕散發迷人的紫薯甜香， 啖啖都充滿風味！今晚實在太飽了，下次先再來試抹茶吉士雞蛋仔伴雪糕吧！…查看更多

上星期日晚約左朋友去旺角食飯聚舊，其中一位朋友話食過街坊cafe 覺得唔錯，所以提議我地去試，因為我地想傾計傾耐D，就約左5:30去餐廳，餐廳冇限時，坐幾耐都得原來當時未夠6:00，所以仲叫到下午茶set ，我地一嚟到已經點左個甜品下午茶，比起單叫甜品會多一杯飲品，我就揀左港女最愛嘅紫薯吉士法式西多士伴雪糕，再配一杯叫‘女神’嘅飲品，其實裡面包含柑桔🍊、百香果、芒果同藍橘成分。先講甜品，賣相好吸引，係用一個紫色鐵鍋盛載，除左有幾塊西多士，上面鋪左紫薯蓉，伴碟仲有綿花糖同朱古力雪糕，呢個組合實在太吸引同邪惡，每食一啖西多士，就有幾種口感又凍又熱，味道配搭得好好，如果個胃仲有quota ，真係想試埋其他甜品而我杯飲品味道亦都好refreshing，杯中有幾粒芒果點綴，一路食一路飲可以消除油膩感覺我地當晚調轉左次序，食完甜品先到主菜，我朋友叫左兩個沙律，分別係大蝦🍤青蘋果🍏沙律及烤雞三文魚凱撒沙律，兩款口味都十分清新，試得出食材新鮮，食完令人好開胃，尤其喜歡大蝦同青蘋果嘅配搭，相信夏天試一定會好消暑再嚟就係街坊小食拼盤，款式包括水牛城雞翼、蟹肉忌廉薯餅、豬肉腸同薯格，一上枱已經覺得食物擺放得好靚，份量多而且方便share ，豬肉腸好咬口，味道不會太咸，薯餅同薯格炸得好脆，只係略嫌水牛城雞翼可以再辣D，但其實成個拼盤已經好出色，一班朋友可以點嚟試下我地另外再點左個墨汁大蝦意大利飯，我其實對墨汁整嘅食物情有獨鍾，去每間餐廳只要見到墨汁嘅菜式都想試，我本身想點餐廳嘅墨汁河粉，但朋友話想食飯所以就叫左意大利飯，不過同樣出色，大蝦🍤夠大隻，墨汁飯味道幾好，飯面鋪上蟹籽，飯中仲有蜆仔及青紅椒等配菜，材料十分豐富，真心食到嘴lam lam飲品方面我朋友就點左熱玫瑰花🌹貴花茶及一杯叫‘我的宣言’嘅藍碟花飲品，其中有白桃及玫瑰成分。我深深被玫瑰花貴花茶嘅賣相吸引，店員將套茶具擺放得好有貴氣，首先玻璃茶壺中盛滿玫瑰花茶，再放上蠟燭上，另外再有兩個玻璃杯，一個用來品味花茶，一個就盛放蜜糖，讓客人可以自己調節甜度，好貼心嘅細節幾個朋友聚舊傾足幾個鐘，餐廳都冇催過我地走，我途中覺得有點凍，問過一位店員可唔可以調節冷氣溫度，店員表示原來冇開冷氣，只係街外有風吹入嚟，我本身諗住咁冇辦法啦，但結果店員主動為我地送上幾杯熱水，我真心覺得餐廳員工服務好好又友善，能照顧客人需要，呢樣好值得讚到最後埋單仲可以用Openrice 訂枱優惠，就係主餐牌75折同飲品半價，計番每人約$150，以餐廳食物質素同服務，我覺得好抵食，一定會推薦親友嚟試下，特別係要支持呢類小店，希望能夠係香港鋪租極貴嘅情況下生存，咁大家先可以試到地道菜式…查看更多

