彤福軒

營業中

休息中

期待咗好耐嘅彤福軒今日終於有機會試到，試完之後亦明白了點解咁難訂位，李師傅肯定是當今數一數二的中菜師傅。水晶柚皮︰師傅推介的頭盤最有驚喜，入口清爽，少少的酸味帶出了柚皮的鮮甜，不得了。香芋斑蘭包︰好似係呢一個名。芋頭同斑蘭葉嘅味恰到好處，就是這種剛剛好的感覺，配合得宜。順德拆魚餃︰好睇又好食，不過要提大家唔好掛住影相而搞到個拆魚餃凍晒。皮做得好薄，入面嘅魚肉亦都好新鮮。老陳醋海茸紫茄︰另一個涼拌前菜，茄子做嫩，四粒辣椒仔好好味。蟹粉小籠包︰蟹粉好香，味道濃，小籠包的皮夠晒薄，優質。遼蔘餃︰其實已經唔記得咗呢一味叫做乜野名，好食嘅，不過遼蔘同下面嘅釀肉因為始終質地唔同，所以要同一時間咬晒上下兩樣野有少少難度。蝦乾春菜煲︰很欣賞入面的雅支竹，師傅對食材的運用確實有一手。鳳城五彩炒魚麵︰鍾意佢唔太油，魚麵麵質幾好，配料亦炒得夠香。瑤柱脆皮蘿蔔糕︰呢個都好食，不過比起其他的菜式，呢一個相對一般。甜品拼盤︰精緻到唔捨得食，而且樣樣野嘅味道都好好，色香味俱全，完美嘅句號。

每年大閘蟹季節，都會至少食一次。今年，就揀了瑰麗酒店的彤福軒。見到官網介紹，是八兩重的大閘蟹，邊食指大動！而其餘大閘蟹粉的菜式，也相當吸引。疫情期間，還是選擇到酒店用膳，感覺上衛生會做足一點，而且，枱與枱之間會有一定距離，安全感多了。我與閨蜜們，都沒有選擇大閘蟹餐，因為份量太多，只是選了八両大閘蟹、蟹粉小籠包和蟹粉帶子豆腐。小籠包湯汁及蟹粉都相當豐富，蟹粉帶子豆腐非常之驚喜，份量相當充足，性價比高。另外，還點了幾款廚師推介食物，品質也相當高。當中發生了小插曲，朋友的大閘蟹拆開後，發現內裏沒有蟹膏，退回後經理解釋，原來是該隻大閘蟹，自體未能生出蟹膏。。。真是千載難逢！經理為表歉意，便送上甜品，是招牌的大良炸鮮奶。

2020年是鼓勵遠離朋友及親人的一年，不過我相信2021年必會好起來的！新年的長假期，雖然仍只可二人撐枱腳，但回憶是可以的，去年某月某日我們曾在彤福軒內開心聚。。。感謝發起人的安排，我們在最大的私人房間內：飽覽維港海景、享受美味午餐、高高興興收禮物！據說重開的彤福軒食物很有水準，我覺得都幾好，不過並非一試難忘！雖說如此，來者必試順德拆魚餃，造型維肖維妙，魚肉鮮嫩含湯汁。XO醬脆皮蘿蔔糕 的確做得好，粒粒焦香金磚，最盞鬼添加了香脆的炸米粉，倍增口感，再蘸些桌上備用的辣椒醬更完美。原隻鮑魚黑豚肉燒賣值得一試，本身黑豚肉燒賣已經很好味，只不過上菜時，鮑魚習慣性墜下實在失分！亦嚐了黑松露竹笙上素粿，造型搶鏡，吃工夫已值得。時令蟹粉菜式，美味的蟹粉小籠包含湯汁，蟹粉帶子滑豆腐沒有讓我失望讓，但蟹粉百花釀魚肚就係不能接受，魚肚淡而無味且炆得唔腍，期望落差大！喜歡鮮梅頭蜜汁叉燒是傳統的滋味。亦喜歡梅香水晶柚皮，清香新口味。小菜方面亦嚐了家鄉煎釀鯪魚及潮州黃金煎伊麵。甜點中，草莓蝴蝶酥是極品，錯過是損失；順德倫教糕、香芒糯米糍、大良炸鮮奶都可以；竹炭流心奶黃包是涼的，不討好。補充：之前另一次光顧，嚐了

朋友生曰，第一次去試試，好有驚喜。他們除了有名的順德菜之外，還有好多精緻的廣東點心 。這個黑松露竹笙上素餃好特別，好喜歡！賣相同味道都好。跟住點了果仁酥香牛肉粒，外表好脆，小小辣，肉質好霖。之後試了順德折魚羹，這個似是必食的招牌羮，好多拆了的魚肉，味道好特別，好濃的魚湯。再來又試了這裏另一招牌菜：鳳城五彩炒魚麵。好吃魚麵真的難做。這個魚麵好滑，加上小小炒過的咸魚味道，好特別。再點了蜜汁鮮梅頭叉燒，好霖，甜甜哋，好好味。另一必食之選是原隻鮑魚黑豚肉燒賣，鮑魚的汁配燒賣，十分夾，好想再食一個。朋友再點其他點心，有蟹粉小籠包，蝦餃及柚香水晶柚皮，點心好好味，柚皮比較酸，不識欣賞。生日的甜品，有壽包，好滑的芝麻卷及濃郁的芒果糯米糍，全部都好好味，今次生日的飯局吃到很飽，連晚飯都差點兒不用吃。