-今次係旺角搵到一間平價Cafe, 價錢大眾化🤗，食物質素不錯😀，岩曬一大班朋友聚會聊天，而且餐廳內仲有好多香港特色嘅壁畫😎，好有港式嘅風味😍有麥兜，老夫子等，係Hong Kong style🤟😚-黑醋汁蕃茄🍅上級牛肉沙律🌿($98)Premium Beef & Tomato Salad with Balsamic Vinegar SauceD菜好fresh, 好鍾意個黑醋汁，配埋沙律🌿和牛肉一齊食，味道好夾，唔錯，而牛肉🐮都唔會太熟，岩岩好🤤好開胃🤗-街坊小食拼盤(Kai Fong Platter Buffalo)($108)（水牛城雞翼🐥Chicken wings，吉列蟹肉忌廉薯餅Crab Cake Gillette Hash Browns，豬肉腸Pork Sausage ，薯格Deep Fried Potato）水牛城雞翼有小小辣，食落好開胃😍d肉好嫩滑☺️吉列蟹肉忌廉薯餅嘅外層炸到香脆👍🏻，內裏是嫩滑忌廉配上蟹肉，但食落淨係食到Cream😂再配埋沙律醬，味道普通，不太特別🙂豬肉腸煎到好香，味道唔算太特別☺️薯格好脆，一d都唔淋，好好食👍，比較鍾意脆嘅薯格😍-黑松露野菌忌廉汁蟹子蝦子麵🍝($98)（Black Truffles & mushroom with Shrimp Roe Noodles in cream sauce）個蝦子麵真係唔錯，煮得岩岩好😉好有口感，仲有好多蟹子和黑松露野菌🍄係蝦子麵上面，好足料， 味道好食🤤-焗肉醬五香肉丁河粉🍝($72)Baked Spiced pork cube Shahe Fen in meat sauce個表面好似焗肉醬意粉😚其實係河粉，有好多芝士，五香肉丁和蕃茄🍅真係好正，依個配搭真係第一次見😂不過覺得重口味，食落好鹹😢-阿華田吉士雞蛋仔伴雪糕🍨 ($68)Ovaltine Custard Hong Kong Style Egg Waffle with ice cream阿華田味道唔夠，食落好似原味雞蛋仔，無咩阿華田味，淨係有阿華田粉灑係雞蛋仔上面，但雞蛋仔食落好脆❤，而吉士醬都有好多🤗 雞蛋仔下面仲有幾粒溶左嘅棉花糖，雪糕，雞蛋仔，棉花糖一齊食味道好夾💙唔會太甜，幾鍾意依個甜品😍-當我想起你🍹（金桔/藍橘）（$48）When I think of you (Kumquat/Curaçao Blue)飲品嘅顏色好靚💙有藍莓☺️味道好fresh👍🏻好好飲😘-…查看更多

大家都知初三係赤口，不宜拜年，所以我今日都唔去拜年，只約朋友吃個tea，傾下計，免得有麻煩，哈！友人是旺角街坊，所以帶了我去一間叫街坊Cafe。餐店門口擺了多份餐牌，亦貼滿大大張的菜式相片，還有一部不停播放介紹餐店的電視，單單門口已很豐富。內裏更加吸引，牆身畫滿香港的景象、街景、寫上本土美食，色彩繽紛，既具代表性，亦很有心思。設有三排長沙發座配四人枱，亦有多張二至四人枱，地方不算很大。看看餐牌，每版都印滿菜式相片，亦分門別類，很清晰。選擇不算多，有輕食、龍蝦系列、2人餐、甜品和飲品。大家對小食較有興趣，故在當中各選心頭好。******************************無菜不歡的我就在小食中選了一客黑松露雜菌雜菜.小煲 Black Truffle Mushroom with Mix Vegetables Pot ($88)，熱辣辣上枱，散發着黑松露香，挺吸引！數數看，配搭了多款蔬菜，有椰菜、西蘭花、雜菌、三色椒粒和翠玉瓜粒，選材多變，色彩豐富。眾蔬菜也保持爽口，黑松露分佈平均，份量合宜，既有黑松露的幽香，亦不會太濃而蓋過食材的味道，不錯！******************************街坊小食拼盤 LainFong Platter Buffalo （$108）以一個重重的大pan 盛載上枱，內有三隻水件城雞翼、三件吉列蟹肉忌廉薯餅、兩大條豬肉腸和一些薯格，並配上少許胡麻沙律菜。大部份都是炸物，全由友人一力承擔，而我只是負責清晒啲沙律，新鮮清爽，不錯！而友人最喜歡就是豬肉腸和吉列蟹肉忌廉薯餅。******************************咖啡的選擇不少，有些口味仲幾特別，烏龍鮮奶咖啡 Latte with Onlong Tea ($38)就是其中之一。大大杯，還有清晰的拉花圖案。入口溫度合宜，質感幼滑度一般，茶味不算很突出，但在咖啡香中也嚐到一份淡淡的茶味。------------------------------赤口最岩去tea, 沒有口角, 還在談話中在友人身中學習了很多。…查看更多

今日約咗幾個朋友食飯，好耐無見，為咗方便傾計，所以選擇Café，貪佢可以坐得舒服些。入到Café見到裝修都幾靚，彩色牆紙係自家設計的圖畫，好有香港特色，密密麻麻的樓宇，維港同觀光船，仲有麥兜公仔添，唔怪之得叫街坊Café啦！今日午餐食得太少，肚餓到我想將餐牌上面的所有食物全部都要，嘻嘻～ 一見到我最愛的龍蝦，佢哋就話要叫比我食啦，真係好幸福呀！＂原隻波士頓龍蝦芝士龍蝦汁意大利飯＂：龍蝦同意大利飯都係我至愛，龍蝦好彈牙，連蝦蚶都食埋，龍蝦汁嘅海鮮飯好鮮甜味美。＂波士頓龍蝦All Day Breakfast＂：茄汁焗豆好夠淋，炒蛋炒得剛剛好，豬仔包好香脆，成個餐都好豐富。＂街坊小食拼盤＂：脆薯格炸得剛好，裡面仲有薯蓉；薯餅內的蟹肉忌廉好滑又好鮮；水牛城雞翼，我怕辣都食到。＂烤雞三文魚凱撒沙律＂：烤雞烤得乾身，加上調味粉，好香；三文魚好鮮甜；沙律菜好清爽。＂蒜香一口牛＂：酸酸甜甜的醬汁好特色好若味，令牛肉粒粒味道提升不少。除咗食物質素之外，Café的服務員都好好，每張枱都坐滿客人，但每次搵他們幫忙，他們都好快回應。…查看更多

中午時分行過旺角女人街，看見有間餐廳叫街坊Café，令我想起小時候住的那區有間小學叫做街坊學校。  我跟男友兩個無聊精在餐廳門口不停研究這個食物擺設到底真定假，最後一致裁定：係真既！  窗門位置貼了這款招牌菜，又吉士又雞蛋仔，我鍾意食喎！所以一於入內一試啦。  環境十分乾淨闊落，牆上裝飾並不華麗卻有心思及親切感。  細看menu才發現原來雞蛋仔甜品要兩點半過後先有……所以我倆唯有安安份份食午餐set啦。  單看餐牌我都沒有留意原來午餐set有餐湯，而且還要是香港街頭特色美食碗仔翅，我開始明白為何這裡會取名做街坊Café了。小時候我最愛食碗仔翅加魚肉 (俗稱兩溝)。  雖然是以餐湯性質供應，但這個碗仔翅卻一點都不馬虎，檯面提供了胡椒粉及淅醋可以因應自己口味而加入。當中有冬菇絲、肉鬆及木耳等配料，調味準繩滿有我小時候吃的風味。 迷你帶子雜菌忌廉汁河粉 $65 一上檯已聞到超級香噴噴，想不到這道中西合壁能帶給我們驚喜。  你沒有看錯，忌廉汁原來不一定要配意粉，這裡用上了中式河粉反而能夠吸收更多醬汁更為入味。配菜加上香草令這個河粉提升了咬口，實在出色。 溫泉蛋鮮茄肉醬意粉 $59 沒有加入芝士焗過的肉醬意粉，感覺較輕盈健康。  將面頭這隻完美火候的溫泉蛋戳破，意粉除了有鮮茄味之外還添加了濃濃的蛋香。 白桃玫瑰藍蝶花凍飲 芒果菠蘿藍蝶花凍飲 午餐set加 $8便可以點藍蝶花特飲，之前在其他地方飲過藍蝶花都是較酸，這裡的味道偏重果香，反而更易入口。 街坊小食拼盤 $108 我倆患了大食積，於是再order了一個小食拼盤。其實我不是很明白為何小食拼盤的份量那麼愛用單數，不過由於我跟男友已有八成飽，所以就沒有出現要爭食的情況XD 這個拼盤我最喜歡的就是雞翼，外脆內軟而且調味較輕手。  忌廉蟹肉薯餅就是忌廉汁多於蟹肉，基本上吃一件已覺很膩。 其實一般人不用點小食已經夠飽，我們二人這樣大吃大喝都只是二百幾蚊，地方好坐又有歌聽，下次可以encore試試甜品。…查看更多